ယေ​ဇ​ကျေ​လ 34:18 - မြန်​​​မာ့​​​စံ​​​မီ​​​သမ္မာ​​​ကျမ်း​​

¹⁸ သင်​တို့​သည် ကောင်း​သော​စားကျက်မြေ​၌ ကျက်စား​ရ​သည်​မှာ မ​လုံလောက်​သေး​၍ ကျန်​သော​စားကျက်မြေ​ကို နင်းချေ​ပစ်​ရ​သလော​။ ကြည်လင်သန့်ရှင်း​သော​ရေ​ကို သောက်​ရ​သည်​မှာ မ​လုံလောက်​သေး​၍ ကျန်​သော​ရေ​ကို နောက်ကျိ​အောင် မွှေနှောက်​ပစ်​ရ​သလော​။

Common Language Bible

¹⁸ သင်​တို့​အ​ချို့​သည်​မြက်​အ​ကောင်း​ဆုံး​ကို စား​ရ​ကြ​သော်​လည်း​ကျေ​နပ်​မှု​မ​ရှိ။ မိ​မိ တို့​မ​စား​သည့်​မြက်​များ​ကို​ခြေ​ဖြင့်​နင်း ကြ​ပါ​သည်​တ​ကား။ သင်​တို့​သည်​ရေ​ကြည် ကို​သောက်​၍​သင်​တို့​မ​သောက်​သည့်​ရေ​ကို နောက်​ကျိ​အောင်​ပြု​ကြ​ပါ​သည်​တ​ကား။-

Garrad Bible

¹⁸ ကောင်း မွန် သော စား ကျက် တွင် ကျက် စား ခွင့် မ လုံ လောက် သည့် အ တွက် စား ကြွင်း ကို နင်း ချေ ခြင်း၊ ကြည် လင် သော ရေ သောက် ခွင့် မ လုံ လောက် သည့် အ တွက်၊ သောက် ကြွင်း ကို ခြေ ဖြင့် မွှေ နှောက် ခြင်း ပြု ကြ သေး သ လော၊

Judson Bible

¹⁸ သင်​တို့​သည် ကောင်း​သော ကျက်​စား​ရာ​အ​ရပ်၌ စား​သည်​သာ​မ​က၊ ကျန်​သော​မြက်​ပင်​ကို​နင်း​သော အ​မှု​သည် သာ​မ​ည​အ​မှု​ဖြစ်​သည်​ဟု ထင်​မှတ်​ကြ​သ​လော။ ကြည်​သော​ရေ​ကို​သောက်​သည်​သာ​မ​က၊ ကျန်​သော​ရေ​ကို ခြေ​နှင့် နောက်​စေ​သော​အ​မှု​သည် သာ​မ​ည​အ​မှု​ဖြစ်​သည်​ဟု ထင်​မှတ်​ကြ​သ​လော။

ယေ​ဇ​ကျေ​လ 34:18 ပူးပေါင်းရင်းမြစ်များ

ကမ္ဘာ​ဦး 30:15

လေအာ​က “​သင်​သည် ငါ့​ယောက်ျား​ကို ယူ​သည်​နှင့်ပင် မလုံလောက်​ဘဲ ငါ့​သား​ရ​ခဲ့​သော​ဒူးဒဲပင်​တို့​ကို​လည်း ယူ​လို​သေး​သလော​”​ဟု ဆို​၏​။ ရာခေလ​က​လည်း “​သို့ဖြစ်လျှင် သင့်​သား​ရ​ခဲ့​သော​ဒူးဒဲပင်​တို့​နှင့်​လဲလှယ်​သည့်​အနေဖြင့် ယနေ့ည​တွင် သင်​သည် ယာကုပ်​နှင့်အတူ​အိပ်​နိုင်​သည်​”​ဟု ဆို​၏​။

၂ ရာ 7:19

အို ဘုရားရှင်​ထာဝရဘုရား​၊ ဤ​အရာ​သည် ကိုယ်တော့်​အဖို့ အသေးအဖွဲ​သာ​ဖြစ်​ပါ​၏​။ ကိုယ်တော့်​အစေအပါး​၏​အနာဂတ်​မျိုးဆက်​နှင့်​ပတ်သက်၍​လည်း ကိုယ်တော်​မိန့်​တော်မူ​လေ​ပြီ​။ အို ဘုရားရှင်​ထာဝရဘုရား​၊ လူသား​တို့​သည် ထိုသို့ ပြုလေ့ပြုထ​ရှိ​ပါ​သလော​။

သုတ္တံကျမ်း။ 25:26

ဆိုးယုတ်​သော​သူ​ကို အလျှော့ပေး​လိုက်လျော​သည့် ဖြောင့်မတ်​သော​သူ​သည် နောက်ကျိ​သော​စမ်းရေတွင်း​၊ သို့မဟုတ် ညစ်ညမ်း​သော​ရေတွင်း​နှင့်​တူ​၏​။

ဟေ​ရှာ​ယ 32:6

မိုက်မဲ​သော​သူ​သည် မိုက်မဲ​သော​စကား​ကို​ပြောဆို​တတ်​၏​။ သူ​၏​စိတ်နှလုံး​သည် ဒုစရိုက်​ကို​ကြံစည်​တတ်​၏​။ သူတော်ကောင်း​ယောင်ဆောင်​ပြီး ထာဝရဘုရား​အကြောင်း​ကို မဟုတ်မမှန်​ပြောဆို​တတ်​၏​။ ဆာလောင်မွတ်သိပ်​သော​သူ​ကို အစာ​မကျွေး​၊ ရေငတ်​သော​သူ​ကို ရေ​မ​တိုက်​။

