ယေ​ရ​မိ 35:2 - မြန်​​​မာ့​​​စံ​​​မီ​​​သမ္မာ​​​ကျမ်း​​

² “​သင်​သည် ရေခပ်​အမျိုးသား​တို့​ထံ သွား​၍​စကားပြော​လော့​။ သူ​တို့​ကို ထာဝရဘုရား​၏​အိမ်​တော်​အခန်း​တစ်​ခု​သို့ ခေါ်လာ​၍ စပျစ်ဝိုင်​ကို​တိုက်​လော့​”​ဟု မိန့်ဆို​၏​။

Common Language Bible

² ``သင်​သည်​ရေ​ခပ်​သား​ချင်း​စု​အ​ပေါင်း​တို့ ထံ​သို့​သွား​၍​စ​ကား​စ​မြည်​ပြော​ပြီး​လျှင် သူ​တို့​အား​ဗိ​မာန်​တော်​အ​ခန်း​တစ်​ခု​သို့ ခေါ်​ဆောင်​ကာ​စ​ပျစ်​ရည်​ကို​တိုက်​လော့'' ဟု​မိန့်​တော်​မူ​၏။-

Judson Bible

² သင်​သည် ရေ​ခပ်​အ​မျိုး​သား​တို့​အိမ်​သို့​သွား၍၊ သူ​တို့​နှင့် နှုတ်​ဆက်​ပြီး​မှ၊ ဗိ​မာန်​တော် အ​ခန်း​တစ်​ခန်း​ထဲ​သို့ ခေါ်​သွင်း၍ စ​ပျစ်​ရည်​ကို တိုက်​ပေး​လော့​ဟု မိန့်​တော်​မူ​သည်​အ​တိုင်း၊

ယေ​ရ​မိ 35:2 ပူးပေါင်းရင်းမြစ်များ

၃ ရာ 6:10

အိမ်​တော်​ပတ်ပတ်လည်​တွင် အမြင့်​ငါး​တောင်​ရှိ​သော​အခန်းငယ်​များ ဆောက်လုပ်​ထား​ပြီး ထို​အခန်း​များ​ကို သစ်ကတိုးသား​ရက်မ​များ​ဖြင့် အိမ်​တော်​နှင့်​တွဲဆက်​ထား​၏​။

၃ ရာ 6:8

မြေညီထပ်​ရှိ​ဝင်ပေါက်​မှာ အိမ်​တော်​၏​ယာဘက်​ခြမ်း​တွင်​ရှိ​၏​။ ကြောင်လိမ်လှေကား​ဖြင့် အလယ်ထပ်​၊ တတိယထပ်​တို့​သို့ တက်ရောက်​နိုင်​၏​။

၁ ရာ​ချုပ် 2:55

ယာဗက်​မြို့​တွင်​နေထိုင်​သော စာရေးတော်ကြီး​မျိုးနွယ်စု​များ​၊ တိရသိ​လူမျိုး​၊ ရှိမသိ​လူမျိုး​၊ စုခသိ​လူမျိုး​တို့ ဖြစ်​ကြ​၏​။ ဤ​သူ​တို့​သည် ရေခပ်​အမျိုးအနွယ်​၏​ဖခင်​ဟမ္မတ်​မှ​ဆင်းသက်​လာ​သော ကေနိ​လူမျိုး​များ​ဖြစ်​၏​။

၁ ရာ​ချုပ် 23:28

သူ​တို့​၏​တာဝန်​မှာ အာရုန်​၏​သားမြေး​များ ထာဝရဘုရား​၏​အိမ်​တော်​တွင် အမှု​တော်​ထမ်းဆောင်​သောအခါ ဝိုင်းကူ​ပေး​ရန်​ဖြစ်​၏​။ အိမ်​တော်​ဝင်း​၊ အိမ်​တော်​အခန်း​များ​၊ သန့်ရှင်းရာဌာန​ရှိ​အရာ​အားလုံး သန့်ရှင်းသပ်ရပ်​အောင်​ဆောင်ရွက်​ရန်​နှင့် ဘုရားသခင်​၏​အိမ်​တော်​အမှု​ကို ထမ်းဆောင်​ရန်​အတွက်​ဖြစ်​၏​။

၁ ရာ​ချုပ် 28:12

ထို့ပြင် ဒါဝိဒ်​မင်းကြီး​၏​စိတ်​ထဲတွင်​ပေါ်လာ​သည့်​အတိုင်း ထာဝရဘုရား​၏​အိမ်​တော်​ဝင်း​အပါအဝင် ပတ်လည်​အခန်း​များ​အားလုံး​၊ ဘုရားသခင်​အိမ်​တော်​၏​ဘဏ္ဍာတိုက်​နှင့် ဆက်ကပ်လှူဒါန်း​သော​ပစ္စည်း​များ​ထား​ရာ​သိုလှောင်ရုံ စသည်​တို့​၏​ပုံစံ​များ​ကို​ပါ ပေးအပ်​လေ​၏​။

၁ ရာ​ချုပ် 9:26

သစ္စာရှိ​သော​လေဝိ​အမျိုးသား​တံခါးမှူး​လေး​ယောက်​မှာ ဘုရားသခင်​၏​အိမ်​တော်​ဘဏ္ဍာတိုက်​နှင့် အခန်း​များ​ကို စောင့်ကြပ်​ပေး​ရ​၏​။

