ယေ​ဇ​ကျေ​လ 4:4 - မြန်​​​မာ့​​​စံ​​​မီ​​​သမ္မာ​​​ကျမ်း​​

⁴ ထို့နောက် သင်​သည် လက်ဝဲ​ဘက်​သို့​စောင်းအိပ်​ပြီး အစ္စရေး​အမျိုးအနွယ်​၏​အပြစ်​ကို ခံယူ​လော့​။ သင်​စောင်းအိပ်​သည့်​နေ့ရက်​ပေါင်း​သည် သူ​တို့​၏​အပြစ်​ကို သင်​ခံယူ​သော​နေ့ရက်​ဖြစ်​၏​။

Common Language Bible

⁴ ``သင်​သည်​လက်​ဝဲ​ဘက်​သို့​စောင်း​၍​အိပ်​လော့။

Garrad Bible

⁴ ၎င်း ပြင်၊ သင် သည် ဝဲ ဘက် သို့ စောင်း အိပ် လျက်၊ ဣ သ ရေ လ အ မျိုး သား တို့၏ ဒု စ ရိုက် ဝန် ကို နံ ပေါ် တွင် တင် လျက်၊ စောင်း အိပ် ရ သော နေ့ ရက် နှင့် အ မျှ၊ ချင်း တို့ ဒု စ ရိုက် ဝန် ကို ဆောင် လော့။

Judson Bible

⁴ ထို​မှ​တစ်​ပါး၊ သင်​သည် လက်​ဝဲ​နံ​စောင်း​ဖြင့် အိပ်၍၊ ဣ​သ​ရေ​လ​အ​မျိုး၏​အ​ပြစ်​ကို ထို​နံ​စောင်း၌ တင်​ထား​လော့။ ထို​သို့​အိပ်​ရ​သော နေ့​ရက်​အ​ရေ​အ​တွက်​အ​တိုင်း သူ​တို့​အ​ပြစ်​ကို​ခံ​ရ​မည်။

ယေ​ဇ​ကျေ​လ 4:4 ပူးပေါင်းရင်းမြစ်များ

ယေ​ဇ​ကျေ​လ 4:5

သူ​တို့​အပြစ်​ပြု​ခဲ့​သော​နှစ်​နှင့်အညီ သင်​အပြစ်​ခံယူ​ရ​မည့်​နေ့ရက်​အရေအတွက်​မှာ ရက်ပေါင်း​သုံး​ရာ့​ကိုးဆယ်​ဟု ငါ​သတ်မှတ်​၏​။ ဤသည်မှာ အစ္စရေး​အမျိုးအနွယ်​တို့​၏​အပြစ်​ကို သင်​ခံယူ​ရ​မည့်​ရက်​ဖြစ်​၏​။

ယေ​ဇ​ကျေ​လ 4:8

သင်​မြို့​ကို​ဝိုင်း​ထား​ရ​မည့်​နေ့ရက်​မ​ပြီးဆုံး​မီ ဟိုဘက်​သည်ဘက်​လှည့်​၍​မ​ရ​အောင် ငါ​သည် သင့်​ကို ကြိုး​ဖြင့်​ချည်​ထား​မည်​။

ဝတ်​ပြု 10:17

“​အပြစ်ဖြေရာယဇ်​၏​အသား​သည် အထူး​သန့်ရှင်း​၏​။ လူထု​တို့​၏​ဒုစရိုက်​ကို​ယူဆောင်​သွား​ရန်​နှင့် ထာဝရဘုရား​ရှေ့​တော်​၌ သူ​တို့​အတွက် အပြစ်ဖြေလွှတ်​ခြင်း​ကို​ပြု​ရန် ထို​အသား​ကို သင်​တို့​အား​ပေး​ထား​တော်မူ​ပြီ​။ သို့ဖြစ်၍ သင်​တို့​သည် အဘယ်ကြောင့် သန့်ရှင်းရာဌာန​တော်​၌ မ​စား​ကြ​သနည်း​။

