ယေ​ရ​မိ 50:14 - မြန်​​​မာ့​​​စံ​​​မီ​​​သမ္မာ​​​ကျမ်း​​

¹⁴ လေးသည်တော်​အပေါင်း​တို့​၊ ဘေဘီလုံ​မြို့​ပတ်ပတ်လည်​၌ တပ်ခင်း​ကြ​။ သူ​သည် ထာဝရဘုရား​ကို ပြစ်မှား​သောကြောင့် မြား​ကို​မ​နှမြော​ဘဲ ပစ်​ကြ​။

Common Language Bible

¹⁴ ``လေး​သ​မား​တို့၊ စစ်​ရေး​စစ်​ရာ​ခင်း​ကျင်း လျက်​ဗာ​ဗု​လုန်​မြို့​ကို​တိုက်​ခိုက်​ဝိုင်း​ရံ​ကြ လော့။ ဗာ​ဗု​လုန်​မြို့​သည်​ငါ​ထာ​ဝ​ရ​ဘု​ရား အား​ပြစ်​မှား​လေ​ပြီ။ သို့​ဖြစ်​၍​သင်​တို့​၏ မြား​ရှိ​သ​မျှ​ကို​ထို​မြို့​ထဲ​သို့​ပစ်​လွှတ် ကြ​လော့။-

Garrad Bible

¹⁴ လေး ကိုင် တင် သော သူ ရဲ အ ပေါင်း တို့၊ ထာ ဝ ရ ဘု ရား အား ပြစ် မှား သော ဗာ ဗု လုန် မြို့ ကို ဝန်း ဝိုင်း ခင်း ကျင်း၍၊ မြှား ကို မ နှ မြော ဘဲ ပစ် လျက်၊

Judson Bible

¹⁴ ဗာ​ဗု​လုန်​မြို့​ပတ်​လည်၌ တပ်​ခင်း​ကျင်း​ကြ​လော့။ သူ​သည် ထာ​ဝ​ရ​ဘု​ရား​ကို​ပြစ်​မှား​သော​ကြောင့်၊ လေး​သ​မား​အ​ပေါင်း​တို့၊ မြား​ကို​မ​နှ​မြော​ဘဲ ပစ်​ကြ​လော့။

ယေ​ရ​မိ 50:14 ပူးပေါင်းရင်းမြစ်များ

ယေ​ရ​မိ 50:29

ဘေဘီလုံ​မြို့​ကို​တိုက်ခိုက်​ရန် လေး​ပစ်ကျွမ်း​သော​လေးသည်တော်​အပေါင်း​တို့​ကို ခေါ်​ကြ​။ မြို့​ပတ်ပတ်လည်​၌ တပ်ချ​ကြ​။ ထို​မြို့​သည် အစ္စရေး​လူမျိုး​၏​သန့်ရှင်း​သော​အရှင် ထာဝရဘုရား​ကို ဆန့်ကျင်​သည်​ဖြစ်​၍ ထို​မြို့​ပြု​ခဲ့​သမျှ​အတိုင်း ပြန်​၍​ပြု​ကြ​။ ထို​မြို့​ကျင့်​သည့်​အတိုင်း ပြန်ပေးဆပ်​စေ​။ မည်သူမျှ မ​လွတ်မြောက်​စေ​နှင့်​။

ဟ​ဗက္ကုတ် 2:17

လက်ဘနွန်​တောင်​ကို သင်​နှိပ်စက်​ခဲ့​သည့်​အတိုင်း သင်​ပြန်​ခံရ​မည်​။ တိရစ္ဆာန်​များ​ကို သင်​ညှဉ်းဆဲ​ခဲ့​သည့်​အတိုင်း သင်​ပြန်​၍​ကြောက်လန့်​နေ​ရ​မည်​။ သင်​သည် လူ​ကို​သတ်ဖြတ်​၍ ကမ္ဘာမြေ​ရှိ​မြို့​များ​နှင့် မြို့သူမြို့သား​အပေါင်း​တို့​အပေါ် ရက်စက်ကြမ်းကြုတ်မှု​ကို​ပြု​လေ​ပြီ​။

ဟ​ဗက္ကုတ် 2:8

သင်​သည် လူ​ကို​သတ်ဖြတ်​၍ ကမ္ဘာမြေ​ရှိ​မြို့​များ​နှင့် မြို့သူမြို့သား​အပေါင်း​တို့​အပေါ် ရက်စက်ကြမ်းကြုတ်မှု​ကို​ပြု​ပြီး လူမျိုး​များစွာ​ကို တိုက်ခိုက်လုယူ​ခဲ့​သောကြောင့် ကြွင်းကျန်​သော​သူ​အပေါင်း​တို့​သည် သင့်​ကို ပြန်​၍​တိုက်ခိုက်လုယူ​လိမ့်မည်​။

