ယေ​ဇ​ကျေ​လ 48:14 - မြန်​​​မာ့​​​စံ​​​မီ​​​သမ္မာ​​​ကျမ်း​​

¹⁴ ဤ​မြေ​သည် ထာဝရဘုရား​အဖို့ သန့်ရှင်း​သော​မြေ​ဖြစ်​သောကြောင့် သူ​တို့​သည် ဤ​အကောင်းဆုံး​မြေ​ကို မ​ရောင်း​ရ​၊ အလဲအလှယ်​မ​လုပ်​ရ​၊ အခြားသူ​လက်​သို့ မ​လွှဲပြောင်း​ရ​။

Common Language Bible

¹⁴ ထာ​ဝရ​ဘု​ရား​အား​ဆက်​ကပ်​ထား​သည့်​နယ်​မြေ​သည်​အ​ကောင်း​ဆုံး​ဖြစ်​၍​ထို​မြေ​၏​တစ်​စိတ်​တစ်​ဒေ​သ​ကို​မျှ​ရောင်း​ချ​ခြင်း၊ သို့​မ​ဟုတ်​လဲ​လှယ်​ခြင်း၊ အ​ခြား​သူ​တစ်​စုံ​တစ်​ယောက်​၏​နာ​မည်​သို့​ပြောင်း​ပေး​ခြင်း​တို့​ကို​မ​ပြု​ရ။ ထို​မြေ​သည်​သန့်​ရှင်း​မြင့်​မြတ်​၍​ထာ​ဝ​ရ​ဘု​ရား​ပိုင်​တော်​မူ​သော​မြေ​ဖြစ်​သ​တည်း။

Garrad Bible

¹⁴ ထာ ဝ ရ ဘု ရား အ ဘို့ သီး သန့် ပြီး ဖြစ် သော ကြောင့်။ ရောင်း စား ခြင်း၊ လဲ လှယ် ခြင်း၊ အ ဦး မှည့် သော အ သီး အ နှံ လွှဲ အပ် ခြင်း များ ကို မ ပြု ကြ စေ လင့်။

Judson Bible

¹⁴ ထို​မြေ​သည် ထာ​ဝ​ရ​ဘု​ရား​အ​ဖို့​သန့်​ရှင်း​သော​ကြောင့်၊ လေ​ဝိ​လူ​တို့​သည် မြေ​ကို မ​ရောင်း​ရ။ အ​ဦး​သီး​သော အ​သီး​ကို အ​ခြား​သော​ဥ​စ္စာ​နှင့် မ​ဖယ်​လှယ်​ရ။ အ​ဖိုး​နှင့် မ​ရောင်း​ရ။

ယေ​ဇ​ကျေ​လ 48:14 ပူးပေါင်းရင်းမြစ်များ

ထွက်​မြောက် 22:29

အသီးဦး​၊ စပျစ်ရည်ဦး​တို့​ကို မ​ယူ​ထား​ဘဲ ငါ့​အား ဆက်ကပ်​ရ​မည်​။ သင်​တို့​၏​သားဦး​များ​ကို​လည်း ဆက်ကပ်​ရ​မည်​။

ထွက်​မြောက် 23:19

သင့်​မြေ​မှ​ထွက်​သော​အဦးဆုံးသီးနှံ​ထဲမှ​အကောင်းဆုံး​ကို သင်​၏​ဘုရားသခင်​ထာဝရဘုရား​၏​အိမ်​တော်​သို့ ယူဆောင်​လာ​ရ​မည်​။ ဆိတ်သငယ်​ကို မိခင်​၏​နို့ရည်​ဖြင့် မ​ပြုတ်​ရ​။

ယေ​ဇ​ကျေ​လ 48:12

အထူး​သန့်ရှင်း​သော​အလှူ​မြေ​ထဲမှ လေဝိ​နယ်နိမိတ်​နှင့်​ကပ်​လျက်​ရှိ​သော​မြေ​သည် ယဇ်ပုရောဟိတ်​တို့​အဖို့ သီးသန့်​ဝေစု​ဖြစ်​ရ​မည်​။

ယေ​ဇ​ကျေ​လ 48:13

ယဇ်ပုရောဟိတ်​တို့​၏​မြေ​နှင့်​ကပ်​လျက် အလျား​အတောင်​နှစ်သောင်းငါးထောင်​၊ အနံ​အတောင်​တစ်သောင်း​ရှိ​သော​မြေ​သည် လေဝိ​အမျိုး​တို့​အဖို့ ဖြစ်​ရ​မည်​။ ထို​မြေ​သည် အလျား​အတောင်​နှစ်သောင်းငါးထောင်​၊ အနံ​အတောင်​တစ်သောင်း​ရှိ​ရ​မည်​။

ဝတ်​ပြု 23:20

ယဇ်ပုရောဟိတ်​သည် သိုးသငယ်​နှစ်​ကောင်​ကို အဦးဆုံးသီးနှံ​၏​မုန့်​နှင့်အတူ ထာဝရဘုရား​ရှေ့​တော်​၌ ချီလွှဲရာပူဇော်သက္ကာ​အဖြစ် ချီလွှဲ​ရ​မည်​။ ထို​အရာ​တို့​သည် ယဇ်ပုရောဟိတ်​အတွက် ထာဝရဘုရား​ရှေ့​၌ သန့်ရှင်း​သော​ပူဇော်သက္ကာ​ဖြစ်​၏​။

ဝတ်​ပြု 25:32

လေဝိ​အမျိုး​တို့​ပိုင်​သော​မြို့​များ​ရှိ သူ​တို့​၏​အိမ်​များ​ကို​ကား လေဝိ​အမျိုး​တို့​သည် ရွေးနုတ်ခွင့်​အစဉ်အမြဲ​ရှိ​၏​။

ဝတ်​ပြု 25:34

သူ​တို့​၏​မြို့​များ​ရှိ​စားကျက်မြေ​သည် သူ​တို့​အစဉ်အမြဲ​ပိုင်​သော​မြေ​ဖြစ်​သောကြောင့် မ​ရောင်း​ရ​။

ဝတ်​ပြု 27:28

တစ်စုံတစ်ယောက်​သည် မိမိ​ပိုင်ဆိုင်​သမျှ​တို့​တွင် လူ​ကို​ဖြစ်စေ​၊ တိရစ္ဆာန်​ကို​ဖြစ်စေ​၊ လယ်ယာ​ကို​ဖြစ်စေ ထာဝရဘုရား​အား ဆက်ကပ်​ထား​သော​အရာ​ရှိသမျှ​တို့​ကို ရောင်း​ခွင့်​မ​ရှိ​။ ရွေးနုတ်​ခွင့်​လည်း​မ​ရှိ​။ ဆက်ကပ်​ထား​သော​အရာ​ရှိသမျှ​တို့​သည် ထာဝရဘုရား​အဖို့ အလွန်​သန့်ရှင်းသောအရာ​များ​ဖြစ်​၏​။

ရော​မ 8:23

ထိုမျှမက ဝိညာဉ်​တော်​၏​အသီးဦး​ကို​ရရှိ​သော ငါ​တို့​ကိုယ်တိုင်​သည်​လည်း သားသမီး​အရာ​ကို​ရ​ခြင်း​တည်းဟူသော ငါ​တို့​၏​ကိုယ်ခန္ဓာ​ရွေးနုတ်​ခံရ​ခြင်း​ကို စောင့်မျှော်​လျက် စိတ်နှလုံး​ထဲ၌ ညည်းတွား​နေ​ကြ​၏။