ယေ​ရ​မိ 34:2 - မြန်​​​မာ့​​​စံ​​​မီ​​​သမ္မာ​​​ကျမ်း​​

² “အစ္စရေး​လူမျိုး​၏​ဘုရားသခင်​ထာဝရဘုရား​က သင်​သည် ယုဒ​ဘုရင်​ဇေဒကိ​ထံသို့​သွား​၍ ထာဝရဘုရား​က ‘ကြည့်ရှု​လော့​။ ငါ​သည် ဤ​မြို့​ကို ဘေဘီလုံ​ဘုရင်​လက်​သို့​အပ်​မည်​။ သူ​သည် ဤ​မြို့​ကို မီး​ရှို့​လိမ့်မည်​။

Common Language Bible

² ဣ​သ​ရေ​လ​အ​မျိုး​သား​တို့​၏​ဘု​ရား​သ​ခင် ထာ​ဝ​ရ​ဘု​ရား​သည် ငါ့​အား​သင်​သည်​ယု​ဒ ဘု​ရင်​ဇေ​ဒ​ကိ​ထံ​သို့​သွား​၍​သူ့​အား​ဗျာ ဒိတ်​တော်​ပြန်​ကြား​ရ​မည်​မှာ``ငါ​ထာ​ဝ​ရ ဘု​ရား​သည်​ဤ​မြို့​ကို​ဗာ​ဗု​လုန်​ဘု​ရင်​အား ပေး​အပ်​မည်။ သူ​သည်​ဤ​မြို့​ကို​မီး​ရှို့​လိမ့်​မည်။-

Garrad Bible

² ဣ သ ရေ လ လူ မျိုး ၏ ဘု ရား သ ခင် ထာ ဝ ရ ဘု ရား က၊ ယု ဒ ဘု ရင် ဇေ ဒ ကိ ထံ သွား ၍ ဆင့် ဆို ရ မည် မှာ၊ မီး တိုက် မည့် ဗာ ဗု လုန် ဘု ရင့် လက် တွင်း သို့ ဤ မြို့ ကို ငါ အပ် နှင်း သည့် အ လျောက်၊

Judson Bible

² ဣ​သ​ရေ​လ​အ​မျိုး၏ ဘု​ရား​သ​ခင် ထာ​ဝ​ရ​ဘု​ရား မိန့်​တော်​မူ​သည်​ကား၊ သင်​သည် ယု​ဒ​ရှင်​ဘု​ရင် ဇေ​ဒ​ကိ​ကို သွား၍​ပြော​ရ​မည်​မှာ၊ ထာ​ဝ​ရ​ဘု​ရား မိန့်​တော်​မူ​သည်​ကား၊ ဤ​မြို့​ကို ဗာ​ဗု​လုန် ရှင်​ဘု​ရင်​လက်​သို့ ငါ​အပ်၍၊ သူ​သည် မီး​ရှို့​လိမ့်​မည်။

ယေ​ရ​မိ 34:2 ပူးပေါင်းရင်းမြစ်များ

၄ ရာ 25:1

ဇေဒကိ​မင်းကြီး နန်းစံ​ကိုး​နှစ်​၊ ဒသမ​လ​၊ ဆယ်​ရက်​နေ့​တွင် ဘေဘီလုံ​ဘုရင်​နေဗုခဒ်နေဇာ​မင်းကြီး​သည် မိမိ​စစ်သည်​အပေါင်း​တို့​နှင့်တကွ ဂျေရုဆလင်​မြို့​သို့​စစ်ချီလာ​၍ မြို့ပြင်​၌​စခန်းချ​ကြ​၏​။ မြို့​ပတ်ပတ်လည်​၌ မြေကတုတ်​ကို​ဆောက်​ကြ​၏​။

၄ ရာ 25:9

သူ​သည် ထာဝရဘုရား​၏​အိမ်​တော်​မှစ၍ ဘုရင့်​နန်းတော်​နှင့် ဂျေရုဆလင်​မြို့​ရှိ အိမ်​အားလုံး​ကို မီးရှို့​၏​။ မှူးကြီးမတ်ရာ​တို့​၏​အိမ်​အားလုံး​ကို​လည်း မီး​ရှို့​လေ​၏​။