ယေ​ရ​မိ 50:42

သူ​တို့​သည် လေး​နှင့်​လှံ​ကို​စွဲကိုင်​သော​လူမျိုး​၊ ရက်စက်ကြမ်းကြုတ်​သော​လူမျိုး​၊ ကရုဏာ​ကင်း​သော​လူမျိုး​ဖြစ်​၏​။ သူ​တို့​မြင်း​ကို​စီး​၍ စစ်ချီ​လာ​သော​အသံ​သည် သမုဒ္ဒရာ​မြည်ဟိန်းသံ​ကဲ့သို့​ဖြစ်​၏​။ အို ဘေဘီလုံ​သမီးပျို​၊ သူ​တို့​သည် စစ်သူရဲ​ကဲ့သို့​စစ်ခင်းကျင်း​ပြီး သင့်​ကို​လာ​တိုက်​နေ​ပြီ​။

ယေ​ရ​မိ 50:9

ကြည့်ရှု​လော့​။ ငါ​သည် မြောက်​အရပ်​မှ လူမျိုးခြား​အစုအဝေး​ကြီး​ကို နှိုးဆော်​၍ ဘေဘီလုံ​မြို့​သို့ စစ်ချီ​စေ​မည်​။ သူ​တို့​သည် ဘေဘီလုံ​မြို့​ကို စစ်ခင်းကျင်း​၍ သိမ်းပိုက်​လိမ့်မည်​။ သူ​တို့​ပစ်​သော​မြား​သည် ကျွမ်းကျင်​သော​လေးသည်တော်​ပစ်​သော​မြား​ကဲ့သို့ မ​ထိမှန်​ဘဲ​မ​နေ​။

ယေ​ရ​မိ 50:7

သူ​တို့​ကို​တွေ့​သူ​တိုင်း သူ​တို့​ကို​ဝါးမျို​ကြ​ပြီ​။ သူ​တို့​၏​ရန်သူ​တို့​က ‘​ငါ​တို့​၌​အပြစ်​မ​ရှိ​။ အကြောင်းမူကား သူ​တို့​၏​စစ်မှန်​သော​ခိုလှုံ​ရာ​ထာဝရဘုရား​၊ သူ​တို့​ဘိုးဘေး​တို့​၏​မျှော်လင့်ရာ​ထာဝရဘုရား​ကို သူ​တို့​ပြစ်မှား​ကြ​ပြီ​’​ဟု ဆို​ကြ​လေ​ပြီ​။

ဗျာ​ဒိတ် 17:5

သူ​၏​နဖူး​ပေါ်၌​ရေး​ထား​သည့် လျှို့ဝှက်​နက်နဲ​သော​အမည်​နာမ​မှာ “ဘေဘီလုံ​မြို့​ကြီး၊ ပြည့်တန်ဆာ​တို့​နှင့်​ကမ္ဘာ​မြေကြီး​ပေါ်မှ​ရွံရှာ​ဖွယ်​ရာ​များ​၏​အမိ”​ဟူ၍​ဖြစ်​၏ ။

ယေ​ရ​မိ 51:27

ထို​ပြည်​၌ အချက်ပြအလံ​ကို​လွှင့်ထူ​ကြ​။ လူမျိုးတကာ​တို့​ကို တံပိုးမှုတ်သံ​ပေး​ကြ​။ ထို​ပြည်​ကို​တိုက်ခိုက်​ရန် လူမျိုးတကာ​တို့​ကို အသင့်ပြင်ဆင်​စေ​ကြ​။ အာရရတ်​၊ မိန္နိ​နှင့် အာရှကေနတ် စသော တိုင်းနိုင်ငံ​တို့​ကို ဆင့်ခေါ်​ကြ​။ စစ်ဦးစီး​ကို​ခန့်ထား​ကြ​။ မြင်း​တို့​ကို ကျိုင်းကောင်​အုပ်​ကဲ့သို့ ချီတက်​စေ​ကြ​။

ယေ​ရ​မိ 51:2

ဘေဘီလုံ​မြို့​သို့ ခြွေလှေ့​သူ​တို့​ကို စေလွှတ်​မည်​။ သူ​တို့​သည် ထို​မြို့​ကို လှေ့​၍ သုတ်သင်ရှင်းလင်း​လိမ့်မည်​။ ဘေးအန္တရာယ်​ကျရောက်​မည့်​နေ့​၌ အဘက်ဘက်​မှ​တိုက်ခိုက်​ကြ​လိမ့်မည်​”​ဟု မိန့်​တော်မူ​၏​။

ယေ​ရ​မိ 50:11

ငါ့​အမွေ​ကို တိုက်ခိုက်လုယက်​သော​သူ​တို့​၊ သင်​တို့​သည် ဝမ်းမြောက်​လျက်​၊ ရွှင်လန်း​လျက်​၊ တလင်းနယ်​သော​နွားမတမ်း​ကဲ့သို့ နင်းချေ​လျက်​၊ စစ်မြင်း​များ​ကဲ့သို့ ဟီ​လျက်​ရှိ​ကြ​သော်လည်း

ယေ​ရ​မိ 49:35

“ကောင်းကင်​ဗိုလ်ခြေ​အရှင်​ထာဝရဘုရား​က ‘ကြည့်ရှု​လော့​။ ငါ​သည် ဧလံ​ပြည်​၏​ခွန်အား​အရင်းအမြစ်​ဖြစ်​သော​သူ​တို့​၏​လေး​ကို ချိုးဖျက်​မည်​။

