ယေ​ရ​မိ 26:2 - မြန်​​​မာ့​​​စံ​​​မီ​​​သမ္မာ​​​ကျမ်း​​

² ထာဝရဘုရား​က “ထာဝရဘုရား​၏​အိမ်​တော်​ဝင်း​၌​ရပ်​၍ ထာဝရဘုရား​၏​အိမ်​တော်​သို့ လာရောက်​ရှိခိုးကိုးကွယ်​ကြ​သော ယုဒ​ပြည်သူပြည်သား​အားလုံး​တို့​အား ငါ​မိန့်မှာ​ထား​သော​စကား​ရှိသမျှ​တို့​ကို ဆင့်ဆို​လော့​။ စကား​တစ်ခွန်း​ကို​မျှ မ​ချန်ထား​နှင့်​။

Common Language Bible

² ဤ​သို့​မိန့်​တော်​မူ​၏။ ``ဗိ​မာန်​တော်​တံ​တိုင်း အ​တွင်း​၌​ရပ်​ပြီး​လျှင် ထို​အ​ရပ်​သို့​ယု​ဒ မြို့​များ​မှ​ထာ​ဝ​ရ​ဘု​ရား​၏​အိမ်​တော်​တွင် ဝတ်​ပြု​ကိုး​ကွယ်​ရန်​လာ​ရောက်​ကြ​သော​လူ​တို့ အား ငါ​မိန့်​မှာ​သ​မျှ​သော​စ​ကား​တို့​ကို​ပြော ကြား​လော့။ တစ်​ခွန်း​တစ်​လေ​ကို​မျှ​ချန်​မ ထား​နှင့်။-

Garrad Bible

² ဗိ မာန် တော့် တံ တိုင်း အ တွင်း တွင် ရပ် နေ လျက်၊ ဗိ မာန် တော် သို့ အ ဖူး လာ သော ယု ဒ ပြည် မြို့ သူ ရွာ သား တို့ အား၊ ငါ မိန့် မှာ သ မျှ ကို တစ် ချက် မ ကြွင်း ဆင့် ဆို လော့။

Judson Bible

² ထာ​ဝ​ရ​ဘု​ရား မိန့်​တော်​မူ​သည်​ကား၊ ဗိ​မာန်​တော်၌ ကိုး​ကွယ်​အံ့​သော​ငှာ ရောက်​လာ​သော ယု​ဒ​မြို့​သူ ရွာ​သား​အ​ပေါင်း​တို့​အား ဆင့်​ဆို​စေ​ခြင်း​ငှာ၊ ငါ​သည်​သင်၌ မှာ​ထား​သ​မျှ​သော စ​ကား​တို့​ကို ဗိ​မာန်​တော် တံ​တိုင်း​ထဲ​မှာ ရပ်​လျက်၊ သူ​တို့​အား ပြန်​ပြော​လော့။ တစ်​ခွန်း​ကို​မျှ မ​ထိမ်​မ​ဝှက်​နှင့်။

ယေ​ရ​မိ 26:2 ပူးပေါင်းရင်းမြစ်များ

ယေ​ရ​မိ 1:17

“​သင်​သည် ခါး​ကို​စည်း​၍ ထ​ပြီးလျှင် သင့်​အား ငါ​မိန့်မှာ​ထား​သော​စကား​အလုံးစုံ​ကို သူ​တို့​အား ဆင့်ဆို​လော့​။ သူ​တို့​ကို မ​ကြောက်​နှင့်​။ ကြောက်​လျှင် သင့်​ကို သူ​တို့​ရှေ့​တွင် ငါ​ခြောက်လှန့်​မည်​။

ယေ​ရ​မိ 1:7

သို့သော် ထာဝရဘုရား​က ငါ့​အား “ ‘အကျွန်ုပ်​သည် သူငယ်​သာ​ဖြစ်​ပါ​သည်’​ဟု မ​ဆို​နှင့်​။ သင့်​ကို​ငါ​စေလွှတ်​သော လူ​အပေါင်း​တို့​ထံသို့ သင်​သွား​ရ​မည်​။ ငါ​မိန့်မှာ​သော​စကား​အလုံးစုံ​တို့​ကို သင်​ပြောကြား​ရ​မည်​။

