ယေ​ရ​မိ 17:11 - မြန်​​​မာ့​​​စံ​​​မီ​​​သမ္မာ​​​ကျမ်း​​

¹¹ ခါငှက်​သည် မိမိ​မ​ဥ​သော​ဥ​ကို​ဝပ်​သကဲ့သို့ မတရား​သော​သူ​သည် ဓနဥစ္စာ​သိုမှီး​တတ်​၏​။ သို့သော်လည်း သူ​သည် သက်တမ်း​တစ်ဝက်​၌ပင် မိမိ​ဓနဥစ္စာ​ကို စွန့်ထား​ခဲ့​ရ​၍ အဆုံး​၌ မိုက်မဲ​သော​သူ​ဖြစ်သွား​လိမ့်မည်”​ဟု မိန့်​တော်မူ​၏​။

Common Language Bible

¹¹ မ​သ​မာ​သော​နည်း​ဖြင့်​ငွေ​ရှာ​သော​သူ​သည် မိ​မိ​မ​ဥ​သည့်​ဥ​များ​ကို​ဝပ်​သော​ငှက်​နှင့်​တူ​၏။ သူ​သည်​ပ​ထ​မ​အ​ရွယ်​၌​ပင်​စည်း​စိမ်​ဥစ္စာ ဆုံး​ပါး​လျက် လူ​မိုက်​အ​ဖြစ်​နှင့်​သာ​လျှင်​နိ​ဂုံး​ချုပ်​ရ​တတ်​၏။

Garrad Bible

¹¹ မ တ ရား သ ဖြင့် ဥ စ္စာ ဆည်း ပူး သော သူ သည်၊ ကိုယ် မ ဥ သော ဥ ပေါ် တွင် ဝပ် လေ့ ရှိ သော ခါ ငှက် ကဲ့ သို့၊ အ သက် တာ အ လယ် တွင် စွန့် ပစ် ရ သည့် ပြင်၊ အ ဆုံး၌ လည်း၊ မိုက် မဲ လိမ့် မည် ဟု မိန့် တော် မူ ၏။

Judson Bible

¹¹ ကော​ရ​ငှက်​သည် မိ​မိ​မ​ဥ​သော​ဥ​ကို ဝပ်​သ​ကဲ့​သို့၊ မ​တ​ရား​သ​ဖြင့် ဥ​စ္စာ​ဆည်း​ပူး​သော​သူ​သည် အ​သက်​ပျို​စဉ်​က​ပင်၊ ဆင်း​ရဲ​ခြင်း​သို့ ရောက်၍ အ​ဆုံး၌​ကား၊ လူ​မိုက်​ဖြစ်​လိမ့်​မည်။

ယေ​ရ​မိ 17:11 ပူးပေါင်းရင်းမြစ်များ

ယောဘဝတ္တု။ 20:21

သူ​ဝါးမျိုစရာ တစ်စုံတစ်ရာ​ကျန်​မည်​မ​ဟုတ်​။ သူ့​စည်းစိမ်​များ​လည်း တည်မြဲ​မည်​မ​ဟုတ်​။

ဆာ​လံ 49:13

ဤသည်ကား မိမိကိုယ်မိမိ​ယုံကြည်အားထား​သော​သူ​တို့​နှင့် ထို​သူ​တို့​၏​စကား​ကို​နှစ်သက်​၍ သူ​တို့​နောက်​သို့​လိုက်​သော​သူ​တို့​၏​လမ်း​ဖြစ်​၏​။(​စေလာ)

ဆာ​လံ 55:23

သို့သော် အို ဘုရားသခင်​၊ ကိုယ်တော်​သည် ထို​သူ​တို့​ကို ပုပ်ပျက်ရာ​တွင်း​ထဲသို့​ဆင်းသွား​စေ​တော်မူ​၏​။ သွေးဆာ​သော​သူ​နှင့် လိမ်လည်လှည့်ဖြား​သော သူ​တို့​သည် မိမိ​တို့​နေ့ရက်​ကာလ​၏​ထက်ဝက်​မျှပင် အသက်ရှင်​ရ​မည်​မ​ဟုတ်​။ အကျွန်ုပ်​မူကား ကိုယ်တော်​ကို​ယုံကြည်ကိုးစား​ပါ​မည်​။

သုတ္တံကျမ်း။ 13:11

လွယ်လွယ်​ရ​သော​စည်းစိမ်ဥစ္စာ​သည် လျော့နည်း​သွား​တတ်​၏​။ နည်းနည်းချင်း​စုဆောင်း​သော​သူ​မူကား စည်းစိမ်ဥစ္စာ​ကို​တိုးပွား​စေ​တတ်​၏​။