ယေ​ရ​မိ 21:10

အကြောင်းမူကား ဤ​မြို့​ကို အကောင်း​မ​ဟုတ် အဆိုး​အတွက် ငါ​ထား​ထား​၏​။ ဘေဘီလုံ​ဘုရင်​လက်​သို့​အပ်​သဖြင့် သူ​သည် မီး​ရှို့​ပစ်​လိမ့်မည်’​ဟူ၍ မိန့်​တော်မူ​သည်”​ဟု ဆင့်ဆို​ရ​မည်​။

ယေ​ရ​မိ 21:4

အစ္စရေး​လူမျိုး​၏​ဘုရားသခင် ထာဝရဘုရား​က ‘ကြည့်ရှု​လော့​။ မြို့ရိုး​အပြင်ဘက်​၌​ဝိုင်း​ထား​သော ဘေဘီလုံ​ဘုရင်​နှင့် ခါလဒဲ​လူမျိုး​တို့​ကို တိုက်ခိုက်​ရန် သင်​တို့​ကိုင်စွဲ​ထား​သော​လက်နက်​များ​ကို သင်​တို့​ထံ​ပြန်လှည့်​စေ​မည်​။ ထို​လက်နက်​တို့​ကို မြို့​ထဲ၌ ငါ​စုသိမ်း​မည်​။

ယေ​ရ​မိ 27:22

‘ထို​အသုံးအဆောင်​တို့​ကို ဘေဘီလုံ​မြို့​သို့ ယူဆောင်​သွား​ကြ​လိမ့်မည်​။ ငါ​အကြည့်အရှု​ကြွလာ​မည့်​နေ့​အထိ ထို​မြို့​တွင် ထား​ကြ​လိမ့်မည်​။ ထို့နောက်မှ ထို​အသုံးအဆောင်​တို့​ကို ပြန်ယူဆောင်​လာ​၍ ဤ​နေရာ​၌​ထား​မည်’​ဟူ၍ မိန့်​တော်မူ​သည်”​ဟု ဆင့်ဆို​၏​။

ယေ​ရ​မိ 32:3

ထိုသို့ ထောင်​ထဲ၌​ချုပ်နှောင်​ထား​ခြင်း​ခံရ​သော​ယေရမိ​ကို ယုဒ​ဘုရင်​ဇေဒကိ​မင်းကြီး​က “သင်​သည် အဘယ်ကြောင့် ထာဝရဘုရား​က ‘ဤ​မြို့​ကို ဘေဘီလုံ​ဘုရင်​၏​လက်​ထဲသို့ ငါ​အပ်​မည်​။ သူ​သည် ထို​မြို့​ကို သိမ်းယူ​လိမ့်မည်​။

ယေ​ရ​မိ 34:22

ထာဝရဘုရား​က ‘အကယ်စင်စစ် ငါ​သည် ရန်သူ​တို့​ကို​အမိန့်ပေး​၍ ဤ​မြို့​သို့ ပြန်လာ​စေ​မည်​။ သူ​တို့​သည် ဤ​မြို့​ကို တိုက်ခိုက်​သိမ်းပိုက်​၍ မီး​ရှို့​ကြ​လိမ့်မည်​။ ငါ​သည် ယုဒ​မြို့ရွာ​တို့​ကို နေထိုင်​သူ​မ​ရှိ​၊ လူသူကင်းမဲ့​ရာ​အရပ်​ဖြစ်​စေ​မည်’​ဟူ၍ မိန့်​တော်မူ​သည်”​ဟု မိန့်ဆို​၏​။

ယေ​ရ​မိ 38:23

သင့်​မိဖုရား​နှင့် သား​တော်​၊ သမီး​တော် အားလုံး​ကို ခါလဒဲ​စစ်သည်​တို့ ခေါ်ဆောင်​သွား​လိမ့်မည်​။ သင်​သည်​လည်း သူ​တို့​လက်​မှ လွတ်​မည်​မ​ဟုတ်​။ ဘေဘီလုံ​ဘုရင်​၏​လက်အောက်​သို့ ရောက်​ရ​လိမ့်မည်​။ ဤ​မြို့​သည်​လည်း မီး​ရှို့​ခြင်း​ခံရ​လိမ့်မည်​’​ဟူ၍ ဖော်ပြ​တော်မူ​ပြီ​”​ဟု လျှောက်ဆို​၏​။

ယေ​ရ​မိ 39:8

ခါလဒဲ​စစ်သည်​တို့​သည် ဘုရင့်​နန်းတော်​နှင့် လူနေအိမ်​တို့​ကို​မီး​ရှို့​ပြီး ဂျေရုဆလင်​မြို့ရိုး​ကို​လည်း ဖြိုဖျက်​ကြ​၏​။