ယေ​ရ​မိ 46:14 - မြန်​​​မာ့​​​စံ​​​မီ​​​သမ္မာ​​​ကျမ်း​​

¹⁴ “​ဓား​သည် သင့်​ပတ်လည်​ရှိ​ပြည်​တို့​ကို ဝါးမျို​လေ​ပြီ​။ သင်​လည်း အသင့်ပြင်​၊ နေရာယူ​လော့​”​ဟု အီဂျစ်​ပြည်​၌​ကြွေးကြော်​လော့​။ မိဂဒေါလ​မြို့​၌ ကြေညာ​လော့​။ မင်ဖစ်​မြို့​၊ တာပနက်​မြို့​၌ ကြေညာ​လော့​။

Common Language Bible

¹⁴ ``အီ​ဂျစ်​မြို့​များ​ဖြစ်​သော​မိ​ဂ​ဒေါ​လ၊နော​ဖ​နှင့် တာ​ပ​နက်​မြို့​တို့​အား၊ သင်​တို့​သည်​မိ​မိ​တို့​အ​တွက်​ခု​ခံ​ကာ​ကွယ် အ​သင့်​ပြင်​ဆင်​ကြ​လော့။ သင်​တို့​တွင်​ရှိ​သ​မျှ​သော​အ​ရာ​တို့​သည် စစ်​ပွဲ​တွင် ဆုံး​ရှုံး​ပျက်​စီး​လိမ့်​မည်။''

Garrad Bible

¹⁴ ပတ် ဝန်း ကျင် ရှိ ပြည် များ သည် ဓား စာ ဖြစ် သော ကြောင့်၊ ခင်း ကျင်း ၍ စွဲ ရပ် ကြ လော့ ဟု၊ အိ ဂျစ် ပြည် တွင် ကြော် ငြာ လျက်၊ မိ ဂ ဒေါ လ၊ နော ဖ၊ တာ ပ နက် မြို့ များ ၌ ကြား ပြော ကြ လော့။

Judson Bible

¹⁴ သင့်​ပတ်​လည်၌ နေ​သော​သူ​တို့​ကို ဓား​တော်​သည် ကိုက်​စား​ပြီ။ ကိုယ်​ကို​ပြင်​ဆင်၍ မြဲ​မြံ​စွာ နေ​လော့​ဟု အဲ​ဂု​တ္တု​ပြည်၌ ကြွေး​ကြော်​ကြ​လော့။ မိ​ဂ​ဒေါ​လ​မြို့၌ သ​တင်း​ကြား​ကြ​လော့။ နော​ဖ​မြို့၊ တာ​ပ​နက်​မြို့၌​လည်း ကြား​ပြော​ကြ​လော့။

ယေ​ရ​မိ 46:14 ပူးပေါင်းရင်းမြစ်များ

၂ ရာ 2:26

အာဗနာ​က ယွာဘ​အား ဟစ်ခေါ်​ပြီး “​ဓား​သည် အစဉ်​ဝါးမျို​ရ​မည်လော​။ အဆုံး​မှာ ခါးသီးကြေကွဲ​ရ​မည်​ကို မ​သိ​သလော​။ ကိုယ့်​ညီအစ်ကိုချင်း​ကို ဆက်၍ မ​လိုက်​ကြ​ရန် လူ​တို့​ကို မ​တား​တော့​ပြီ​လော​”​ဟု ဆို​လေ​၏​။

ထွက်​မြောက် 14:2

“​အစ္စရေး​အမျိုးသား​တို့​သည်​ပြန်လှည့်​၍ မိဂဒေါလ​မြို့​နှင့်​ပင်လယ်​အကြား​ရှိ ပိဟဟိရုတ်​မြို့​အရှေ့​၊ ဗာလဇေဖုန်​မြို့​အရှေ့​၌ စခန်းချ​ရ​မည်​။ ဗာလဇေဖုန်​မြို့​နှင့်​မျက်နှာချင်းဆိုင် ပင်လယ်​အနီး​၌ စခန်းချ​ရ​မည်​ဟု သူ​တို့​အား ဆင့်ဆို​လော့​။

ဟေ​ရှာ​ယ 1:20

သို့သော် သင်​တို့ ငြင်းဆန်​ပုန်ကန်​ကြ​လျှင် ဓား​ဖြင့်​အသတ်​ခံရ​မည်​”​ဟု မိန့်​တော်မူ​၏​။ ဤသည်ကား ထာဝရဘုရား​၏​နှုတ်​တော်​ထွက်​စကား​ဖြစ်​၏​။

ဟေ​ရှာ​ယ 19:13

ဇောန​မြို့​၏​အကြီးအကဲ​တို့​သည် မိုက်မဲ​ကြ​ပြီ​။ မင်ဖစ်​မြို့​၏​အကြီးအကဲ​တို့​သည် လှည့်စား​ကြ​ပြီ​။ အီဂျစ်​ပြည်​၏​ခေါင်းဆောင်​တို့​သည် ပြည်သူပြည်သား​တို့​ကို လမ်းလွဲ​စေ​ကြ​ပြီ​။

