ယေ​ရ​မိ 49:11 - မြန်​​​မာ့​​​စံ​​​မီ​​​သမ္မာ​​​ကျမ်း​​

¹¹ သင်​၌​ရှိ​သော မိဘမဲ့​ကလေး​တို့​ကို ထားခဲ့​လော့​။ ငါ​ကြည့်ရှု​မည်​။ သင်​၌​ရှိ​သော​မုဆိုးမ​တို့​သည်​လည်း ငါ့​ကို​ယုံကြည်ကိုးစား​ကြ​စေ​”​ဟု မိန့်​တော်မူ​၏​။

Common Language Bible

¹¹ သင်​တို့​၏​မိ​ဘ​မဲ့​က​လေး​များ​ကို​ငါ​နှင့် ထား​ခဲ့​ကြ​လော့။ သူ​တို့​အား​ငါ​ကြည့်​ရှု ပြု​စု​မည်။ သင်​တို့​၏​မု​ဆိုး​မ​များ​သည် ငါ့​ကို​မှီ​ခို​အား​ကိုး​နိုင်​၏။

Garrad Bible

¹¹ ဖ သက် ဆိုး တို့ ကို ကား၊ ငါ့ ထံ အပ် လော့။ ငါ မွေး မြူ မည်။ မု ဆိုး မ တို့ လည်း၊ ငါ၌ အား ထား ကြ စေ ဟု မိန့် တော် မူ ၏။

Judson Bible

¹¹ သင်၌ မိ​ဘ​မ​ရှိ​သော​သူ​ငယ်​တို့​ကို ထား​ခဲ့​လော့။ ငါ​စောင့်​မ​မည်။ သင်၏​မု​ဆိုး​မ​တို့​သည် ငါ့​ကို​ခို​လှုံ​ကြ​စေ။

ယေ​ရ​မိ 49:11 ပူးပေါင်းရင်းမြစ်များ

ဆာ​လံ 146:9

ထာဝရဘုရား​သည် တိုင်းတစ်ပါးသား​တို့​ကို စောင့်ရှောက်​၍ ဖတဆိုး​နှင့်​မုဆိုးမ​ကို ကူညီစောင်မ​တော်မူ​၏​။ ဆိုးယုတ်​သော​သူ​တို့​၏​လမ်း​ကို​ကား ကွေ့ကောက်​စေ​တော်မူ​၏​။

ဆာ​လံ 68:5

ဖတဆိုး​တို့​၏​ဖခင်​၊ မုဆိုးမ​တို့​အတွက်​တရားစီရင်​ပေး​သော​အရှင်​မှာ မိမိ​၏​သန့်ရှင်း​သော​ကိန်းဝပ်​ရာ​အရပ်​၌ ရှိ​တော်မူ​သော ဘုရားသခင်​ပေတည်း​။

ဆာ​လံ 82:3

ဆင်းရဲ​သော​သူ​နှင့်​မိဘမဲ့သူ​အတွက် တရားစီရင်​ပေး​ကြ​လော့​။ အဖိနှိပ်​ခံရ​သော​သူ​နှင့်​ဆင်းရဲသား​အတွက် ဖြောင့်မတ်​စွာ​စီရင်​ပေး​ကြ​လော့​။

ဟော​ရှေ 14:3

အဆီးရီယား​ပြည်​သည် အကျွန်ုပ်​တို့​ကို မ​ကယ်တင်​နိုင်​ပါ​။ အကျွန်ုပ်​တို့​သည် မြင်း​မ​စီး​တော့​ပါ​။ ကိုယ့်​လက်​ဖြင့်​လုပ်​သော​အရာ​တို့​ကို ‘​အကျွန်ုပ်​တို့​၏​ဘုရား​’​ဟု မ​ဆို​တော့​ပါ​။ အကြောင်းမူကား ကိုယ်တော်​သည် ဖတဆိုး​တို့​ကို သနားစုံမက်​တော်မူ​ပါ​၏​”​ဟု လျှောက်ဆို​လော့​။

