ယေ​ရ​မိ 21:12 - မြန်​​​မာ့​​​စံ​​​မီ​​​သမ္မာ​​​ကျမ်း​​

¹² ထာဝရဘုရား​က “အို ဒါဝိဒ်​အမျိုးအနွယ်​တို့​၊ နံနက်တိုင်း တရားသဖြင့်​စစ်ကြောစီရင်​ကြ​လော့​။ နှိပ်စက်​ခံရ​သူ​ကို နှိပ်စက်​သော​သူ​၏​လက်​မှ ကယ်နုတ်​လော့​။ သို့မဟုတ်လျှင် သင်​တို့​၏​ဆိုးညစ်​သော​လုပ်ရပ်​ကြောင့် ငါ့​အမျက်​သည် မည်သူ​မျှ​မ​ငြှိမ်း​နိုင်​အောင် မီး​ကဲ့သို့​တောက်လောင်​လိမ့်မည်”​ဟု မိန့်​တော်မူ​၏​။

Judson Bible

¹² အို ဒါ​ဝိဒ်​မင်း​ကြီး​အ​မျိုး၊ ထာ​ဝ​ရ​ဘု​ရား မိန့်​တော်​မူ​သည်​ကား၊ မ​ဆိုင်း​မ​လင့်၊ တ​ရား​သ​ဖြင့် စီ​ရင်​ကြ​လော့။ လု​ယူ​ခြင်း​ခံ​ရ​သော​သူ​ကို ညှဉ်း​ဆဲ​သော​သူ၏​လက်​မှ ကယ်​နုတ်​ကြ​လော့။ သို့​မ​ဟုတ်၊ သင်​တို့​ပြု​သော​ဒု​စ​ရိုက်​အ​ပြစ်​ကြောင့်၊ ငါ့​အ​မျက်​သည် မီး​ကဲ့​သို့​ဖြစ်၍၊ အ​ဘယ်​သူ​မျှ​မ​သတ်​နိုင်​အောင် လောင်​လိမ့်​မည်။

ယေ​ရ​မိ 21:12 ပူးပေါင်းရင်းမြစ်များ

၂ ရာ 8:15

ဒါဝိဒ်​မင်းကြီး​သည် အစ္စရေး​တစ်မျိုးလုံး​ကို အုပ်စိုး​၍ ပြည်သူပြည်သား​အပေါင်း​တို့​ကို တရားမျှတ​စွာ​၊ ဖြောင့်မတ်​စွာ အုပ်ချုပ်​၏​။

ယောဘဝတ္တု။ 29:17

ဒုစရိုက်ပြု​သော​သူ​တို့​၏​အစွယ်​ကို ချိုး​ပြီး သူ့​သွား​မှ သားကောင်​ကို ကယ်နုတ်​ပေး​ခဲ့​၏​။

ဆာ​လံ 101:8

အကျွန်ုပ်​သည် အပြစ်ဒုစရိုက်​ပြု​သော​သူ​အပေါင်း​တို့​ကို ထာဝရဘုရား​၏​မြို့​တော်​မှ ပယ်ဖျက်​မည့်​အကြောင်း ဆိုးယုတ်​သော​ပြည်သား​အပေါင်း​တို့​ကို နံနက်တိုင်း ဖယ်ရှားသုတ်သင်​ပါ​မည်​။

ထွက်​မြောက် 18:13

နောက်တစ်နေ့​၌ မောရှေ​သည် လူ​တို့​ကို​တရားစီရင်​ရန် ထိုင်​၍ လူ​တို့​သည် နံနက်အချိန်​မှ နေဝင်ချိန်​တိုင်အောင် မောရှေ​ရှေ့​၌ ရပ်​နေ​ကြ​၏​။

ဟေ​ရှာ​ယ 1:17

ကောင်း​သော​အမှု​ကို​ပြု​ရန် သင်ယူ​ကြ​လော့​။ တရားမျှတမှု​ကို ရှာ​ကြ​လော့​။ အဖိနှိပ်​ခံရ​သူ​ကို ကူမ​ကြ​လော့​။ ဖတဆိုး​ဘက်​မှ တရားသဖြင့်စီရင်​ကြ​လော့​။ မုဆိုးမ​ဘက်​မှ ရင်ဆိုင်ဖြေရှင်း​ပေး​ကြ​လော့​”​ဟု မိန့်​တော်မူ​၏​။

ဟေ​ရှာ​ယ 1:31

ခွန်အားကြီး​သော​သူ​သည် လောင်စာ​ကဲ့သို့​ဖြစ်၍ သူ​၏​လုပ်ဆောင်ချက်​သည် မီးပွား​ကဲ့သို့ ဖြစ်​မည်​။ နှစ်မျိုးစလုံး အတူ​လောင်ကျွမ်း​၍ မည်သူ​မျှ​ငြှိမ်းသတ်​မည်​မ​ဟုတ်​။