သုတ္တံကျမ်း။ 15:27

မတရား​သော​အကျိုး​စီးပွား​ကို​တပ်မက်​သော​သူ​သည် မိမိ​အိမ်သူအိမ်သား​တို့​ကို ဒုက္ခပေး​တတ်​၏​။ တံစိုးလက်ဆောင်​ကို​မုန်း​သော​သူ​မူကား အသက်ရှင်​ရ​လိမ့်မည်​။

သုတ္တံကျမ်း။ 21:6

မုသားသုံး​သော​လျှာ​ဖြင့် ဥစ္စာဘဏ္ဍာ​များ​ကို​ဆည်းပူး​ခြင်း​သည် လွင့်သွား​သော​အခိုးအငွေ့​ဖြစ်​ပြီး သေ​ခြင်း​ကို​ရှာဖွေ​ခြင်း​ဖြစ်​၏​။

သုတ္တံကျမ်း။ 23:5

ထို​ချမ်းသာကြွယ်ဝမှု​ကို သင်​၏​မျက်စိ​ဖြင့် ဝေ့ကြည့်​လိုက်​သောအခါ ၎င်း​သည် ရှိ​တော့​မည်​မ​ဟုတ်​။ အကြောင်းမူကား ၎င်း​သည် ရုတ်တရက်​အတောင်​ပေါက်​၍ လင်းယုန်​ကဲ့သို့ ကောင်းကင်​သို့​ပျံသန်း​သွား​လိမ့်မည်​။

သုတ္တံကျမ်း။ 28:16

ထိုးထွင်းဉာဏ်​ကင်းမဲ့​သော​အုပ်ချုပ်သူမင်း​သည် အလွန်​ဖိနှိပ်​ညှဉ်းပန်း​တတ်​၏​။ မတရား​သော​အကျိုး​စီးပွား​ကို​ရွံမုန်း​သော​သူ​သည် အသက်​ရှည်​လိမ့်မည်​။

သုတ္တံကျမ်း။ 28:20

သစ္စာရှိ​သော​သူ​သည် ကောင်းချီးမင်္ဂလာ​များစွာ​ခံစား​ရ​လိမ့်မည်​။ အလျင်စလို​ချမ်းသာကြွယ်ဝ​လို​သော​သူ​မူကား အပြစ်ဒဏ်​နှင့်​ကင်းလွတ်​လိမ့်မည်​မ​ဟုတ်​။

သုတ္တံကျမ်း။ 28:22

စေးနှဲ​သော​သူ​သည် စည်းစိမ်ဥစ္စာ​ရ​ရန် အလျင်စလို​လုပ်ဆောင်​သော်လည်း ဆင်းရဲ​ခြင်း​သည် သူ့​ထံသို့​ရောက်လာ​မည်​ကို သူ​မ​သိ​ချေ​။

သုတ္တံကျမ်း။ 28:8

အတိုးချ​ခြင်း​နှင့် အမြတ်​ကြီးစား​ခြင်း​ဖြင့် မိမိ​၏​စည်းစိမ်ဥစ္စာ​ကို​တိုးပွား​စေ​သော​သူ​သည် ဆင်းရဲ​သော​သူ​တို့​ကို​သနား​တတ်​သော​သူ​အတွက် စုဆောင်း​နေ​ခြင်း​ဖြစ်​၏​။

ယေ​ရ​မိ 22:13

မသမာ​သော​နည်း​ဖြင့် မိမိ​နန်းတော်​ကို တည်ဆောက်​သော​သူ​၊ မတရား​သော​နည်း​ဖြင့် ဘုံဗိမာန်​များ​ကို တည်ဆောက်​သော​သူ​၊ အမျိုးသားချင်း​တို့​ကို ခိုင်းစေ​ပြီး လုပ်အားခ​မ​ပေး​သော​သူ​၊

ယေ​ရ​မိ 22:17

သင့်​မျက်စိ​၊ သင့်​စိတ်နှလုံး​ထဲတွင်​မူကား မတရား​စီးပွားရှာ​ခြင်း​၊ အပြစ်မဲ့​သော​သူ​ကို​သတ်ဖြတ်​ခြင်း​၊ ဖိနှိပ်ချုပ်ချယ်​ခြင်း​၊ နှိပ်စက်​ခြင်း​တို့​သာ​ရှိ​၏​။

ယေ​ရ​မိ 6:13

“​အဘယ်ကြောင့်​ဆိုသော် အငယ်ဆုံး​မှစ၍ အကြီးဆုံး​တိုင်အောင် ထို​သူ​အပေါင်း​တို့​သည် မတရား​သော​အကျိုးစီးပွား​ကို တပ်မက်​ကြ​၏​။ ပရောဖက်​မှစ၍ ယဇ်ပုရောဟိတ်​အပေါင်း​တို့​သည်​လည်း မဟုတ်မမှန်​ပြုမူ​တတ်​ကြ​၏​။

