Biblia Todo Logo
အွန်လိုင်း သမ္မာကျမ်းစာ
- ကြော်ငြာတွေ -




ယေ​ရ​မိ 11:20 - မြန်​​​မာ့​​​စံ​​​မီ​​​သမ္မာ​​​ကျမ်း​​

20 စိတ်နှလုံး​အတွင်းသဘော​ကို စစ်ဆေး​၍ ဖြောင့်မတ်​စွာ​တရားစီရင်​တော်မူ​သော ကောင်းကင်​ဗိုလ်ခြေ​အရှင်​ထာဝရဘုရား​၊ သူ​တို့​အား လက်တုံ့ပြန်​တော်မူ​သည်​ကို အကျွန်ုပ်​မြင်တွေ့​ပါရစေ​။ အကျွန်ုပ်​၏​အမှု​ကို ကိုယ်တော်​ထံ လျှောက်ထား​ပါ​ပြီ​။

အခန်းကိုကြည့်ပါ။ ကော်ပီ

Common Language Bible

20 ထို​အ​ခါ​ငါ​သည်``အို အ​နန္တ​တန်​ခိုး​ရှင်​ထာ​ဝ​ရ ဘု​ရား၊ ကိုယ်​တော်​ရှင်​သည်​ဖြောင့်​မှန်​စွာ​တ​ရား စီ​ရင်​တော်​မူ​တတ်​သော​အ​ရှင်​ဖြစ်​တော်​မူ ပါ​၏။ လူ​တို့​၏​အ​ကြံ​အ​စည်​နှင့်​စိတ်​နေ သ​ဘော​ထား​တို့​ကို​လည်း​စစ်​ဆေး​ကြည့်​ရှု တော်​မူ​တတ်​ပါ​၏။ ကျွန်​တော်​မျိုး​သည်​မိ​မိ ၏​အ​မှု​ကို​ကိုယ်​တော်​ရှင်​၏​လက်​တော်​တွင် အပ်​နှံ​ထား​ပါ​ပြီ။ သို့​ဖြစ်​၍​ထို​သူ​တို့​အား ကိုယ်​တော်​ရှင်​လက်​စား​ချေ​တော်​မူ​သည်​ကို ကျွန်​တော်​မျိုး​မြင်​ပါ​ရ​စေ'' ဟု​ဆု​တောင်း​၏။

အခန်းကိုကြည့်ပါ။ ကော်ပီ

Garrad Bible

20 နှ လုံး ကျောက် ကပ် များ ကို စစ် ဆေး လျက်၊ တ ရား သ ဖြင့် စီ ရင် တော် မူ သော၊ ဗိုလ် ခြေ တို့ အ ရှင်၊ အို ထာ ဝ ရ ဘု ရား၊ အ ကျွန်ုပ် အ မှု ကို ရှေ့ တော် တွင် တင် ပြ ပြီး ဖြစ် သည့် အ လျောက်၊ ထို သူ တို့ အ ပေါ်၌ လက် စား ချေ တော် မူ ခြင်း ကို သိ မြင် ပါ ရ စေ ဟု လျှောက် သည် နှင့် အ ညီ၊

အခန်းကိုကြည့်ပါ။ ကော်ပီ

Judson Bible

20 နှ​လုံး​ကျောက်​ကပ်​ကို​စစ်​ကြော၍၊ တ​ရား​သ​ဖြင့် စီ​ရင်​တော်​မူ​သော ကောင်း​ကင်​ဗိုလ်​ခြေ​အ​ရှင်​ထာ​ဝ​ရ​ဘု​ရား၊ ကိုယ်​တော်​သည် ထို​သူ​တို့​အား​အ​ပြစ်​ပေး​တော်​မူ​ကြောင်း​ကို အ​ကျွန်ုပ်​မြင်​လို​ပါ၏။ အ​ကျွန်ုပ်​အ​မှု​ကို ကိုယ်​တော်​အား ကြား​လျှောက်​ပါ​ပြီ။

