ယေ​ရ​မိ 48:40 - မြန်​​​မာ့​​​စံ​​​မီ​​​သမ္မာ​​​ကျမ်း​​

⁴⁰ ထာဝရဘုရား​က “​ကြည့်ရှု​လော့​။ ရန်သူ​သည် လင်းယုန်​ကဲ့သို့ အတောင်ပံ​ကို​ဖြန့်​၍ မောဘ​ပြည်​ရှိ​ရာ​သို့ ထိုးဆင်း​လာ​လေ​ပြီ​။

Common Language Bible

⁴⁰ တောင်​ပံ​များ​ကို​ဖြန့်​၍​ထား​သည့်​လင်း​ယုန် ငှက်​ကဲ့​သို့​ရန်​သူ​သည်​မော​ဘ​ပြည်​ပေါ်​သို့ ထိုး​ဆင်း​လိမ့်​မည်​ဖြစ်​ကြောင်း​ထာ​ဝ​ရ ဘု​ရား​မိန့်​ကြား​ခဲ့​လေ​ပြီ။-

Garrad Bible

⁴⁰ အ သို့ ဆို သော်၊ ထာ ဝ ရ ဘု ရား မိန့် တော် မူ သည် မှာ၊ ရန် သူ သည် လင်း ယုန် သ ဖွယ် အ တောင် ဖြန့် လျက်၊ မော ဘ ပြည် ပေါ် သို့ သုတ် လာ သ ဖြင့်၊

Judson Bible

⁴⁰ ထာ​ဝ​ရ​ဘု​ရား​မိန့်​တော်​မူ​သည်​ကား၊ ရန်​သူ​သည် ရွှေ​လင်း​တ​ပျံ​တတ်​သ​ကဲ့​သို့ ပျံ​လာ၍၊ အ​တောင်​တို့​နှင့် မော​ဘ​ပြည်​ကို အုပ်​မိုး​လိမ့်​မည်။

ယေ​ရ​မိ 48:40 ပူးပေါင်းရင်းမြစ်များ

သုတ္တံကျမ်း။ 30:19

မိုးကောင်းကင်​၌​လင်းယုန်​သွား​ရာ​လမ်း​၊ ကျောက်ဆောင်​ပေါ်၌​မြွေ​သွား​ရာ​လမ်း​၊ ပင်လယ်​အလယ်​၌​သင်္ဘော​သွား​ရာ​လမ်း​နှင့် မိန်းမပျို​နှင့်အတူ​ယောက်ျား​သွား​ရာ​လမ်း​တို့​ဖြစ်​ကြ​၏​။

ဟေ​ရှာ​ယ 11:14

သူ​တို့​သည် အနောက်​အရပ်​ရှိ​ဖိလိတ္တိ​လူမျိုး​တို့​ကို အနောက်​မှ​တိုက်ခိုက်​လိမ့်မည်​။ အရှေ့​ပြည်သား​တို့​ကို​လည်း အတူတကွ လုယူ​လိမ့်မည်​။ မိမိ​တို့​လက်​ကို ဧဒုံ​ပြည်​၊ မောဘ​ပြည်​ပေါ်သို့ ရောက်​စေ​လိမ့်မည်​။ အမ္မုန်​အမျိုးသား​တို့​သည် သူ​တို့​၏​လက်အောက်ခံ​ဖြစ်​ရ​လိမ့်မည်​။

ဟေ​ရှာ​ယ 8:8

ယုဒ​ပြည်​ထဲသို့​ဖြတ်သန်း​စီးဝင်​၍ လည်ပင်း​တိုင်အောင် လွှမ်းမိုး​သွား​မည်​။ မိမိ​၏​တောင်ပံ​များ​ကို​ဖြန့်​၍ သင့်​ပြည်​တစ်ပြည်လုံး​သို့ ရောက်​လိမ့်မည်​၊ အို ဧမာနွေလ​”​ဟု မိန့်​တော်မူ​၏​။

ယေ​ရ​မိ 4:13

ကြည့်ရှု​လော့​။ ဖျက်ဆီး​သော​သူ​သည် မိုးတိမ်​ကဲ့သို့​တက်လာ​မည်​။ သူ​၏​စစ်ရထား​သည် လေပွေ​ကဲ့သို့ ဖြစ်​မည်​။ သူ​၏​မြင်း​တို့​သည် လင်းယုန်​ထက်​လျင်မြန်​၏​။ ငါ​တို့​၌ အမင်္ဂလာ​ရှိ​၏​။ ငါ​တို့​သည် ဖျက်ဆီး​ခြင်း​ခံ​ကြ​ရ​ပြီ​။

