ယေ​ရ​မိ 49:29 - မြန်​​​မာ့​​​စံ​​​မီ​​​သမ္မာ​​​ကျမ်း​​

²⁹ သူ​တို့​၏​တဲ​များ​၊ သိုးအုပ်​များ သိမ်းယူ​သွား​ခြင်း​ခံရ​မည်​။ သူ​တို့​၏​ရွက်ထည်​များ​မှစ၍ အသုံးအဆောင်​ရှိသမျှ​နှင့် ကုလားအုတ်​များ​သည်​လည်း ဆောင်ယူ​သွား​ခြင်း​ခံရ​မည်​။ သူ​တို့​အား ‘​ကြောက်လန့်စရာ​များ ပတ်လည်​ဝိုင်း​နေ​ပြီ​’​ဟူ၍ ဟစ်အော်​ကြ​လိမ့်မည်​”​ဟု မိန့်​တော်မူ​၏​။

Common Language Bible

²⁹ သူ​တို့​၏​တဲ​ရှင်​များ​နှင့်​သိုး​အုပ်​များ​ကို လည်း​ကောင်း၊ တဲ​ကန့်​လန့်​ကာ​များ​နှင့်​တဲ​တွင်း ရှိ​ပစ္စည်း​မှန်​သ​မျှ​ကို​လည်း​ကောင်း​သိမ်း​ယူ ကြ​လော့။ သူ​တို့​၏​ကု​လား​အုတ်​များ​ကို​သိမ်း ယူ​ပြီး​လျှင်​လူ​တို့​အား`သင်​တို့​၏​ပတ်​လည် သို့​ကြောက်​မက်​ဖွယ်​ကောင်း​သည့်​ဘေး​အန္တ​ရာယ် ရောက်​ရှိ​လာ​လေ​ပြီ' ဟု​ပြော​ကြား​ကြ​လော့။

Garrad Bible

²⁹ အ ဘက် ဘက် က ကြောက် လန့် ဖွယ် ဖြစ် သည် တ ကား ဟု ဟစ် ကြ ရာ၊ ချင်း တို့၏ တဲ ရှင်၊ သိုး၊ ဆိတ်၊ တင်း တိမ် ရံ အ သုံး အ ဆောင်၊ ကုလား အုပ် များ ကို၊ ရန် သူ တို့ လု ယူ သိမ်း သွား ကြ လိမ့် မည်။

Judson Bible

²⁹ သူ​တို့​တဲ​များ​နှင့် သိုး​စု​များ​ကို​လည်း​ကောင်း၊ ကု​လား​ကာ​များ၊ အ​သုံး​အ​ဆောင်​များ၊ ကု​လား​အုတ်​များ​ကို​လည်း​ကောင်း သိမ်း၍ ယူ​သွား​ရ​ကြ​မည်။ သူ​တို့​ပတ်​လည်၌ ကြောက်​လန့်​စ​ရာ​အ​ကြောင်း​ကို ကြွေး​ကြော်​ရ​ကြ​မည်။

ယေ​ရ​မိ 49:29 ပူးပေါင်းရင်းမြစ်များ

ကမ္ဘာ​ဦး 37:25

ထို့နောက် သူ​တို့​သည် အစားအစာ​စားသောက်​ရန် ထိုင်​လိုက်​ကြ​စဉ် ဣရှမေလ​လူမျိုး ခရီးသွား​လူတစ်စု​သည် နံ့သာမျိုး​များ​၊ လိမ်းဆေး​များ​နှင့် မုရန်စေး​များ​ကို ကုလားအုတ်​များ​ပေါ်​တင်ဆောင်​လျက် ဂိလဒ်​ပြည်​ဘက်​မှ အီဂျစ်​ပြည်​သို့​ဆင်း​သွား​နေ​သည်​ကို လှမ်းမြင်​ရ​၏​။

ယောဘဝတ္တု။ 1:3

သူ​သည် သိုး​ခုနစ်​ထောင်​၊ ကုလားအုတ်​သုံး​ထောင်​၊ နွား​အရှဉ်း​ငါး​ရာ​၊ မြည်း​ငါး​ရာ​နှင့် အစေခံ​အများအပြား ပိုင်ဆိုင်​ထား​၏​။ အရှေ့​ပြည်သား​အပေါင်း​တို့​တွင် သူ​သည် အချမ်းသာဆုံး​ဖြစ်​၏​။

ဆာ​လံ 120:5

ငါ​သည် မေရှက်​ပြည်​၌​တည်းခို​ပြီး ကေဒါ​အမျိုးသား​တို့​၏​တဲ​များ​တွင်​နေ​ရ​သောကြောင့် အမင်္ဂလာ​ရှိ​၏​။

