ယေ​ရ​မိ 46:11 - မြန်​​​မာ့​​​စံ​​​မီ​​​သမ္မာ​​​ကျမ်း​​

¹¹ အို အီဂျစ်​သမီး​ပျို​၊ ဂိလဒ်​ပြည်​သို့​သွား​၍ လိမ်းဆေး​ကို​ယူ​လော့​။ သင်​သည် ဆေး​အမျိုးစုံ​လိမ်း​သော်လည်း အချည်းနှီး​သာ​ဖြစ်​၏​။ သင့်​အနာ ပျောက်ကင်း​မည်​မ​ဟုတ်​။

Common Language Bible

¹¹ အီ​ဂျစ်​ပြည်​သူ​ပြည်​သား​တို့၊ ဂိ​လဒ်​ပြည်​သို့​သွား​၍ ဆေး​ဝါး​များ​ကို​ရှာ​ကြ​လော့။ သင်​တို့​၏​ဆေး​များ​သည်​တန်​ခိုး​အာ​နိ​သင် မ​ရှိ။ သင်​တို့​၏​အ​နာ​ရော​ဂါ​ကို​မ​ပျောက်​ကင်း​စေ​နိုင်။

Garrad Bible

¹¹ အို သ တို့ သ မီး က ညာ အိ ဂျစ်၊ ဂိ လဒ် ပြည် သို့ တက် သွား ၍ လိမ်း ဆေး ကို ယူ လော့။ ဆေး ဝါး များ ပြား သော် လည်း၊ ကု သ ၍ မ ရ၊ အ ချည်း နှီး ဖြစ် လေ စွ။

Judson Bible

¹¹ အို အဲ​ဂု​တ္တု​သ​တို့​သ​မီး​က​ညာ၊ ဂိ​လဒ်​ပြည်​သို့​သွား၍ ဗာ​လ​စံ​စေး​ကို​ယူ​လော့။ သင်​သည် များ​စွာ​သော​ဆေး​ကို အ​ချည်း​နှီး​သုံး​တတ်၏။ သင်၏​အ​နာ​မ​ပျောက်​နိုင်​ရာ။

ယေ​ရ​မိ 46:11 ပူးပေါင်းရင်းမြစ်များ

ကမ္ဘာ​ဦး 37:25

ထို့နောက် သူ​တို့​သည် အစားအစာ​စားသောက်​ရန် ထိုင်​လိုက်​ကြ​စဉ် ဣရှမေလ​လူမျိုး ခရီးသွား​လူတစ်စု​သည် နံ့သာမျိုး​များ​၊ လိမ်းဆေး​များ​နှင့် မုရန်စေး​များ​ကို ကုလားအုတ်​များ​ပေါ်​တင်ဆောင်​လျက် ဂိလဒ်​ပြည်​ဘက်​မှ အီဂျစ်​ပြည်​သို့​ဆင်း​သွား​နေ​သည်​ကို လှမ်းမြင်​ရ​၏​။

ကမ္ဘာ​ဦး 43:11

ထိုအခါ သူ​တို့​၏​ဖခင်​အစ္စရေး​က သူ​တို့​အား “​သို့ဖြစ်လျှင် ဤသို့​ပြု​ကြ​လော့​။ လိမ်းဆေး​အနည်းငယ်​၊ ပျားရည်​အနည်းငယ်​၊ နံ့သာမျိုး​၊ မုရန်စေး​၊ အခွံမာသီး​၊ ဗာဒံသီး စသည့် ဤ​ပြည်​မှ​ထွက်​သော အကောင်းဆုံးအရာ​တို့​ကို သင်​တို့​အိတ်​များ​၌​ထည့်​၍ ထို​သူ​အဖို့​လက်ဆောင်​အဖြစ်​ယူသွား​ကြ​လော့​။

ဟေ​ရှာ​ယ 47:1

အို ဘေဘီလုံ​သမီး​ပျို​၊ မြေမှုန့်​ပေါ်တွင် ဆင်း​ထိုင်​လော့​။ အို ခါလဒဲ​သမီး​၊ ရာဇပလ္လင်​ပေါ်​မ​ဟုတ်​၊ မြေကြီး​ပေါ်တွင် ထိုင်​လော့​။ သင့်​ကို နူးညံ့​သိမ်မွေ့​သော​သူ​ဟု ခေါ်​တော့​မည်​မ​ဟုတ်​။