ယေ​ရ​မိ 8:10

သို့ဖြစ်၍ သူ​တို့​၏​မယား​များ​ကို အခြား​သူ​တို့​အား ငါ​ပေး​မည်​။ သူ​တို့​၏​လယ်ယာ​များ​ကို​လည်း အခြားသူ​တို့​ပိုင်ဆိုင်​စေ​မည်​။ အကြောင်းမူကား လူကြီး​လူငယ်​အားလုံး မတရား​သော​အကျိုးစီးပွား​ကို တပ်မက်​ကြ​၏​။ ပရောဖက်​နှင့် ယဇ်ပုရောဟိတ်​အားလုံး​သည်​လည်း မဟုတ်မမှန်​ပြုမူ​တတ်​ကြ​၏​။

အာ​မုတ် 3:10

စင်စစ် သူ​တို့​သည် မှန်ကန်​ရာ​ကို မ​ပြု​တတ်​ကြ​။ သူ​တို့​၏​ခံတပ်​တွင် အကြမ်းဖက် လုယူထား​သော​ပစ္စည်း​ကို သို​ထား​ကြ​ပြီ​”​ဟု ထာဝရဘုရား​မိန့်​တော်မူ​၏​။

မိက္ခာ 2:9

သင်​တို့​သည် ငါ့​လူမျိုး​တော်​တို့​၏​မိန်းမ​တို့​ကို သူ​တို့​မွေ့လျော်​ရာ​အိမ်​မှ နှင်ထုတ်​ပစ်​၏​။ သူ​တို့​၏​သားသမီး​များ​ထံ​မှ ငါ​၏​ဘုန်း​ကို အပြီးအပိုင်​နုတ်ယူ​ကြ​ပြီ​။

မိက္ခာ 7:3

သူ​တို့​၏​လက်​နှစ်ဖက်စလုံး​သည် မကောင်းမှု​၌ ကျင်လည်​တတ်​ကြ​၏​။ အကြီးအကဲ​များ​၊ တရားသူကြီး​များ​သည် တံစိုးလက်ဆောင်​ကို တောင်းဆို​တတ်​ကြ​၏​။ မင်းအရာရှိ​တို့​သည်​လည်း မိမိ​တို့​စိတ်​အလိုရမ္မက်​ကို​သာ ဖော်ပြ​တတ်​ကြ​၏​။ ထို​သူ​တို့​သည် တစ်ကျိတ်တည်း​တစ်ဉာဏ်တည်း ဖြစ်​ကြ​၏​။

ဇေဖနိ 1:9

ထို​နေ့ရက်​တွင် တံခါးခုံ​ကို​ကျော်ဝင်​သူ​၊ ကိုယ့်​သခင်​၏​အိမ်​ကို ရက်စက်ကြမ်းကြုတ်မှု​၊ လိမ်လည်လှည့်ဖြားမှု​တို့​နှင့် ပြည့်​စေ​သော​သူ​တို့​ကို ငါ​ဒဏ်ခတ်​မည်​။

ဇာ​ခ​ရိ 5:4

ကောင်းကင်​ဗိုလ်ခြေ​အရှင်​ထာဝရဘုရား​က “​ဤ​စာလိပ်​ကို ငါ​စေလွှတ်​သဖြင့် သူခိုး​၏​အိမ်​ထဲ၌​လည်းကောင်း​၊ ငါ့​နာမ​ဖြင့် မဟုတ်မမှန်​ကျိန်ဆို​သူ​၏​အိမ်​ထဲ၌​လည်းကောင်း ဝင်​နေ​၍ သစ်သား​၊ ကျောက်တုံး​တို့​ပါ​မ​ကျန် ထို​အိမ်​ကို ဖျက်ဆီး​ပစ်​လိမ့်မည်”​ဟု ငါ့​အား ပြောပြ​၏​။

