ယေ​ရ​မိ 13:13 - မြန်​​​မာ့​​​စံ​​​မီ​​​သမ္မာ​​​ကျမ်း​​

¹³ ထိုအခါ သင်​က သူ​တို့​အား “​ထာဝရဘုရား​က ‘​ကြည့်ရှု​လော့​။ ငါ​သည် ဤ​ပြည်​၌​နေထိုင်​သော​သူ​အားလုံး​အပါအဝင် ဒါဝိဒ်​မင်းကြီး​၏​ရာဇပလ္လင်​ပေါ်တွင်​စိုးစံ​သော​ရှင်ဘုရင်​များ​၊ ယဇ်ပုရောဟိတ်​များ​၊ ပရောဖက်​များ​၊ ဂျေရုဆလင်​မြို့သား​အားလုံး​တို့​ကို ယစ်မူး​သော​သူ​ဖြစ်​စေ​မည်​။

Common Language Bible

¹³ ထို​အ​ခါ​ငါ​ထာ​ဝ​ရ​ဘု​ရား​သည်​ဒါ​ဝိဒ် အ​နွယ်​ဝင်​ဘု​ရင်​များ၊ ယဇ်​ပု​ရော​ဟိတ်​များ၊ ပ​ရော​ဖက်​များ​နှင့်​ယေ​ရု​ရှ​လင်​မြို့​သား များ​မှ​စ​၍ ယေ​ရု​ရှ​လင်​မြို့​ရှိ​ပြည်​သူ ပြည်​သား​အ​ပေါင်း​မူး​ယစ်​စေ​ရန် စ​ပျစ် ရည်​တိုက်​မည်​ဟု​သူ​တို့​အား​ပြော​ကြား လော့။-

Garrad Bible

¹³ သင် က၊ ဒါ ဝိဒ် မင်း ၏ နန်း ဆက် ဘု ရင် တို့ မှ စ၍၊ ပ ရော ဟိတ်၊ ပ ရော ဖက် တို့ နှင့် တ ကွ၊ ဤ ပြည် သူ ယေ ရု ရှ လင် မြို့ သား အ ပေါင်း တို့ ပါ။

Judson Bible

¹³ သင်​က​လည်း၊ ထာ​ဝ​ရ​ဘု​ရား​မိန့်​တော်​မူ​သည်​ကား၊ ဒါ​ဝိဒ်​မင်း​ကြီး၏​ရာ​ဇ​ပ​လ္လင်​ပေါ်​မှာ ထိုင်​သော ရှင်​ဘု​ရင်​မှ​စ၍ ယဇ်​ပု​ရော​ဟိတ်၊ ပ​ရော​ဖက်၊ ယေ​ရု​ရှ​လင်​မြို့​သား​ရှိ​သ​မျှ​တို့​နှင့် ပြည်​သူ​ပြည်​သား​အ​ပေါင်း​တို့​ကို ယစ်​မူး​ခြင်း​နှင့် ငါ​ပြည့်​စေ​မည်။

ယေ​ရ​မိ 13:13 ပူးပေါင်းရင်းမြစ်များ

ဆာ​လံ 60:3

ကိုယ်တော်​သည် မိမိ​၏​လူမျိုး​တော်​ကို ကြမ်းတမ်း​မှု​များ​နှင့် ကြုံတွေ့​စေ​ခဲ့​ပါ​၏​။ ဒယီးဒယိုင်​ဖြစ်​စေ​သော​စပျစ်ဝိုင်​ကို အကျွန်ုပ်​တို့​အား​တိုက်​ခဲ့​ပါ​၏​။

