ယေ​ရ​မိ 50:18 - မြန်​​​မာ့​​​စံ​​​မီ​​​သမ္မာ​​​ကျမ်း​​

¹⁸ ထို့ကြောင့် အစ္စရေး​လူမျိုး​၏​ဘုရားသခင် ကောင်းကင်​ဗိုလ်ခြေ​အရှင်​ထာဝရဘုရား​က “​ကြည့်ရှု​လော့​။ ငါ​သည် အဆီးရီးယား​ဘုရင်​ကို ဒဏ်ခတ်​သကဲ့သို့ ဘေဘီလုံ​ဘုရင်​နှင့် သူ​၏​ပြည်​ကို ဒဏ်ခတ်​မည်​။

Common Language Bible

¹⁸ ဤ​အ​ကြောင်း​ကြောင့်​ဣသ​ရေ​လ​အ​မျိုး သား​တို့​၏​ဘု​ရား​သ​ခင်​အ​နန္တ​တန်​ခိုး​ရှင် ငါ​ထာ​ဝ​ရ​ဘု​ရား​သည် အာ​ရှု​ရိ​ဘု​ရင် ကို​အ​ပြစ်​ဒဏ်​ခတ်​သည့်​နည်း​တူ​နေ​ဗု​ခဒ် နေ​ဇာ​မင်း​နှင့်​သူ​၏​နိုင်​ငံ​ကို​အ​ပြစ်​ဒဏ် ခတ်​မည်။-

Garrad Bible

¹⁸ ဗိုလ် ခြေ တို့ အ ရှင် ထာ ဝ ရ ဘု ရား၊ ဣ သ ရေ လ လူ မျိုး၏ ဘု ရား သ ခင် က၊ အာ ရှု ရိ ဘု ရင် ကို ငါ ဒဏ် ခတ် ခဲ့ သည့် နည်း တူ ဗာ ဗု လုန် ဘု ရင် ကို တိုင်း ပြည် ပါ၊ ဒဏ် ခတ်၍၊

Judson Bible

¹⁸ ထို​ကြောင့်၊ ဣ​သ​ရေ​လ​အ​မျိုး၏​ဘု​ရား​သ​ခင်၊ ကောင်း​ကင်​ဗိုလ်​ခြေ​အ​ရှင် ထာ​ဝ​ရ​ဘု​ရား​မိန့်​တော်​မူ​သည်​ကား၊ ငါ​သည် အာ​ရှု​ရိ​ရှင်​ဘု​ရင်​ကို ဒဏ်​ပေး​သည်​နည်း​တူ၊ ဗာ​ဗု​လုန်​ရှင်​ဘု​ရင်​နှင့် သူ၏​နိုင်​ငံ​ကို ဒဏ်​ပေး​မည်။

ယေ​ရ​မိ 50:18 ပူးပေါင်းရင်းမြစ်များ

ဟေ​ရှာ​ယ 10:12

ဘုရားရှင်​သည် ဇိအုန်​တောင်​နှင့်​ဂျေရုဆလင်​မြို့​၌ ပြု​ရ​မည့်​အမှု​ရှိသမျှ​ကို ပြု​ပြီး​သောအခါ စိတ်နှလုံး​ခက်ထန်​သော​၊ မျက်နှာ​ထောင်လွှား​သော အဆီးရီးယား​ဘုရင်​ကို အပြစ်ဒဏ်​ပေး​မည်​။

ယေ​ရ​မိ 27:7

သူ​၏​နိုင်ငံ​အဆုံး​မ​ရောက်​မီ​အထိ လူမျိုး​အပေါင်း​တို့​သည် သူ​နှင့်​သူ​၏​သား​မြေး​တို့​ထံ၌ အစေခံ​ရ​လိမ့်မည်​။ ထို့နောက်မှ သူ​သည် လူမျိုး​ကြီး​များ​၊ တန်ခိုးကြီး​သော​ဘုရင်​များ​ထံ အစေခံ​ရ​လိမ့်မည်’​ဟု မိန့်​တော်မူ​၏​။

ယေ​ရ​မိ 46:10

ထို​နေ့ရက်​သည် ရန်သူ​တို့​ကို ကောင်းကင်​ဗိုလ်ခြေ​အရှင် ဘုရားရှင်​ထာဝရဘုရား လက်တုံ့ပြန်​ရာ​နေ့​ဖြစ်​၏​။ ဓား​သည် ရန်သူ​တို့​ကို ကျေနပ်​သည်​အထိ ဝါးမျို​မည်​။ သူ​တို့​သွေး​ကို သောက်​မည်​။ မြောက်ဘက်​အရပ်​၊ ယူဖရေးတီး​မြစ်​နား​၌ ကောင်းကင်​ဗိုလ်ခြေ​အရှင်​ထာဝရဘုရား​အဖို့ ယဇ်ပူဇော်ပွဲ​ကျင်းပ​လိမ့်မည်​။

နာ​ဟုံ 3:18

အို အဆီးရီးယား​မင်းကြီး​၊ သင့်​သိုးထိန်း​တို့ အိပ်ငိုက်​နေ​ကြ​ပြီ​။ သင့်​မှူးမတ်​တို့ လဲလျောင်း​နေ​ကြ​ပြီ​။ သင့်​ပြည်သူပြည်သား​တို့​သည် တောင်​များ​ပေါ်တွင် ကွဲလွင့်​ကုန်​ကြ​၍ စုစည်းပေး​မည့်​သူ မ​ရှိ​။

နာ​ဟုံ 3:7

သင့်​ကို​မြင်​သော​သူ​အားလုံး​တို့​သည် ထွက်ပြေး​ကြ​၍ ‘နိနေဝေ​မြို့ကြီး ပျက်စီး​လေ​ပြီ​။ သူ့​အဖို့ မည်သူ​မြည်တမ်း​မည်နည်း’​ဟု ဆို​ကြ​လိမ့်မည်​။ သင့်​ကို နှစ်သိမ့်ပေး​မည့်​သူ​များ​ကို အဘယ်မှာ ငါ​ရှာတွေ့​နိုင်​မည်နည်း​”​ဟု မိန့်​တော်မူ​၏​။

ဟ​ဗက္ကုတ် 2:8

သင်​သည် လူ​ကို​သတ်ဖြတ်​၍ ကမ္ဘာမြေ​ရှိ​မြို့​များ​နှင့် မြို့သူမြို့သား​အပေါင်း​တို့​အပေါ် ရက်စက်ကြမ်းကြုတ်မှု​ကို​ပြု​ပြီး လူမျိုး​များစွာ​ကို တိုက်ခိုက်လုယူ​ခဲ့​သောကြောင့် ကြွင်းကျန်​သော​သူ​အပေါင်း​တို့​သည် သင့်​ကို ပြန်​၍​တိုက်ခိုက်လုယူ​လိမ့်မည်​။

တ​ရား​ဟော 32:41

လင်းလက်​သော​ငါ့​ဓား​ကို ငါ​သွေး​မည်​။ ထို​ဓား​ကို​ကိုင်​၍ တရားစီရင်​မည်​။ ငါ့​ကို​ရန်ပြုသောသူ​တို့​ကို​လက်စားချေ​မည်​။ ငါ့​ကို​မုန်းတီး​သော​သူ​တို့​ကို လက်တုံ့ပြန်​မည်​။