ယေ​ရ​မိ 25:35 - မြန်​​​မာ့​​​စံ​​​မီ​​​သမ္မာ​​​ကျမ်း​​

³⁵ သိုးထိန်း​တို့ ထွက်ပြေးစရာ​လမ်း​မ​ရှိ​။ သိုးစု​ခေါင်းဆောင်​တို့ လွတ်မြောက်​ရာ​လမ်း​မ​ရှိ​။

Common Language Bible

³⁵ သင်​တို့​အ​ဖို့​ချမ်း​သာ​ရ​ရန်​လမ်း​ရှိ​လိမ့်​မည် မ​ဟုတ်။

Garrad Bible

³⁵ အ ထိန်း အ ကျောင်း တို့ သည်၊ ထွက် ပြေး ခွင့်၊ သိုး ကြီး သိုး မြတ် တို့ လည်း ဘေး လွတ် ခွင့် ရ ကြ မည် မ ဟုတ် ဟု မိန့် တော် မူ ၏။

Judson Bible

³⁵ သိုး​ထိန်း​တို့​သည် ပြေး​စ​ရာ​လမ်း​မ​ရှိ။ သိုး​ကြီး​သိုး​မြတ်​တို့​သည် လွတ်​ရာ​လမ်း​ကို ရှာ၍ မ​တွေ့​ရ​ကြ။

ယေ​ရ​မိ 25:35 ပူးပေါင်းရင်းမြစ်များ

ယောဘဝတ္တု။ 11:20

ဆိုးယုတ်​သော​သူ​တို့​၏​မျက်စိ​သည် မှုန်ဝါး​သွား​၍ လွတ်မြောက်​ရာ​လမ်း​လည်း​ရှိ​လိမ့်မည်​မ​ဟုတ်​။ သူ​တို့​၏​မျှော်လင့်ချက်​မှာ သေ​ခြင်း​သာ​ဖြစ်​လိမ့်မည်​”​ဟု ဆို​လေ​၏​။

ဆာ​လံ 142:4

လက်ယာ​ဘက်​သို့​ကြည့်​၍ သိမြင်​တော်မူ​ပါ​။ အကျွန်ုပ်​ကို​အသိအမှတ်​ပြု​သူ တစ်စုံတစ်ဦး​မျှ​မ​ရှိ​ပါ​။ အကျွန်ုပ်​ထွက်ပြေးစရာ​လမ်း​လည်း​မ​ရှိ​ပါ​။ အကျွန်ုပ်​၏​စိတ်ဝိညာဉ်​ကို ဂရုစိုက်​သူ​လည်း​မ​ရှိ​ပါ​။

ယေ​ရ​မိ 11:11

ထို့ကြောင့် ထာဝရဘုရား​က “​ကြည့်ရှု​လော့​။ သူ​တို့​ပြေး​၍​မ​လွတ်​နိုင်​သော​ဘေးအန္တရာယ်​ကို သူ​တို့​အပေါ် ငါ​ကျရောက်​စေ​မည်​။ ငါ့​ကို​ဟစ်အော်​သော်လည်း ငါ​နားထောင်​မည်​မ​ဟုတ်​။

ယေ​ရ​မိ 25:36

သိုးထိန်း​တို့​၏​အော်ဟစ်ငိုကြွေးသံ​၊ သိုးစု​ခေါင်းဆောင်​တို့​၏​မြည်တမ်းသံ​ကို ကြား​ရ​၏​။ ထာဝရဘုရား​သည် သူ​တို့​၏​စားကျက်​ကို ဖျက်ဆီး​တော်မူ​ပြီ​။

ယေ​ရ​မိ 32:4

ယုဒ​ဘုရင်​ဇေဒကိ​သည် ခါလဒဲ​တပ်​၏​လက်​မှ​လွတ်​မည်​မ​ဟုတ်​။ ဘေဘီလုံ​ဘုရင်​၏​လက်​အောက်​သို့ အမှန်​ရောက်​ရ​လိမ့်မည်​။ သူ​သည် ဘေဘီလုံ​ဘုရင်​နှင့် မျက်နှာချင်းဆိုင် တစ်ယောက်​ကို​တစ်ယောက်​ကြည့်​ပြီး စကားပြော​ရ​မည်​။

ယေ​ရ​မိ 34:3

သင်​သည် ဘေဘီလုံ​ဘုရင်​၏​လက်​မှ​လွတ်မြောက်​မည်​မ​ဟုတ်​။ ဖမ်းဆီး​ခြင်း အမှန်​ခံရ​မည်​။ ထို​ဘုရင်​လက်အောက်​သို့ ရောက်​ရ​လိမ့်မည်​။ သူ​နှင့် မျက်နှာချင်းဆိုင် တစ်ယောက်​ကို​တစ်ယောက်​ကြည့်​ပြီး စကားပြော​ရ​လိမ့်မည်​။ ဘေဘီလုံ​မြို့​သို့ လိုက်ပါ​သွား​ရ​လိမ့်မည်’​ဟူ၍ မိန့်​တော်မူ​သည်​ဟု ပြောကြား​လော့​။