အခန်းကိုကြည့်ပါ။ ကော်ပီ




ယေ​ရ​မိ 11:20
35 ပူးပေါင်းရင်းမြစ်များ  

ဖြောင့်မတ်​သော​သူ​ကို ဆိုးယုတ်​သော​သူ​နှင့်အတူ ကွပ်မျက်​သော​အမှု​မျိုး​ပြု​ခြင်း​သည် ကိုယ်တော်​နှင့်​ဝေး​ပါစေ​။ ဖြောင့်မတ်​သော​သူ​ကို ဆိုးယုတ်​သော​သူ​ကဲ့သို့ ခံစား​စေ​သော​အမှု​သည် ကိုယ်တော်​နှင့်​ဝေး​ပါစေ​။ ကမ္ဘာမြေ​တစ်ခွင်လုံး​ကို​တရားစီရင်​တော်မူ​သော​အရှင်​သည် တရားမျှတ​စွာ​ပြု​တော်မူ​မည်​မ​ဟုတ်​လော​”​ဟု လျှောက်​လေ​၏​။


ဟေဇကိ​မင်းကြီး​သည် စေတမန်​တို့​လက်​မှ စာ​ကို​ယူ​ဖတ်​ပြီးလျှင် ထာဝရဘုရား​၏​အိမ်​တော်​သို့​သွား​၍ ထာဝရဘုရား​ရှေ့​တော်​၌ ထို​စာ​ကို​ဖြန့်​လေ​၏​။


ငါ့​သား​ရှောလမုန်​၊ သင့်​ခမည်းတော်​ကိုးကွယ်​သော​ဘုရားသခင်​နှင့် သိကျွမ်း​အောင်​ပြု​လော့​။ စိတ်နှလုံး​အကြွင်းမဲ့​၊ စိတ်ဆန္ဒ​ရှိသမျှ​နှင့် အစေခံ​လော့​။ ထာဝရဘုရား​သည် စိတ်နှလုံး​ရှိသမျှ​ကို စစ်ဆေး​၍ တွေးတော​ကြံစည်​သမျှ​တို့​ကို သိနားလည်​တော်မူ​၏​။ သင်​သည် ကိုယ်တော်​ကို​ရှာ​လျှင် အတွေ့ခံ​တော်မူ​မည်​။ ကိုယ်တော်​ကို စွန့်ပယ်​လျှင်​မူကား သင်​လည်း ထာဝစဉ်​အစွန့်ပယ်​ခံရ​မည်​။


အကျွန်ုပ်​၏​ဘုရားသခင်​၊ ကိုယ်တော်​သည် စိတ်နှလုံး​ကို​စစ်ကြော​၍ သမာသမတ်​ရှိ​သူ​ကို နှစ်သက်​တော်မူ​ကြောင်း အကျွန်ုပ်​သိ​ပါ​၏​။ ယခု ဤ​အရာ​အားလုံး​ကို ဖြူစင်​သော​စိတ်​ဖြင့် အကျွန်ုပ်​လှူဒါန်း​ပါ​၏​။ အကျွန်ုပ်​၌​ရှိ​သော​ဤ​သူ​တို့​သည်​လည်း ကိုယ်တော့်​ထံ စေတနာစိတ်​ဖြင့် ပေးလှူ​ကြ​သည်​ကို မြင်တွေ့​ရ​သဖြင့် ဝမ်းမြောက်​ပါ​၏​။


ငါ​မူကား ဘုရားသခင်​ကို​ရှာ​မည်​။ ငါ​၏​အမှုအရာ​ကို ဘုရားသခင်​ထံ အပ်​မည်​။


အို ဘုရားသခင်​၊ အကျွန်ုပ်​ကို​စစ်ကြော​၍ အကျွန်ုပ်​၏​စိတ်နှလုံး​ကို သိမြင်​တော်မူ​ပါ​။ အကျွန်ုပ်​ကို​စစ်ဆေး​၍ အကျွန်ုပ်​၏​စိုးရိမ်ပူပန်မှု​တို့​ကို သိမြင်​တော်မူ​ပါ​။


