ယေ​ဇ​ကျေ​လ 36:36 - မြန်​​​မာ့​​​စံ​​​မီ​​​သမ္မာ​​​ကျမ်း​​

³⁶ ငါ​ထာဝရဘုရား​သည် ဖျက်ဆီး​ခံရ​သော​မြို့​တို့​ကို ပြန်လည်​တည်ဆောက်​သော​ဘုရား​၊ လူသူကင်းမဲ့​သော​အရပ်​တို့​ကို ပြန်လည်​သက်ဝင်​စေ​သော​ဘုရား​ဖြစ်ကြောင်း သင့်​ဝန်းကျင်​ရှိ​အခြား​တိုင်းပြည်​တို့ သိ​ကြ​လိမ့်မည်​။ ငါ​ထာဝရဘုရား မိန့်ဆို​သည့်​အတိုင်း ပြု​မည်’​ဟု မိန့်​တော်မူ​၏​။

Common Language Bible

³⁶ ထို​အ​ခါ​ထာ​ဝ​ရ​ဘု​ရား​သည်​ပျက်​စီး ယို​ယွင်း​နေ​သော​မြို့​တို့​ကို​ပြန်​လည်​တည် ဆောက်​၍ စွန့်​ပစ်​ထား​သော​လယ်​ယာ​များ​ကို ပြန်​လည်​စိုက်​ပျိုး​တော်​မူ​ကြောင်း​ကို​သေ ဘေး​မှ​လွတ်​မြောက်​သော​နီး​နား​ဝန်း​ကျင်​ရှိ လူ​မျိုး​တို့​သိ​ရှိ​ကြ​လိမ့်​မည်။ ငါ​ထာ​ဝ​ရ ဘု​ရား​သည်​ဤ​အ​မှု​ကို​ပြု​မည်​ဟု က​တိ ထား​တော်​မူ​ပြီ'' ဟု​မိန့်​တော်​မူ​၏။

Garrad Bible

³⁶ မြို့ ပျက် များ ကို ပြု ပြင် သော အ ရှင်၊ ဆိတ် ညံ ရာ ကို စိုက် ပျိုး သော အ ရှင် ကား၊ ငါ ထာ ဝ ရ ဘု ရား ဖြစ် ကြောင်း၊ ငါ ထာ ဝ ရ ဘု ရား မိန့် ဆို လျက် စီ ရင် ကြောင်း များ ကို၊ ပတ် လည်၌ ကျန် ရစ် သော လူ မျိုး ခြား တို့ သိ ရ ကြ လ တ္တံ့ ဟု မိန့် တော် မူ ကြောင်း၊

Judson Bible

³⁶ ထို​အ​ခါ ပျက်​စီး​သော​အ​ရပ်​တို့​ကို ငါ​ထာ​ဝ​ရ​ဘု​ရား ပြု​ပြင်​ကြောင်း​ကို​လည်း​ကောင်း၊ စွန့်​ပစ်​သော​မြေ​တွင် လယ်​လုပ်​ကြောင်း​ကို​လည်း​ကောင်း၊ သင်​တို့​ပတ်​လည်၌​နေ​ရစ်​သော တစ်​ပါး​အ​မျိုး​သား​တို့​သည် သိ​ရ​ကြ​လိမ့်​မည်။ ငါ​ထာ​ဝ​ရ​ဘု​ရား​သည် မိန့်​မြွက်​သည်​အ​တိုင်း ပြု​မည်။

ယေ​ဇ​ကျေ​လ 36:36 ပူးပေါင်းရင်းမြစ်များ

ဆာ​လံ 126:2

ထိုအခါ ငါ​တို့​နှုတ်​သည် ရယ်မော​ခြင်း​နှင့်​လည်းကောင်း​၊ ငါ​တို့​လျှာ​သည် ရွှင်လန်း​စွာ ကြွေးကြော်​ခြင်း​နှင့်​လည်းကောင်း ပြည့်ဝ​၏​။ လူ​တို့​က​လည်း “​ထာဝရဘုရား​သည် သူ​တို့​အတွက် ကြီးမြတ်​သော​အမှု​ကို ပြု​တော်မူ​ပြီ​”​ဟု တိုင်းနိုင်ငံ​တို့​အလယ်​တွင်​ပြောဆို​ကြ​၏​။

ယေ​ရ​မိ 32:41

သူ​တို့​ကို ကောင်းစား​စေ​ရာ​၌ ငါ​နှစ်သက်အားရ​မည်​။ ငါ​သည် စိတ်စေတနာ​အပြည့်အဝ​၊ စိတ်ဝိညာဉ်​အကြွင်းမဲ့​ဖြင့် သူ​တို့​ကို ဤ​ပြည်​ထဲ၌ အခိုင်အမာ​နေရာချ​ထား​မည်’​ဟု မိန့်​တော်မူ​၏​။

ယေ​ရ​မိ 42:10

‘​ဤ​ပြည်​၌​သာ သင်​တို့​နေထိုင်​မည်​ဆို​လျှင် သင်​တို့​ကို တည်ဆောက်​မည်​၊ ဖြိုဖျက်​မည်​မ​ဟုတ်​။ သင်​တို့​ကို စိုက်ပျိုး​မည်​၊ နုတ်ပစ်​မည်​မ​ဟုတ်​။ သင်​တို့​ကို ဘေးအန္တရာယ်​နှင့် ကြုံ​စေ​ခဲ့​သောကြောင့် ငါ​ဝမ်းနည်း​၏​’​ဟု မိန့်​တော်မူ​၏​။

