ယေ​ရ​မိ 1:11 - မြန်​​​မာ့​​​စံ​​​မီ​​​သမ္မာ​​​ကျမ်း​​

¹¹ တစ်ဖန် ထာဝရဘုရား​၏​နှုတ်ကပတ်တော်​သည် ငါ့​ထံသို့​ရောက်လာ​၍ “ယေရမိ​၊ သင်​သည် မည်သည့်​အရာ​ကို​မြင်​သနည်း​”​ဟု မိန့်​တော်မူ​လျှင် ငါ​က “​ဗာဒံ​ကိုင်း​ကို​မြင်​ပါ​သည်​”​ဟု လျှောက်​၏​။

Common Language Bible

¹¹ ထာ​ဝ​ရ​ဘု​ရား​က``ယေ​ရ​မိ၊ သင်​အ​ဘယ် အရာ​ကို​မြင်​သ​နည်း'' ဟု​မေး​တော်​မူ​လျှင်၊ ငါ​က​လည်း``ဗာ​တံ​ကိုင်း​ကို​မြင်​ပါ​သည်'' ဟု​ပြန်​လည်​လျှောက်​ထား​၏။

Garrad Bible

¹¹ တစ် ဖန် ထာ ဝ ရ ဘု ရား ဗျာ ဒိတ် တော် သည်၊ ငါ သို့ ရောက် ပြန် သည် မှာ၊ အို ယေ ရ မိ၊ မည် သည့် အ ရာ ကို မြင် ရ သ နည်း ဟု မေး တော် မူ သော် ဗာ တံ ခက် ကို မြင် ပါ သည် ဟု ငါ လျှောက် လျှင်၊

Judson Bible

¹¹ တစ်​ဖန် ထာ​ဝ​ရ​ဘု​ရား၏​နှုတ်​က​ပတ်​တော်​သည် ငါ့​ဆီ​သို့​ရောက်၍၊ ယေ​ရ​မိ၊ သင်​သည် အ​ဘယ်​အ​ရာ​ကို​မြင်​သ​နည်း​ဟု မေး​တော်​မူ​လျှင် ငါ​က၊ အ​ကျွန်ုပ်​သည် ဗာ​တံ​ကိုင်း​ကို​မြင်​ပါ၏​ဟု လျှောက်​သော်၊

ယေ​ရ​မိ 1:11 ပူးပေါင်းရင်းမြစ်များ

ကမ္ဘာ​ဦး 30:37

ယာကုပ်​သည် စိမ်း​သော​ပေါ့ပလာပင်​၊ ဗာဒံပင်​နှင့် ပလိန်းပင်​တို့​၏​အရိုးတံ​များ​ကို​ယူ​ပြီးလျှင် ထို​အရိုးတံ​တို့​၌​အဖြူရောင်​အတွင်းသား​ပေါ်​ပြီး အဖြူရောင်​အစင်း​များ​ဖြစ်​အောင်​ခွာ​လေ​၏​။

ဟေ​ရှာ​ယ 55:11

ငါ့​နှုတ်​မှ​ထွက်​သော​စကား​သည်​လည်း ထိုနည်းတူ​ဖြစ်​မည်​။ ငါ့​ထံသို့​အချည်းနှီး ပြန်လာ​မည်​မ​ဟုတ်​။ ငါ့​အလို​ကို ပြည့်စုံ​စေ​မည်​။ ငါ​စေခိုင်း​သော​အမှု​ကို အောင်မြင်​စေ​မည်​။

ယေ​ရ​မိ 24:3

ထိုအခါ ထာဝရဘုရား​က ငါ့​အား “​ယေရမိ​၊ မည်သည့်​အရာ​ကို မြင်​သနည်း​”​ဟု မေး​တော်မူ​လျှင် ငါ​က “​သဖန်းသီး​များ​ကို မြင်​ပါ​၏​။ ကောင်း​သော​သဖန်းသီး​များ​သည် အလွန်​ကောင်း​ပါ​၏​။ မကောင်း​သော​သဖန်းသီး​များ​သည် စား​၍​မ​ရ​အောင် ပုပ်​နေ​ပါ​၏​”​ဟု ပြန်လျှောက်​၏​။

ယေ​ဇ​ကျေ​လ 12:25

ငါ​ထာဝရဘုရား​သည် မိန့်ဆို​လျှင် မိန့်ဆို​သည့်​အတိုင်း မ​ကြန့်ကြာ​ဘဲ​ဖြစ်လာ​လိမ့်မည်​။ အို ပုန်ကန်​တတ်​သော​အမျိုးအနွယ်​၊ ငါ​ပြော​သော​စကား​သည် သင်​တို့​လက်ထက်​တွင် အမှန်​ဖြစ်လာ​လိမ့်မည်’​ဟု မိန့်​တော်မူ​ပြီ​ဟူ၍ ဆင့်ဆို​လော့”​ဟု မိန့်ဆို​၏​။

