ယေ​ရ​မိ 48:42 - မြန်​​​မာ့​​​စံ​​​မီ​​​သမ္မာ​​​ကျမ်း​​

⁴² ထာဝရဘုရား​က “​မောဘ​ပြည်​သည် ထာဝရဘုရား​ထက် ကိုယ့်ကိုယ်ကိုယ် ချီးမြှောက်​သောကြောင့် လူမျိုး​တစ်​မျိုး​အဖြစ်​မှ ပယ်ဖျက်​ခြင်း​ခံရ​မည်​။

Common Language Bible

⁴² မော​ဘ​ပြည်​သည်​ငါ့​အား​ပုန်​ကန်​ခဲ့​သ​ဖြင့် သုတ်​သင်​ဖျက်​ဆီး​ခြင်း​ကို​ခံ​ရ​ကာ​နိုင်​ငံ တစ်​ခု​အ​နေ​ဖြင့်​တည်​ရှိ​တော့​မည်​မ​ဟုတ်။-

Garrad Bible

⁴² မော ဘ သည်၊ ငါ ထာ ဝ ရ ဘု ရား တစ် ဘက် ၌ မောက် ကြွား သော ကြောင့်၊ လူ မျိုး တိမ် ကော သည့် တိုင် အောင်၊ ပျက် စီး ကြ လိမ့် မည်။

Judson Bible

⁴² မော​ဘ​သည် ထာ​ဝ​ရ​ဘု​ရား​တစ်​ဖက်၌ ဝါ​ကြွား​သော​ကြောင့်၊ နောက်​တစ်​ဖန် ပြည်​မ​ဖြစ်​နိုင်​အောင် ပျက်​စီး​ရ​လိမ့်​မည်။

ယေ​ရ​မိ 48:42 ပူးပေါင်းရင်းမြစ်များ

သုတ္တံကျမ်း။ 16:18

ပျက်စီး​ခြင်း​၏​ရှေ့ပြေး​သည် မာနကြီး​ခြင်း​ဖြစ်​၏​။ ပြိုလဲ​ခြင်း​၏​ရှေ့ပြေး​ကား ဘဝင်မြင့်​ခြင်း​ဖြစ်​၏​။

ဟေ​ရှာ​ယ 16:14

တစ်ဖန် ထာဝရဘုရား​က “​သူရင်းငှား​၏​နှစ်ကာလ​အရ သုံး​နှစ်​အတွင်း မောဘ​ပြည်​၏​ဘုန်းအသရေ​သည် လူထု​ကြီး​နှင့်အတူ ရှုတ်ချ​ခြင်း​ခံရ​မည်​။ လူ​အနည်းငယ်​သာ​ကြွင်းကျန်​၍ အားနည်း​ကြ​လိမ့်မည်​”​ဟု မိန့်​တော်မူ​၏​။

ဟေ​ရှာ​ယ 37:23

သင်​မည်သူ့​ကို ကဲ့ရဲ့ပြစ်တင်​နေ​သနည်း​၊ မည်သူ့​ကို စော်ကားပြောဆို​နေ​သနည်း​၊ မည်သူ့​ကို အော်ဟစ်​နေ​သနည်း​၊ မည်သူ့​ကို မောက်မောက်မာမာ​ကြည့်​နေ​သနည်း​။ အစ္စရေး​လူမျိုး​၏​သန့်ရှင်း​သော​အရှင်​ကို​ပင် မ​ဟုတ်​လော​။

ဟေ​ရှာ​ယ 7:8

အကြောင်းမူကား ဆီးရီးယား​ပြည်​၏​ဦးခေါင်း​သည် ဒမတ်စကပ်​မြို့​၊ ဒမတ်စကပ်​မြို့​၏​ဦးခေါင်း​သည် ရေဇိန်​မင်းကြီး​ဖြစ်​၏​။ ဧဖရိမ်​သည် ခြောက်ဆယ့်​ငါး​နှစ်​အတွင်း လူမျိုး​တစ်​မျိုး​အဖြစ်​မှ တစ်စစီပြိုကွဲ​သွား​ရ​လိမ့်မည်​ဟု မိန့်​တော်မူ​ပြီ​။

