ယေ​ရ​မိ 48:10 - မြန်​​​မာ့​​​စံ​​​မီ​​​သမ္မာ​​​ကျမ်း​​

¹⁰ ထာဝရဘုရား​၏​အမှု​တော်​ကို လုံ့လစိုက်​၍ မ​လုပ်ဆောင်​သော​သူ​သည် ကျိန်​ခြင်း​ခံရ​မည်​။ လူ​ကို​မ​သတ်​ဘဲ မိမိ​၏​ဓား​ကို ပြန်ရုပ်သိမ်း​သော​သူ​သည် ကျိန်​ခြင်း​ကို​ခံရ​မည်​။

Common Language Bible

¹⁰ (ထာ​ဝ​ရ​ဘု​ရား​၏​အ​မှု​တော်​ကို​စိတ်​နှ​လုံး အ​ကြွင်း​မဲ့​နှင့်​မ​ထမ်း​ဆောင်​သူ​သည် ကျိန်​ဆဲ ခြင်း​ကို​ခံ​ရ​ပါ​စေ​သ​တည်း။ မိ​မိ​၏​ဋ္ဌား​နှင့် ခုတ်​၍​မ​သတ်​သော​သူ​သည်​ကျိန်​ဆဲ​ခြင်း​ကို ခံ​ရ​ပါ​စေ​သ​တည်း။)

Garrad Bible

¹⁰ ထာ ဝ ရ ဘု ရား ၏ အ မှု တော် ကို လျစ် လျူ စွာ ဆောင် ရွက် သူ သည်၊ အ မင်္ဂ လာ ခံ စေ။ အ သွေး မ သွန်း ဘဲ ဓား ကို ချုပ် တည်း သူ လည်း၊ အ မင်္ဂ လာ ခံ စေ။

Judson Bible

¹⁰ ထာ​ဝ​ရ​ဘု​ရား၏ အ​မှု​တော်​ကို​ကြိုး​စား၍ မ​ဆောင်​သော​သူ​သည် ကျိန်​ဆဲ​ခြင်း​ကို​ခံ​စေ။ လူ​အ​သက်​ကို မ​သတ်​ဘဲ မိ​မိ​ဓား​ကို သိမ်း​ရုပ်​သော​သူ​သည် ကျိန်​ဆဲ​ခြင်း​ကို​ခံ​စေ။

ယေ​ရ​မိ 48:10 ပူးပေါင်းရင်းမြစ်များ

၃ ရာ 20:39

ရှင်ဘုရင်​ကြွလာ​သောအခါ သူ​သည် အော်ဟစ်​လျက် ရှင်ဘုရင်​အား “​ကျွန်တော်မျိုး​သည် တိုက်ပွဲ​ထဲသို့ ရောက်​ခဲ့​ပါ​၏​။ လူ​တစ်​ယောက်​က အကျွန်ုပ်​ထံသို့ လူ​တစ်​ယောက်​ကို ခေါ်လာ​ပြီး ‘​ဤ​သူ​ကို စောင့်ရှောက်​ပါ​။ သူ​ထွက်ပြေး​ပျောက်ဆုံး​သွား​လျှင် သူ့​အသက်​အဖို့ သင့်​အသက်​၊ သို့မဟုတ် ငွေ​တစ်​တာလန်​ကို ပေးလျော်​ရ​မည်​’​ဟု အကျွန်ုပ်​အား ဆို​ပါ​၏​။

၃ ရာ 20:40

ကျွန်တော်မျိုး​လည်း ဟိုဟိုသည်သည် အလုပ်ရှုပ်​နေစဉ် ထို​သူ​ပျောက်သွား​ပါ​၏​”​ဟု လျှောက်တင်​၏​။ ထိုအခါ အစ္စရေး​ဘုရင်​က​လည်း သူ့​အား “​သင်​ခံရ​မည့်​ပြစ်ဒဏ်​ကို သင်ကိုယ်တိုင် စီရင်ချက်ချ​လေ​ပြီ​”​ဟု မိန့်ဆို​၏​။

၃ ရာ 20:42

ပရောဖက်​က​လည်း ရှင်ဘုရင်​အား “ ‘​သတ်ပစ်​ရ​မည့်​သူ​ကို သင်​လွှတ်ပေး​လိုက်​သောကြောင့် သူ့​အသက်​အစား သင့်​အသက်​၊ သူ့​အမှုထမ်း​များ​အစား သင့်​အမှုထမ်း​များ​ကို ပေးလျော်​ရ​မည်​’​ဟူ၍ ထာဝရဘုရား​မိန့်​တော်မူ​ပြီ​”​ဟု ဆင့်ဆို​၏​။

၄ ရာ 13:19

ထိုအခါ ဘုရားသခင်​၏​လူ​က ရှင်ဘုရင်​ကို အမျက်ထွက်​၍ “​သင်​သည် ငါး​ကြိမ်​ခြောက်​ကြိမ်​ရိုက်​သင့်​၏​။ သို့မှ ဆီးရီးယား​ဘုရင်​ကို အပြီးသတ်​တိုက်ခိုက်နှိမ်နင်း​နိုင်​မည်​။ ယခုမှာ ဆီးရီးယား​ဘုရင်​ကို သုံး​ကြိမ်​သာ အောင်နိုင်​လိမ့်မည်​”​ဟု ဆို​၏​။