ဒိုင်းလွှား​၊ ဒိုင်းကာ​ကို​ကိုင်ဆောင်​၍ အကျွန်ုပ်​ကို​ကူညီမစ​ရန် ထ​တော်မူ​ပါ​။


အို ဘုရားသခင်​၊ အကျွန်ုပ်​၌ အပြစ်​မ​ရှိ​ကြောင်း​စီရင်​တော်မူ​ပါ​။ ဘုရားတရားမဲ့​သော​လူမျိုး​ကို​ဆန့်ကျင်​လျက် အကျွန်ုပ်​၏​အမှုကိစ္စ​ကို ရင်ဆိုင်ဖြေရှင်း​ပေး​တော်မူ​ပါ​။ လိမ်လည်လှည့်ဖြား​၍ မတရားမှု​ပြု​သော​သူ​၏​လက်​မှ အကျွန်ုပ်​ကို​လွတ်မြောက်​စေ​တော်မူ​ပါ​။


အို ဘုရားသခင်​၊ အကျွန်ုပ်​ကို​သနား​တော်မူ​ပါ​။ အကျွန်ုပ်​ကို​သနား​တော်မူ​ပါ​။ အကြောင်းမူကား အကျွန်ုပ်​၏​စိတ်ဝိညာဉ်​သည် ကိုယ်တော်​ကို​ခိုလှုံ​ပါ​၏​။ ပျက်စီး​ခြင်း​ဘေး​များ​ကျော်လွန်​သွား​သည်​အထိ ကိုယ်တော်​၏​အတောင်​တော်​အရိပ်​အောက်​၌ အကျွန်ုပ်​ခိုလှုံ​ပါ​မည်​။


ဖြောင့်မတ်​သော​သူ​သည် လက်စားချေ​ခြင်း​ကို​မြင်​ရ​သဖြင့် ဝမ်းမြောက်​လိမ့်မည်​။ သူ​သည် ဆိုးယုတ်​သော​သူ​၏​သွေး​၌ မိမိ​၏​ခြေ​ကို ဆေးကြော​လိမ့်မည်​။


စိတ်နှလုံး​ဖြောင့်မှန်​သော​သူ​တို့​ကို ကယ်တင်​တော်မူ​သော​ဘုရားသခင်​သည် ငါ​၏​ဒိုင်းလွှား​ဖြစ်​တော်မူ​၏​။


ထာဝရဘုရား​သည် လူမျိုးတကာ​တို့​ကို စစ်ကြောစီရင်​တော်မူ​၏​။ အို ထာဝရဘုရား​၊ အကျွန်ုပ်​၏​ဖြောင့်မတ်​ခြင်း​၊ အကျွန်ုပ်​၏​တည်ကြည်​ခြင်း​နှင့်အညီ အကျွန်ုပ်​၌​အပြစ်​မ​ရှိ​ကြောင်း စီရင်​တော်မူ​ပါ​။


ဆိုးယုတ်​သော​သူ​တို့​၏​မကောင်းမှု​သည် ပပျောက်​သွား​ပါစေ​။ သို့သော် ဖြောင့်မတ်​သော​သူ​ကို​တည်မြဲ​စေ​တော်မူ​ပါ​။ ဖြောင့်မတ်​တော်မူ​သော​ဘုရားသခင်​သည် စိတ်နှလုံး​အတွင်းသဘော​ကို စစ်ဆေး​တော်မူ​၏​။