ဆာ​လံ 31:13

အကြောင်းမူကား “​ပတ်လည်​၌​ကြောက်လန့်စရာ​ရှိ​၏​”​ဟူသည့် များစွာ​သော​သူ​တို့​၏​ရှုတ်ချသောစကား​ကို အကျွန်ုပ်​ကြား​ရ​ပါ​၏​။ သူ​တို့​သည် အကျွန်ုပ်​တစ်ဖက်​၌ အတူတကွ​စုဝေး​ကြ​သောအခါ အကျွန်ုပ်​၏​အသက်​ကို​သတ်​ရန် ကြံဆ​ကြ​ပါ​၏​။

ဟေ​ရှာ​ယ 13:20

ထို​မြို့​၌ မျိုးဆက်အဆက်ဆက် ကာလ​အစဉ် မည်သူမျှ​မှီတင်း​နေထိုင်​မည်​မ​ဟုတ်​။ ထို​မြို့​၌ အာရပ်​လူမျိုး​တစ်ယောက်မျှ တဲဆောက်​မည်​မ​ဟုတ်​။ သိုးထိန်း​တစ်ယောက်မျှ သိုး​တို့​ကို​ထိန်းကျောင်း​မည်​မ​ဟုတ်​။

ဟေ​ရှာ​ယ 60:7

ကေဒါ​ပြည်​၏​သိုးစု​ရှိသမျှ​တို့​သည် သင့်​ထံ၌​စုဝေး​လိမ့်မည်​။ နဗာယုတ်​ပြည်​၏​သိုးထီး​တို့​သည် သင်​၏​အမှု​ကို​ထမ်းဆောင်​၍ လက်ခံဖွယ်​ရာ​ယဇ်​အဖြစ် ငါ​၏​ယဇ်ပလ္လင်​ပေါ်သို့ တက်​ကြ​ရ​လိမ့်မည်​။ ငါ​သည် ဂုဏ်ကျက်သရေ​ရှိ​သော​ငါ​၏​အိမ်​တော်​ကို ဘုန်းထင်ရှား​စေ​မည်​။

ယေ​ရ​မိ 10:20

ငါ့​တဲ​သည် ဖျက်ဆီး​ခြင်း​ခံရ​ပြီ​။ ကြိုး​ရှိသမျှ​တို့​သည် ပြတ်​လေ​ပြီ​။ ငါ့​သား​တို့​သည်​လည်း ငါ့​ထံမှ​ထွက်သွား​ကြ​ပြီ​။ တစ်ယောက်မျှ​မ​ရှိ​တော့​ပေ​။ ငါ့​တဲ​ကို ပြန်ဆောက်​မည့်​သူ​၊ ရွက်ထည်​များ​ကို​ကာ​မည့်​သူ တစ်ယောက်မျှ​မ​ရှိ​တော့​ပေ​။

ယေ​ရ​မိ 4:20

ပျက်စီး​ခြင်း​တစ်​ခု​ပြီး​တစ်​ခု လိုက်လာ​ပြီ​။ တစ်ပြည်လုံး ဖျက်ဆီး​ခြင်း​ခံရ​ပြီ​။ ငါ့​တဲ​တို့​သည် ရုတ်တရက်​ဖျက်ဆီး​ခြင်း​ခံရ​ပြီ​။ ငါ့​ရွက်ထည်​တို့​သည် တစ်ခဏချင်း​တွင် ဖျက်ဆီး​ခြင်း​ခံရ​ပြီ​။

ယေ​ရ​မိ 46:5

ငါ​မြင်​ရ​သော​အရာ​ကား အဘယ်နည်း​။ သူ​တို့ ကြောက်​၍ နောက်ပြန်ဆုတ်​ကြ​ပါ​သည်​တကား​။ သူ​တို့​၏​စစ်သူရဲ​တို့​သည် ချေမှုန်း​ခြင်း​ခံရ​သဖြင့် နောက်ပြန်လှည့်​မ​ကြည့်​ဘဲ ဘေးလွတ်​ရာ​သို့​ထွက်ပြေး​ကြ​ပါ​သည်​တကား​။ ကြောက်လန့်စရာ​များ ဝိုင်းရံ​နေ​ပါ​သည်​တကား​”​ဟု မိန့်​တော်မူ​၏​။

ယေ​ရ​မိ 49:24

ဒမတ်စကပ်​မြို့​သည် အားလျော့​လေ​ပြီ​၊ လှည့်​၍​ထွက်ပြေး​လေ​ပြီ​။ ကြောက်ရွံ့​ခြင်း​သည် သူ့​ကို​ဖမ်းစား​လေ​ပြီ​။ သားဖွားဝေဒနာ​ကဲ့သို့ ဆင်းရဲဒုက္ခ​နှင့် နာကျင်​ခြင်း​တို့​ကို ခံစား​ရ​လေ​ပြီ​။