ဟေ​ရှာ​ယ 31:8

“​အဆီးရီးယား​သည် လူ့​ဓား​မ​ဟုတ်​သော​ဓား​ဖြင့် ကျဆုံး​လိမ့်မည်​။ လူ့​ဓား​မ​ဟုတ်​သော​ဓား​သည် သူ့​ကို​ဝါးမျို​မည်​။ သူ​သည် ဓားဘေး​မှ​ထွက်ပြေး​ရ​မည်​။ သူ​၏​လူပျို​တို့​သည် အခိုင်းအစေ​ဖြစ်​ကြ​ရ​မည်​။

ဟေ​ရှာ​ယ 34:6

ထာဝရဘုရား​၏​ဓား​တော်​သည် သွေး​နှင့်​ဝ​ပြီ​၊ အဆီ​နှင့်​အီ​ပြီ​။ သိုးသငယ်​နှင့်​ဆိတ်ထီး​တို့​၏​သွေး​၊ သိုးထီး​တို့​၏​ကျောက်ကပ်​အဆီ​တို့​နှင့် ဝအီ​လေ​ပြီ​။ အကြောင်းမူကား ထာဝရဘုရား​သည် ဗောဇရ​မြို့​၌ ယဇ်ပူဇော်ပွဲ​၊ ဧဒုံ​ပြည်​၌ ကြီးမား​သော​သားသတ်ပွဲ ကျင်းပ​တော်မူ​ပြီ​။

ယေ​ရ​မိ 12:12

အဖျက်သမား​တို့​သည် တောကန္တာရ​ရှိ​တောင်ကတုံး​များ​ပေါ်သို့ တက်လာ​ကြ​ပြီ​။ ထာဝရဘုရား​၏​ဓား​တော်​သည် မြေကြီး​စွန်းတစ်ဘက်​မှ အခြား​မြေကြီး​စွန်းတစ်ဘက်​တိုင်အောင် ဝါးမျို​လိမ့်မည်​။ မည်သူမျှ ငြိမ်းချမ်း​စွာ​နေ​ရ​မည်​မ​ဟုတ်​။

ယေ​ရ​မိ 2:16

မင်ဖစ်​မြို့သား​၊ တာပနက်​မြို့သား​တို့​သည်​လည်း သင်​၏​ဦးထိပ်​ကို ထိုးဖောက်​ကြ​ပြီ​။

ယေ​ရ​မိ 2:30

“ငါ​သည် သင်​တို့​၏​သားသမီး​များ​ကို ဆုံးမ​သော်လည်း အကျိုးမရှိ​။ သူ​တို့​သည် ဆုံးမပဲ့ပြင်​ခြင်း​ကို​လက်​မ​ခံ​ကြ​။ သင်​တို့​၏​ဓား​သည် သွေးဆာ​နေ​သော​ခြင်္သေ့​ကဲ့သို့ ပရောဖက်​များ​ကို ဝါးမျို​လေ​ပြီ​။

ယေ​ရ​မိ 44:1

အီဂျစ်​ပြည်​၊ မိဂဒေါလ​မြို့​၊ တာပနက်​မြို့​၊ မင်ဖစ်​မြို့​၊ ပါသရု​မြို့​တို့​၌ နေထိုင်​သော ဂျူး​လူမျိုး​အပေါင်း​တို့​နှင့်​ပတ်သက်၍ ထာဝရဘုရား​၏​နှုတ်ကပတ်တော်​သည် ယေရမိ​ထံသို့​ရောက်လာ​၍

ယေ​ရ​မိ 46:10

ထို​နေ့ရက်​သည် ရန်သူ​တို့​ကို ကောင်းကင်​ဗိုလ်ခြေ​အရှင် ဘုရားရှင်​ထာဝရဘုရား လက်တုံ့ပြန်​ရာ​နေ့​ဖြစ်​၏​။ ဓား​သည် ရန်သူ​တို့​ကို ကျေနပ်​သည်​အထိ ဝါးမျို​မည်​။ သူ​တို့​သွေး​ကို သောက်​မည်​။ မြောက်ဘက်​အရပ်​၊ ယူဖရေးတီး​မြစ်​နား​၌ ကောင်းကင်​ဗိုလ်ခြေ​အရှင်​ထာဝရဘုရား​အဖို့ ယဇ်ပူဇော်ပွဲ​ကျင်းပ​လိမ့်မည်​။

ယေ​ရ​မိ 46:19

အီဂျစ်​ပြည်​၌​နေထိုင်​သော​သမီးပျို​၊ အထုပ်အပိုး​ပြင်ဆင်​ထား​လော့​။ သင်​သည် ဖမ်းခေါ်​သွား​ခြင်း​ခံရ​တော့​မည်​။ မင်ဖစ်​မြို့​သည် ဖျက်ဆီး​ခံရ​၍ နေထိုင်​သူ​မ​ရှိ​၊ လူသူကင်းမဲ့​ရာ ဖြစ်​လိမ့်မည်​။

