ယေ​ရ​မိ 4:5 - မြန်​​​မာ့​​​စံ​​​မီ​​​သမ္မာ​​​ကျမ်း​​

⁵ ယုဒ​ပြည်​၌ ဟောပြော​လော့​။ ဂျေရုဆလင်​မြို့​ကို ကြားသိ​စေ​လော့​။ ပြည်​တစ်လျှောက်လုံး တံပိုး​မှုတ်​ကြ​လော့​။ ‘စုဝေး​ကြ​စို့​။ ခံတပ်​မြို့​များ​အတွင်း​သို့​ဝင်​ကြ​စို့’​ဟု ကြွေးကြော်​ကြ​လော့​။

Common Language Bible

⁵ ယု​ဒ​ပြည်​တစ်​လျှောက်​လုံး​၌​တံ​ပိုး​ခ​ရာ​မှုတ် ကြ​လော့။ ရှင်း​လင်း​ကျယ်​လောင်​စွာ​ကြွေး​ကြော်​ကြ​လော့။ ယု​ဒ​ပြည်​သား​များ​နှင့်​ယေ​ရု​ရှ​လင်​မြို့​သား တို့​အား ခံ​တပ်​မြို့​များ​သို့​ပြေး​ဝင်​ကြ​ရန်​ပြော​ကြား​ကြ​လော့။

Garrad Bible

⁵ ခံ မြို့ ရိုး များ အ တွင်း သို့ စု ရုံး ခို ဝင် ကြ ကုန် အံ့ ဟု ဟစ် ခေါ် စေ ရန်၊ ပြည် တစ် လျှောက် တံ ပိုး မှုတ် ကြ ရ မည့် အ ကြောင်း၊ ယေ ရု ရှ လင် မြို့ မှ စ၍ ယု ဒ ပြည် လုံး နှံ့ ဖော် ပြ ကြော် ငြာ ကြ လော့။

Judson Bible

⁵ ယု​ဒ​ပြည်၌ တံ​ပိုး​မှုတ်​ကြ​လော့​ဟု၊ ယေ​ရု​ရှ​လင်​မြို့​မှ​စ၍ တစ်​ပြည်​လုံး​ကြွေး​ကြော်၍ သ​တင်း​ကြား​ကြ​လော့။ စည်း​ဝေး၍ ခိုင်​ခံ့​သော​မြို့​များ အ​တွင်း​သို့ ဝင်​ကြ​ကုန်​အံ့​ဟု အ​ရပ်​ရပ်၌ အ​နှံ့​အ​ပြား ကြွေး​ကြော်​ကြ​လော့။

ယေ​ရ​မိ 4:5 ပူးပေါင်းရင်းမြစ်များ

ဟေ​ရှာ​ယ 28:19

ဖြတ်သွား​သည့်​အခါတိုင်း သင်​တို့​ကို​ယူဆောင်​သွား​မည်​။ နံနက်တိုင်း​၊ နေ့တိုင်း​၊ ညတိုင်း​ဖြတ်သွား​မည်​။ သတင်း​ကြား​ရုံ​ဖြင့် ထိတ်လန့်​ခြင်း​ကို ဖြစ်စေ​မည်​”​ဟု မိန့်​တော်မူ​၏​။

ယေ​ရ​မိ 11:2

ဤ​ပဋိညာဉ်​၌​ပါရှိ​သော​အချက်​တို့​ကို နားထောင်​၍ ယုဒ​ပြည်သူ​၊ ဂျေရုဆလင်​မြို့သား​တို့​အား ဆင့်ဆို​လော့​။

ယေ​ရ​မိ 35:11

ဘေဘီလုံ​ဘုရင် နေဗုခဒ်နေဇာ​မင်းကြီး​သည် ဤ​ပြည်​ကို လာတိုက်​သောအခါ အကျွန်ုပ်​တို့​က ‘​ခါလဒဲ​စစ်သည်​၊ ဆီးရီးယား​စစ်သည်​တို့​၏​ရန်​ကြောင့် ဂျေရုဆလင်​မြို့​သို့​သွား​မည်​’​ဟု ဆို​လျက် ဂျေရုဆလင်​မြို့​သို့ သွားရောက်​နေထိုင်​ကြ​ပါ​သည်​”​ဟူ၍ ပြန်လည်​ပြောဆို​လေ​၏​။

ယေ​ရ​မိ 5:20

ဤ​အကြောင်းအရာ​ကို ယာကုပ်​အမျိုးအနွယ်​အား ပြောကြား​လော့​။ ယုဒ​ပြည်​၌ ကြေညာ​လော့​။

ယေ​ရ​မိ 6:1

အို ဗင်္ယာမိန်​အမျိုးသား​တို့​၊ ဂျေရုဆလင်​မြို့​မှ​ထွက်​၍ လုံခြုံ​ရာ​သို့​ပြေး​ကြ​လော့​။ တေကော​ရွာ​၌ တံပိုး​မှုတ်​ကြ​လော့​။ ဗေသက္ကရင်​ရွာ​၌ အချက်ပြ​မီး​ကို မြှောက်ပြ​ကြ​လော့​။ ပျက်စီး​ခြင်း​ဘေးအန္တရာယ်​ကြီး​သည် မြောက်ဘက်​အရပ်​မှ ထွက်ပေါ်​လာ​ပြီ​။

