ယေ​ဇ​ကျေ​လ 45:4 - မြန်​​​မာ့​​​စံ​​​မီ​​​သမ္မာ​​​ကျမ်း​​

⁴ ထို​သန့်ရှင်း​သော​မြေ​သည် ထာဝရဘုရား​ထံ​အမှု​တော်​ကို​ထမ်းဆောင်​ဖို့​လာ​သော​၊ သန့်ရှင်းရာဌာန​တော်​၌ အမှု​တော်​ထမ်းဆောင်​သော ယဇ်ပုရောဟိတ်​တို့​အဖို့ ဖြစ်​ရ​မည်​။ ထို​မြေ​သည် ယဇ်ပုရောဟိတ်​တို့ နေစရာ​အိမ်​ဆောက်​ရာ​မြေ​၊ သန့်ရှင်းရာဌာန​တည်​ရာ​သန့်ရှင်း​သော​မြေ ဖြစ်​ရ​မည်​။

Common Language Bible

⁴ ဗိ​မာန်​တော်​တွင်​ထာ​ဝ​ရ​ဘု​ရား​၏​ထံ​တော် သို့​ချဉ်း​ကပ်​၍ အ​မှု​တော်​ကို​ထမ်း​ဆောင်​သော ယဇ်​ပု​ရော​ဟိတ်​တို့​အ​တွက်​သီး​သန့်​ထား​ရာ သန့်​ရှင်း​မြင့်​မြတ်​သည့်​ဌာ​န​ပါ​ရှိ​၍ သူ​တို့ နေ​ထိုင်​ရန်​အိမ်​များ​ရှိ​ရာ​အ​ပိုင်း​နှင့်​ဗိ​မာန် တော်​တည်​ရှိ​ရာ​အ​ပိုင်း​ပါ​ရှိ​လိမ့်​မည်။-

Judson Bible

⁴ ထို​သန့်​ရှင်း​သော​မြေ​သည် ထာ​ဝ​ရ​ဘု​ရား၏ အ​မှု​တော်​ကို​ဆောင်​ခြင်း​ငှာ အ​ထံ​တော်​သို့​ချဉ်း​ကပ်၍၊ သန့်​ရှင်း​ရာ​ဌာ​န၏​အ​မှု​စောင့်၊ ယဇ်​ပု​ရော​ဟိတ်​တို့​အ​ဖို့ ဖြစ်​ရ​မည်။ သူ​တို့​အိမ်​ဆောက်​စ​ရာ​နှင့် သန့်​ရှင်း​ရာ​ဌာ​န တည်​စ​ရာ​ဖို့ သန့်​ရှင်း​သော​မြေ​ဖြစ်​ရ​မည်။

ယေ​ဇ​ကျေ​လ 45:4 ပူးပေါင်းရင်းမြစ်များ

ယေ​ဇ​ကျေ​လ 40:45

သူ​က ငါ့​အား “​တောင်ဘက်​သို့​မျက်နှာမူ​ထား​သော​အခန်း​သည် အိမ်​တော်​အမှု​ကို​ထမ်းဆောင်​သော ယဇ်ပုရောဟိတ်​တို့​အတွက်​ဖြစ်​၏​။

ယေ​ဇ​ကျေ​လ 40:46

မြောက်ဘက်​သို့​မျက်နှာမူ​သော​အခန်း​သည် ယဇ်ပလ္လင်​အမှု​ကို​ထမ်းဆောင်​သော ယဇ်ပုရောဟိတ်​တို့​အတွက်​ဖြစ်​၏​။ ထို​သူ​တို့​ကား ထာဝရဘုရား​အထံ​တော်​သို့​ဆည်းကပ်​၍ အမှု​တော်​ထမ်းဆောင်​သော လေဝိ​အမျိုး​ဇာဒုတ်​၏​သား​များ​ဖြစ်​ကြ​၏​”​ဟု ပြောပြ​၏​။