ယေ​ရ​မိ 30:11

ထာဝရဘုရား​က “​ငါ​သည် သင်​နှင့်အတူ​ရှိ​မည်​။ သင့်​ကို​ကယ်တင်​မည်​။ သင့်​ကို ငါ​ကွဲလွင့်​စေ​ရာ​အရပ်ရပ်​ရှိ လူမျိုး​အားလုံး​ကို သုတ်သင်ဖျက်ဆီး​မည်​။ သင့်​ကို ငါ​သုတ်သင်ဖျက်ဆီး​မည်​မ​ဟုတ်​သော်လည်း အပြစ်​မ​ပေး​ဘဲ​မ​နေ​။ သင့်​ကို တရားမျှတ​စွာ​ဆုံးမ​မည်​”​ဟု မိန့်​တော်မူ​၏​။

ယေ​ရ​မိ 48:2

မောဘ​ပြည်​သည် ဂုဏ်သရေ​မ​ရှိ​တော့​ပြီ​။ ရန်သူ​တို့​က ‘​လာ​ကြ​။ မောဘ​ပြည်​ကို တိုင်းနိုင်ငံ​အဖြစ်​မှ ငါ​တို့​ဖယ်ရှား​ကြ​စို့​’​ဟု ဟေရှဘုန်​မြို့​တွင်ပင် မောဘ​ပြည်​ကို ကြံစည်​ကြ​ပြီ​။ အို မာဒမေန​မြို့​၊ သင်​သည်​လည်း ဆိတ်ညံ​ရ​လိမ့်မည်​။ ဓား​သည် သင့်​ကို​လိုက်​လေ​ပြီ​။

ယေ​ဇ​ကျေ​လ 35:13

သင့်​နှုတ်​ဖြင့် ငါ့​အား ဆန့်ကျင်​ပုတ်ခတ်​သော​စကား​၊ မောက်မောက်မာမာ​ပြောဆို​ခဲ့​သော​စကား​အလုံးစုံ​ကို ငါ​ကြား​၏’​ဟု မိန့်​တော်မူ​၏​။

ဒံ​ယေ​လ 11:36

ထို​ဘုရင်​သည် မိမိ​အလို​အတိုင်း ပြုမူ​လိမ့်မည်​။ ဘုရား​တကာ​တို့​ထက် ကိုယ့်ကိုယ်ကိုယ် ချီးမြှင့်​မြှောက်စား​လိမ့်မည်​။ ဘုရား​တကာ​တို့​၏​ဘုရား​ကို ရင့်သီးကြမ်းကြုတ်​သော​စကား​တို့​ဖြင့် ဆန့်ကျင်​ပြောဆို​လိမ့်မည်​။ အမျက်​တော်​ကာလ ပြီးဆုံး​သည်​အထိ သူ​သည် အောင်မြင်မှု​ရ​လိမ့်မည်​။ စီရင်​ထား​သော​အရာ​သည် ဧကန်​ဖြစ်လာ​လိမ့်မည်​။

မဿဲ 7:2

အကြောင်းမူကား သင်​တို့​စီရင်​သည့်​နည်းလမ်း​အတိုင်း သင်​တို့​သည် စီရင်​ခြင်း​ခံရ​၍ သင်​တို့​တိုင်းတာ​ခြင်တွယ်​သည့်​စံနှုန်း​အတိုင်း သင်​တို့​အတွက် တိုင်းတာ​ခြင်တွယ်​ပေး​လိမ့်မည်။

၂ သက် 2:4

ထို​သူ​သည် ဘုရား​ဟု​ခေါ်ဝေါ်​သော​အရာ​နှင့် ကိုးကွယ်​ခြင်း​ခံရ​သော​အရာ​အားလုံး​ကို ဆန့်ကျင်​လျက် ၎င်း​တို့​အပေါ် မိမိကိုယ်ကို​ချီးမြှောက်​ကာ ဘုရားသခင်​၏​ဗိမာန်​တော်​၌​ထိုင်​၍ မိမိကိုယ်ကို​ဘုရား​ဖြစ်​သည်​ဟု ကြေညာ​လိမ့်မည်။

ဗျာ​ဒိတ် 13:6

ထိုအခါ သူ​သည် မိမိ​နှုတ်​ကို​ဖွင့်​၍ ဘုရားသခင်​ကို​စော်ကား​သော​စကား​များ​ပြောဆို​လျက် ကိုယ်တော်​၏​နာမ​တော်​ကို​လည်းကောင်း၊ ကိုယ်တော်​၏​တဲ​တော်​ကို​လည်းကောင်း၊ ကောင်းကင်​၌​စံမြန်း​သော​သူ​တို့​ကို​လည်းကောင်း စော်ကား​ပြောဆို​လေ​၏။