အကြောင်းမူကား ကိုယ်တော်​သည် ကမ္ဘာမြေကြီး​ကို​တရားစီရင်​ရန် ကြွလာ​တော်မူ​၏​။ ကိုယ်တော်​သည် ကမ္ဘာလောက​ကို ဖြောင့်မတ်​ခြင်း​ဖြင့်​လည်းကောင်း​၊ လူ​တို့​ကို သမာသမတ်​ရှိ​ခြင်း​ဖြင့်​လည်းကောင်း တရားစီရင်​တော်မူ​လိမ့်မည်​။


အို ထာဝရဘုရား​၊ အကျွန်ုပ်​၏​အမှု​ကို ကိုယ်တော့်​ထံ ယူဆောင်​လာ​သောအခါ ကိုယ်တော်​သည် ဖြောင့်မတ်​စွာ​စီရင်​ပေး​ပါ​၏​။ ထို့ကြောင့် ကိုယ်တော်​အား တရားမျှတမှု​အကြောင်း​ကို မေးလျှောက်​လို​ပါ​၏​။ ဆိုးယုတ်​သော​သူ​တို့​သည် အဘယ်ကြောင့် ကြီးပွား​ကြ​ပါ​သနည်း​။ သစ္စာမဲ့​သော​သူ​တို့​သည် အဘယ်ကြောင့် ကောင်းစား​ကြ​ပါ​သနည်း​။


အို ထာဝရဘုရား​၊ ကိုယ်တော်​သည် အကျွန်ုပ်​ကို သိ​မြင်​တော်မူ​ပါ​၏​။ အကျွန်ုပ်​စိတ်နှလုံး​ထဲ၌ ကိုယ်တော်​ရှိ​သည်​၊ မ​ရှိ​သည်​ကို စစ်ဆေး​တော်မူ​ပါ​၏​။ သူ​တို့​ကို​မူကား အသတ်​ခံရ​မည့်​သိုး​ကဲ့သို့ ဆွဲထုတ်​တော်မူ​ပါ​။ သတ်ရာ​နေ့​အဖို့ သီးခြား​ထား​တော်မူ​ပါ​။


အို ထာဝရဘုရား​၊ ကိုယ်တော်​သိ​တော်မူ​ပါ​၏​။ အကျွန်ုပ်​ကို​အောက်မေ့​တော်မူ​ပါ​။ အကျွန်ုပ်​ကို​အကြည့်အရှု​ကြွလာ​တော်မူ​ပါ​။ အကျွန်ုပ်​ကို​လိုက်လံညှဉ်းဆဲ​သူ​တို့​အား လက်တုံ့ပြန်​ပေး​တော်မူ​ပါ​။ ကိုယ်တော်​သည် စိတ်ရှည်​သည်းခံ​တော်မူ​သည်​ဖြစ်၍ အကျွန်ုပ်​ကို အဝေး​သို့​မ​နှင်​လိုက်​ပါ​နှင့်​။ ကိုယ်တော်​ကြောင့် အကျွန်ုပ်​ကဲ့ရဲ့ပြစ်တင်​ခြင်း​ခံရ​ကြောင်း​ကို သိမှတ်​တော်မူ​ပါ​။


ငါ​ထာဝရဘုရား​သည် လူ​အသီးသီး​တို့​အား မိမိ​တို့​ပြုမူကျင့်ကြံ​သည့်​အတိုင်း​၊ မိမိ​တို့​လုပ်ဆောင်မှု​အသီးအပွင့်​အတိုင်း ပေးဆပ်​ရန် လူ​တို့​၏​စိတ်နှလုံး​ကို စစ်ကြော​တတ်​၏​။ အတွင်းသဘော​ကို စစ်ဆေး​တတ်​၏​။