ဟေ​ရှာ​ယ 7:13

ထိုအခါ ဟေရှာယ​က “​ဒါဝိဒ်​အမျိုးအနွယ်​တို့​၊ နားထောင်​လော့​။ သင်​တို့​သည် လူ​တို့​ကို​စိတ်ပင်ပန်း​စေ​သည်​မှာ နည်း​သေး​၍ ငါ​၏​ဘုရားသခင်​ကို​ပါ စိတ်ပင်ပန်း​စေ​ကြ​မည်လော​။

ဟေ​ရှာ​ယ 7:2

“​ဆီးရီးယား​ပြည်​သည် ဧဖရိမ်​ပြည်​နှင့် မဟာမိတ်ဖွဲ့​သည်​”​ဟု ဒါဝိဒ်​အမျိုးအနွယ်​ကြားသိ​သောအခါ တော​ထဲမှ​သစ်ပင်​တို့​သည် လေတိုက်​၍​လှုပ်ခါ​သကဲ့သို့ အာခတ်​မင်းကြီး​နှင့် ပြည်သူပြည်သား​တို့​၏​စိတ်နှလုံး​သည် လှုပ်ခါ​သွား​လေ​၏​။

ယေ​ရ​မိ 17:4

သင့်​အား ငါ​ပေး​သော​အမွေ​ကို သင်​လက်လွတ်​ရ​မည်​။ သင်​မ​သိ​သော​ပြည်​တွင် သင်​၏​ရန်သူ​တို့​အား သင်​အစေခံ​ရ​မည်​။ အစဉ်အမြဲ​တောက်လောင်​နေ​မည့် ငါ့​အမျက်​မီး​ကို သင်​မွှေး​လေ​ပြီ​။

ယေ​ရ​မိ 21:5

ငါ​ကိုယ်တိုင် အားကြီး​သော​လက်ရုံး​၊ ပြင်းစွာ​သော​အမျက်ဒေါသ​တို့​ဖြင့် လက်​ကို​ဆန့်​၍ သင်​တို့​ကို​တိုက်ခိုက်​မည်​။

ယေ​ရ​မိ 23:19

ကြည့်ရှု​လော့​။ ထာဝရဘုရား​၏​ဒေါသ​မုန်တိုင်း တိုက်ခတ်​လိမ့်မည်​။ ပြင်းစွာ​သော​မုန်တိုင်း​သည် ဆိုးယုတ်​သော​သူ​တို့​၏​ခေါင်း​ပေါ်သို့ ကျရောက်​လိမ့်မည်​။

ယေ​ရ​မိ 23:2

အစ္စရေး​လူမျိုး​၏​ဘုရားသခင်​ထာဝရဘုရား​က မိမိ​လူမျိုး​တော်​ကို​ထိန်းကျောင်း​သော သိုးထိန်း​တို့​အား “​သင်​တို့​သည် ငါ​၏​သိုးစု​ကို​ကွဲလွင့်​စေ​၏​။ နှင်ထုတ်​၏​။ သူ​တို့​ကို ဂရု​မ​စိုက်​။ ကြည့်ရှု​လော့​။ သင်​တို့​ပြု​သော​ဆိုးညစ်မှု​ကြောင့် သင်​တို့​ကို ငါ​ဒဏ်ခတ်​မည်​”​ဟု မိန့်​တော်မူ​၏​။

ယေ​ရ​မိ 23:5

ထာဝရဘုရား​က “​ကြည့်ရှု​လော့​။ အချိန်​ကျရောက်​ပြီ​။ ဖြောင့်မတ်​ခြင်း​အကိုင်း​ကို ဒါဝိဒ်​အမျိုး​မှ ငါ​ပေါ်ထွက်​စေ​မည်​။ သူ​သည် ဘုရင်​အဖြစ်​အုပ်စိုး​မည်​။ ပညာသတိ​ရှိ​လျက် ပြည်​တော်​၌ တရားမျှတ​စွာ​၊ ဖြောင့်မတ်​စွာ စီရင်​မည်​။

ယေ​ရ​မိ 36:7

သူ​တို့​အသီးသီး ဆိုးညစ်​သော​လမ်း​မှ​ပြန်လှည့်​လာ​၍ ထာဝရဘုရား​ရှေ့​တော်​၌ ပျပ်ဝပ်​လျက် အသနားခံ​ကောင်း​ခံ​ကြ​လိမ့်မည်​။ အကြောင်းမူကား ဤ​လူမျိုး​တို့​ကို ထာဝရဘုရား ပြင်းစွာ​အမျက်​ဒေါသ​ထွက်​တော်မူ​လေ​ပြီ​”​ဟု ဆို​၏​။

