ယေ​ဇ​ကျေ​လ 46:2 - မြန်​​​မာ့​​​စံ​​​မီ​​​သမ္မာ​​​ကျမ်း​​

² မင်းသား​သည် အပြင်​မုခ်ဆောင်​၏​ဆင်ဝင်​မှ​ဝင်​၍ တံခါး​တိုင်​နားတွင် ရပ်​နေ​ရ​မည်​။ ယဇ်ပုရောဟိတ်​တို့​သည် မင်းသား​ပေး​သော မီးရှို့ရာယဇ်​၊ မိတ်သဟာယယဇ်​တို့​ကို ပူဇော်​ရ​မည်​။ မင်းသား​သည် တံခါးခုံ​နား​တွင် ပျပ်ဝပ်ရှိခိုး​ပြီးမှ ထွက်သွား​ရ​မည်​။ တံခါး​ကို နေဝင်ချိန်​ထိ ဖွင့်​ထား​ရ​မည်​။

Common Language Bible

² နန်း​စံ​နေ​ဆဲ​မင်း​သား​သည်​ထို​တံ​ခါး​ဖြင့် တံ​တိုင်း​အ​ပြင်​ဝင်း​က​နေ​၍ မုခ်​ပေါက်​အ​တွင်း ၌​ရှိ​သော​အ​ခန်း​ထဲ​သို့​ဝင်​ရ​မည်။ သူ​သည် မိ​မိ​၏​မီး​ရှို့​ရာ​ယဇ်​များ​နှင့်​မိတ်​သ​ဟာ ယဇ်​များ​ကို​ယဇ်​ပု​ရော​ဟိတ်​တို့​ပူ​ဇော်​နေ ကြ​စဉ် မုခ်​ပေါက်​တိုင်​များ​အ​နီး​တွင်​ရပ်​၍ နေ​ရ​မည်။ သူ​သည်​တံ​ခါး​ဝ​တွင်​ရှိ​ခိုး​ဝတ် ပြု​ပြီး​နောက်​အ​ပြင်​သို့​ပြန်​၍​ထွက်​ရ​မည်။ တံ​ခါး​ကို​မူ​ည​နေ​အ​ထိ​မ​ပိတ်​ဘဲ​ထား ရ​မည်။-

Garrad Bible

² ပြည့် ရှင် မင်း သည်၊ ထို တံ ခါး အ ပြင် မုတ် ဆောင် ဖြင့် ဝင်၍၊ ပါ လာ သော မီး ရှို့ ရာ သ က္ကာ နှင့် မိတ် သ ဟာ ရ သ က္ကာ များ ကို၊ ပ ရော ဟိတ် တို့ ဆက် ကပ် ကြ စဉ်၊ တံ ခါး တိုင် အ နီး တံ ခါး ခုံ ပေါ် တွင် ရပ် လျက် ရှိ ခိုး ပြီး လျှင်၊ ထွက် သွား ရ မည်။ တံ ခါး ကို ကား၊ ညဉ့် ဦး မ တိုင် မီ မ ပိတ် ရ။

Judson Bible

² မင်း​သား​သည် ထို​တံ​ခါး​မုခ်​ဖြင့်​ဝင်၍ တံ​ခါး​တိုင်​အ​နား​မှာ ရပ်​နေ​ရ​မည်။ ယဇ်​ပု​ရော​ဟိတ်​တို့​သည် မင်း​သား​မီး​ရှို့​ရာ​ယဇ်၊ မိတ်​သ​ဟာ​ယ​ယဇ်​တို့​ကို ပူ​ဇော်၍၊ သူ​သည် တံ​ခါး​ခုံ၌ ဦး​ညွှတ်​ချ​ပြီး​မှ ပြင်​သို့​ထွက်​သွား​ရ​မည်။ သို့​ရာ​တွင်၊ ညဉ့်​ဦး​ယံ​မ​ရောက်​မီ ထို​တံ​ခါး​ကို မ​ပိတ်​ရ။

ယေ​ဇ​ကျေ​လ 46:2 ပူးပေါင်းရင်းမြစ်များ

၁ ရာ​ချုပ် 17:16

ထိုအခါ ဒါဝိဒ်​မင်းကြီး​သည် ထာဝရဘုရား​ရှေ့​တော်​သို့​တိုးဝင်​၍ ထိုင်​ပြီးလျှင် “​အို ဘုရားသခင်​ထာဝရဘုရား​၊ ကိုယ်တော်​သည် အကျွန်ုပ်​ကို ဤမျှလောက် ချီးမြှောက်​တော်မူ​မည့်​အကြောင်း အကျွန်ုပ်​ကား မည်သူ​ဖြစ်၍ အကျွန်ုပ်​အမျိုးအနွယ်​သည်​လည်း မည်သို့သော​အမျိုးအနွယ်​ဖြစ်​ပါ​သနည်း​။