ယေ​ရ​မိ 8:14

ငါ​တို့ အဘယ်ကြောင့်​ထိုင်​နေ​ကြ​သနည်း​။ အတူတကွ​စုဝေး​လျက် ခံတပ်​မြို့​များ​ထဲသို့​ဝင်​၍ သေကျေပျက်စီး​ကြ​ကုန်​စို့​။ ထာဝရဘုရား​ကို ငါ​တို့​ပြစ်မှား​ကြ​သောကြောင့် ငါ​တို့​၏​ဘုရားသခင်​ထာဝရဘုရား​သည် ငါ​တို့​ကို သေကျေပျက်စီး​စေ​တော်မူ​ပြီ​။ အဆိပ်​ရေ​ကို​သောက်​စေ​တော်မူ​ပြီ​။

ယေ​ရ​မိ 9:12

ဤ​အမှုအရာ​ကို နားလည်​နိုင်​အောင် မည်သူ​ပညာရှိ​သနည်း​။ ဤ​အမှုအရာ​ကို ပြောကြား​နိုင်​အောင် ထာဝရဘုရား​သည် မည်သူ့​အား ဖော်ပြ​တော်မူ​သနည်း​။ ပြည်​သည် ဖြတ်သန်းသွားလာ​သူ​မ​ရှိ​သော​တောကန္တာရ​ကဲ့သို့ အဘယ်ကြောင့် ပျက်စီး​၍ ဆိတ်ညံ​ရ​သနည်း​။

ယေ​ဇ​ကျေ​လ 7:14

လူ​အပေါင်း​တို့​ကို ငါ​အမျက်ထွက်​သောကြောင့် တံပိုး​မှုတ်​၍​အဆင်သင့်​ပြင်ဆင်​ထား​သော်လည်း စစ်ချီတက်​မည့်​သူ​တစ်ယောက်မျှ​မ​ရှိ​။

ဟော​ရှေ 8:1

တံပိုးမှုတ်​၍ သတိပေး​ကြ​လော့​။ သူ​တို့​သည် ငါ့​ပဋိညာဉ်​ကို ချိုးဖောက်​ပြီး ပညတ်တရား​ကို ပုန်ကန်​ကြ​သောကြောင့် ရန်သူ​သည် လင်းယုန်ငှက်​ကဲ့သို့ ထာဝရဘုရား​၏​အိမ်​တော်​ကို လာ​တိုက်ခိုက်​မည်​။

ယော​လ 2:1

ဇိအုန်​တောင်​ပေါ်တွင် တံပိုး​မှုတ်​ကြ​လော့​။ ငါ​၏​သန့်ရှင်း​ရာ​တောင်​တော်​ပေါ်တွင် သတိပေးသံပြု​ကြ​လော့​။ ထာဝရဘုရား​၏​နေ့ရက်​သည် လာ​နေ​ပြီ​၊ အမှန်ပင် ရောက်​လု​နီး​ပြီ​ဖြစ်​သောကြောင့် ပြည်သူပြည်သား​အပေါင်း​တို့​၊ ထိတ်လန့်တုန်လှုပ်​ကြ​လော့​။

အာ​မုတ် 3:6

မြို့​ထဲတွင် တံပိုးမှုတ်သံ​ကြား​သောအခါ လူ​တို့ မ​ထိတ်လန့်​ဘဲ နေ​မည်လော​။ ထာဝရဘုရား​ပြု​တော်​မ​မူ​ဘဲ မြို့​ထဲတွင် ဘေးအန္တရာယ်​ကျရောက်​နိုင်​မည်လော​။

အာ​မုတ် 3:8

ခြင်္သေ့​ဟိန်းဟောက်​သောအခါ မ​ကြောက်​သော​သူ ရှိ​သလော​။ ဘုရားရှင်​ထာဝရဘုရား​မိန့်ဆို​သောအခါ ပရောဖက်​မ​ပြု​ဘဲ နေ​ဝံ့​သူ ရှိ​သလော​။

တော​လည် 10:2

“​သင့်​အတွက် ငွေ​တံပိုးခရာ​နှစ်​ခု​ကို ထုလုပ်​လော့​။ လူထု​ကို​စုရုံး​ရာ​တွင်​လည်းကောင်း​၊ တပ်စခန်း​တို့ ခရီးဆက်ရာ​တွင်​လည်းကောင်း ထို​ခရာ​တို့​ကို မှုတ်​ရ​မည်​။

တော​လည် 10:3

ခရာ​တို့​ကို​မှုတ်​သောအခါ လူထု​အပေါင်း​တို့​သည် တွေ့ဆုံစည်းဝေးရာ​တဲ​တော်​အဝင်ဝ​၊ သင့်​ထံ၌ စုဝေး​ရ​မည်​။

ယော​ရှု 10:20

ယောရှု​နှင့်​အစ္စရေး​အမျိုးသား​တို့​သည် ရန်သူ​အမြောက်အမြား​ကို တိုက်ခိုက်​သတ်ဖြတ်​ပြီး အပြီးတိုင်​ချေမှုန်း​ခဲ့​၏​။ အသက်ရှင်​ကျန်ရစ်​သော​သူ​တို့​သည် ခံတပ်​မြို့​သို့ ပြေးဝင်​ကြ​၏​။