ယေ​ရ​မိ 34:11 - မြန်​​​မာ့​​​စံ​​​မီ​​​သမ္မာ​​​ကျမ်း​​

¹¹ ထို့နောက်မှ သူ​တို့​စိတ်ပြောင်း​၍ လွတ်မြောက်​သွား​သော​ကျွန်ယောက်ျား​၊ ကျွန်မိန်းမ​တို့​ကို ပြန်ခေါ်​ပြီး ကျွန်ယောက်ျား​၊ ကျွန်မိန်းမ​အဖြစ် ကျွန်​ပြန်​ပြု​စေ​ကြ​၏​။

Common Language Bible

¹¹ သို့​သော်​လည်း​ယင်း​သို့​လွတ်​လပ်​ခွင့်​ပေး​ပြီး သည်​နောက် စိတ်​သ​ဘော​ပြောင်း​လဲ​၍​ထို​သူ တို့​အား​ပြန်​လည်​ခေါ်​ယူ​ကာ အ​တင်း အ​ကြပ်​ကျွန်​ခံ​စေ​ကြ​ပြန်​၏။

Garrad Bible

¹¹ လွှတ် ပြီး သော ကျွန် ယောက်ျား ကျွန် မိန်း မ တို့ ကို ပြန် ခေါ် လျက်၊ ကျွန် ခံ စေ သော ကြောင့်၊

Judson Bible

¹¹ နောက်​တစ်​ဖန် ပြောင်း​လဲ၍ ယ​ခင်​လွှတ်​ပြီး​သော ကျွန်​ယောက်ျား မိန်း​မ​တို့​ကို ခေါ်​ပြန်၍ အ​စေ​ကျွန်​ခံ​စေ​ကြ၏။

ယေ​ရ​မိ 34:11 ပူးပေါင်းရင်းမြစ်များ

ဆာ​လံ 125:5

မိမိ​တို့​၏​ကောက်ကျစ်​သော​လမ်း​များ​ဘက်​သို့ လှည့်သွား​သော​သူ​တို့​ကို​ကား ထာဝရဘုရား​သည် အပြစ်ဒုစရိုက်​ပြု​သော​သူ​တို့​နှင့်အတူ နှင်ထုတ်​တော်မူ​လိမ့်မည်​။ အစ္စရေး​လူမျိုး​၌ ငြိမ်သက်​ခြင်း​ရှိ​ပါစေသော​။

ဆာ​လံ 36:3

သူ​၏​နှုတ်ထွက်​စကား​တို့​သည် ယုတ်ညံ့​၍​လိမ်လည်လှည့်ဖြား​တတ်​၏​။ သူ​သည် ပညာသတိ​ရှိ​ခြင်း​နှင့် ကောင်း​သော​အမှု​ပြု​ခြင်း​ကို စွန့်​လေ​ပြီ​။

ထွက်​မြောက် 8:15

ဖာရော​မင်းကြီး​သည် သက်သာ​ရာ​ရ​ကြောင်း​ကို သိမြင်​သောအခါ ထာဝရဘုရား​မိန့်ဆို​တော်မူ​ခဲ့​သည့်​အတိုင်း သူ​၏​စိတ်နှလုံး​သည်​ခိုင်မာ​လျက် မောရှေ​နှင့်​အာရုန်​တို့​၏​စကား​ကို နား​မ​ထောင်​ဘဲ​နေ​၏​။

ထွက်​မြောက် 8:8

ထိုအခါ ဖာရော​မင်းကြီး​သည် မောရှေ​နှင့်​အာရုန်​ကို​ခေါ်​၍ “​ငါ​နှင့်​ငါ​၏​လူ​တို့​ထံမှ ဖား​များ​ကို​ဖယ်ရှား​ပေး​မည့်​အကြောင်း ထာဝရဘုရား​ထံ ဆုတောင်း​လော့​။ သို့ပြုလျှင် ထာဝရဘုရား​အား​ယဇ်ပူဇော်​ရန် အစ္စရေး​လူ​တို့​ကို​ငါ​လွှတ်ပေး​မည်​”​ဟု ဆို​လေ​၏​။

ထွက်​မြောက် 9:28

ဘုရားသခင်​ထံမှ မိုးချုန်းသံ​များ​နှင့်​မိုးသီး​ကျ​ခြင်း​မှာ တော်လောက်​ပါ​ပြီ​။ ထာဝရဘုရား​ထံ​ဆုတောင်း​ပေး​ပါ​လော့​။ သင်​တို့​ကို ဆက်၍​မ​နေ​စေ​ဘဲ သင်​တို့​ကို ငါ​လွှတ်ပေး​မည်​”​ဟု ဆို​လေ​၏​။

သုတ္တံကျမ်း။ 26:11

ခွေး​သည် မိမိ​အန်ဖတ်​ကို​ပြန်စား​တတ်​သကဲ့သို့ မိုက်မဲ​သော​သူ​သည် မိမိ​ပြု​သော​မိုက်မဲမှု​ကို ထပ်တလဲလဲပြု​တတ်​၏​။

ဒေသနာကျမ်း။ 8:11

မကောင်း​သော​အမှု​အတွက် စီရင်ချက်​အလျင်အမြန်​မ​ချမှတ်​သောကြောင့် လူသား​တို့​၏​စိတ်နှလုံး​သည် မကောင်းမှု​ပြု​လို​သော​သဘော​နှင့် ပြည့်ဝ​လျက်​ရှိ​၏​။