၁ ရာ​ချုပ် 9:33

အိမ်​တော်​အခန်း​များ​တွင်​နေထိုင်​ရ​သော လေဝိ​မျိုးနွယ်စု​ခေါင်းဆောင်​သီချင်းသည်​တို့​သည် နေ့ရောညပါ​အမှု​တော်​ထမ်း​ရ​သောကြောင့် အခြား​တာဝန်​များ​နှင့် ကင်းလွတ်​ခွင့်​ရ​ကြ​၏​။

၂ ရာ​ချုပ် 3:9

ရွှေ​သံမှို​များ​၏​အလေးချိန်​မှာ ရှယ်ကယ်​ငါးဆယ်​ရှိ​၏​။ အထက်ခန်း​များ​ကို​လည်း ရွှေ​နှင့်​မွမ်းမံ​ထား​၏​။

၂ ရာ​ချုပ် 31:11

ထို့နောက် ဟေဇကိ​မင်းကြီး​က ထာဝရဘုရား​၏​အိမ်​တော်​၌ သိုလှောင်ခန်း​များ​ကို ပြင်ဆင်​ထား​ရန် မိန့်မှာ​သဖြင့် သူ​တို့​သည်​လည်း သိုလှောင်ခန်း​များ​ကို အသင့်ပြင်ဆင်​ထား​ကြ​၏​။

ဧ​ဇ​ရ 8:29

ဂျေရုဆလင်​မြို့​ရှိ​ထာဝရဘုရား​၏​အိမ်​တော်​ခန်း​တွင် ယဇ်ပုရောဟိတ်​အပါအဝင် လေဝိ​သား​တို့​၏​ခေါင်းဆောင်​များ​၊ အစ္စရေး​လူမျိုး ဘိုးဘေး​တို့​၏​အကြီးအကဲ​များ​ရှေ့​တွင် ထို​ပစ္စည်း​တို့​ကို ချိန်တွယ် မ​ပြီး​မ​ချင်း ဂရုတစိုက်​စောင့်ရှောက်​ရ​မည်​”​ဟု မှာလိုက်​၏​။

နေ​ဟ​မိ 13:5

သူ့​အား အခန်း​ကြီး​တစ်ခန်း​ကို ပေး​ထား​၏​။ ထို​အခန်း​သည် ယခင်က ဘောဇဉ်ပူဇော်သက္ကာ​၊ နံ့သာပေါင်း​၊ အသုံးအဆောင်​ပစ္စည်း​များ​နှင့်တကွ လေဝိ​အမျိုး​များ​၊ တံခါးစောင့်​များ​၊ သီချင်းသည်​များ​ကို ပညတ်တော်​အတိုင်း​ပေး​ရ​သော ကောက်ပဲသီးနှံ​၊ စပျစ်ဝိုင်​အသစ်​၊ ဆီ စသည်​တို့​၏​ဆယ်ဖို့တစ်ဖို့​နှင့် ယဇ်ပုရောဟိတ်​တို့​အတွက် အလှူပစ္စည်း​တို့​ကို သိုထား​သော​အခန်း​ဖြစ်​၏​။

ယေ​ရ​မိ 35:3

ငါ​က​လည်း ဟာဗဇိညာ​၏​သား​ဖြစ်​သော ယေရမိ​၏​သား ယာဇညာ​နှင့်တကွ သူ့​ညီအစ်ကို​များ​၊ သူ့​သား​များ​အပါအဝင် ရေခပ်​တစ်မျိုးသားလုံး​ကို ခေါ်​၍

ယေ​ရ​မိ 35:4

ဘုရားသခင်​၏​လူ ဣဂဒါလိ​၏​သား​ဖြစ်​သော ဟာနန်​၏​သား​တို့ အခန်း​သို့ သွား​၏​။ ထို​အခန်း​သည် ထာဝရဘုရား​၏​အိမ်​တော်​အတွင်း​ရှိ ရှလ္လုံ​၏​သား တံခါးစောင့်​မာသေယ​နေ​သော​အခန်း​၏​အပေါ်​ထပ်​၌​ရှိ​သော အကြီးအကဲ​များ​၏​အခန်း​နှင့်​ကပ်​လျက်​ရှိ​၏​။

ယေ​ရ​မိ 35:8

အကျွန်ုပ်​တို့​ဘိုးဘေး ရေခပ်​၏​သား​ယောနဒပ် မှာထား​သမျှ​စကား​တို့​ကို အကျွန်ုပ်​တို့​နာခံ​ပါ​၏​။ အကျွန်ုပ်​တို့​နှင့် အကျွန်ုပ်​တို့​၏​မယား​၊ သား​သမီး​တို့​သည် အသက်ရှင်​သမျှ​ကာလ​ပတ်လုံး စပျစ်ဝိုင်​ကို မ​သောက်​ကြ​ပါ​။

ယေ​ဇ​ကျေ​လ 40:16

မုခ်ဆောင်​အတွင်း​ပတ်ပတ်လည်​တွင် ပြတင်းပေါက်​ငယ်​များ​ပါရှိ​၏​။ မုခ်ဆောင်​အတွင်း​ဘက်​ရှိ အခန်းငယ်​များ​၊ တိုင်​များ​နှင့် ဆင်ဝင်​တို့​တွင် ပြတင်းပေါက်​ငယ်​များ​ပါရှိ​၏​။ တိုင်​များ​တွင် စွန်ပလွံပင်​ပုံ ဖော်​ထား​၏​။