ယေ​ရ​မိ 11:3

အစ္စရေး​လူမျိုး​၏​ဘုရားသခင်​ထာဝရဘုရား​က “ဤ​ပဋိညာဉ်​၌​ပါရှိ​သော​အချက်​တို့​ကို နား​မ​ထောင်​သော​သူ​သည် ကျိန်​ခြင်း​ကို​ခံရ​မည်​။

ယေ​ရ​မိ 47:6

အို ထာဝရဘုရား​၏​ဓား​တော်​၊ မည်မျှ​ကြာ​အောင်​အငြိမ်​မ​နေ​ဘဲ တိုက်ခိုက်​နေ​ဦး​မည်နည်း​။ ဓားအိမ်​သို့​ပြန်ဝင်​ပါ​တော့​။ ရပ်​ပါ​တော့​။ ငြိမ်ငြိမ်​နေ​ပါ​တော့​။

ယေ​ရ​မိ 47:7

ထာဝရဘုရား​သည် ဓား​ကို​အမိန့်ပေး​ထား​သည်​ဖြစ်၍ ဓား​က မည်သို့​ငြိမ်ငြိမ်​နေ​နိုင်​မည်နည်း​။ အာရှကေလုန်​မြို့​နှင့် ပင်လယ်​ကမ်းခြေဒေသ​တို့​ကို တိုက်ခိုက်​ရန် ဓား​ကို​အမိန့်ပေး​တော်မူ​ပြီ​”​ဟု မိန့်​တော်မူ​၏​။

ယေ​ရ​မိ 50:25

ထာဝရဘုရား​သည် လက်နက်တိုက်​ကို​ဖွင့်​၍ အမျက်​တော်​လက်နက်​ကို ထုတ်​တော်မူ​ပြီ​။ ဤသည်ကား ခါလဒဲ​ပြည်​၌ ကောင်းကင်​ဗိုလ်ခြေ​အရှင်​ထာဝရဘုရား ပြု​တော်မူ​သော​အမှု​ဖြစ်​၏​။

ယေ​ရ​မိ 50:27

နွားထီးပျို​အားလုံး​ကို သတ်​ပစ်​ကြ​။ သူ​တို့​ကို စစ်ကြောစီရင်​မည့်​နေ့ရက်​ကာလ ရောက်လာ​ပြီ​ဖြစ်၍ သူ​တို့​ကို​သတ်​မည့်​နေရာ​သို့ ဆင်းသွား​စေ​လော့​။ သူ​တို့​၌ အမင်္ဂလာ​ရှိ​၏​။

ယော​ရှု 10:19

သင်​တို့​မူကား ရပ်စောင့်​မ​နေ​ဘဲ ရန်သူ​တို့​နောက်သို့​လိုက်​၍ တိုက်ခိုက်​ကြ​လော့​။ သူ​တို့​ကို မြို့​ထဲသို့ တစ်ယောက်​မျှ မ​ဝင်​စေ​နှင့်​။ သင်​တို့​၏​ဘုရားသခင်​ထာဝရဘုရား​သည် သူ​တို့​ကို သင်​တို့​လက်​သို့ အပ်​တော်မူ​ပြီ​”​ဟု ဆို​လေ​၏​။

သူ​ကြီး 5:23

ထာဝရဘုရား​၏​ကောင်းကင်တမန်​က ‘​မေရောဇ​မြို့​ကို​ကျိန်ဆဲ​လော့​။ ထို​မြို့​၌​နေထိုင်​သော​သူ​တို့​ကို ကျိန်စာတိုက်​လော့​။ အကြောင်းမူကား သူ​တို့​သည် ထာဝရဘုရား​ဘက် လာ​မ​ကူ​ကြ​။ သူရဲကောင်း​တို့​နှင့်​တိုက်ခိုက်​သော​ထာဝရဘုရား​ဘက် လာ​မ​ကူ​ကြ​’​ဟု ဆို​၏​။

၁ ရာ 15:3

ယခု သွား​၍ အာမလက်​လူမျိုး​တို့​ကို တိုက်ခိုက်​လော့​။ သူ​တို့​ပိုင်ဆိုင်​သော​အရာ​အားလုံး​ကို ဖျက်ဆီး​ပစ်​လော့​။ မ​နှမြော​နှင့်​။ ယောက်ျား​၊ မိန်းမ​၊ ကလေး​မှစ၍ နို့စို့​ကလေးသူငယ်​များ​အပါအဝင် နွား​၊ သိုး​၊ ကုလားအုတ်​၊ မြည်း​တို့​ကို သတ်ဖြတ်​လော့​’​ဟူ၍ မိန့်​တော်မူ​ပြီ​”​ဟု ဆို​၏​။

၁ ရာ 15:9

သို့သော် ရှောလု​မင်းကြီး​နှင့် တပ်သား​တို့​သည် အာဂတ်​မင်းကြီး​ကို ချမ်းသာ​ပေး​၏​။ အကောင်းဆုံး​သော​သိုး​နွား​များ​၊ ဆူဖြိုး​သော​နွားသငယ်​များ​၊ သိုးသငယ်​များ​နှင့် တန်ဖိုး​ရှိ​သော​အရာ​အားလုံး​ကို​မူ နှမြော​၍ မ​ဖျက်ဆီး​လို​ကြ​။ တန်ဖိုး​မ​ရှိ​၊ အသုံးမဝင်​သော​အရာ​တို့​ကို​ကား အကုန်​ဖျက်ဆီး​ပစ်​လေ​၏​။