ယေ​ရ​မိ 4:4

ယုဒ​ပြည်သူ​ဂျေရုဆလင်​မြို့သား​တို့​၊ အရေဖျားလှီး​ခြင်း​ကို​ခံ​၍ သင်တို့ကိုယ်သင်တို့ ထာဝရဘုရား​ထံ​ဆက်ကပ်​ကြ​လော့​။ သင်​တို့​၏​စိတ်နှလုံး​အရေဖျား​ကို ဖယ်ရှား​ကြ​လော့​။ သို့မဟုတ်လျှင် သင်​တို့​၏​ဆိုးညစ်​သော​လုပ်ရပ်​ကြောင့် ငါ့​အမျက်​သည် မီး​ကဲ့သို့ မည်သူ​မျှ​မ​ငြှိမ်း​နိုင်​အောင် တောက်လောင်​လိမ့်မည်​။

ယေ​ရ​မိ 44:22

သင်​တို့​၏​ဆိုးညစ်​သော​လုပ်ရပ်​၊ သင်​တို့​ပြု​သော စက်ဆုပ်ရွံရှာဖွယ်​အမှု​များ​ကို ထာဝရဘုရား​သည် ဆက်​၍​သည်း​မ​ခံ​နိုင်​တော့​ပေ​။ ထို့ကြောင့် သင်​တို့​ပြည်​သည် ယခု​ကဲ့သို့ ပြိုပျက်​ရာ​၊ ထိတ်လန့်စရာ​၊ ကျိန်ဆဲစရာ​၊ လူသူကင်းမဲ့​ရာ ဖြစ်​လေ​ပြီ​။

ယေ​ရ​မိ 5:14

သို့ဖြစ်၍ ကောင်းကင်​ဗိုလ်ခြေ​အရှင်​ဘုရားသခင်​ထာဝရဘုရား​က “​ထိုသို့ သူ​တို့​ပြော​သောကြောင့် ငါ့​စကား​ကို သင့်​နှုတ်​၌ မီး​ကဲ့သို့​ဖြစ်​စေ​၍ ဤ​လူမျိုး​ကို ထင်း​ကဲ့သို့​ဖြစ်​စေ​မည်​။ မီး​သည် သူ​တို့​ကို လောင်ကျွမ်း​လိမ့်မည်”​ဟု မိန့်​တော်မူ​၏​။

ယေ​ရ​မိ 5:28

သူ​တို့​သည် ဝဖြိုး​စိုပြည်​ကြ​၏​။ မကောင်းမှု​ကို အတောမသတ်​ပြု​ကြ​၏​။ သူ​တို့​ကောင်းစားရေး​အတွက် မိဘမဲ့​တို့​၏​အမှု​ကို မတရားသဖြင့်​စီရင်​ကြ​၏​။ နွမ်းပါး​သူ​တို့​အတွက် တရားမျှတ​စွာ​မ​စီရင်​ကြ​။

ယေ​ရ​မိ 7:20

ထို့ကြောင့် ဘုရားရှင်​ထာဝရဘုရား​က “​ကြည့်ရှု​လော့​။ ငါ့​အမျက်​ဒေါသ​သည် ဤ​အရပ်​နှင့်တကွ လူ​၊ တိရစ္ဆာန်​၊ ကွင်းပြင်​ရှိ​သစ်ပင်​၊ မြေ​အသီးအနှံ​တို့​အပေါ် သွန်ချ​မည်​။ ငါ​၏​ဒေါသ​သည် မ​ငြိမ်း​ဘဲ​တောက်လောင်​လိမ့်မည်​”​ဟု မိန့်​တော်မူ​၏​။

ယေ​ရ​မိ 7:5

သင်​တို့​၏​အပြုအမူ​အကျင့်အကြံ​တို့​ကို အမှန်​ပြုပြင်​လျှင်​၊ သင်​တို့​သည် အိမ်နီးချင်း​အချင်းချင်း​ကြား တရားမျှတ​စွာ​စီရင်​လျှင်​၊

မြည်​တမ်း​စ​ကား 4:11

ထာဝရဘုရား ပြင်းစွာ​အမျက်​ထွက်​လေ​ပြီ​။ အမျက်​တော်​မီး​ကို သွန်ချ​လေ​ပြီ​။ ဇိအုန်​မြို့​ကို​မီးရှို့​၍ မြို့​၏​အုတ်မြစ်​ကို​ပါ လောင်ကျွမ်း​စေ​လေ​ပြီ​။

ယေ​ဇ​ကျေ​လ 22:31

ထို့ကြောင့် ငါ့​အမျက်​ဒေါသ​ကို သူ​တို့​အပေါ် သွန်ချ​မည်​။ ငါ့​အမျက်​မီး​ဖြင့် သူ​တို့​ကို လောင်ကျွမ်း​စေ​မည်​။ သူ​တို့​ပြုကျင့်​ခဲ့​သည့်​အတိုင်း သူ​တို့​ခေါင်း​ပေါ်သို့ ပြန်ရောက်​စေ​မည်​”​ဟု ဘုရားရှင်​ထာဝရဘုရား မိန့်ဆို​၏​။