ယေ​ရ​မိ 49:22

ကြည့်ရှု​လော့​။ ရန်သူ​သည် လင်းယုန်​ကဲ့သို့ အတောင်ပံ​ကို​ဖြန့်​၍ ပျံတက်​ပြီးမှ ဗောဇရ​မြို့​သို့ ထိုးဆင်း​လာ​လေ​ပြီ​။ ထို​နေ့ရက်​၌ ဧဒုံ​စစ်သူရဲ​တို့​၏​စိတ်နှလုံး​သည် သားဖွား​ခြင်း​ဝေဒနာ​ခံစား​ရ​သော​မိန်းမ​ကဲ့သို့ ကြောက်လန့်​ရ​လိမ့်မည်​။

မြည်​တမ်း​စ​ကား 4:19

ငါ​တို့​ကို လိုက်​သော​သူ​တို့​သည် ကောင်းကင်​လင်းယုန်ငှက်​ထက် သာ၍​လျင်မြန်​ကြ​၏​။ တောင်​များ​ပေါ်တွင် ငါ​တို့​ကို အပြင်းအထန်​လိုက်​ကြ​၏​။ တောကန္တာရ​တွင်​လည်း ငါ​တို့​ကို ချောင်းမြောင်း​ကြ​၏​။

ယေ​ဇ​ကျေ​လ 17:3

သင်​သည် သူ​တို့​အား ‘ဘုရားရှင်​ထာဝရဘုရား​က သန်စွမ်း​သော​တောင်ပံ​နှင့် ရှည်လျား​၍​အရောင်အသွေး​စုံ​သော​အမွေး​အမှင်​များ​ရှိ​သည့် လင်းယုန်ငှက်​ကြီး​တစ်​ကောင်​သည် လက်ဘနွန်​တောင်​သို့​လာ​၍ သစ်ကတိုးပင်​ထိပ်ဖျား​တွင် နား​၏​။

ဒံ​ယေ​လ 7:4

ပထမ​သားရဲ​သည် ခြင်္သေ့​နှင့်​တူ​၍ လင်းယုန်​အတောင်​ပါရှိ​၏​။ ငါ​ကြည့်​နေ​စဉ် အတောင်ပံ​တို့​သည် နုတ်ပစ်​ခြင်း​ခံရ​၏​။ မြေ​ပေါ်မှ ထူမ​လိုက်​သောအခါ လူ​ကဲ့သို့​ခြေ​နှစ်​ချောင်း​ဖြင့် ရပ်​၏​။ သူ့​အား လူ့​စိတ်​ကို သွင်းပေး​ထား​၏​။

ဟော​ရှေ 8:1

တံပိုးမှုတ်​၍ သတိပေး​ကြ​လော့​။ သူ​တို့​သည် ငါ့​ပဋိညာဉ်​ကို ချိုးဖောက်​ပြီး ပညတ်တရား​ကို ပုန်ကန်​ကြ​သောကြောင့် ရန်သူ​သည် လင်းယုန်ငှက်​ကဲ့သို့ ထာဝရဘုရား​၏​အိမ်​တော်​ကို လာ​တိုက်ခိုက်​မည်​။

ဟ​ဗက္ကုတ် 1:8

သူ​တို့​၏​မြင်း​များ​သည် ကျားသစ်​များ​ထက် လျင်မြန်​၏​။ နေဝင်ချိန်​ရောက်​မှ သွားလာ​တတ်​သော​ဝံပုလွေ​များ​ထက် ရက်စက်​၏​။ သူ​တို့​၏​မြင်းစီးသူရဲ​တို့ ဒုန်းစိုင်း​ချီတက်​လာ​ပြီ​။ မြင်းစီးသူရဲ​တို့ အဝေး​မှ ဒုန်းစိုင်း​ပြေးလာ​နေ​သည်​မှာ တစ်ဟုန်ထိုး ထိုးသုတ်​ဖမ်းစား​တတ်​သည့် လင်းယုန်​ကဲ့သို့ပင် ဖြစ်​၏​။

တ​ရား​ဟော 28:49

ထာဝရဘုရား​သည် မြေကြီး​စွန်း​ဝေး​သော​အရပ်​မှ လူမျိုး​တစ်​မျိုး​ကို သင့်​ထံသို့​ခေါ်ဆောင်​လာ​မည်​။ ထို​လူမျိုး​သည် လင်းယုန်​ထိုးသုတ်​သကဲ့သို့ သင့်​ကို ထိုးသုတ်​လိမ့်မည်​။ သူ​တို့​၏​ဘာသာစကား​ကို သင်​နား​မ​လည်​။