ဆာ​လံ 75:8

အကြောင်းမူကား ထာဝရဘုရား​၏​လက်​တော်​၌​ခွက်ဖလား​ရှိ​၍ ၎င်း​ထဲတွင် သမအောင်​ရောစပ်​ထား​သည့် အမြှုပ်ထ​နေ​သော​စပျစ်ဝိုင်​ရှိ​၏​။ ကိုယ်တော်​သည် ထို​စပျစ်ဝိုင်​ကို​သွန်ချ​တော်မူ​၍ ကမ္ဘာမြေကြီး​ပေါ်ရှိ​ဆိုးယုတ်​သော​သူ​အပေါင်း​တို့​သည် ၎င်း​၏​အနည်​ကို​ပင် အကုန်အစင် သောက်​ကြ​ရ​လိမ့်မည်​။

ဟေ​ရှာ​ယ 29:9

မိန်းမောတွေဝေ​ကြ​လော့​။ အံ့အားသင့်​ကြ​လော့​။ ကိုယ့်​မျက်စိ​ကို ကိုယ်​ကန်း​စေ​၍ မျက်မမြင်​ဖြစ်​ကြ​လော့​။ သူ​တို့​သည် စပျစ်ဝိုင်​မ​သောက်​ဘဲ ယစ်မူး​ကြ​၏​။ သေရည်သေရက်​မ​သောက်​ဘဲ ယိမ်းထိုး​ကြ​၏​။

ဟေ​ရှာ​ယ 49:26

သင့်​ကို နိုင်ထက်စီးနင်း​ပြု​သော​သူ​တို့​အား ကိုယ့်​အသား​ကိုယ်​ပြန်​စား​စေ​မည်​။ စပျစ်ဝိုင်​ကဲ့သို့ ကိုယ့်​သွေး​ကိုယ်​ပြန်သောက်​စေ​မည်​။ သို့ဖြစ်၍ ငါ​ထာဝရဘုရား​သည် သင့်​ကို​ကယ်တင်​သော​အရှင်​၊ သင့်​ကို​ရွေးနုတ်​သော​အရှင်​၊ ယာကုပ်​အမျိုး​၏​တန်ခိုးကြီး​သော​အရှင် ဖြစ်ကြောင်း လူ​အပေါင်း​တို့​သိ​ကြ​ရ​လိမ့်မည်​”​ဟု မိန့်​တော်မူ​၏​။

ဟေ​ရှာ​ယ 51:17

ထာဝရဘုရား​၏​လက်​တော်​မှ အမျက်​တော်​ဖလား​ကို​သောက်​သော အသင်​ဂျေရုဆလင်​မြို့​၊ နိုး​လော့​။ နိုး​လော့​။ ထ​လော့​။ ဒယီးဒယိုင်​ဖြစ်စေ​သော​ဖလား​ထဲမှ​အနည်အဖတ်​ကို သင်​အကုန်အစင်​သောက်​ပြီ​။

ဟေ​ရှာ​ယ 51:21

ထို့ကြောင့် အဖိနှိပ်​ခံရ​သော​သူ​၊ စပျစ်ဝိုင်​မ​သောက်​ဘဲ ယစ်မူး​သော​သူ​၊ ယခု နားထောင်​လော့​။

ဟေ​ရှာ​ယ 63:6

လူ​တို့​ကို ငါ့​အမျက်​ဖြင့်​နင်းချေ​ပြီ​။ ငါ့​ဒေါသ​ဖြင့် ယစ်မူး​စေ​ပြီ​။ သူ​တို့​၏​သွေး​ကို မြေ​ပေါ်သို့​ကျ​စေ​ပြီ​။

ယေ​ရ​မိ 13:12

သင်​သည်​လည်း သူ​တို့​အား “အစ္စရေး​လူမျိုး​တို့​၏​ဘုရားသခင်​ထာဝရဘုရား​က ‘အိုး​ရှိသမျှ​သည် စပျစ်ဝိုင်​နှင့်​ပြည့်​ရ​မည်’​ဟူ၍ မိန့်​တော်မူ​သည်”​ဟု ပြော​လော့​။ ထိုအခါ သူ​တို့​က “အိုး​ရှိသမျှ​သည် စပျစ်ဝိုင်​နှင့်​ပြည့်​ရ​မည်​ကို ငါ​တို့​မ​သိ​သလော”​ဟု ပြန်ပြော​ကြ​လိမ့်မည်​။