မာ​လ​ခိ 3:5

“​သင်​တို့​ကို တရားစီရင်​ရန် သင်​တို့​ထံသို့ ငါ​ကြွလာ​မည်​။ ငါ​သည် မှော်ဆရာ​များ​၊ အိမ်ထောင်ရေးဖောက်ပြန်​သော​သူ​များ​၊ မဟုတ်မမှန်​ကျိန်ဆို​သော​သူ​များ​၊ သူရင်းငှား​၏​လုပ်အားခ​ကို မပေး​သော​သူ​များ​၊ မုဆိုးမ​နှင့် ဖတဆိုး​တို့​ကို နှိပ်စက်​သော​သူ​များ​၊ တိုင်းတစ်ပါးသား​တို့​ကို လျစ်လျူရှု​၍ ငါ့​ကို​မ​ကြောက်ရွံ့​သော​သူ​များ​ကို​ဆန့်ကျင်​လျက် အလျင်အမြန်​သက်သေ​ထွက်ဆို​မည်​”​ဟု ကောင်းကင်​ဗိုလ်ခြေ​အရှင်​ထာဝရဘုရား မိန့်​တော်မူ​၏​။

မဿဲ 23:13

သူတော်ကောင်း​ယောင်ဆောင်​သော ကျမ်းပြု​ဆရာ​နှင့်​ဖာရိရှဲ​တို့၊ သင်​တို့​သည် အမင်္ဂလာရှိ​ကြ​၏။ အကြောင်းမူကား သင်​တို့​သည် ကောင်းကင်​နိုင်ငံ​တော်​ကို လူ​တို့​ရှေ့၌​ပိတ်​ထား​၍ သင်​တို့​ကိုယ်တိုင်​လည်း​မ​ဝင်၊ ဝင်​လို​သော​သူ​များ​ကို​လည်း ဝင်​ခွင့်​မ​ပေး​ကြ။

လုကာ 12:20

သို့သော် ဘုရားသခင်​သည် ထို​သူ​အား ‘အချင်း​လူမိုက်၊ ဤ​ည​၌​ပင် သင့်​ဝိညာဉ်​ကို သင့်​ထံမှ​ရုပ်သိမ်း​ကြ​လိမ့်မည်။ သို့ဖြစ်လျှင် သင်​ပြင်ဆင်​ထား​သော​အရာ​များ​သည် မည်သူ့​ဥစ္စာ​ဖြစ်​လိမ့်မည်​နည်း’​ဟု မိန့်​တော်မူ​၏။

၁ တိ 6:9

ချမ်းသာ​လို​သော​သူ​တို့​သည် ဖြားယောင်း​သွေးဆောင်​ရာ​ထဲသို့​လည်းကောင်း၊ ထောင်ချောက်​ထဲသို့​လည်းကောင်း၊ လူ​တို့​ကို ပျက်စီး​ခြင်း​နှင့်​ဆုံးရှုံး​ခြင်း​တွင် နစ်မွန်း​စေ​တတ်​သော မိုက်မဲ​၍​အန္တရာယ်​ရှိ​သည့် တပ်မက်​ခြင်း​အမျိုးမျိုး​ထဲသို့​လည်းကောင်း ကျရောက်​တတ်​ကြ​၏။

တိ​တု 1:11

ထို​သူ​တို့​ကို နှုတ်ဆိတ်​စေ​ရ​မည်။ သူ​တို့​သည် မစင်ကြယ်​သော​အကျိုးစီးပွား​အတွက် မ​သွန်သင်​အပ်​သော​အရာ​များ​ကို​သွန်သင်​လျက် မိသားစု​များ​ကို အစု​လိုက်​ချွတ်ချော်​လွဲမှား​စေ​ကြ​၏။

၂ ပေ 2:14

သူ​တို့​၏​မျက်စိ​သည် ဖောက်ပြန်​လို​သော​ဆန္ဒ​နှင့်​ပြည့်နှက်​၍ အပြစ်​ပြု​ရာ​မှ​ရပ်တန့်​ခြင်း​မ​ရှိ​ကြ။ သူ​တို့​သည် စိတ်​မ​တည်ကြည်​သော​သူ​တို့​ကို လှည့်ဖြား​ဆွဲဆောင်​လျက် လောဘ​လွန်ကျူး​ခြင်း​၌​ကျင့်သားရ​သော စိတ်နှလုံး​ရှိ​၍ ကျိန်ဆဲ​ခြင်း​၏​သားသမီး​များ​ဖြစ်​ကြ​၏။

၂ ပေ 2:3

သူ​တို့​သည် လောဘ​စိတ်​ဖြင့် လုပ်ကြံ​ဖန်တီး​သော​စကား​များ​ကို​ပြောဆို​လျက် သင်​တို့​အပေါ် အမြတ်ထုတ်​ကြ​လိမ့်မည်။ သူ​တို့​ခံရ​မည့် ပြစ်ဒဏ်​စီရင်​ခြင်း​သည် ရှေးယခင်​က​ပင် ဖင့်နှေး​ခြင်း​မ​ရှိ။ သူ​တို့​၏​ပျက်စီး​ခြင်း​သည်​လည်း ငိုက်မျဉ်း​ခြင်း​မ​ရှိ။