ယေ​ရ​မိ 1:18 - မြန်​​​မာ့​​​စံ​​​မီ​​​သမ္မာ​​​ကျမ်း​​

¹⁸ ကြည့်ရှု​လော့​။ ယုဒ​ဘုရင်​များ​၊ အကြီးအကဲ​များ​၊ ယဇ်ပုရောဟိတ်​များ​၊ ပြည်သူပြည်သား​များ​မှစ၍ ပြည်​တစ်ပြည်လုံး​ကို ဆန့်ကျင်​နိုင်​ရန် ယနေ့ ငါ​သည် သင့်​ကို ခိုင်ခံ့​သော​မြို့​၊ သံ​တိုင်​၊ ကြေးနီ​မြို့ရိုး​ကဲ့သို့ ဖြစ်စေ​ပြီ​။

Common Language Bible

^18-19 ယေ​ရ​မိ၊ နား​ထောင်​လော့။ ဤ​နိုင်​ငံ​ရှိ​လူ​အ​ပေါင်း တို့​ဖြစ်​သည့်​ယု​ဒ​ဘု​ရင်​များ၊ မှူး​မတ်​များ၊ ယဇ် ပု​ရော​ဟိတ်​များ​နှင့်​ပြည်​သူ​များ​သည် သင့်​ကို အ​တိုက်​အ​ခံ​ပြု​ကြ​လိမ့်​မည်။ သို့​ရာ​တွင်​သူ တို့​ကို​ခု​ခံ​နိုင်​စွမ်း​ရှိ​အောင် သင့်​ကို​ယ​နေ့​ငါ ပြု​မည်။ သင်​သည်​ခံ​တပ်​မြို့​ကဲ့​သို့​လည်း​ကောင်း၊ သံ​တိုင်​နှင့်​ကြေး​ဝါ​နံ​ရံ​ကဲ့​သို့​လည်း​ကောင်း ဖြစ်​လိမ့်​မည်။ ငါ​သည်​သင်​နှင့်​အ​တူ​ရှိ​၍​သင့် ကို​ကွယ်​ကာ​စောင့်​ရှောက်​မည်။ သို့​ဖြစ်​၍​သူ​တို့ သည်​သင့်​အား​နှိမ်​နင်း​နိုင်​ကြ​လိမ့်​မည်​မ​ဟုတ်။ ဤ​ကား​ငါ​ထာ​ဝ​ရ​ဘု​ရား​မြွက်​ဟ​သည့် စ​ကား​ဖြစ်​၏'' ဟု​မိန့်​တော်​မူ​၏။

Garrad Bible

¹⁸ ယု ဒ တစ် ပြည် လုံး မှ စ၍၊ ဘု ရင် များ၊ မှူး မတ် များ၊ ပ ရော ဟိတ် များ၊ ပြည် သူ ပြည် သား များ ရှေ့၊ ခံ မြို့၊ သံ တိုင်၊ ကြေး မြို့ ရိုး သ ဖွယ်၊ သင့် ကို ယ နေ့ ငါ ဖြစ် စေ ပြီ။

Judson Bible

¹⁸ ကြည့်​ရှု​လော့။ ယု​ဒ​ရှင်​ဘု​ရင်၊ မင်း​သား၊ ယဇ်​ပု​ရော​ဟိတ်၊ ပြည်​သူ​ပြည်​သား​တည်း​ဟူ​သော တစ်​နိုင်​ငံ​လုံး တစ်​ဖက်၌၊ ခိုင်​ခံ့​သော​မြို့၊ သံ​တိုင်၊ ကြေး​ဝါ​ထ​ရံ​အ​ရာ၌ သင့်​ကို ယ​နေ့​ငါ​ခန့်​ထား၏။

ယေ​ရ​မိ 1:18 ပူးပေါင်းရင်းမြစ်များ

ဟေ​ရှာ​ယ 50:7

ဘုရားရှင်​ထာဝရဘုရား​သည် ငါ့​ကို​ကူညီမစ​တော်မူ​သောကြောင့် ငါ​သည် အသရေ​မ​ပျက်​ရ​။ ကိုယ့်​မျက်နှာ​ကို မီးခတ်ကျောက်​ကဲ့သို့​ထား​၏​။ အရှက်ကွဲ​ရ​လိမ့်မည်​မ​ဟုတ်​ကြောင်း ငါ​သိ​၏​။

ယေ​ရ​မိ 1:17

“​သင်​သည် ခါး​ကို​စည်း​၍ ထ​ပြီးလျှင် သင့်​အား ငါ​မိန့်မှာ​ထား​သော​စကား​အလုံးစုံ​ကို သူ​တို့​အား ဆင့်ဆို​လော့​။ သူ​တို့​ကို မ​ကြောက်​နှင့်​။ ကြောက်​လျှင် သင့်​ကို သူ​တို့​ရှေ့​တွင် ငါ​ခြောက်လှန့်​မည်​။