ယေ​ရ​မိ 19:14

ထို့နောက် ပရောဖက်ပြု​ရန်​ထာဝရဘုရား​စေလွှတ်​တော်မူ​သော ယေရမိ​သည် တောဖက်​အရပ်​မှ​ပြန်လာ​ပြီးလျှင် ထာဝရဘုရား​၏​အိမ်​တော်​ဝင်း​အတွင်း​၌​ရပ်​လျက် လူ​အပေါင်း​တို့​အား

ယေ​ရ​မိ 23:28

အိပ်မက်​နိမိတ်​ရ​သော​ပရောဖက်​သည် သူ့​အိပ်မက်​ကို ဟော​ပါစေ​။ နှုတ်ကပတ်တော်​ကို​ရ​သော​သူ​သည် နှုတ်ကပတ်တော်​ကို သစ္စာရှိ​စွာ​ဟော​ပါစေ​။ အဖျင်း​နှင့်​စပါး မည်သို့​ဆိုင်​သနည်း​”​ဟု ထာဝရဘုရား​မိန့်​တော်မူ​၏​။

ယေ​ရ​မိ 25:2

ပရောဖက်​ယေရမိ​က ယုဒ​ပြည်သူ​၊ ဂျေရုဆလင်​မြို့သား​အပေါင်း​တို့​အား

ယေ​ရ​မိ 28:5

ထိုအခါ ပရောဖက်​ယေရမိ​က ထာဝရဘုရား​၏​အိမ်​တော်​၌ ရပ်​နေ​ကြ​သော ယဇ်ပုရောဟိတ်​နှင့် လူ​အပေါင်း​တို့​ရှေ့​၌ ပရောဖက်​ဟာနနိယ​အား

ယေ​ရ​မိ 36:10

ထိုအခါ ဗာရုတ်​သည် စာလိပ်​ပါ​ယေရမိ​ဆင့်ဆို​သော​စကား​များ​ကို လူ​အားလုံး​ကြားသိ​စေရန် ထာဝရဘုရား​၏​အိမ်​တော်​ရှိ ဂေမရိ​၏​သား စာရေးတော်ကြီး​ရှာဖန်​၏​အခန်း​မှ​နေ​၍ ဖတ်ပြ​လေ​၏​။ ထို​အခန်း​သည် ထာဝရဘုရား​၏​အိမ်​တော်​အထက်​ဝင်း​တံခါး​သစ်​အဝင်ဝ​နားတွင်​ရှိ​၏​။

ယေ​ရ​မိ 42:4

ပရောဖက်​ယေရမိ​က​လည်း “​ငါ​ကြား​ပြီ​။ သင်​တို့​တောင်းဆို​သည့်​အတိုင်း သင်​တို့​၏​ဘုရားသခင်​ထာဝရဘုရား​ထံ ငါ​ဆုတောင်း​ပေး​မည်​။ ထာဝရဘုရား​က သင်​တို့​အား မိန့်ဆို​သမျှ​တို့​ကို တစ်ခုမကျန် သင်​တို့​အား ငါ​ပြန်ဆင့်ဆို​မည်​”​ဟု ဆို​လေ​၏​။

ယေ​ရ​မိ 7:2

“​သင်​သည် ထာဝရဘုရား​၏​အိမ်​တော်​တံခါးဝ​၌ ရပ်​လျက် ‘​ထာဝရဘုရား​အား ရှိခိုးကိုးကွယ်​ရန် ဤ​တံခါး​ကို​ဖြတ်​၍ ဝင်လာ​သော ယုဒ​လူမျိုး​အပေါင်း​တို့​၊ ထာဝရဘုရား​၏​စကား​တော်​ကို​နားထောင်​ကြ​လော့’​ဟူသော ဤ​သတင်းစကား​ကို ကြေညာ​လော့​”​ဟု မိန့်ဆို​၏​။

ယေ​ရ​မိ 7:27

ထို့ကြောင့် သင်​သည် ဤ​စကား​အလုံးစုံ​တို့​ကို သူ​တို့​အား ပြောပြ​ရ​မည်​။ သို့သော် သူ​တို့​နားထောင်​မည်​မ​ဟုတ်​။ သင်​ခေါ်​သော်လည်း သူ​တို့​ထူး​မည်​မ​ဟုတ်​။