ဟေ​ရှာ​ယ 7:13

ထိုအခါ ဟေရှာယ​က “​ဒါဝိဒ်​အမျိုးအနွယ်​တို့​၊ နားထောင်​လော့​။ သင်​တို့​သည် လူ​တို့​ကို​စိတ်ပင်ပန်း​စေ​သည်​မှာ နည်း​သေး​၍ ငါ​၏​ဘုရားသခင်​ကို​ပါ စိတ်ပင်ပန်း​စေ​ကြ​မည်လော​။

ယေ​ဇ​ကျေ​လ 16:20

‘သင်​သည် ပြည့်တန်ဆာ​ပြု​ခြင်း​ဖြင့် မလုံလောက်​သေး​။ သင်​မွေးလာ​သော​သား​သမီး​တို့​ကို​ယူ​၍ ထို​ရုပ်တု​တို့​အား အစာ​အဖြစ် ပူဇော်​၏​။

ယေ​ဇ​ကျေ​လ 16:47

သင်​သည် သူ​တို့​လမ်း​အတိုင်း လိုက်လျှောက်​၏​။ သူ​တို့​ပြု​သော​စက်ဆုပ်ရွံရှာဖွယ်​အမှု​အတိုင်း​ပြု​သည်​သာမက အချိန်တို​အတွင်း​မှာပင် သင့်​အကျင့်​တို့​သည် သူ​တို့​ထက်​သာ၍ ယိုယွင်းပျက်စီး​လာ​၏’​ဟု မိန့်​တော်မူ​၏​။

ယေ​ဇ​ကျေ​လ 32:2

“​အချင်း​လူသား​၊ အီဂျစ်​ဘုရင်​ဖာရော​မင်းကြီး​အတွက် ငိုကြွေးမြည်တမ်း​လျက် ‘​သင်​သည် လူမျိုးတကာ​တို့​တွင် ခြင်္သေ့ပျို​နှင့်​တူ​၏​။ မြစ်ချောင်း​တို့​တွင် ကူးခတ်​သွားလာ​ပြီး ထို​မြစ်ချောင်း​တို့​ကို ခြေ​ဖြင့်​မွှေနှောက်​ကာ နောက်ကျိ​စေ​သော ပင်လယ်​မြွေနဂါး​နှင့်​တူ​၏’​ဟု သူ့​အား ဆင့်ဆို​လော့​။

ယေ​ဇ​ကျေ​လ 34:19

သင်​တို့​နင်းချေ​ခဲ့​သော စားကျက်မြေ​ကို ငါ့​သိုး​တို့​စား​ရ​မည်လော​။ သင်​တို့​နောက်ကျိ​အောင်​မွှေနှောက်​သော​ရေ​ကို ငါ့​သိုး​တို့​သောက်​ရ​မည်လော’​ဟု မိန့်​တော်မူ​၏​။

မိက္ခာ 2:2

သူ​တို့​သည် တပ်မက်​သဖြင့် လယ်မြေ​များ​ကို လုယူ​ကြ​၍ အိမ်​များ​ကို​လည်း သိမ်းပိုက်​ကြ​၏​။ ဤသို့ဖြင့် တစ်ပါးသူ​နှင့်​သူ​၏​အိမ်​၊ တစ်ပါးသူ​နှင့်​သူ​၏​အမွေဥစ္စာ​ကို အနိုင်အထက်ပြု​ကြ​၏​။

တော​လည် 16:13

ငါ​တို့​ကို ဤ​တောကန္တာရ​ထဲ၌ သေ​စေရန် နို့​နှင့်​ပျားရည်​စီး​သော​ပြည်​မှ ထုတ်ဆောင်​ခဲ့​သည်​မှာ မလုံလောက်​ဘဲ ငါ​တို့​အပေါ် မင်း​အဖြစ် အုပ်စိုး​လို​သေး​သလော​။

တော​လည် 16:9

အစ္စရေး​အမျိုး​၏​ဘုရားသခင်​သည် သင်​တို့​အား မိမိ​အထံ​တော်​သို့​ချဉ်းကပ်​ရန်​၊ ထာဝရဘုရား​၏​ကိန်းဝပ်​တော်မူ​ရာ​တဲ​တော်​နှင့်ဆိုင်သော​အမှု​ကို ဆောင်ရွက်​ရန်​၊ လူထု​တို့​၏​ရှေ့​၌​ရပ်​လျက် သူ​တို့​အမှု​ကို​ဆောင်ရွက်​ရန် အစ္စရေး​လူထု​ထဲမှ ခွဲခြားထား​သည်​မှာ သေးငယ်​သော​အမှု​လော​။

မဿဲ 23:13

သူတော်ကောင်း​ယောင်ဆောင်​သော ကျမ်းပြု​ဆရာ​နှင့်​ဖာရိရှဲ​တို့၊ သင်​တို့​သည် အမင်္ဂလာရှိ​ကြ​၏။ အကြောင်းမူကား သင်​တို့​သည် ကောင်းကင်​နိုင်ငံ​တော်​ကို လူ​တို့​ရှေ့၌​ပိတ်​ထား​၍ သင်​တို့​ကိုယ်တိုင်​လည်း​မ​ဝင်၊ ဝင်​လို​သော​သူ​များ​ကို​လည်း ဝင်​ခွင့်​မ​ပေး​ကြ။

လုကာ 11:52

ကျမ်းတတ်​ပုဂ္ဂိုလ်​တို့၊ သင်​တို့​သည် အမင်္ဂလာရှိ​ကြ​၏။ အကြောင်းမူကား သင်​တို့​သည် အသိပညာ​သော့​ကို​သိမ်းယူ​၍ ကိုယ်တိုင်​လည်း​မ​ဝင်၊ ဝင်​လို​သော​သူ​များ​ကို​လည်း တားဆီး​ကြ​၏”​ဟု မိန့်​တော်မူ​၏။