ယေ​ရ​မိ 21:9 - မြန်​​​မာ့​​​စံ​​​မီ​​​သမ္မာ​​​ကျမ်း​​

⁹ မြို့​တွင်း​၌ နေရစ်​သော​သူ​သည် ဓားဘေး​၊ ငတ်မွတ်ခေါင်းပါး​ခြင်း​ဘေး​၊ ကပ်ရောဂါ​ဘေး​တို့​ဖြင့် သေ​ရ​လိမ့်မည်​။ သင်​တို့​ကို​ဝိုင်း​ထား​သော​ခါလဒဲ​တပ်​ထံ ဝင်ရောက်​ခိုလှုံ​သော​သူ​မူကား သူ​၏​အသက်​သည် တိုက်ယူ​သော​ပစ္စည်း​ကဲ့သို့​ဖြစ်​၍ အသက်ချမ်းသာ​ရာ​ရ​မည်​။

Common Language Bible

⁹ ဤ​မြို့​တွင်​ရှိ​နေ​သူ​မှန်​သ​မျှ​သည်​စစ်​ပွဲ တွင်​ကျ​ဆုံး​ရ​ကြ​လိမ့်​မည်။ သို့​မ​ဟုတ် အ​စာ​ငတ်​မွတ်​ခေါင်း​ပါး​ခြင်း​ဘေး​ဖြင့် သော်​လည်း​ကောင်း၊ အ​နာ​ရော​ဂါ​ဘေး​ဖြင့် သော်​လည်း​ကောင်း​သေ​ရ​ကြ​လိမ့်​မည်။ သို့ ရာ​တွင်​မြို့​ပြင်​သို့​ထွက်​၍​ယ​ခု​ဝိုင်း​ရံ​တိုက် ခိုက်​လျက်​နေ​သော​ဗာ​ဗု​လုန်​ပြည်​သား​တို့ အား လက်​နက်​ချ​သူ​တို့​မူ​ကား​သေ​ရ​ကြ လိမ့်​မည်​မ​ဟုတ်။ ယုတ်​စွ​အ​ဆုံး​အ​သက် ဘေး​မှ​လွတ်​မြောက်​ကြ​လိမ့်​မည်။-

Garrad Bible

⁹ ဤ မြို့ အ တွင်း တွင် နေ သေး သော သူ သည် သ တ္တ န္တ ရ ကပ်၊ ဒု ဗ္ဘိ က္ခ န္တ ရ ကပ်၊ ရော ဂ န္တ ရ ကပ် များ ကြောင့်၊ သေ ရ မည်။ ဝန်း ဝိုင်း သော ခါ လ ဒဲ တပ် သား တို့ ဘက် သို့ ထွက် သွား ကူး ဝင် သူ မှာ မူ၊ အ သက် ဆု ကို ရ ၍ ရှင် လ တ္တံ့။

Judson Bible

⁹ ဤ​မြို့​ထဲ​မှာ​နေ​သော သူ​သည် ဓား​ဘေး၊ မွတ်​သိပ်​ခြင်း​ဘေး၊ နာ​ခြင်း​ဘေး​ဖြင့် သေ​လိမ့်​မည်။ မြို့​ပြင်​သို့​ထွက်၍၊ မြို့​ပြင်​မှာ တပ်​စွဲ​လျက်​နေ​သော ခါ​လ​ဒဲ​လူ​တို့​ဘက်​သို့ ဝင်​စား​သော​သူ​သည် အ​သက်​ချမ်း​သာ၍ လု​ယူ​ရ​သော​ဥ​စ္စာ​ကဲ့​သို့ ကိုယ်​အ​သက်​ကို ရ​လိမ့်​မည်။

ယေ​ရ​မိ 21:9 ပူးပေါင်းရင်းမြစ်များ

ယေ​ရ​မိ 14:12

သူ​တို့​အစာရှောင်​အော်ဟစ်​လျှင်လည်း ငါ​နားညောင်း​မည်​မ​ဟုတ်​။ မီးရှို့ရာယဇ်​နှင့် ဘောဇဉ်ပူဇော်သက္ကာ​ကို ပူဇော်​လျှင်လည်း ငါ​လက်ခံ​မည်​မ​ဟုတ်​။ ဓားဘေး​၊ ငတ်မွတ်ခေါင်းပါး​ခြင်း​ဘေး​၊ ကပ်ရောဂါ​ဘေး​တို့​ဖြင့် သူ​တို့​ကို ငါ​ဖျက်ဆီး​ပစ်​မည်​”​ဟု မိန့်​တော်မူ​၏​။