ယေ​ရ​မိ 25:27

ထို့နောက် ထို​သူ​တို့​အား “အစ္စရေး​လူမျိုး​တို့​၏​ဘုရားသခင် ကောင်းကင်​ဗိုလ်ခြေ​အရှင်​ထာဝရဘုရား​က ‘သင်​တို့​ထံ ငါ​စေလွှတ်​သော​ဓား​ကြောင့် သောက်​၍ မူး​ကြ​၊ အန်​ကြ​၊ လဲ​ကြ​။ သင်​တို့ ပြန်ထ​နိုင်​မည်​မ​ဟုတ်’​ဟူ၍ မိန့်​တော်မူ​သည်”​ဟု သင်​ဆင့်ဆို​ရ​မည်​။

ယေ​ရ​မိ 25:29

ကြည့်ရှု​လော့​။ ငါ့​နာမ​ဖြင့်​ခေါ်ဝေါ်သမုတ်​သော​မြို့​ကို​ပင် ဘေးဒုက္ခ စ​ရောက်​စေ​မည်​ဖြစ်၍ သင်​တို့​သည် အပြစ်ဒဏ်​နှင့်​ကင်းလွတ်​လိမ့်မည်​လော​။ ငါ​သည် မြေကြီးသား​အပေါင်း​တို့​ထံ ဓား​ကို စေလွှတ်​မည်​ဖြစ်၍ သင်​တို့​သည် အပြစ်ဒဏ်​မ​ခံရ​ဘဲ​နေ​မည်​မ​ဟုတ်’​ဟူ၍ မိန့်​တော်မူ​သည်”​ဟု ဆင့်ဆို​ရ​မည်​။

ယေ​ရ​မိ 51:57

ကောင်းကင်​ဗိုလ်ခြေ​အရှင်​ထာဝရဘုရား​ဟူသည့် နာမ​တော်​ရှိ​သော​ရှင်ဘုရင်​က “​ငါ​သည် ဘေဘီလုံ​မြို့​၏​မှူးမတ်​များ​၊ ပညာရှိ​များ​၊ ဘုရင်ခံ​များ​၊ အုပ်ချုပ်သူ​များ​၊ စစ်သူရဲ​များ​ကို ယစ်မူး​စေ​၍ မ​နိုး​သော​အိပ်ခြင်း​ဖြင့် ထာဝရ​အိပ်ပျော်​စေ​မည်​”​ဟု မိန့်​တော်မူ​၏​။

ယေ​ရ​မိ 51:7

ဘေဘီလုံ​မြို့​သည် ထာဝရဘုရား​၏​လက်​တော်​၌​ကိုင်ထား​သော ရွှေ​ဖလား​ဖြစ်​၏​။ မြေ​တစ်ပြင်လုံး​ကို ယစ်မူး​စေ​၏​။ လူမျိုးတကာ​တို့​သည် ထို​ဖလား​မှ​စပျစ်ဝိုင်​ကို​သောက်​ကြ​သဖြင့် မူးရူး​သော​လူမျိုး​များ ဖြစ်​ကြ​လေ​ပြီ​။

ဟ​ဗက္ကုတ် 2:16

သင်​သည် ဂုဏ်သရေ​အစား အရှက်ကွဲ​ခြင်း​နှင့် ကြုံ​ရ​လိမ့်မည်​။ ထာဝရဘုရား​၏​လက်ယာ​လက်​တော်​ရှိ​ဖလား​တော်​သည် သင့်​ထံသို့​လှည့်လာ​ပြီ​ဖြစ်၍ ထို​ဖလား​တော်​ကို သောက်​ပြီး အရေဖျားမလှီး​ထား​သော​သင့်​အရှက် ပေါ်​လိမ့်မည်​။ သင့်​ဂုဏ်သရေ​သည် အရှက်ကွဲ​ခြင်း​နှင့် ဖုံးလွှမ်း​သွား​လိမ့်မည်​။