ယေ​ရ​မိ 49:5

ကြည့်ရှု​လော့​။ ငါ​သည် သင့်​ဝန်းကျင်​မှ ကြောက်မက်ဖွယ်​အန္တရာယ်​ကို သင့်​ထံ​ရောက်​စေ​မည်​။ သင်​တို့​အားလုံး နှင်ထုတ်​ခြင်း​ခံရ​မည်​။ ထွက်ပြေးကွဲလွင့်​သွား​သော​သူ​တို့​ကို ပြန်လည်​စုစည်း​မည်​မ​ဟုတ်​”​ဟု မိန့်​တော်မူ​၏​။

ယေ​ရ​မိ 6:25

ရန်သူ​၌ ဓား​ပါ​၍ ပတ်ပတ်လည်​၌ အန္တရာယ်​ရှိ​သောကြောင့် ကွင်းပြင်​သို့​မ​သွား​နှင့်​။ လမ်းမ​ပေါ် မ​ထွက်​နှင့်​။

ဟ​ဗက္ကုတ် 3:7

ကုရှန်​ပြည်​၏​တဲ​တို့​သည် စုတ်ပြတ်​၍ မိဒျန်​ပြည်​၏​ရွက်ထည်​တို့​သည် လှုပ်ခတ်​နေ​သည်​ကို ငါ​မြင်​ရ​၏​။

၂ ကော 4:8

ငါ​တို့​သည် အဘက်ဘက်​မှ​နှိပ်စက်​ခြင်း​ခံရ​သော်လည်း ချေမှုန်း​ခြင်း​မ​ခံရ။ တွေးမရ​ဖြစ်​သော်လည်း မျှော်လင့်​ချက်​ကင်းမဲ့​သည်​ဟူ၍​မ​ရှိ။

၂ ကော 7:5

မာကေဒေါနိ​ပြည်​သို့ ငါ​တို့​ရောက်​သောအခါ ငါ​တို့​၏​ကိုယ်ကာယ​သည် နား​နေ​ရန်​အခွင့်​မ​ရ​ဘဲ အပြင်​၌​တိုက်ခိုက်​ခြင်း​များ၊ အတွင်း​၌​ကြောက်ရွံ့​ခြင်း​များ​ရှိ​၍ အဘက်ဘက်​မှ​နှိပ်စက်​ခြင်း​ကို​ခံရ​ကြ​၏။

သူ​ကြီး 6:5

သူ​တို့​သည် တိရစ္ဆာန်​များ​၊ တဲ​များ​နှင့်တကွ ချီတက်​လာ​ကြ​၏​။ ကျိုင်းကောင်အုပ်ကြီး​သဖွယ် ချီလာ​၍ အစ္စရေး​ပြည်​ကို ဖျက်ဆီး​ကြ​၏​။ သူ​တို့​နှင့် သူ​တို့​၏​ကုလားအုတ်​များ​လည်း မ​ရေတွက်​နိုင်​အောင် များပြား​လှ​၏​။

သူ​ကြီး 7:12

ကျိုင်းကောင်အုပ်​သဖွယ် များပြား​လှ​သော မိဒျန်​လူမျိုး​၊ အာမလက်​လူမျိုး​နှင့် အရှေ့​ပြည်သား​အပေါင်း​တို့​သည် ချိုင့်ဝှမ်းလွင်ပြင်​၌ စခန်းချ​လျက်​ရှိ​ကြ​၏​။ သူ​တို့​၏​ကုလားအုတ်​တို့​သည်​လည်း ပင်လယ်​ကမ်းခြေ​ရှိ​သဲလုံး​နှင့်အမျှ မ​ရေတွက်​နိုင်​အောင်​များပြား​၏​။

သူ​ကြီး 8:21

ဇေဘဟ​နှင့်​ဇာလမုန္န​တို့​က “​သင်​ကိုယ်တိုင်​ထ​၍ ငါ​တို့​ကို​သတ်​လော့​။ ယောက်ျား​မှန်လျှင် သတ္တိ​ရှိ​ရ​မည်​”​ဟု ဆို​လေ​၏​။ ဂိဒေါင်​သည်​ထ​၍ ဇေဘဟ​နှင့်​ဇာလမုန္န​ကို​သတ်​ပြီးလျှင် သူ​တို့​ကုလားအုတ်​၏​လည်ပင်း​၌ ဆင်​ထား​သော​တန်ဆာ​များ​ကို ချွတ်ယူ​လေ​၏​။

သူ​ကြီး 8:26

ဂိဒေါင်​ရရှိ​သော​ရွှေ​နားကွင်း​၏​အလေးချိန်​မှာ ရွှေ​တစ်ထောင့်​ခုနစ်​ရာ​ရှယ်ကယ် ဖြစ်​၏​။ ထို့ပြင် မိဒျန်​ဘုရင်​တို့​ထံမှ လခြမ်းသဏ္ဌာန်တန်ဆာ​၊ ဆွဲသီး​၊ ခရမ်းရောင်​အဝတ်​တို့​မှစ၍ သူ​တို့​ကုလားအုတ်​၏​လည်ပင်း​၌​ဆွဲ​ထား​သော လည်ပတ်ကြိုး​များ​လည်း ရ​သေး​၏​။