ယေ​ရ​မိ 21:7

တစ်ဖန် ထာဝရဘုရား​က ‘ကပ်ရောဂါ​ဘေး​၊ ဓားဘေး​၊ ငတ်မွတ်ခေါင်းပါး​ခြင်း​ဘေး​တို့​မှ အသက်ရှင်​ကျန်ရစ်​သော ယုဒ​ဘုရင်​ဇေဒကိ​မင်းကြီး​နှင့် သူ​၏​အမှုထမ်း​များ​၊ မြို့သူမြို့သား​များ​ကို သူ​တို့​အသက်​ကို​ရန်ရှာ​သော​၊ သူ​တို့​၏​ရန်သူ​ဖြစ်​သော ဘေဘီလုံ​ဘုရင်​နေဗုခဒ်နေဇာ​လက်​ထဲသို့ ငါ​အပ်​မည်​။ ထို​ဘုရင်​သည် သူ​တို့​ကို မ​သနား​၊ မ​ညှာတာ​၊ မ​စာနာ​ဘဲ ဓား​ဖြင့် ကွပ်မျက်​မည်’​ဟူ၍ မိန့်​တော်မူ​၏”​ဟု လျှောက်ဆို​ရ​မည်​။

ယေ​ရ​မိ 24:10

သူ​တို့​နှင့် သူ​တို့​၏​ဘိုးဘေး​တို့​အား ငါ​ပေး​သော​ပြည်​တွင် သူ​တို့​တစ်ယောက်​မျှ​မ​ကြွင်းကျန်​တော့​သည့်​တိုင်အောင် ဓားဘေး​၊ ငတ်မွတ်ခေါင်းပါး​ခြင်း​ဘေး​၊ ကပ်ရောဂါ​ဘေး​တို့​ကို သူ​တို့​ထံ စေလွှတ်​မည်’​ဟူ၍ မိန့်​တော်မူ​သည်”​ဟု မိန့်ဆို​၏​။

ယေ​ရ​မိ 27:11

သို့သော် ဘေဘီလုံ​ဘုရင်​၏​ထမ်းပိုး​ကို​ထမ်း​၍ ထို​ဘုရင်​ကို​အစေခံ​သော​လူမျိုး​ကို သူ​တို့​၏​နေရင်းပြည်​၌ ငါ​ထား​မည်​။ နေရင်းပြည်​၌ ထွန်ယက်​လုပ်ကိုင်​ရ​လိမ့်မည်​။ နေရင်းပြည်​၌ နေထိုင်​ရ​လိမ့်မည်​’​ဟူ၍ မိန့်​တော်မူ​ကြောင်း ဆင့်ဆို​စေ​လော့​”​ဟု ငါ့​အား မိန့်ဆို​၏​။

ယေ​ရ​မိ 27:12

ငါ​သည် ထို​စကား​အလုံးစုံ​တို့​ကို ယုဒ​ဘုရင်​ဇေဒကိ​မင်းကြီး​အား လျှောက်တင်​၏​။ “​အရှင်​သည် ဘေဘီလုံ​ဘုရင်​၏​ထမ်းပိုး​ကို​ထမ်း​၍ ထို​ဘုရင်​နှင့် သူ​၏​လူ​များ​ကို အစေခံ​လျက် အသက်ရှင်​ပါ​လော့​။

ယေ​ရ​မိ 27:13

ဘေဘီလုံ​ဘုရင်​ကို အစေ​မ​ခံ​သော​လူမျိုး​သည် ဓားဘေး​၊ ငတ်မွတ်ခေါင်းပါး​ခြင်း​ဘေး​၊ ကပ်ရောဂါ​ဘေး​တို့​ဖြင့် သေ​ရ​မည်​ဟု ထာဝရဘုရား​မိန့်​တော်မူ​သည့်​အတိုင်း မင်းကြီး​နှင့်​မင်းကြီး​၏​လူ​တို့​သည် အဘယ်ကြောင့် ထိုကဲ့သို့​သေ​ရ​ပါ​မည်နည်း​။