ဝတ်​ပြု 16:22

ဆိတ်သငယ်​သည် သူ​တို့​၏​အပြစ်​ရှိသမျှ​ကို လူသူကင်းဝေး​ရာ​အရပ်​သို့ ယူဆောင်​သွား​မည်​။ တာဝန်​ရှိ​သူ​သည် ဆိတ်သငယ်​ကို တောကန္တာရ​ထဲသို့ လွှတ်လိုက်​ရ​မည်​။

တော​လည် 14:34

သင်​တို့​သည် ထို​ပြည်​ကို​ရက်​ပေါင်း​လေးဆယ်​စူးစမ်း​ခဲ့​သည်​ဖြစ်၍ ထို​ရက်​များ​၏​အရေအတွက်​အတိုင်း တစ်ရက်​ကို တစ်နှစ်​ကျ​ဖြင့် သင်​တို့​၏​ဒုစရိုက်ဝန်​ကို နှစ်ပေါင်း​လေးဆယ်​ဆောင်​ရ​မည်​။ ဤသို့ ငါ​ဆန့်ကျင်​သည်​ကို သင်​တို့​သိ​ရ​လိမ့်မည်​’​ဟူ၍ ထာဝရဘုရား​မိန့်​တော်မူ​သည်​ဟု ဆင့်ဆို​လော့​။

တော​လည် 18:1

ထာဝရဘုရား​က အာရုန်​အား “​သန့်ရှင်းရာဌာန​နှင့်​ပတ်သက်၍ ပြစ်မှား​မိ​သော​အပြစ်​ကို သင်​နှင့်​သင်​၏​သား​များ​၊ သင့်​ဘိုးဘေး​၏​အမျိုးအနွယ်​များ ခံ​ကြ​ရ​မည်​။ ယဇ်ပုရောဟိတ်​အရိုက်အရာ​နှင့်​ပတ်သက်၍ ပြစ်မှား​မိ​သော​အပြစ်​ကို သင်​နှင့်​သင်​၏​သား​များ ခံ​ကြ​ရ​မည်​။

မဿဲ 8:17

ဤသည်ကား “ကိုယ်တော်​သည် အကျွန်ုပ်​တို့​၏​အားနည်း​ခြင်း​များ​ကို ယူဆောင်​၍ အကျွန်ုပ်​တို့​၏​ရောဂါ​များ​ကို သယ်ဆောင်​သွား​တော်မူ​၏”​ဟု ပရောဖက်​ဟေရှာယ​အားဖြင့် မိန့်​တော်မူ​သော​အရာ ပြည့်စုံ​ခြင်း​သို့​ရောက်​မည့်​အကြောင်း​တည်း။

ဟေ​ဗြဲ 9:28

ခရစ်တော်​သည်​လည်း များစွာ​သော​လူ​တို့​၏​အပြစ်​များ​ကို​ဆောင်ယူ​သွား​ရန် မိမိ​ကိုယ်​ကို​တစ်ကြိမ်တည်း​ပူဇော်​ပြီးမှ ဒုတိယ​အကြိမ်​၌​ကား အပြစ်​အတွက်​မ​ဟုတ်​ဘဲ မိမိ​ကို​စောင့်မျှော်​နေ​သော​သူ​တို့​အား ကယ်တင်​ရန်​အတွက် ပေါ်ထွန်း​တော်မူ​လိမ့်မည်။

၁ ပေ 2:24

ငါ​တို့​သည် အပြစ်​အရာ​၌ သေဆုံး​၍ ဖြောင့်မတ်​ခြင်း​အရာ​၌ အသက်ရှင်​မည့်​အကြောင်း ကိုယ်တော်​သည် သစ်​တိုင်​ပေါ်တွင် ငါ​တို့​အပြစ်​များ​ကို မိမိ​၏​ကိုယ်ခန္ဓာ​၌ ကိုယ်တော်​တိုင်​ဆောင်ယူ​တော်မူ​၏။ သင်​တို့​သည် ကိုယ်တော်​၏​ဒဏ်ချက်​တော်​အားဖြင့် အနာရောဂါ​ပျောက်ကင်း​ခြင်း​အခွင့်​ကို​ရရှိ​ကြ​၏။