ယေ​ရ​မိ 36:24 - မြန်​​​မာ့​​​စံ​​​မီ​​​သမ္မာ​​​ကျမ်း​​

²⁴ ထို​စကား​အလုံးစုံ​တို့​ကို​ကြား​ရ​သော ရှင်ဘုရင်​နှင့် သူ​၏​အစေအပါး​အားလုံး​တို့​သည် ကြောက်ရွံ့တုန်လှုပ်​ခြင်း​မ​ရှိ​ကြ​၊ အဝတ်​ကို​မ​ဆုတ်​ကြ​။

Common Language Bible

²⁴ သို့​ရာ​တွင်​စာ​လိပ်​ပါ​စ​ကား​အ​လုံး​စုံ​ကို ကြား​ရ​သူ​မင်း​ကြီး​နှင့်​တ​ကွ အ​ဘယ်​မှူး မတ်​မျှ​ကြောက်​လန့်​မှု​မ​ဖြစ်​ကြ။ နောင်​တ ရ​သည့်​လက္ခ​ဏာ​ကို​လည်း​မ​ပြ​ကြ။-

Garrad Bible

^24-25 ဧ လ နာ သန်၊ ဒေ လာ ယ၊ ဂေ မ ရိ တို့ သည် ထို ကျမ်း လိပ် ကို မ ကျွမ်း စေ ခြင်း ငှာ၊ အ သ နား ခံ ကြ သော် လည်း၊ ဘု ရင် မင်း နား မ ဝင် သည့် ပြင်၊ ထို ကျမ်း ချက် အ လုံး စုံ ကို ကြား ရ သူ၊ ကျေး ကျွန် သင်း ပင်း တို့ နှင့် တ ကွ၊ မ ကြောက် မ ရွံ့၊ အ ဝတ် မ ဆုတ် ဘဲ နေ လေ ၏။

Judson Bible

²⁴ ရှင်​ဘု​ရင်​မှ​စ၍၊ ထို​စ​ကား​အ​လုံး​စုံ​တို့​ကို ကြား​သော ရှင်​ဘု​ရင်၏ ကျွန်​တစ်​ယောက်​မျှ မ​ကြောက်၊ မိ​မိ​အ​ဝတ်​ကို​လည်း မ​ဆုတ်​ကြ။

ယေ​ရ​မိ 36:24 ပူးပေါင်းရင်းမြစ်များ

ကမ္ဘာ​ဦး 37:29

ရုဗင်​သည် တွင်း​သို့​ပြန်လာ​သောအခါ တွင်း​ထဲ၌​ယောသပ်​မ​ရှိ​သဖြင့် မိမိ​၏​အဝတ်​ကို ဆုတ်ဖြဲ​ပြီးလျှင်

ကမ္ဘာ​ဦး 37:34

ယာကုပ်​သည် မိမိ​အဝတ်​ကို​ဆုတ်ဖြဲ​၍ ခါး​၌​လျှော်တေအဝတ်​ကို​စည်း​ကာ မိမိ​သား​အတွက် ရက်​ပေါင်း​များစွာ​ငိုကြွေးမြည်တမ်း​လေ​၏​။

၂ ရာ 1:11

ထိုအခါ ဒါဝိဒ်​သည် မိမိ​ဝတ်​ထား​သော​အဝတ်​ကို ဆွဲ​ဆုတ်​ပစ်​၏​။ သူ့​နောက်လိုက်​အပေါင်း​တို့​သည်​လည်း ထိုနည်းတူ ပြု​ကြ​ပြီးလျှင်

၃ ရာ 21:27

အာဟပ်​မင်းကြီး​သည် ဧလိယ​စကား​ကို ကြား​သောအခါ မင်းဝတ်တန်ဆာ​များ​ကို​ဆုတ်ဖြဲ​ပစ်​၍ လျှော်တေအဝတ်​ကို​ဝတ်​ကာ အစာရှောင်​လေ​၏​။ လျှော်တေအဝတ်​နှင့်ပင်​အိပ်​၏​။ လမ်းလျှောက်​လျှင်​လည်း မျက်နှာမဖော်​ဝံ့​။

ယောဘဝတ္တု။ 15:4

အကယ်စင်စစ် သင်​၌ အကြောက်အလန့် မ​ရှိ​တော့​ပြီ​။ ဘုရားသခင်​ထံ အာရုံပြုလိုစိတ်​လည်း ပပျောက်​လေ​ပြီ​။

ဆာ​လံ 36:1

ဆိုးယုတ်​သော​သူ​ကျူးလွန်​သော​အပြစ်​နှင့်​ပတ်သက်၍ ငါ​၏​စိတ်နှလုံး​အထဲ​မှ​မိန့်ကြား​တော်မူ​ချက်​မှာ “​သူ​၏​မျက်စိ​ရှေ့​တွင် ဘုရားသခင်​ကို​ကြောက်ရွံ့​ခြင်း​မ​ရှိ​။

ဆာ​လံ 36:2

အကြောင်းမူကား သူ​သည် မိမိကိုယ်ကို​မြှောက်ပင့်​ပြောဆို​၍ မိမိ​ဒုစရိုက်​ကို​မ​မြင်​နိုင်​၊ မ​မုန်း​နိုင်​ချေ​။