ယေ​ဇ​ကျေ​လ 17:24

ငါ​ထာဝရဘုရား​သည် မြင့်​သော​အပင်​ကို​နိမ့်​စေ​၍ နိမ့်​သော​အပင်​ကို​မြင့်​စေ​ကြောင်း​၊ စိမ်းလန်း​သော​အပင်​ကို​ခြောက်သွေ့​စေ​၍ ခြောက်သွေ့​သော​အပင်​ကို​ဝေဆာ​စေ​ကြောင်း ကွင်းပြင်​မှ​သစ်ပင်​ရှိသမျှ​တို့ သိ​ကြ​ရ​လိမ့်မည်​။ ငါ​ထာဝရဘုရား​သည် မိန့်ဆို​သည့်​အတိုင်း​ပြု​မည်’​ဟူ၍ မိန့်​တော်မူ​၏”​ဟု မိန့်ဆို​၏​။

ယေ​ဇ​ကျေ​လ 22:14

သင့်​ကို ဒဏ်ခတ်​သောအခါ သင်​ခံရပ်​နိုင်​မည်လော​။ သင့်​လက်​တို့ အားကြီး​နိုင်​မည်လော​။ ငါ​ထာဝရဘုရား​သည် မိန့်ဆို​သည့်​အတိုင်း ပြု​မည်​။

ယေ​ဇ​ကျေ​လ 24:14

ငါ​ထာဝရဘုရား မိန့်​တော်မူ​ပြီ​။ ထိုသို့​ပြု​ရ​မည့်​နေ့ ရောက်လာ​ပြီ​။ ငါ့​စိတ်​ကို ငါ​မ​ချုပ်တည်း​၊ မ​သနား​၊ စိတ်​မ​ပြောင်းလဲ​ဘဲ သင့်​အပြုအမူ​၊ အကျင့်အကြံ​အတိုင်း သင့်​ကို​စီရင်​မည်’​ဟူ၍ ဘုရားရှင်​ထာဝရဘုရား​မိန့်​တော်မူ​သည်”​ဟု မိန့်ဆို​၏​။

ယေ​ဇ​ကျေ​လ 34:30

သူ​တို့​၏​ဘုရားသခင် ငါ​ထာဝရဘုရား​သည် သူ​တို့​နှင့်အတူ​ရှိ​ကြောင်း​၊ အစ္စရေး​အမျိုးအနွယ်​သည် ငါ့​လူမျိုး​တော်​ဖြစ်ကြောင်း​ကို လူ​တို့​သိ​ကြ​လိမ့်မည်’​ဟူ၍ မိန့်​တော်မူ​သည်”​ဟု မိန့်ဆို​၏​။

ယေ​ဇ​ကျေ​လ 36:37

ဘုရားရှင်​ထာဝရဘုရား​က ‘အစ္စရေး​အမျိုး​တို့ တောင်းဆို​သည့်​အတိုင်း ငါ​ပြု​ပေး​မည်​။ သူ​တို့​ကို သိုး​တို့​ကဲ့သို့ တိုးပွား​စေ​မည်​။

ယေ​ဇ​ကျေ​လ 37:14

ငါ့​ဝိညာဉ်​ကို သင်​တို့​အထဲ​သို့ သွင်းပေး​မည်​ဖြစ်၍ သင်​တို့​သည် အသက်ရှင်​လိမ့်မည်​။ သင်​တို့​ကို သင်​တို့​၏​နေရင်းပြည်​၌ နေရာချ​ထား​မည်​။ ထိုအခါ ငါ​ထာဝရဘုရား​သည် ပြော​လျှင်​ပြော​သည့်​အတိုင်း ပြု​တတ်​သည်​ကို သင်​တို့​သိ​ရ​ကြ​လိမ့်မည်​ဟု မိန့်​တော်မူ​၏’​ဟူ၍ ပရောဖက်ပြု​ဟောပြော​လော့”​ဟု မိန့်ဆို​၏​။

ယေ​ဇ​ကျေ​လ 37:28

ဤသို့ ငါ​၏​သန့်ရှင်းရာဌာန​သည် သူ​တို့​၌ အစဉ်​တည်ရှိ​သောအခါ ငါ​ထာဝရဘုရား​သည် အစ္စရေး​လူမျိုး​တို့​ကို သန့်ရှင်း​စေ​သော​ဘုရား​ဖြစ်ကြောင်း လူမျိုးတကာ​တို့ သိ​ရ​လိမ့်မည်​ဟု မိန့်​တော်မူ​၏’​ဟူ၍ ဆင့်ဆို​လော့”​ဟု မိန့်ဆို​၏​။

တော​လည် 23:19

လိမ်လည်​ပြောဆို​ရ​အောင် ဘုရားသခင်​သည် လူ​ဖြစ်​သည်​မ​ဟုတ်​။ စိတ်ပြောင်းလဲ​ရ​အောင် လူသား​ဖြစ်​သည်​မ​ဟုတ်​။ ကိုယ်တော်​သည် မိန့်​တော်မူ​ပြီးမှ မ​ပြု​ဘဲ​နေ​တော်မူ​မည်လော​။ ကတိထား​တော်မူ​ပြီးမှ မ​တည်​ဘဲ​နေ​တော်မူ​မည်လော​။

မဿဲ 24:35

ကောင်းကင်​နှင့်​မြေကြီး​သည် ကွယ်ပျောက်​သွား​လိမ့်မည်။ ငါ့​စကား​မူကား မည်သည့်အခါမျှ ကွယ်ပျောက်​လိမ့်မည်​မ​ဟုတ်။