ယေ​ရ​မိ 1:19

သင့်​ကို​ကယ်နုတ်​ရန် သင်​နှင့်အတူ ငါ​ရှိ​မည်​ဖြစ်၍ သူ​တို့​သည် သင့်​ကို​တိုက်ခိုက်​သော်လည်း နိုင်​လိမ့်မည်​မ​ဟုတ်​”​ဟု ထာဝရဘုရား​မိန့်​တော်မူ​၏​။

ယေ​ရ​မိ 15:10

အို ငါ့​မွေးသမိခင်​၊ ငါ​၌​အမင်္ဂလာ​ရှိ​၏​။ ငါ​သည် မြေ​တစ်ပြင်လုံး​နှင့်​ခိုက်ရန်ဖြစ်ပွား​သော​သူ​၊ အငြင်းပွား​သော​သူ ဖြစ်​ရ​ပါ​ပြီ​တကား​။ ငါ​သည် သူ​တို့​ကို မ​ချေးငှား​ပေး​ဖူး​ပါ​။ သူ​တို့​ထံမှ မ​ချေးယူ​ဖူး​ပါ​။ သို့ရာတွင် သူ​တို့​အားလုံး​က ငါ့​ကို​ကျိန်ဆဲ​ကြ​ပါ​၏​။

ယေ​ရ​မိ 15:20

ငါ​သည် ဤ​လူ​တို့​ရှေ့​၌ သင့်​ကို ခိုင်ခံ့​သော​ကြေးနီ​မြို့ရိုး​ဖြစ်​စေ​မည်​။ သူ​တို့​သည် သင့်​ကို​တိုက်ခိုက်​သော်လည်း နိုင်​မည်​မ​ဟုတ်​။ အကြောင်းမူကား ငါ​သည် သင်​နှင့်အတူ​ရှိ​၍ သင့်​ကို​ရွေးနုတ်​ကယ်တင်​မည်”​ဟု မိန့်​တော်မူ​၏​။

ယေ​ရ​မိ 20:11

သို့သော် ထာဝရဘုရား​သည် အားကြီး​သော​စစ်သူရဲ​အဖြစ် ငါ့​ဘက်​၌ ရှိ​တော်မူ​၏​။ ထို့ကြောင့် အကျွန်ုပ်​ကို လိုက်လံညှဉ်းဆဲ​သော​သူ​တို့​သည် အနိုင်​မ​ရ​ဘဲ လဲကျ​ကြ​လိမ့်မည်​။ မ​အောင်မြင်​ဘဲ အရှက်ကွဲ​အကျိုးနည်း ဖြစ်​ကြ​လိမ့်မည်​။ မ​မေ့ပျောက်​နိုင်​အောင် အစဉ်​အသရေပျက်​ကြ​လိမ့်မည်​။

ယေ​ရ​မိ 21:4

အစ္စရေး​လူမျိုး​၏​ဘုရားသခင် ထာဝရဘုရား​က ‘ကြည့်ရှု​လော့​။ မြို့ရိုး​အပြင်ဘက်​၌​ဝိုင်း​ထား​သော ဘေဘီလုံ​ဘုရင်​နှင့် ခါလဒဲ​လူမျိုး​တို့​ကို တိုက်ခိုက်​ရန် သင်​တို့​ကိုင်စွဲ​ထား​သော​လက်နက်​များ​ကို သင်​တို့​ထံ​ပြန်လှည့်​စေ​မည်​။ ထို​လက်နက်​တို့​ကို မြို့​ထဲ၌ ငါ​စုသိမ်း​မည်​။

ယေ​ရ​မိ 26:24

သို့ရာတွင် ရှာဖန်​၏​သား အဟိကံ​သည် ယေရမိ​ကို​ကာကွယ်​ပေး​သဖြင့် သူ့​ကို​သတ်​မည့်​သူ​တို့​လက်​မှ သူ​လွတ်မြောက်​လေ​၏​။

ယေ​ရ​မိ 34:3

သင်​သည် ဘေဘီလုံ​ဘုရင်​၏​လက်​မှ​လွတ်မြောက်​မည်​မ​ဟုတ်​။ ဖမ်းဆီး​ခြင်း အမှန်​ခံရ​မည်​။ ထို​ဘုရင်​လက်အောက်​သို့ ရောက်​ရ​လိမ့်မည်​။ သူ​နှင့် မျက်နှာချင်းဆိုင် တစ်ယောက်​ကို​တစ်ယောက်​ကြည့်​ပြီး စကားပြော​ရ​လိမ့်မည်​။ ဘေဘီလုံ​မြို့​သို့ လိုက်ပါ​သွား​ရ​လိမ့်မည်’​ဟူ၍ မိန့်​တော်မူ​သည်​ဟု ပြောကြား​လော့​။