ယေ​ရ​မိ 34:10

ပဋိညာဉ်​ဖွဲ့​ရာ​တွင် ပါဝင်​သော​အကြီးအကဲ​များ​နှင့် ပြည်သူပြည်သား​အပေါင်း​တို့​က ကိုယ့်​ကျွန်ယောက်ျား​၊ ကျွန်မိန်းမ​တို့​ကို လွတ်မြောက်​ခွင့်​ပေး​ရ​မည်​။ ဘယ်သောအခါမှ ကျွန်​ပြန်​မ​ပြု​ရ​ဟူသော​ပဋိညာဉ်​ပါ​အချက်​ကို သဘောတူ​နာခံ​၍ ကျွန်​တို့​ကို လွှတ်ပေး​ကြ​၏​။

ယေ​ရ​မိ 34:12

ထို့ကြောင့် ထာဝရဘုရား​၏​နှုတ်ကပတ်တော်​သည် ယေရမိ​ထံသို့ ရောက်လာ​ပြန်​၍

ယေ​ရ​မိ 34:16

ထို့နောက်မှ သင်​တို့​စိတ်ပြောင်း​၍ ငါ့​နာမ​ကို ရှုတ်ချ​ကြ​၏​။ သင်​တို့​အားလုံး​သည် ကျွန်ယောက်ျား​၊ ကျွန်မိန်းမ​တို့​ကို သူ​တို့​သဘော​အတိုင်း လွတ်မြောက်​ခွင့်​ပေး​ပြီးမှ သူ​တို့​ကို​ပြန်ခေါ်​၍ ကျွန်ယောက်ျား​၊ ကျွန်မိန်းမ​အဖြစ် ကျွန်​ပြန်​ပြု​စေ​ကြ​၏’​ဟု မိန့်​တော်မူ​၏​။

ယေ​ရ​မိ 34:21

ယုဒ​ဘုရင်​ဇေဒကိ​မင်းကြီး​နှင့် သူ​၏​မှူးမတ်​များ​အား သူ​တို့​အသက်​ကို​ရန်ရှာ​သော သူ​တို့​၏​ရန်သူ​ဖြစ်​သည့် ဆုတ်ခွာ​သွား​သော​ဘေဘီလုံ​ဘုရင်​၏​စစ်သည်​တို့​လက်​သို့ ငါ​အပ်လိုက်​မည်​။

ယေ​ရ​မိ 37:5

ထို​အချိန်​တွင်​ပင် ဖာရော​မင်းကြီး​၏​စစ်တပ်ကြီး အီဂျစ်​ပြည်​မှ​ချီတက်​လာ​ကြောင်း ဂျေရုဆလင်​မြို့​ကို ဝိုင်း​ထား​လျက်​ရှိ​သော ခါလဒဲ​စစ်သည်​တို့ သတင်း​ကြား​သောအခါ ဂျေရုဆလင်​မြို့​မှ တပ်ဆုတ်​သွား​ကြ​၏​။

ဟော​ရှေ 6:4

“အို ဧဖရိမ်​၊ သင့်​ကို ငါ​မည်သို့​ပြု​ရ​မည်နည်း​။ အို ယုဒ​၊ သင့်​ကို ငါ​မည်သို့​ပြု​ရ​မည်နည်း​။ သင်​တို့​၏​မေတ္တာ​သည် နံနက်အချိန်​၌​ကျ​သော​မြူခိုး​ကဲ့သို့​၊ စောစော​ပြယ်လွင့်​သွား​သော​နှင်း​ကဲ့သို့ ဖြစ်​ပါ​သည်​တကား​။

ဟော​ရှေ 7:16

သူ​တို့​ပြန်လှည့်​လာ​သော်လည်း အမြင့်ဆုံး​သော​အရှင်​ထံသို့ မ​ဟုတ်​။ သူ​တို့​သည် ကြိုးလျော့​နေ​သော​လေး​နှင့် တူ​ကြ​၏​။ အကြီးအကဲ​တို့​သည် မောက်မာ​သော​စကား​များ​ကြောင့် ဓား​ဖြင့် ကျဆုံး​ရ​လိမ့်မည်​။ အီဂျစ်​ပြည်​တွင် အထင်အမြင်သေးစရာ ဖြစ်​လိမ့်မည်​။

ဇေဖနိ 1:6

ထာဝရဘုရား​နောက်​တော်​သို့​မ​လိုက်​ဘဲ လှည့်ပြန်​သော​သူ​များ​၊ ထာဝရဘုရား​ကို မ​ရှာဖွေ မ​စူးစမ်း​သော​သူ​များ​ကို ငါ​ဖျက်ဆီး​ပစ်​မည်​။”

၁ ရာ 24:19

လူ​သည် မိမိ​ရန်သူ​ကို​တွေ့​လျှင် သူ့​ကို ဘာမျှ​မပြု​ဘဲ အလွတ်ပေး​မည်​လော​။ သို့သော် ယနေ့မှာ ငါ့​ကို သင်​ပြု​ပေး​ခဲ့​သမျှ ထာဝရဘုရား​သည် သင့်​ကို ကောင်း​သော​အရာ​များ ပြန်ပေး​တော်မူ​ပါစေသော​။

၁ ရာ 26:21

ထိုအခါ ရှောလု​မင်းကြီး​က “​ငါ​အပြစ်ပြု​မိ​လေ​ပြီ​။ ငါ့​သား​ဒါဝိဒ်​၊ ပြန်လာ​ပါ​။ သင့်​ကို နောက်ထပ်​အန္တရာယ်​မ​ပြု​တော့​ပါ​။ ကြည့်ရှု​လော့​။ ငါ​သည် မိုက်မဲ​လျက် အမှားကြီးမှား​နေ​သော်လည်း ယနေ့​တွင် သင်​သည် ငါ့​အသက်​ကို တန်ဖိုးထား​လေ​ပြီ”​ဟု ပြန်​အော်ပြော​လေ​၏​။