ယေ​ရ​မိ 46:2

ယောရှိ​မင်းကြီး​၏​သား​တော် ယုဒ​ဘုရင်​ယောယကိမ်​မင်းကြီး​နန်းစံ​လေး​နှစ်​၊ ယူဖရေးတီး​မြစ်​နား ကာခေမိတ်​အရပ်​တွင် ဘေဘီလုံ​ဘုရင်​နေဗုခဒ်နေဇာ​မင်းကြီး​ကို စစ်ရှုံး​ခဲ့​သော အီဂျစ်​ဘုရင်​ဖာရော​နေခေါ​မင်းကြီး​၏​စစ်သည်​နှင့်တကွ အီဂျစ်​ပြည်သား​တို့​နှင့်​ပတ်သက်၍

ယေ​ဇ​ကျေ​လ 21:28

အချင်း​လူသား​၊ ပရောဖက်ပြု​၍ ဤသို့​ဆင့်ဆို​လော့​။ အမ္မုန်​အမျိုးသား​များ​နှင့်​ပတ်သက်၍​၊ သူ​တို့​ကဲ့ရဲ့ပြစ်တင်​သော​အမှု​နှင့်​ပတ်သက်၍ ဘုရားရှင်​ထာဝရဘုရား​က ‘​ဓား​၊ ဓား​ကို​ထုတ်​ထား​ပြီ​။ သတ်ဖြတ်​ရန် ပြောင်လက်​အောင် သွေး​ထား​ပြီ​ဖြစ်၍ ဓားသွား​မှာ​ဝင်းလက်​နေ​ပြီ​။

ယေ​ဇ​ကျေ​လ 30:13

ဘုရားရှင်​ထာဝရဘုရား​က ‘ရုပ်တု​တို့​ကို​လည်း ငါ​ဖျက်ဆီး​ပစ်​မည်​။ မင်ဖစ်​မြို့​ရှိ​ဘုရား​ဆင်းတု​တို့​ကို​လည်း ကွယ်ပျောက်​စေ​မည်​။ အီဂျစ်​ပြည်​တွင် ခေါင်းဆောင်​တစ်ယောက်​မျှ ရှိ​တော့​မည်​မ​ဟုတ်​။ အီဂျစ်​ပြည်​တစ်ပြည်လုံး ကြောက်ရွံ့ထိတ်လန့်​အောင် ငါ​ပြု​မည်​။

ဟော​ရှေ 9:6

ပျက်စီး​ခြင်း​ဘေး​ကြောင့် သူ​တို့​ထွက်ပြေး​သော်လည်း အီဂျစ်​ပြည်​သည် သူ​တို့​ကို​စုသိမ်း​လိမ့်မည်​။ မင်ဖိ​မြို့​သည် သူ​တို့​ကို​သင်္ဂြိုဟ်​လိမ့်မည်​။ သူ​တို့​တန်ဖိုး​ထား​သော​ငွေ​တို့​ကို ဖက်ယားပင် ဖုံးလွှမ်း​သွား​လိမ့်မည်​။ သူ​တို့​၏​တဲ​များ​ကို​လည်း ဆူးပင်​ဖုံးလွှမ်း​သွား​လိမ့်မည်​။

နာ​ဟုံ 2:13

ကောင်းကင်​ဗိုလ်ခြေ​အရှင်​ထာဝရဘုရား​က “​ငါ​သည် သင့်​ကို တိုက်ခိုက်​မည်​။ သင့်​စစ်ရထား​ကို မီးရှို့​ပစ်​မည်​။ သင့်​ခြင်္သေ့ပျို​တို့​ကို ဓား​ဖြင့်​ဖျက်ဆီး​မည်​။ သင့်​သားကောင်​ကို မြေကြီး​ပေါ်မှ ဖယ်ရှား​ပစ်​မည်​။ စေတမန်​တို့​၏​အသံ​ကို​လည်း နောက်တစ်ဖန် ကြား​ရ​တော့​မည်​မ​ဟုတ်​”​ဟု မိန့်​တော်မူ​၏​။

တ​ရား​ဟော 32:42

ငါ့​မြား​တို့​ကို သွေး​ဖြင့်​ယစ်မူး​စေ​မည်​။ ငါ့​ဓား​သည် အသား​ကို​စား​မည်​။ အသတ်ခံရ​သူ​၊ အဖမ်းဆီးခံရသူ​တို့​၏​သွေး​ကို​သောက်​မည်​။ ရန်သူ့​ခေါင်းဆောင်​တို့​၏​ဦးခေါင်း​ကို​လည်း စား​မည်”​ဟူ၍ ငါ​ကျိန်ဆို​သည်’​ဟု မိန့်​တော်မူ​၏​။