ယေ​ဇ​ကျေ​လ 12:28

သို့ဖြစ်၍ သူ​တို့​အား ဘုရားရှင်​ထာဝရဘုရား​က ‘ငါ​မိန့်ဆို​သော​စကား​အလုံးစုံ​သည် ကြန့်ကြာ​ခြင်း​မ​ရှိ အမှန်​ဖြစ်လာ​လိမ့်မည်’​ဟု မိန့်​တော်မူ​ပြီ​ဟူ၍ ဆင့်ဆို​လော့”​ဟု မိန့်ဆို​၏​။

ယေ​ဇ​ကျေ​လ 7:10

ကြည့်ရှု​လော့​။ အချိန်​ကျရောက်​လေ​ပြီ​။ ပျက်စီး​ခြင်း ရောက်လာ​လေ​ပြီ​။ တောင်ဝှေး​သည် အဖူး​ဖူး​လေ​ပြီ​။ မာန်မာန​သည် အပွင့်​ပွင့်​လေ​ပြီ​။

အာ​မုတ် 7:8

ထာဝရဘုရား​က ငါ့​အား “အာမုတ်​၊ သင် မည်သည့်​အရာ​ကို မြင်​သနည်း”​ဟု မေး​တော်မူ​လျှင် ငါ​က “ချိန်ကြိုး​ကို မြင်​ပါ​သည်”​ဟု လျှောက်​၏​။ ထိုအခါ ဘုရားရှင်​က “ကြည့်ရှု​လော့​။ ငါ့​လူမျိုး​တော်​အစ္စရေး​တို့​အလယ်​တွင် ချိန်ကြိုး​ကို ငါ​ချ​မည်​။ သူ​တို့​ကို နောက်တစ်ဖန် အလွတ်​ပေး​မည် မ​ဟုတ်​။

အာ​မုတ် 8:2

ကိုယ်တော်​က “​အာမုတ်​၊ သင် မည်သည့်​အရာ​ကို မြင်​သနည်း​”​ဟု မေး​တော်မူ​လျှင် ငါ​က “​နွေရာသီသီးနှံ​ထည့်​ထား​သော​တောင်း​ကို မြင်​ပါ​၏​”​ဟု လျှောက်​ရာ ထာဝရဘုရား​က “​ငါ့​လူမျိုး​တော်​အစ္စရေး​တို့​၏​နိဂုံး​သည် ရောက်လာ​လေ​ပြီ​။ သူ​တို့​ကို ငါ​အလွတ်ပေး​တော့​မည်​မ​ဟုတ်”​ဟု မိန့်​တော်မူ​၏​။

ဇာ​ခ​ရိ 4:2

ငါ့​အား “​သင်​မည်သည့်​အရာ​ကို မြင်​သနည်း​”​ဟု မေး​သော် ငါ​က​လည်း “ထိပ်​တွင် ဖလား​တစ်​ခု​ပါ​ပြီး ရွှေ​အတိ​ဖြစ်​သော​ဆီမီးခုံ​ကို မြင်​ရ​ပါ​၏​။ ထို​ဆီမီးခုံ​တွင် အလက်​ခုနစ်​ခု​ပါ​၏​။ ထို​အလက်​များ​ထိပ်​တွင် မီးခွက် ခုနစ်​ခု​ပါရှိ​၏​။

ဇာ​ခ​ရိ 5:2

ထိုအခါ ကောင်းကင်တမန်​က ငါ့​အား “​သင် မည်သည့်​အရာ​ကို မြင်​သနည်း​”​ဟု မေး​လျှင် ငါ​က “​အလျား​အတောင်​နှစ်ဆယ်​၊ အနံ​ဆယ်​တောင်​ရှိ​သော​စာလိပ်​တစ်လိပ် ပျံဝဲ​နေ​သည်​ကို မြင်​ရ​ပါ​၏​”​ဟု ပြန်လျှောက်​လေ​၏​။

တော​လည် 17:8

နောက်တစ်နေ့​၌ မောရှေ​သည် သက်သေခံချက်​တဲ​တော်​ထဲသို့ ဝင်​သောအခါ လေဝိ​အမျိုးအနွယ်​၊ အာရုန်​၏​တောင်ဝှေး​သည် အတက်ပေါက်​လျက်​၊ အဖူး​ဖူး​လျက်​၊ အပွင့်​ပွင့်​လျက်​၊ ဗာဒံသီး​သီး​လျက်​ရှိ​သည်​ကို တွေ့​လေ​၏​။