ယေ​ရ​မိ 38:2

ထာဝရဘုရား​မိန့်​တော်မူ​သည်​မှာ “ဤ​မြို့​တွင် နေထိုင်​သော​သူ​တို့​သည် ဓားဘေး​၊ ငတ်မွတ်ခေါင်းပါး​ခြင်း​ဘေး​၊ ကပ်ရောဂါ​ဘေး​တို့​ဖြင့် သေ​ရ​လိမ့်မည်​။ ခါလဒဲ​လူမျိုး​တို့​ဘက်​သို့ လိုက်သွား​သော​သူ​တို့​မူကား သူ​တို့​၏​အသက်​သည် တိုက်ယူ​သော​ပစ္စည်း​ကဲ့သို့​ဖြစ်​၍ အသက်ချမ်းသာ​ရာ​ရ​လိမ့်မည်​။

ယေ​ရ​မိ 38:3

စင်စစ် ဤ​မြို့​သည် ဘေဘီလုံ​ဘုရင်​၏​စစ်တပ်ကြီး​လက်​သို့ ရောက်​ရ​လိမ့်မည်​။ ဤ​မြို့​ကို သူ​တို့​သိမ်းပိုက်​လိမ့်မည်”​ဟူ၍​လည်း ထာဝရဘုရား​မိန့်​တော်မူ​၏​။

ယေ​ရ​မိ 39:18

သင်​သည် ငါ့​ကို ယုံကြည်ကိုးစား​သောကြောင့် အကယ်စင်စစ် သင့်​ကို ငါ​လွတ်မြောက်​စေ​မည်​။ သင်​သည် ဓားဘေး​ဖြင့် မ​ကျဆုံး​ရ​။ သင့်​အသက်​ကို တိုက်ယူ​သော​ပစ္စည်း​ကဲ့သို့​ဖြစ်​စေ​မည်​ဟု မိန့်​တော်မူ​၏’​ဟူ၍ ဆင့်ဆို​လော့”​ဟု မိန့်ဆို​၏​။

ယေ​ရ​မိ 45:5

ထာဝရဘုရား​က ‘ကြီးမြတ်​သော​အရာ​ကို သင်​ရှာ​နေ​သလော​။ မ​ရှာ​ပါ​နှင့်​။ ကြည့်ရှု​လော့​။ ငါ​သည် လူ​အပေါင်း​တို့​ကို ဘေးအန္တရာယ်​သင့်​စေ​မည်​။ သင့်​ကို​ကား သင်​ရောက်​လေရာရာ​အရပ်​တို့​၌ တိုက်ယူပစ္စည်း​ကဲ့သို့ သင့်​အသက်​ကို ငါ​ပေး​မည်’​ဟူ၍ မိန့်​တော်မူ​သည်”​ဟု ဆို​လေ​၏​။

ယေ​ဇ​ကျေ​လ 5:12

လူ​သုံးပုံတစ်ပုံ​သည် ကပ်ရောဂါ​ဘေး​၊ ငတ်မွတ်ခေါင်းပါး​ခြင်း​ဘေး​ဖြင့် သင်​တို့​အလယ်​တွင် သေကျေ​ပျက်စီး​ကြ​မည်​။ ကျန်​သုံးပုံတစ်ပုံ​သည် ဓားဘေး​ဖြင့် သင်​တို့​ပတ်ပတ်လည်​တွင်​ကျဆုံး​ကြ​မည်​။ ကျန်​သုံးပုံတစ်ပုံ​သည် လေနှင်ရာ​အရပ်ရပ်​သို့ ကွဲလွင့်​သွား​မည်​။ ငါ​သည် ဓား​ကို​ထုတ်​၍ သူ​တို့​နောက်​ကို​လိုက်​မည်’​ဟု မိန့်​တော်မူ​၏​။