၁ ရာ​ချုပ် 9:18

ရှလ္လုံ​သည် ယခုချိန်​ထိ ဘုရင်​ထွက်​ဝင်​ရာ​အရှေ့ဘက်​မြို့​တံခါး​၏​တံခါးမှူး ဖြစ်​၏​။ ဤ​သူ​တို့​သည် လေဝိ​သားမြေး​တို့​၏​တပ်စခန်း​၌ တံခါးစောင့်​များ ဖြစ်​ကြ​၏​။

၂ ရာ​ချုပ် 23:13

ရှင်ဘုရင်​သည် အဝင်ဝ​တိုင်​နား​တွင် ရပ်​နေ​ပြီး မှူးမတ်​များ​၊ တံပိုးခရာမှုတ်သူ​များ​လည်း ရှင်ဘုရင်​အား ခြံရံ​လျက် ရှိ​နေ​သည်​ကို​လည်းကောင်း​၊ ပြည်သူပြည်သား​အပေါင်း​တို့​က ဝမ်းမြောက်​ပျော်ရွှင်​စွာ​တံပိုးခရာ​တူရိယာ​မှုတ်​လျက် သီချင်း​များ​ချီးမွမ်း​သီဆို​နေ​ကြ​သည်​ကို​လည်းကောင်း အာသလိ​ဘုရင်မ မြင်​ရ​လျှင် သူ့​အဝတ်​ကို​ဆုတ်ဖြဲ​လျက် “​လျှို့ဝှက်ကြံစည်မှု​ပါ​တကား​၊ လျှို့ဝှက်ကြံစည်မှု​ပါ​တကား​”​ဟု အော်ဟစ်​လေ​၏​။

၂ ရာ​ချုပ် 29:29

ယဇ်ပူဇော်​ခြင်း​အမှု​ပြီးစီး​သောအခါ ရှင်ဘုရင်​မှစ၍ သူ​နှင့်အတူ​ရှိ​နေ​သော​သူ​အပေါင်း​တို့​သည် ဒူးထောက်​လျက်​ရှိခိုးကိုးကွယ်​ကြ​လေ​၏​။

၂ ရာ​ချုပ် 34:31

ရှင်ဘုရင်​သည် မိမိ​နေရာ​တွင်​ရပ်​၍ ထာဝရဘုရား​နောက်​တော်​သို့ လိုက်​ပါ​မည်​၊ ပညတ်ချက်​များ​၊ သက်သေခံ​တော်မူ​ချက်​များ​၊ ပြဋ္ဌာန်းချက်​များ​ကို စိတ်နှလုံး​အကြွင်းမဲ့​၊ စိတ်ဝိညာဉ်​အကြွင်းမဲ့ စောင့်ထိန်း​ပါ​မည်​၊ ဤ​ကျမ်းစာ​တွင်​ရေးထား​သော​ပဋိညာဉ်​စကား​များ​ကို လိုက်နာ​ပါ​မည်​ဟု ထာဝရဘုရား​ရှေ့​တော်​၌ ကတိသစ္စာ​ပြု​၏​။

၂ ရာ​ချုပ် 6:13

ရှောလမုန်​မင်းကြီး​သည် ဝင်း​တော်​အလယ်​၌ မိမိ​ဆောက်လုပ်​၍​တည်​ထား​သော အလျား​ငါး​တောင်​၊ အနံ​ငါး​တောင်​၊ အမြင့်​သုံး​တောင်​ရှိ​သည့် ကြေးနီ​စင်မြင့်​ပေါ်သို့​တက်​ပြီး အစ္စရေး​လူထု​အပေါင်း​တို့​ရှေ့​၌ ဒူးထောက်​၍ လက်​ကို ကောင်းကင်​သို့​ဖြန့်​လျက်

ယေ​ဇ​ကျေ​လ 40:19

အောက်​မုခ်ဆောင်​ရှေ့​မှ အတွင်း​ဝင်း​ရှေ့​ထိ အကျယ်​ကို​တိုင်း​ရာ အတောင်​တစ်ရာ​ရှိ​၏​။ အရှေ့ဘက်​နှင့် မြောက်ဘက်​တို့​တွင်​လည်း အတောင်​တစ်ရာ​စီ​ကျယ်​၏​။

