ယေ​ရ​မိ 29:6 - မြန်​​​မာ့​​​စံ​​​မီ​​​သမ္မာ​​​ကျမ်း​​

⁶ မိန်းမ​ယူ​၍ သား​သမီး​များ​ကို မွေးဖွား​ကြ​လော့​။ သား​များ​ကို​လည်း မိန်းမ​ယူ​စေ​လော့​။ သမီး​များ​ကို​လည်း ယောက်ျား​ယူ​စေ​လော့​။ သား​သမီး​များ မွေးဖွား​စေ​ကြ​လော့​။ ထို​အရပ်​၌ မ​လျော့နည်း​ဘဲ တိုးပွား​ကြ​လော့​။

Common Language Bible

⁶ အိမ်​ထောင်​သား​မွေး​မှု​တို့​ကို​ပြု​စေ​ကြ​လော့။ သင်​တို့​၏​သား​သ​မီး​တို့​အား​သား​သ​မီး​မွေး ဖွား​စေ​ရန်​အိမ်​ထောင်​ပြု​စေ​ကြ​လော့။ သင်​တို့ တွင်​လူ​ဦး​ရေ​တိုး​ပွား​စေ​ရ​မည်။ မ​ဆုတ်​ယုတ် စေ​ရ။-

Garrad Bible

⁶ မြေး များ ရ စေ ရန် ကိုယ့် သား သ မီး တို့ ကို ပေး စား ထိမ်း မြား ခြင်း ပြု လျက်၊ ထို မြို့၌ ပင် မ တိမ် ကော ဘဲ တိုး ပွား ကြ လော့။

Judson Bible

⁶ ဥ​ယျာဉ်​တို့​ကို စိုက်​ပျိုး၍ အ​သီး​ကို စား​ကြ​လော့။ သင်​တို့​သည် ထို​ပြည်၌ ခေါင်း​ပါး​ခြင်း​မ​ရှိ၊ တိုး​ပွား​များ​ပြား​မည်​အ​ကြောင်း၊ မ​ယား​နှင့်​နေ၍ သား​သ​မီး​ကို​ဖွား​မြင်​ကြ​လော့။ သား​သ​မီး​တို့​ကို​လည်း၊ အ​ချင်း​ချင်း တစ်​ယောက်​ကို​တစ်​ယောက် ပေး​စား၍၊ တစ်​ဖန် သား​သ​မီး​ကို ဖွား​မြင်​စေ​ကြ​လော့။

ယေ​ရ​မိ 29:6 ပူးပေါင်းရင်းမြစ်များ

ကမ္ဘာ​ဦး 21:21

ဤသို့ဖြင့် သူ​သည် ပါရန်​တောကန္တာရ​၌​နေထိုင်​လေ​၏​။ သူ​၏​မိခင်​သည် အီဂျစ်​ပြည်​မှ မိန်းမ​တစ်​ယောက်​နှင့် သူ့​ကို​စုံဖက်​ပေး​၏​။

ကမ္ဘာ​ဦး 24:51

ရေဗက္ကာ​သည် သင့်​ရှေ့​၌​ရှိ​၏​။ သူ့​ကို​ခေါ်​သွား​ပါ​။ ထာဝရဘုရား​မိန့်​တော်မူ​သည့်​အတိုင်း သင့်​သခင်​၏​သား​အတွက် မယား​ဖြစ်​စေ​ပါ​”​ဟု ပြန်ဖြေ​ကြ​၏​။

ကမ္ဘာ​ဦး 24:60

သူ​တို့​သည် ရေဗက္ကာ​ကို​ကောင်းချီးပေး​လျက် “​ငါ​တို့​နှမ​၊ သင်​သည် လူ​အထောင်​အသောင်း​တို့​၏​အမိ​ဖြစ်လာ​ပါစေ​။ သင်​၏​အမျိုးအနွယ်​သည် ရန်သူ​တို့​၏​မြို့​တံခါး​ကို သိမ်းပိုက်​နိုင်​ပါစေ​”​ဟု ဆို​ကြ​၏​။

ကမ္ဘာ​ဦး 29:19

လာဗန်​က​လည်း “​သူ့​ကို အခြား​သူ​နှင့်​ထိမ်းမြားပေး​သည်​ထက် သင်​နှင့်​ထိမ်းမြားပေး​သည်​က ငါ့​အတွက်​ပို၍​ကောင်း​၏​။ ငါ​နှင့်အတူ​နေထိုင်​လော့​”​ဟု ဆို​၏​။

ကမ္ဘာ​ဦး 34:4

ရှေခင်​သည် မိမိ​ဖခင်​ဟာမော်​အား “​ဤ​မိန်းကလေး​ကို အကျွန်ုပ်​၏​မယား​အဖြစ် တောင်း​ပေး​ပါ​”​ဟု လျှောက်ဆို​၏​။

ကမ္ဘာ​ဦး 9:7

သင်​တို့​သည် များစွာ​မွေးဖွား​၍ တိုးပွား​ကြ​လော့​။ မြေကြီး​ပေါ်မှာ ပြည့်နှက်​ကြ​လော့​။ မြေကြီး​ပေါ်မှာ တိုးပွား​ကြ​လော့​”​ဟု မိန့်​တော်မူ​၏​။

ထွက်​မြောက် 5:11

သင်​တို့​ကိုယ်တိုင် ကောက်ရိုး​ကို​တွေ့​နိုင်​သည့်​နေရာ​မှ သွား​ယူ​ကြ​လော့​။ သို့သော် သင်​တို့​၏​အလုပ်​အနည်းငယ်​မျှ မ​လျော့​ရ​’​ဟူ၍ မိန့်ဆို​၏​”​ဟု ပြော​လေ​၏​။

၁ တိ 5:14

ထို့ကြောင့် ငယ်ရွယ်​သော​မုဆိုးမ​တို့​သည် အိမ်ထောင်ပြု​လျက် သားသမီး​များ​မွေးဖွား​ကာ အိမ်မှုကိစ္စ​ကို​စီမံ​ကွပ်ကဲ​၍ ရန်သူ​အား ကဲ့ရဲ့​ပြစ်တင်​ခြင်း​အခွင့်​ကို​မ​ပေး​ရန် ငါ​အလိုရှိ​၏။

သူ​ကြီး 12:9

ထို​သူ​၌ သား​အယောက်​သုံးဆယ်​၊ သမီး​အယောက်​သုံးဆယ်​ရှိ​၏​။ သူ​သည် သမီး​အယောက်​သုံးဆယ်​ကို အခြား​မျိုးနွယ်စု​တို့​နှင့်​ပေးစား​ပြီး သား​အယောက်​သုံးဆယ်​အတွက် အခြား​မျိုးနွယ်စု​မှ အမျိုးသမီး​အယောက်​သုံးဆယ်​ကို ခေါ်ဆောင်​လာ​ပေး​၏​။ သူ​သည် အစ္စရေး​လူမျိုး​တို့​ကို ခုနစ်​နှစ်​စီရင်အုပ်ချုပ်​၏​။

သူ​ကြီး 14:2

သူ​သည် မိဘ​ထံ ပြန်လာ​၍ “​အကျွန်ုပ်​သည် တိမနတ်​မြို့​၌ ဖိလိတ္တိ​မိန်းမပျို​များ​ထဲမှ မိန်းကလေး​တစ်ဦး​ကို တွေ့​ပါ​ပြီ​။ သူ့​ကို အကျွန်ုပ်​၏​မယား​အဖြစ် တောင်း​ပေး​ပါ​”​ဟု ဆို​၏​။