ယေ​ရ​မိ 14:17

ထို့ကြောင့် သင်​သည် သူ​တို့​အား ‘​ငါ့​လူမျိုး​သမီးပျို​သည် ကျိုးပဲ့ကြေမွ​သော​ဒဏ်ရာ​ရ​၍ ပြင်းထန်စွာ​ဝေဒနာ​ခံစား​ရ​သောကြောင့် ငါ​သည် အငို​မ​ရပ်​၊ နေ့နေ့​ညည​ငို​မည်​။

ယေ​ရ​မိ 31:21

မှတ်တိုင်​များ​ကို စိုက်သွား​လော့​။ ကျောက်ပုံ​များ​ဖြင့် အမှတ်အသားပြု​သွား​လော့​။ သင်​သွား​သော​လမ်းမကြီး​ကို သင့်​စိတ်​ထဲ၌ မှတ်သား​သွား​လော့​။ အို အစ္စရေး​အပျိုကညာ​၊ ပြန်လာ​လော့​။ ဤ​မြို့​များ​သို့ ပြန်လာ​လော့​။

ယေ​ရ​မိ 31:4

အို အစ္စရေး​အပျိုကညာ​၊ ငါ​သည် သင့်​ကို ပြန်လည်​တည်ဆောက်​မည်​။ သင်​သည် ပြန်လည်​တည်ဆောက်​ခြင်း​ခံရ​မည်​။ သင်​သည် ပတ်သာ​ကို​ဆောင်​လျက် ပျော်မြူး​ကခုန်​သော​သူ​တို့​နောက်​သို့ တစ်ဖန် လိုက်သွား​ရ​လိမ့်မည်​။

ယေ​ရ​မိ 51:8

ဘေဘီလုံ​မြို့​ကြီး ရုတ်ခြည်း​ပြိုလဲ​ပျက်စီး​သွား​ပြီ​။ သူ့​အတွက် ညည်းတွားငိုကြွေး​ကြ​လော့​။ ဝေဒနာ​ပျောက်​ကောင်း​ပျောက်​နိုင်​မည်​ဖြစ်၍ လိမ်းဆေး​ယူလာ​ပေး​ကြ​လော့​။

ယေ​ရ​မိ 8:22

ဂိလဒ်​ပြည်​၌ လိမ်းဆေး မ​ရှိ​သလော​၊ ဆေးဆရာ မ​ရှိ​သလော​။ ငါ့​လူမျိုး​၏​သမီးပျို​သည် အဘယ်ကြောင့် အနာ​မ​ပျောက်​ရ​သနည်း​။

ယေ​ဇ​ကျေ​လ 27:17

ယုဒ​ပြည်​၊ အစ္စရေး​ပြည်​တို့​သည်​လည်း သင်​နှင့်​ကုန်သွယ်​ကြ​၏​။ သင့်​ကုန်စည်​တို့​ကို မိန္နိတ်​မြို့​မှ​ထွက်​သော ဂျုံ​၊ မုန့်​၊ ပျားရည်​၊ ဆီ​၊ လိမ်းဆေး စသည်​တို့​နှင့် လဲလှယ်​ကြ​၏​။

မိက္ခာ 1:9

အကြောင်းမူကား မပျောက်ကင်း​နိုင်​သော ရှမာရိ​မြို့​၏​ဒဏ်ရာ​များ​သည် ယုဒ​ပြည်​အထိ ရောက်​လေ​ပြီ​။ ဂျေရုဆလင်​မြို့​ရှိ အကျွန်ုပ်​လူမျိုး​၏​မြို့​တံခါး​သို့ ရောက်​လေ​ပြီ​။

နာ​ဟုံ 3:19

သင့်​ဒဏ်ရာ​ကို ကုသ​ပေး​မည့်​သူ​မ​ရှိ​။ သင့်​အနာ​သည် ဆိုးရွား​လှ​၏​။ သင်​မ​နှိပ်စက်​ခဲ့​ဖူး​သူ ရှိ​သလော​။ ထို့ကြောင့် သင့်​သတင်း​ကို ကြား​ရ​သော​သူ​အားလုံး လက်ခုပ်တီး​ကြ​လိမ့်မည်​။

မဿဲ 5:26

သင့်​အား ငါ​အမှန်​ဆို​မည်။ နောက်ဆုံး​ကွတ်ရန်တေး​တစ်​ပြား​ကို သင်​ပြန်၍​မ​ဆပ်​မချင်း ထို​နေရာ​မှ လုံးဝ​ထွက်​ရ​မည်​မ​ဟုတ်။