ယေ​ရ​မိ 46:9

အို စစ်မြင်း​တို့​၊ စစ်ချီ​ကြ​။ အို စစ်ရထား​တို့​၊ ဒုန်းစိုင်းနှင်​ကြ​။ ဒိုင်းလွှား​ကို​စွဲကိုင်​သော အီသီယိုးပီးယား​လူမျိုး​နှင့် ဖုတ​လူမျိုး စစ်သူရဲ​တို့​၊ လေးသည်တော် လုဒိမ်​လူမျိုး​စစ်သူရဲ​တို့​၊ ချီတက်​ကြ​။

ဟေ​ရှာ​ယ 13:4

လူအုပ်​ကြီး​မှ​ထွက်​သော​အသံ​ကဲ့သို့ တောင်​ပေါ်မှ ဆူဆူညံညံ​အသံ​၊ တိုင်းနိုင်ငံ​တို့​မှ လူမျိုး​တို့ အတူတကွ​စုဝေး​၍ အုတ်အုတ်ကျက်ကျက်​ဖြစ်​သော​အသံ​ပါတကား​။ ကောင်းကင်​ဗိုလ်ခြေ​အရှင်​ထာဝရဘုရား​သည် စစ်ပွဲ​အတွက် စစ်သည်​အလုံးအရင်း​ကို ခင်းကျင်း​တော်မူ​ပြီ​။

ဟေ​ရှာ​ယ 5:28

သူ​တို့​၏​မြား​တို့​သည် ချွန်ထက်​၍ သူ​တို့​၏​လေး​ရှိသမျှ​တို့​သည်​လည်း တင်​ထား​လျက်​ရှိ​၏​။ မြင်း​တို့​၏​ခွာ​သည် မီးခတ်ကျောက်​နှင့်​တူ​သည်​ဟု​ထင်​ရ​၏​။ စစ်ရထား​ဘီး​တို့​သည် လေပွေ​ကဲ့သို့​ဖြစ်​၏​။

ဆာ​လံ 51:4

အကျွန်ုပ်​သည် ကိုယ်တော့်​ကို​၊ ကိုယ်တော့်​ကို​သာ ပြစ်မှား​၍ ကိုယ်တော်​၏​မျက်မှောက်​တော်​၌ မကောင်း​သော​အမှု​ကို ပြု​မိ​ပါ​ပြီ​။ သို့ဖြစ်၍ ကိုယ်တော်​အမိန့်​ရှိ​တော်မူ​သောအခါ ဖြောင့်မတ်​ပါ​၏​။ ကိုယ်တော်​တရားစီရင်​တော်မူ​သောအခါ သန့်ရှင်းစင်ကြယ်​ပါ​၏​။

၂ ရာ 10:9

ယွာဘ​သည် အရှေ့​ဘက်​နှင့် အနောက်ဘက်​တွင် စစ်ခင်းကျင်း​ထား​သည်​ကို မြင်​လျှင် အစ္စရေး​စစ်သူရဲ​များ​ထဲမှ လက်ရွေးစင်​အချို့​ကို ဆီးရီးယား​လူမျိုး​တို့​နှင့် ရင်ဆိုင်တိုက်ခိုက်​ရန် စစ်ခင်းကျင်း​၏​။

၁ ရာ 17:20

ဒါဝိဒ်​သည် နံနက်​စောစောထ​၍ မိမိ​သိုးအုပ်​ကို သိုးထိန်း​တစ်​ဦး​နှင့် အပ်ထား​ခဲ့​ပြီးလျှင် ဖခင်​ယေရှဲ​မှာလိုက်​သည့်​အတိုင်း စားစရာ​များ​ကို ယူ​၍ ထွက်သွား​၏​။ သူ​သည် တပ်စခန်း​သို့​ရောက်​သောအခါ စစ်သည်​တို့​သည် စစ်မြေပြင်​သို့ ချီတက်​ပြီး စစ်​ငြာသံ​ပေး​လျက်

ယေ​ရ​မိ 49:14

ထာဝရဘုရား​သည် လူမျိုးခြား​တို့​ထံ သံတမန်​ကို​စေလွှတ်​၍ “​သင်​တို့​စုဝေး​ကြ​၊ ချီတက်​ကြ​၊ ဧဒုံ​ပြည်​ကို စစ်တိုက်​ကြ​”​ဟု ဆင့်ဆို​စေ​သော​သတင်းစကား​ကို ငါ​ကြား​ရ​ပြီ​။

ယေ​ရ​မိ 51:3

လေးသမား​တို့​ကို လေး​တင်​ရ​သော​အခွင့်​၊ သံချပ်​အင်္ကျီ ဝတ်ဆင်​ရ​သော​အခွင့် မ​ပေး​ကြ​နှင့်​။ လူပျို​တို့​ကို မ​နှမြော​နှင့်​။ စစ်သည်ဗိုလ်ပါ​အပေါင်း​တို့​ကို အကုန်အစင်​ဖျက်ဆီး​ကြ​လော့​။