ယော​န 4:11

ငါ​သည် တိရစ္ဆာန်​အများအပြား​ကို မ​ဆို​ထား​နှင့်​၊ မိမိ​လက်ဝဲ​လက်ယာ​ကို​ပင် ခွဲခြား​မ​သိ​နိုင်​သော​လူ​တစ်သိန်းနှစ်သောင်း​ကျော်​ရှိ​သော​နိနေဝေ​မြို့​ကြီး​ကို နှမြော​သင့်​သည်​မ​ဟုတ်​လော​”​ဟု မိန့်​တော်မူ​၏​။

ဇာ​ခ​ရိ 7:10

မုဆိုးမ​၊ ဖတဆိုး​၊ တိုင်းတစ်ပါးသား​နှင့် ဆင်းရဲသား​တို့​ကို မ​နှိပ်စက်​ရ​။ သင်​တို့​စိတ်နှလုံး​ထဲ၌ တစ်ဦး​ကို​တစ်ဦး မကောင်း​သော​အကြံ မ​ကြံစည်​ရ’​ဟု မိန့်​တော်မူ​၏​။

မာ​လ​ခိ 3:5

“​သင်​တို့​ကို တရားစီရင်​ရန် သင်​တို့​ထံသို့ ငါ​ကြွလာ​မည်​။ ငါ​သည် မှော်ဆရာ​များ​၊ အိမ်ထောင်ရေးဖောက်ပြန်​သော​သူ​များ​၊ မဟုတ်မမှန်​ကျိန်ဆို​သော​သူ​များ​၊ သူရင်းငှား​၏​လုပ်အားခ​ကို မပေး​သော​သူ​များ​၊ မုဆိုးမ​နှင့် ဖတဆိုး​တို့​ကို နှိပ်စက်​သော​သူ​များ​၊ တိုင်းတစ်ပါးသား​တို့​ကို လျစ်လျူရှု​၍ ငါ့​ကို​မ​ကြောက်ရွံ့​သော​သူ​များ​ကို​ဆန့်ကျင်​လျက် အလျင်အမြန်​သက်သေ​ထွက်ဆို​မည်​”​ဟု ကောင်းကင်​ဗိုလ်ခြေ​အရှင်​ထာဝရဘုရား မိန့်​တော်မူ​၏​။

တ​ရား​ဟော 10:18

ဖတဆိုး​နှင့်​မုဆိုးမ​တို့​အတွက် တရားသဖြင့်​စီရင်​သော​အရှင်​၊ တိုင်းတစ်ပါးသား​ကို​ချစ်​၍ အစားအစာ​နှင့် အဝတ်အစား​တို့​ကို ပေးသနား​တော်မူ​သော​အရှင်​ဖြစ်​တော်မူ​၏​။

၁ တိ 5:5

အမှန်တကယ်​မုဆိုးမ​ဖြစ်​ပြီး တစ်ဦးတည်း​ကျန်ရစ်​သော​အမျိုးသမီး​သည် ဘုရားသခင်​ကို​မျှော်လင့်​အားထား​လျက် နေ့​ရော​ည​ပါ အသနားခံ​ခြင်း​နှင့်​ဆုတောင်း​ခြင်း​တို့​ကို စွဲမြဲ​စွာ​ပြု​တတ်​၏။

ယာ​ကုပ် 1:27

ခမည်းတော်​ဘုရားသခင်​ရှေ့​တော်​၌ စင်ကြယ်​၍​ညစ်ညူး​ခြင်း​ကင်း​သော ဘာသာ​တရား​ကိုင်းရှိုင်း​မှု​ဟူသည်မှာ ဆင်းရဲ​ဒုက္ခ​ခံရ​သော မိဘမဲ့​ကလေး​နှင့်​မုဆိုးမ​တို့​ကို ကြည့်ရှု​ခြင်း၊ လောကီ​အညစ်အကြေး​တို့​နှင့်​ကင်းစင်​စေရန် မိမိကိုယ်ကို​စောင့်ထိန်း​ခြင်း​တို့​ပင်​ဖြစ်​၏။