ဝတ်​ပြု 26:28

ငါ​သည်​လည်း သင်​တို့​ကို အမျက်ဒေါသ​ဖြင့် သင်​တို့​ကို ဆက်လက်​ဆန့်ကျင်​မည်​။ ထိုမျှမက ငါ​သည် သင်​တို့​၏​အပြစ်​အတွက် သင်​တို့​ကို ခုနစ်ဆ​အပြစ်ဒဏ်​ပေး​မည်​။

နာ​ဟုံ 1:6

ကိုယ်တော်​၏​အမျက်​တော်​ရှေ့​၌ မည်သူ​ရပ်​နိုင်​မည်နည်း​။ ကိုယ်တော်​၏​ပြင်းစွာ​သော​အမျက်​တော်​ကို မည်သူ​ကြံ့ကြံ့​ခံနိုင်​မည်နည်း​။ အမျက်​တော်​ကို မီး​ကဲ့သို့​သွန်ချ​တော်မူ​လျှင် ရှေ့​တော်​၌ ကျောက်ဆောင်​များ ပြိုကျ​ကုန်​ပါ​၏​။

ဇေဖနိ 1:18

ထာဝရဘုရား​၏​အမျက်​တော်​ကျရောက်​သော​နေ့​၌ သူ​တို့​၏​ရွှေ​ငွေ​များ​သည် သူ​တို့​ကို ကယ်တင်​နိုင်​မည်​မ​ဟုတ်​။ သဝန်တို​ခြင်း​မီး​သည် မြေ​တစ်ပြင်လုံး​ကို လောင်ကျွမ်း​သွား​လိမ့်မည်​။ မြေကြီးသား​အပေါင်း​တို့​ကို ထိတ်လန့်​တုန်လှုပ်​စွာ​ဖြင့် ဘဝနိဂုံးချုပ်​စေ​မည်​။

ဇေဖနိ 3:5

ထို​မြို့​တွင် စံနေ​တော်မူ​သော​ထာဝရဘုရား​မူကား မတရားမှု​ကို မ​ပြု​၊ ဖြောင့်မတ်​တော်မူ​သော​ဘုရား​ဖြစ်​၏​။ နံနက်​အရုဏ်လင်းချိန်​တိုင်း​တွင် မိမိ​၏​ဖြောင့်မတ်​ခြင်း​ကို မ​ပျက်​မ​ကွက်​ဖော်ပြ​တော်မူ​၏​။ သို့သော် မတရား​သော​သူ​သည် ရှက်ကြောက်​ရ​မည်​ကို မ​သိ​ပါတကား​။

လုကာ 1:69

မိမိ​၏​ရှေး​သန့်ရှင်း​သော​ပရောဖက်​များ​၏​နှုတ်​အားဖြင့် မိန့်​တော်မူ​ခဲ့​သည့်​အတိုင်း ငါ​တို့​အတွက် ကယ်တင်​ခြင်း​ဦးချို​ကို ကိုယ်တော်​၏​အစေခံ​ဒါဝိဒ်​အမျိုးအနွယ်​တွင် ပေါ်ထွန်း​စေ​တော်မူ​ပြီ။

ရော​မ 13:4

အကြောင်းမူကား သူ​သည် သင့်​အား ကောင်းကျိုး​ပြု​သော ဘုရားသခင်​၏​အစေခံ​ဖြစ်​၏။ သို့ရာတွင် မကောင်း​သော​အမှု​ကို​သင်​ပြု​လျှင် ကြောက်ရွံ့​ခြင်း​ရှိ​လော့။ သူ​သည် ဓား​ကို အကြောင်းမဲ့​ဆောင်​ထား​သည်​မ​ဟုတ်။ သူ​သည် မကောင်း​သော​အမှု​ကို​ပြုကျင့်​သော​သူ​အား အမျက်​တော်​အတွက် အပြစ်​ဒဏ်​ပေး​သည့် ဘုရားသခင်​၏​အစေခံ​ဖြစ်​၏။

တ​ရား​ဟော 32:22

ငါ့​အမျက်​မီး​သည် စွဲ​၍ မရဏာနိုင်ငံ​အောက်ဆုံး​ထိ​တိုင်အောင် တောက်လောင်​လိမ့်မည်​။ မြေကြီး​နှင့် မြေကြီး​အသီးအနှံ​တို့​ကို ဝါးမျို​၍ တောင်​များ​၏​အခြေအမြစ်​တို့​ကို လောင်ကျွမ်း​လိမ့်မည်​။