ယေ​ရ​မိ 37:17

ဇေဒကိ​မင်းကြီး​သည် လူ​လွှတ်​၍ ယေရမိ​ကို နန်းတော်​သို့​ခေါ်လာ​စေ​ပြီးလျှင် “​ထာဝရဘုရား​ထံ​တော်​မှ နှုတ်ကပတ်တော်​ရောက်လာ​သေး​သလော​”​ဟု လျှို့ဝှက်​စွာ​မေးမြန်း​၏​။ ယေရမိ​က “​နှုတ်ကပတ်တော်​ရောက်လာ​ပါ​၏​။ အရှင်မင်းကြီး​သည် ဘေဘီလုံ​ဘုရင်​၏​လက်​ထဲသို့​ရောက်​ရ​လိမ့်မည်​”​ဟု ပြန်လျှောက်​၏​။

ယေ​ရ​မိ 38:18

ဘေဘီလုံ​ဘုရင်​၏​မှူးမတ်​တို့​ထံ သွား​၍​အညံ့​မ​ခံ​လျှင် ဤ​မြို့​သည် ခါလဒဲ​လူမျိုး​တို့​လက်​သို့ ကျရောက်​လိမ့်မည်​။ သူ​တို့​သည်​လည်း ဤ​မြို့​ကို မီး​ရှို့​ကြ​လိမ့်မည်​။ သင်​သည်​လည်း သူ​တို့​လက်​မှ လွတ်​မည်​မ​ဟုတ်​’​ဟူ၍ မိန့်​တော်မူ​သည်​”​ဟု လျှောက်ဆို​လေ​၏​။

ယေ​ရ​မိ 38:23

သင့်​မိဖုရား​နှင့် သား​တော်​၊ သမီး​တော် အားလုံး​ကို ခါလဒဲ​စစ်သည်​တို့ ခေါ်ဆောင်​သွား​လိမ့်မည်​။ သင်​သည်​လည်း သူ​တို့​လက်​မှ လွတ်​မည်​မ​ဟုတ်​။ ဘေဘီလုံ​ဘုရင်​၏​လက်အောက်​သို့ ရောက်​ရ​လိမ့်မည်​။ ဤ​မြို့​သည်​လည်း မီး​ရှို့​ခြင်း​ခံရ​လိမ့်မည်​’​ဟူ၍ ဖော်ပြ​တော်မူ​ပြီ​”​ဟု လျှောက်ဆို​၏​။

ယေ​ရ​မိ 48:44

ထာဝရဘုရား​က “​မောဘ​ပြည်​ကို စစ်ကြောစီရင်​ရာ​နှစ် ရောက်လာ​ပြီ​ဖြစ်၍ ကြောက်မက်ဖွယ်ဘေး​ကြောင့် ထွက်ပြေး​သော​သူ​သည် မြေတွင်း​ထဲသို့ ကျ​လိမ့်မည်​။ မြေတွင်း​မှ လွတ်မြောက်​သော​သူ​သည် ကျော့ကွင်း​မိ​လိမ့်မည်​”​ဟု မိန့်​တော်မူ​၏​။

ယေ​ဇ​ကျေ​လ 17:15

ထိုအခါ ယုဒ​ဘုရင်​သည် ဘေဘီလုံ​ဘုရင်​ကို ပုန်ကန်​ရန် အီဂျစ်​ပြည်​သို့ တမန်​ကို​စေလွှတ်​၍ မြင်း​နှင့်​စစ်သည်​အမြောက်အမြား​ကို စစ်ကူတောင်း​၏​။ သူ့​အကြံ အထမြောက်​မည်လော​။ ဤသို့​ပြု​ခြင်း​ဖြင့် သူ​သည် ဘေးလွတ်​မည်လော​။ ပဋိညာဉ်​ကို ချိုးဖောက်​ပြီးမှ သူ​သည် ဘေးလွတ်​မည်လော’​ဟု ဆင့်ဆို​လော့​။

ယေ​ဇ​ကျေ​လ 17:18

သူ​သည် ပဋိညာဉ်​ကို​ချိုးဖောက်​ခြင်း​ဖြင့် ကျိန်ဆို​ခဲ့​သည်​ကို​မထီမဲ့မြင်ပြု​လျက် တစ်ပါးသူ​ကို အကူအညီ​တောင်း​၏​။ ထိုသို့​ပြု​သောကြောင့် သူ​သည် ဘေးလွတ်​မည်​မ​ဟုတ်’​ဟု မိန့်​တော်မူ​၏​။

ဒံ​ယေ​လ 5:30

ထို​ည​တွင်​ပင် ခါလဒဲ​ဘုရင် ဗေလရှာဇာ​မင်းကြီး ကွပ်မျက်​ခံရ​လေ​၏​။

အာ​မုတ် 2:14

အပြေးမြန်​သူ​လည်း မပြေး​နိုင်​။ သန်မာ​သူ​လည်း ခွန်အား​မ​ထုတ်​နိုင်​။ စစ်သူရဲ​လည်း သူ့​အသက် သူ​မ​ကယ်​နိုင်​။