ယေ​ဇ​ကျေ​လ 40:39

မုခ်ဆောင်​ဆင်ဝင်​တစ်ဖက်တစ်ချက်​တွင် စားပွဲ​နှစ်လုံးစီ​ရှိ​၏​။ ထို​စားပွဲ​ပေါ်တွင် မီးရှို့ရာယဇ်ကောင်​၊ အပြစ်ဖြေရာယဇ်ကောင်​၊ အပြစ်ဒဏ်ဖြေရာယဇ်ကောင်​တို့​ကို တင်သတ်​ကြ​၏​။

ယေ​ဇ​ကျေ​လ 44:3

မင်းသား​တစ်ပါး​သာလျှင် ထို​တံခါး​နား​တွင်​ထိုင်​၍ ထာဝရဘုရား​ရှေ့​တော်​၌​စားသောက်​ရ​မည်​။ သူ​သည် ထို​တံခါး​၏​ဆင်ဝင်လမ်း​ဖြင့်​ဝင်​၍ ထို​လမ်း​ဖြင့်​ပင် ပြန်ထွက်​ရ​မည်”​ဟု မိန့်​တော်မူ​၏​။

ယေ​ဇ​ကျေ​လ 45:19

ယဇ်ပုရောဟိတ်​သည် အပြစ်ဖြေရာယဇ်​၏​သွေး​အချို့​ကို​ယူ​၍ အိမ်​တော်​၏​တံခါးတိုင်​၊ ယဇ်ပလ္လင်​၏​ထောင့်​လေး​ထောင့်​နှင့် အတွင်း​ဝင်း​တံခါး​တိုင်​တွင် သုတ်​ရ​မည်​။

ယေ​ဇ​ကျေ​လ 46:12

စေတနာ​အလျောက်​ပူဇော်​သော မီးရှို့ရာယဇ်​၊ မိတ်သဟာယယဇ်​တို့​ကို မင်းသား​သည် ထာဝရဘုရား​ထံ စေတနာ​အလျောက်​ဆက်သ​သောအခါ အရှေ့​မုခ်ဆောင်​တံခါး​ကို ဖွင့်​ထား​ရ​မည်​။ သူ​သည် ဥပုသ်နေ့​တွင် မီးရှို့ရာယဇ်​နှင့် မိတ်သဟာယယဇ်​တို့​ကို ဆက်သ​သကဲ့သို့ ဆက်သ​ရ​မည်​။ ဆက်သ​ပြီး ပြန်ထွက်သွား​သောအခါ တံခါး​ကို ပြန်ပိတ်​ထား​ရ​မည်​။

ယေ​ဇ​ကျေ​လ 46:8

မင်းသား​ဝင်လာ​မည်​ဆိုလျှင် မုခ်ဆောင်​ဆင်ဝင်လမ်း​မှ ဝင်လာ​ရ​မည်​။ ထို​လမ်း​အတိုင်း ပြန်ထွက်​ရ​မည်​။

မဿဲ 26:39

ထို့နောက် ရှေ့သို့​အနည်းငယ်​ကြွ​တော်မူ​ပြီး ပျပ်ဝပ်​လျက်“အကျွန်ုပ်​၏​အဖ၊ ဖြစ်နိုင်​လျှင် ဤ​ခွက်​ကို အကျွန်ုပ်​ထံမှ လွန်​သွား​စေ​တော်မူ​ပါ။ သို့သော် အကျွန်ုပ်​၏​အလို​အတိုင်း​မ​ဟုတ်​ဘဲ ကိုယ်တော်​၏​အလို​တော်​အတိုင်း ဖြစ်​စေ​တော်မူ​ပါ”​ဟု ဆုတောင်း​တော်မူ​၏။

ကော​လော​သဲ 1:28

ငါ​တို့​သည် လူ​တိုင်း​ကို ခရစ်တော်​၌​စုံလင်​ရင့်ကျက်​သော​သူ​အဖြစ် ဆက်သ​နိုင်​ရန် လူ​တိုင်း​ကို သတိပေး​ဆုံးမ​ကာ ဉာဏ်ပညာ​ရှိသမျှ​တို့​ဖြင့် လူ​တိုင်း​ကို သွန်သင်​လျက် ထို​သခင်​အကြောင်း​ကို ဟောပြော​ကြ​၏။