ယေ​ဇ​ကျေ​လ 43:19

ဘုရားရှင်​ထာဝရဘုရား​က ‘ငါ့​ထံသို့​ဆည်းကပ်​၍ အမှု​တော်​ထမ်းဆောင်​သော​ယဇ်ပုရောဟိတ် လေဝိ​အမျိုး​ဇာဒုတ်​၏​သားစဉ်မြေးဆက်​တို့​အား သင်​သည် အပြစ်ဖြေရာယဇ်​အဖြစ် နွားထီးပျို​တစ်​ကောင်​ကို ပေး​ရ​မည်​’​ဟု မိန့်​တော်မူ​၏​။

ယေ​ဇ​ကျေ​လ 44:28

‘သူ​တို့​ပိုင်ဆိုင်​ရ​မည့်​အမွေ​ကား ငါ​ပင်​ဖြစ်​၏​။ အစ္စရေး​လူမျိုး​တို့​တွင် သူ​တို့​ကို အမွေ​မ​ပေး​ရ​။ ငါ​သာလျှင် သူ​တို့​၏​အမွေ​ဖြစ်​၏​။

ယေ​ဇ​ကျေ​လ 45:1

မြေ​ကို​အမွေ​ခွဲဝေ​သောအခါ သင်​တို့​သည် ထို​မြေ​ထဲမှ မြေ​တစ်ကွက်​ကို သန့်ရှင်း​သော​အလှူ​အဖြစ် ထာဝရဘုရား​အဖို့ ခွဲထား​ရ​မည်​။ ထို​မြေ​သည် အလျား​အတောင်​နှစ်​သောင်း​ငါး​ထောင်​၊ အနံ​အတောင်​တစ်သောင်း ရှိ​ရ​မည်​။ ထို​မြေ​ပတ်ပတ်လည်​နယ်နိမိတ်​သည်​လည်း သန့်ရှင်း​ရ​မည်​။

ယေ​ဇ​ကျေ​လ 45:3

ထိုသို့ အလျား​အတောင်​နှစ်သောင်းငါးထောင်​၊ အနံ​အတောင်​တစ်သောင်း​ရှိ​သော​မြေ​ကို တိုင်းတာ​ရ​မည်​။ ထို​မြေ​တွင် သန့်ရှင်းရာဌာန​၊ အသန့်ရှင်းဆုံးဌာန​ကို တည်​ရ​မည်​။

ယေ​ဇ​ကျေ​လ 48:8

ယုဒ​နယ်နိမိတ်​နှင့်​ကပ်​လျက် အရှေ့ဘက်​မှ အနောက်ဘက်​တစ်လျှောက်​သည် သင်​တို့​ပေးလှူ​ရ​မည့် အလှူမြေ​ဖြစ်​၏​။ ဤ​မြေ​သည် အနံ​အတောင်​နှစ်သောင်းငါးထောင်​၊ အလျား​မှာ မျိုးနွယ်​တစ်​နွယ်​ရ​သော​ဝေစု​အတိုင်း အရှေ့ဘက်​မှ အနောက်ဘက်ခြမ်း​တိုင်အောင် အလျား​တူ​ရ​မည်​။ ဤ​မြေ​၏​အလယ်ဗဟို​တွင် သန့်ရှင်းရာဌာန​ရှိ​ရ​မည်​။

တော​လည် 16:5

ထို့နောက် မောရှေ​က ကောရ​နှင့်​သူ​၏​အပေါင်းပါ​အားလုံး​တို့​အား “​မည်သူ​သည် ထာဝရဘုရား​၏​လူ​ဖြစ်​သည်​ကို​လည်းကောင်း​၊ မည်သူ​သည် သန့်ရှင်း​သော​သူ​ဖြစ်​သည်​ကို​လည်းကောင်း​၊ မည်သူ​သည် ကိုယ်တော်​ထံသို့​ချဉ်းကပ်​ခွင့်​ရ​မည်​ကို​လည်းကောင်း မနက်ဖြန်​နံနက် ထာဝရဘုရား​ဖော်ပြ​တော်မူ​လိမ့်မည်​။ ကိုယ်တော်​သည် မိမိ​ရွေးချယ်​တော်မူ​သော​သူ​ကို မိမိ​ထံသို့ ချဉ်းကပ်​ခွင့်​ပေး​တော်မူ​လိမ့်မည်​။