အကျွန်ုပ်​ကို လိုက်လံညှဉ်းဆဲ​သော​သူ​တို့​သည် အရှက်ကွဲ​ကြ​ပါစေသော​။ အကျွန်ုပ်​မူကား အရှက်​မ​ကွဲ​ရ​ပါစေ​နှင့်​။ သူ​တို့​သည် စိတ်ပျက်​ကြ​ပါစေသော​။ အကျွန်ုပ်​မူကား စိတ်​မ​ပျက်​ရ​ပါစေ​နှင့်​။ သူ​တို့​ကို ဆိုးရွား​သော​နေ့ရက်​နှင့် ကြုံတွေ့​စေ​တော်မူ​ပါ​။ ဖျက်ဆီး​ခြင်း​ဘေး​နှစ်ဆ​ဖြင့် သူ​တို့​ကို ဖျက်ဆီး​တော်မူ​ပါ​။


စိတ်နှလုံး​အတွင်းသဘော​ကို​မြင်​၍ ဖြောင့်မတ်​သော​သူ​ကို စစ်ဆေး​တော်မူ​သော အို ကောင်းကင်​ဗိုလ်ခြေ​အရှင်​ထာဝရဘုရား​၊ အကျွန်ုပ်​၏​အမှု​ကို ကိုယ်တော်​လက်​သို့ အပ်​ပါ​ပြီ​။ သူ​တို့​အား လက်တုံ့ပြန်​တော်မူ​သည်​ကို အကျွန်ုပ်​တွေ့မြင်​ပါရစေ​။


အို ထာဝရဘုရား​၊ ကိုယ်တော်​သည် အကျွန်ုပ်​၏​အမှုကိစ္စ​ကို ရင်ဆိုင်ဖြေရှင်း​ပေး​၍ အကျွန်ုပ်​၏​အသက်​ကို ရွေးနုတ်​တော်မူ​ပါ​ပြီ​။


အို ထာဝရဘုရား​၊ အကျွန်ုပ် မတရား​သဖြင့်​ခံရ​သည်​ကို ကိုယ်တော်​မြင်​တော်မူ​ပါ​ပြီ​။ အကျွန်ုပ်​အမှု​ကို စီရင်​တော်မူ​ပါ​။


အို ထာဝရဘုရား​၊ သူ​တို့​ပြု​သော​အမှု​အတိုင်း အကျိုးအပြစ်​ကို ပြန်ဆပ်ပေး​တော်မူ​ပါ​။


ထို့နောက် ထာဝရဘုရား​၏​ဝိညာဉ်​တော်​သည် ငါ့​အပေါ်​သို့​သက်ရောက်​၍ ငါ့​အား “​ထာဝရဘုရား​က ‘​အို အစ္စရေး​အမျိုးအနွယ်​တို့​၊ သင်​တို့ ပြောဆို​သည့်​အတိုင်း​ဖြစ်​၏​။ သင်​တို့​စိတ်​ထဲ၌ မည်သို့​တွေး​နေ​သည်​ကို ငါ​သိ​၏​။


အကြောင်းမူကား ဘုရားသခင်​သည် မိမိ​ခန့်အပ်​ထား​သော​အရှင်​အားဖြင့် ကမ္ဘာ​လောက​အား ဖြောင့်မတ်​စွာ​တရား​စီရင်​မည့်​နေ့ရက်​ကို သတ်မှတ်​ထား​တော်မူ​ပြီး ထို​အရှင်​ကို သေ​သော​သူ​တို့​ထဲမှ ထမြောက်​စေ​တော်မူ​ခြင်း​အားဖြင့် လူ​အပေါင်း​တို့​အား ခိုင်လုံ​သော​အထောက်အထား​ကို​ပေး​တော်မူ​၏”​ဟု ဆို​လေ​၏။


မည်သည့်​အမှု​ကို​မျှ မ​စိုးရိမ်​ဘဲ အရာရာ​၌ ကျေးဇူး​တော်​ချီးမွမ်း​ခြင်း​နှင့်တကွ ဆုတောင်း​ခြင်း​နှင့်​အသနားခံ​ခြင်း​တို့​ဖြင့် သင်​တို့​တောင်းခံ​လို​သော​အရာ​များ​ကို ဘုရားသခင်​အား သိ​စေ​ကြ​လော့။