ယေ​ရ​မိ 37:7

“အစ္စရေး​လူမျိုး​၏​ဘုရားသခင်​ထာဝရဘုရား​က ‘ငါ့​ကို​မေးလျှောက်​ရန် သင့်​ကို​စေလွှတ်​လိုက်​သော ယုဒ​ဘုရင်​အား ပြန်ပြော​လော့​။ သင့်​ကို​စစ်ကူ​လာ​သော ဖာရော​မင်းကြီး​၏​စစ်တပ်​သည် မိမိ​နေရင်း​အီဂျစ်​ပြည်​သို့ လှည့်ပြန်​သွား​လိမ့်မည်​။

ယေ​ရ​မိ 38:18

ဘေဘီလုံ​ဘုရင်​၏​မှူးမတ်​တို့​ထံ သွား​၍​အညံ့​မ​ခံ​လျှင် ဤ​မြို့​သည် ခါလဒဲ​လူမျိုး​တို့​လက်​သို့ ကျရောက်​လိမ့်မည်​။ သူ​တို့​သည်​လည်း ဤ​မြို့​ကို မီး​ရှို့​ကြ​လိမ့်မည်​။ သင်​သည်​လည်း သူ​တို့​လက်​မှ လွတ်​မည်​မ​ဟုတ်​’​ဟူ၍ မိန့်​တော်မူ​သည်​”​ဟု လျှောက်ဆို​လေ​၏​။

ယေ​ရ​မိ 38:2

ထာဝရဘုရား​မိန့်​တော်မူ​သည်​မှာ “ဤ​မြို့​တွင် နေထိုင်​သော​သူ​တို့​သည် ဓားဘေး​၊ ငတ်မွတ်ခေါင်းပါး​ခြင်း​ဘေး​၊ ကပ်ရောဂါ​ဘေး​တို့​ဖြင့် သေ​ရ​လိမ့်မည်​။ ခါလဒဲ​လူမျိုး​တို့​ဘက်​သို့ လိုက်သွား​သော​သူ​တို့​မူကား သူ​တို့​၏​အသက်​သည် တိုက်ယူ​သော​ပစ္စည်း​ကဲ့သို့​ဖြစ်​၍ အသက်ချမ်းသာ​ရာ​ရ​လိမ့်မည်​။

ယေ​ရ​မိ 42:22

ထို့ကြောင့် သင်​တို့​သွားရောက်​နေထိုင်​မည့်​ပြည်​၌ သင်​တို့​သည် ဓားဘေး​၊ ငတ်မွတ်ခေါင်းပါး​ခြင်း​ဘေး​၊ ကပ်ရောဂါ​ဘေး​တို့​ဖြင့် သေ​ကြ​ရ​မည်​ကို အသေအချာ​မှတ်​ထား​ကြ​လော့​”​ဟု ပြောဆို​လေ​၏​။

ယေ​ရ​မိ 6:27

“သတ္တုစစ်​သော​သူ​ကဲ့သို့ ငါ့​လူမျိုး​တော်​ကို စစ်ဆေးသူ​အဖြစ်​သင့်​ကို ငါ​ခန့်ထား​ပြီ​။ ငါ့​လူမျိုး​တော်​၏​အကျင့်အကြံ​တို့​ကို သိရှိ​ဖို့ သူ​တို့​ကို စစ်ဆေး​ရ​မည်​။”

ရှင်ယောဟန် 1:42

သူ့​ကို ယေရှု​ထံသို့​ခေါ်ဆောင်​လာ​၏။ (မေရှိယ​၏​အဓိပ္ပာယ်​မှာ ဘိသိက်​ခံရ​သူ​ဟူ၍​ဖြစ်​၏။) ယေရှု​သည် ရှိမုန်​ကို​စူးစိုက်​ကြည့်​၍“သင်​သည် ယောဟန်​၏​သား​ရှိမုန်​ဖြစ်​၏။ သင်​သည် ကေဖ​ဟု​ခေါ်ဝေါ်​ခြင်း​ခံရ​လိမ့်မည်”​ဟု မိန့်​တော်မူ​၏။ (ကေဖ​၏​အဓိပ္ပာယ်​မှာ ကျောက်​ဟူ၍​ဖြစ်​၏။)

ဗျာ​ဒိတ် 3:12

ငါ​သည် အောင်မြင်​သော​သူ​အား ငါ့​ဘုရားသခင်​၏​ဗိမာန်​တော်​၌ တိုင်​ဖြစ်​စေ​မည်။ သူ​သည် မည်သည့်​အခါ​မျှ အပြင်​သို့​ထွက်ခွာ​သွား​ရ​တော့​မည်​မ​ဟုတ်။ ငါ​သည် ငါ့​ဘုရားသခင်​၏​နာမ​တော်​ကို​လည်းကောင်း၊ ငါ့​ဘုရားသခင်​၏​မြို့​တော်​တည်းဟူသော ဘုရားသခင်​အထံ​တော်​ကောင်းကင်​မှ​ဆင်းသက်​လာ​သည့် ဂျေရုဆလင်​မြို့​သစ်​၏​နာမ​ကို​လည်းကောင်း၊ ငါ​၏​နာမ​အသစ်​ကို​လည်းကောင်း သူ့​အပေါ်၌​ရေး​ထား​မည်။