ယေ​ဇ​ကျေ​လ 3:10

တစ်ဖန် ထို​သူ​က “​အချင်း​လူသား​၊ ငါ​ပြော​သော​စကား​အလုံးစုံ​ကို နားထောင်​၍ နှလုံးသွင်း​လော့​။

ယေ​ဇ​ကျေ​လ 33:7

အချင်း​လူသား​၊ ယခု သင့်​အား အစ္စရေး​အမျိုး​တို့​အတွက် ကင်းစောင့်​အဖြစ် ငါ​ခန့်ထား​ပြီ​။ ငါ​၏​နှုတ်ထွက်စကား​ကို နားထောင်​ပြီး သူ​တို့​အား သတိပေး​ရ​မည်​။

ယေ​ဇ​ကျေ​လ 40:4

ထို​သူ​က ငါ့​အား “​အချင်း​လူသား​၊ မျက်စိ​ဖွင့်​၊ နားစွင့်​ပြီး ငါ​ပြ​မည့်​အရာ​အားလုံး​ကို နှလုံးသွင်း​မှတ်ကျုံး​လော့​။ ဤ​အရာ​တို့​ကို သင့်​အား​ငါ​ပြသ​ရန် သင့်​ကို ဤ​နေရာ​သို့ ခေါ်ဆောင်​လာ​ခြင်း​ဖြစ်​၏​။ သင်​မြင်​သမျှ​သော​အရာ​တို့​ကို အစ္စရေး​လူမျိုး​တို့​အား ပြန်လည်​ပြောပြ​လော့”​ဟု မြွက်ဆို​၏​။

မဿဲ 28:20

သင်​တို့​အား ငါ​ပညတ်​ထား​သမျှ​သော​အရာ​အားလုံး​တို့​ကို​စောင့်ထိန်း​ရန် သူ​တို့​ကို သွန်သင်​ကြ​လော့။ ငါ​သည်​လည်း ကပ်ကမ္ဘာ​ကုန်ဆုံး​သည့်​တိုင်အောင် သင်​တို့​နှင့်အတူ အစဉ်မပြတ်​ရှိ​၏”​ဟု မိန့်​တော်မူ​၏။

လုကာ 19:47

ကိုယ်တော်​သည် ဗိမာန်​တော်​၌ နေ့စဉ်​နေ့တိုင်း သွန်သင်​လျက်​နေ​တော်မူ​၏။ ယဇ်ပုရောဟိတ်​အကြီးအကဲ​များ၊ ကျမ်းပြု​ဆရာ​များ​နှင့် လူထု​ခေါင်းဆောင်​များ​သည် ကိုယ်တော်​ကို​သတ်​ရန် ရှာကြံ​နေ​ကြ​သော်လည်း

ရှင်ယောဟန် 18:20

ယေရှု​က​လည်း“ငါ​သည် လောက​၌ ထင်ရှား​စွာ​ဟောပြော​ခဲ့​၏။ ဂျူး​လူမျိုး​အပေါင်း​တို့​စုဝေး​ရာ ဝတ်ပြု​စည်းဝေး​ကျောင်း​နှင့် ဗိမာန်​တော်​၌ အစဉ်အမြဲ​သွန်သင်​ခဲ့​၏။ မည်သည့်​အရာ​ကို​မျှ လျှို့ဝှက်​စွာ​မ​ဟောပြော​ခဲ့​ပေ။

ရှင်ယောဟန် 8:2

အရုဏ်တက်​ချိန်​၌ ဗိမာန်​တော်​သို့ နောက်တစ်ဖန်​ကြွ​တော်မူ​ရာ လူ​အပေါင်း​တို့​သည် အထံ​တော်​သို့​ရောက်လာ​ကြ​သဖြင့် ကိုယ်တော်​သည် ထိုင်​၍​သူ​တို့​အား သွန်သင်​တော်မူ​၏။

တမန်တော်ဝတ္ထု 20:20

ငါ​သည် သင်​တို့​အတွက် အကျိုး​ရှိ​မည့်​အရာ​ရှိသမျှ​ကို တွန့်ဆုတ်​ခြင်း​မ​ရှိ​ဘဲ သင်​တို့​အား​ဖော်ပြ​လျက် လူ​အများ​ရှေ့၌​ဖြစ်စေ၊ တစ်အိမ်​ပြီး​တစ်အိမ်​ဖြစ်စေ သွန်သင်​ကာ