ကြေး​ပန်းတိမ်​ဆရာ အလက်ဇန္ဒြား​သည် ငါ့​ကို​အလွန်​ဒုက္ခ​ပေး​ခဲ့​၏။ သခင်​ဘုရား​သည် သူ​ပြု​သော​အမှု​အတိုင်း သူ့​အား​ပေးဆပ်​တော်မူ​လိမ့်မည်။


ပုတ်ခတ်​ပြောဆို​ခြင်း​ခံရ​သောအခါ ပြန်​၍​မ​တုံ့ပြန်၊ ဒုက္ခ​ဝေဒနာ​ခံစား​ရ​သောအခါ​၌​လည်း ခြိမ်းခြောက်​ခြင်း​ကို​မ​ပြု​ဘဲ ဖြောင့်မတ်​စွာ​တရား​စီရင်​တော်မူ​သော​အရှင်​ထံသို့ မိမိ​ကိုယ်​ကို​အပ်နှံ​တော်မူ​၏။


ကောင်းကင်​မှစ၍ သန့်ရှင်း​သူ​များ၊ တမန်တော်​များ​နှင့် ပရောဖက်​များ​တို့၊ ထို​မြို့​၏​အဖြစ်​ကြောင့် ပျော်ရွှင်​ကြ​လော့။ အကြောင်းမူကား ဘုရားသခင်​သည် သင်​တို့​ဘက်​၌​နေ​၍ ထို​မြို့​အပေါ် ပြစ်ဒဏ်​စီရင်​ခြင်း​ကို​သက်ရောက်​စေ​တော်မူ​ပြီ”​ဟု ဆို​သည်​ကို ငါ​ကြား​ရ​၏။


သူ​၏​သားသမီး​တို့​ကို​လည်း သေ​ဘေး​ဖြင့် ငါ​အဆုံး​စီရင်​မည်။ ထိုအခါ ငါ​သည် စိတ်နှလုံး​နှင့် အတွင်း​သဘော​ကို စူးစမ်း​သော​သူ​ဖြစ်​ကြောင်း အသင်းတော်​အားလုံး​သိ​ရ​ကြ​လိမ့်မည်။ သင်​တို့​အသီးသီး​ကို​လည်း မိမိ​တို့​ပြု​သော​အမှု​များ​နှင့်အညီ အကျိုး​အပြစ်​ကို ငါ​ပေး​မည်။


ထိုအခါ ထာဝရဘုရား​က ရှမွေလ​အား “​သူ​၏​ရုပ်ရည်အဆင်း​နှင့် အရပ်အမောင်း​ကို မ​ကြည့်​နှင့်​။ သူ့​ကို ငါ​ပယ်​ပြီ​။ ထာဝရဘုရား​သည် လူ​မြင်​သကဲ့သို့ မြင်​တော်မူ​သည်​မ​ဟုတ်​။ လူ​သည် အပြင်ပန်း​သဏ္ဌာန်​ကို​သာ ကြည့်​တတ်​၏​။ ထာဝရဘုရား​မူကား စိတ်နှလုံး​ကို ကြည့်​တော်မူ​၏​”​ဟု မိန့်​တော်မူ​၏​။


ယခုမှာ ထာဝရဘုရား​သည် အရှင်မင်းကြီး​နှင့် အကျွန်ုပ်​ကြား​တွင် တရားသူကြီး​အဖြစ် တရားစီရင်​တော်မူ​ပါစေသော​။ ကိုယ်တော်​သည် ကြည့်ရှု​၍ အကျွန်ုပ်​၏​အမှု​ကို ဖြေရှင်းပေး​တော်မူ​ပါစေသော​။ အရှင်မင်းကြီး​လက်​မှ​လည်း အကျွန်ုပ်​ကို ကယ်လွှတ်​တော်မူ​ပါစေသော​”​ဟု ဆို​လေ​၏​။


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