ဆာ​လံ 64:5

သူ​တို့​သည် မကောင်း​သော​အမှုအရာ​အတွက် သူ​တို့​ကိုယ်​သူ​တို့​အားပေး​ကြ​၏​။ ထောင်ချောက်​များ​ကို​လျှို့ဝှက်​စွာ​ထောင်​ရန် တိုင်ပင်​လျက် “​၎င်း​တို့​ကို မည်သူ​မြင်​မည်နည်း​”​ဟု ဆို​ကြ​၏​။

ထွက်​မြောက် 7:23

ဖာရော​မင်းကြီး​သည် မိမိ​နန်းတော်​သို့​လှည့်​ပြန်သွား​ကာ ဤ​အမှု​ကို​လည်း နှလုံး​မ​သွင်း​ဘဲ​နေ​၏​။

ဟေ​ရှာ​ယ 26:11

အို ထာဝရဘုရား​၊ ကိုယ်တော်​သည် လက်​တော်​ကို​မြှောက်​သော်လည်း သူ​တို့​မ​မြင်​။ ကိုယ်တော်​၏​လူမျိုး​တော်​အတွက် ကိုယ်တော်​စိတ်အားထက်သန်​တော်မူ​သည်​ကို သူ​တို့​တွေ့မြင်​၍ ရှက်ကြောက်​ကြ​ပါစေ​။ ကိုယ်တော်​၏​ရန်သူ​တို့​ကို လောင်ကျွမ်း​မည့်​မီး​သည် သူ​တို့​ကို​လောင်ကျွမ်း​ပါစေ​။

ဟေ​ရှာ​ယ 36:22

ထို့နောက် ဟိလခိ​၏​သား နန်းတော်အုပ်​ဧလျာကိမ်​၊ စာရေးတော်ကြီး​ရှေဗန​၊ အာသပ်​၏​သား အတွင်းဝန်​ယောအာ​တို့​သည် မိမိ​တို့​အဝတ်​ကို​ဆုတ်ဖြဲ​ပြီး ဟေဇကိ​မင်းကြီး​ထံသို့ ပြန်လာ​၍ ရာဗရှာခ​ပြော​သော​စကား​တို့​ကို လျှောက်ထား​ကြ​၏​။

ဟေ​ရှာ​ယ 37:1

ဟေဇကိ​မင်းကြီး​သည် ထို​စကား​ကို​ကြား​လျှင် မိမိ​အဝတ်​ကို​ဆုတ်ဖြဲ​၍ လျှော်တေအဝတ်​ကို​ဝတ်​ပြီး ထာဝရဘုရား​၏​အိမ်​တော်​သို့ သွား​လေ​၏​။

ယေ​ရ​မိ 36:16

သူ​တို့​သည် စကား​တော်​အလုံးစုံ​ကို ကြား​ရ​သောအခါ အသီးသီး​ကြောက်ရွံ့တုန်လှုပ်​ကြ​၏​။ ဗာရုတ်​အား​လည်း “​ဤ​စကား​အလုံးစုံ​တို့​ကို ရှင်ဘုရင်​ထံ မဖြစ်မနေ​တင်ပြ​ရ​မည်​”​ဟု ဆို​ပြီး

ယေ​ရ​မိ 5:3

အို ထာဝရဘုရား​၊ ကိုယ်တော်​သည် သစ္စာတရား​ကို လိုလား​တော်မူ​သည်​မ​ဟုတ်​လော​။ ကိုယ်တော်​သည် သူ​တို့​ကို​ဒဏ်ခတ်​သော်လည်း သူ​တို့​မ​နာ​ကြ​။ သူ​တို့​ကို​ဖျက်ဆီး​သော်လည်း ဆုံးမပဲ့ပြင်​ခြင်း​ကို​မခံယူ​ကြ​။ သူ​တို့​သည် မိမိ​တို့​၏​မျက်နှာ​ကို ကျောက်တုံး​ထက်​ပင် မာကျော​စေ​ကြ​၏​။ ကိုယ်တော့်​ထံ ပြန်လာ​ရန် ငြင်းဆို​ကြ​၏​။

ယော​န 3:6

နိနေဝေ​ဘုရင်​သည် ထို​အကြောင်း​ကို​ကြား​သောအခါ ရာဇပလ္လင်​ပေါ်မှ​ဆင်း​ပြီး မင်းဝတ်တန်ဆာ​ကို​ချွတ်​ကာ လျှော်တေအဝတ်​ကို​ခြုံ​၍ ပြာပုံ​တွင် ထိုင်​လေ​၏​။

မဿဲ 12:41

တရား​စီရင်​တော်မူ​သည့်​အခါ နိနေဝေ​မြို့သား​တို့​သည် ဤ​မျိုးဆက်​နှင့်အတူ​ထမြောက်​လျက် ဤ​မျိုးဆက်​၏​အပြစ်​ကို ထင်ရှား​စေ​ကြ​လိမ့်မည်။ အကြောင်းမူကား သူ​တို့​သည် ယောန​၏​ဟောပြော​ချက်​ကြောင့် နောင်တရ​ကြ​၏။ ကြည့်ရှု​လော့။ ဤ​အရပ်​၌ ယောန​ထက် ကြီးမြတ်​သော​သူ​ရှိ​၏။

ရော​မ 3:18

သူ​တို့​၏​မျက်စိ​ရှေ့တွင် ဘုရားသခင်​ကို​ကြောက်ရွံ့​ခြင်း​မ​ရှိ”​ဟု ကျမ်းစာ​၌​ရေး​ထား​သည့်​အတိုင်း​ဖြစ်​၏။