တမန်တော်ဝတ္ထု 20:27

အကြောင်းမူကား ငါ​သည် တွန့်ဆုတ်​ခြင်း​မ​ရှိ​ဘဲ ဘုရားသခင်​၏​အကြံအစည်​တော်​ကို သင်​တို့​အား အကုန်အစင်​ဖော်ပြ​ခဲ့​ပြီ။

တမန်တော်ဝတ္ထု 5:25

ထို​အချိန်​တွင် လူ​တစ်​ဦး​သည်​ရောက်လာ​၍ “ထောင်​ထဲ၌ သင်​တို့​ချထား​သော​သူ​တို့​သည် ဗိမာန်​တော်​ထဲ၌​ရပ်​လျက် လူ​တို့​ကို သွန်သင်​နေ​ကြ​ပါ​သည်”​ဟု သတင်းပို့​လေ​၏။

တမန်တော်ဝတ္ထု 5:42

ထို့နောက် သူ​တို့​သည် နေ့စဉ်​နေ့တိုင်း ဗိမာန်​တော်​၌​လည်းကောင်း၊ အိမ်​များ​၌​လည်းကောင်း အစဉ်မပြတ်​သွန်သင်​လျက် ယေရှု​သည် ခရစ်တော်​ဖြစ်​သည်​ဟူသော​ကောင်းမြတ်​သော​သတင်း​ကို ဟောပြော​ကြ​၏။

တ​ရား​ဟော 12:32

သင်​တို့​အား ငါ​မှာကြား​ထား​သည့် နှုတ်ကပတ်တော်​ရှိသမျှ​တို့​ကို လိုက်နာ​စောင့်ထိန်း​ရ​မည်​။ မ​ဖြည့်စွက်​ရ​။ မ​နုတ်ပယ်​ရ​။

တ​ရား​ဟော 12:5

နာမ​တော်​တည်​ရာ​၊ ကိန်းဝပ်​တော်မူ​ရာ​အဖြစ် သင်​တို့​မျိုးနွယ်​အားလုံး​ထဲမှ သင်​တို့​၏​ဘုရားသခင်​ထာဝရဘုရား​ရွေးချယ်​တော်မူ​သော​နေရာ​ကို​ရှာ​၍ ထို​နေရာ​သို့​သာ​သွား​ရ​မည်​။

တ​ရား​ဟော 4:2

သင်​တို့​အား ငါ​မှာကြား​သော​စကား​တို့​ကို မ​ဖြည့်စွက်​ရ​။ မ​နုတ်ပယ်​ရ​။ သင်​တို့​အား ငါ​ဆင့်ဆို​သော သင်​တို့​၏​ဘုရားသခင်​ထာဝရဘုရား​၏​ပညတ်တော်​များ​ကို စောင့်ထိန်း​ရ​မည်​။

ယော​ရှု 8:35

မောရှေ​မိန့်မှာ​ထား​သော​စကား​တို့​ကို မိန်းမ​၊ ကလေး​နှင့်တကွ အစ္စရေး​လူမျိုး​နှင့်အတူ​နေထိုင်​သော​တိုင်းတစ်ပါးသား​တို့​အပါအဝင် အစ္စရေး​လူထု​တစ်ရပ်လုံး​ရှေ့​တွင် မ​ဖတ်​ဘဲ​ထားခဲ့​သော​စကား​တစ်ခွန်းမျှ​မ​ရှိ​။

ဗျာ​ဒိတ် 22:19

မည်သူမဆို ဤ​ပရောဖက်ပြု​ဟောပြော​သော​စာစောင်​ထဲမှ စကားလုံး​များ​ကို​နုတ်ပယ်​လျှင် ဤ​စာစောင်​၌​ရေး​ထား​သော​အသက်​ပင်​မှ​လည်းကောင်း၊ သန့်ရှင်း​သော​မြို့​တော်​မှ​လည်းကောင်း ထို​သူ​ရ​မည့်​ဝေစု​ကို ဘုရားသခင်​သည်​နုတ်ပယ်​တော်မူ​လိမ့်မည်။