ယေ​ဇ​ကျေ​လ 33:30 - မြန်​​​မာ့​​​စံ​​​မီ​​​သမ္မာ​​​ကျမ်း​​

³⁰ အချင်း​လူသား​၊ သင့်​အမျိုးသားချင်း​တို့​က နံရံ​များ​၊ အိမ်​တံခါး​များ​အနီး​တွင် သင့်​ကို​ရည်မှတ်​၍ ‘​ထာဝရဘုရား​ထံ​မှ မည်သည့်​သတင်း​ကြား​ရ​မည်​ကို သွား​၍​နားထောင်​ကြ​စို့​’​ဟု အချင်းချင်း​ပြောဆို​တတ်​ကြ​၏​။

Common Language Bible

³⁰ ထာ​ဝ​ရ​ဘု​ရား​က``အ​ချင်း​လူ​သား၊ သင် ၏​အ​မျိုး​သား​တို့​သည်​မြို့​တံ​တိုင်း​များ အ​နီး​၌​သော်​လည်း​ကောင်း၊ မိ​မိ​တို့​အိမ် တံ​ခါး​ဝ​များ​၌​သော်​လည်း​ကောင်း တွေ့​ဆုံ မိ​ကြ​သော​အ​ခါ​သင်​၏​အ​ကြောင်း​ကို ပြော​ဆို​နေ​ကြ​၏။ သူ​တို့​က​ထာ​ဝ​ရ ဘုရား​အ​ဘယ်​သို့​အ​မိန့်​တော်​ရှိ​သည်​ကို ယ​ခု​ငါ​တို့​သွား​၍​နား​ထောင်​ကြ​ကုန် အံ့'' ဟု အ​ချင်း​ချင်း​ပြော​ဆို​ကြ​၏။-

Garrad Bible

³⁰ အ ချင်း လူ့ သား၊ အိမ် နံ ရံ၊ အိမ် ဝ များ အ နီး၌၊ သင့် ကို ရည် လျက် ပြော တတ် သော သင့် အ မျိုး သား ချင်း တို့ က၊ ထာ ဝ ရ ဘု ရား ထံ မှ ရောက် လာ သော ဗျာ ဒိတ် တော် ကို ကြား နာ ရန် လာ ကြ ကုန် ဟု၊ တစ် ယောက် ကို တစ် ယောက် အ ချင်း ချင်း ခေါ် ဖိတ် ကြ သည့် အ တိုင်း၊

Judson Bible

³⁰ ထို​မှ​တစ်​ပါး၊ အ​ချင်း​လူ​သား၊ သင်၏​အ​မျိုး​သား​ချင်း​တို့​က၊ ငါ​တို့​သွား​ကြ​ကုန်​အံ့။ ထာ​ဝ​ရ​ဘု​ရား​သည် အ​ဘယ်​သို့ ဗျာ​ဒိတ်​ပေး​တော်​မူ​သည်​ကို ကြား​ကြ​ကုန်​အံ့​ဟု၊ ထ​ရံ​နား၊ အိမ်​တံ​ခါး​နား​မှာ သင့်​ကို​ရည်​မှတ်၍ တစ်​ယောက်​ကို​တစ်​ယောက် ပြော​တတ်​ကြ၏။

ယေ​ဇ​ကျေ​လ 33:30 ပူးပေါင်းရင်းမြစ်များ

ဟေ​ရှာ​ယ 29:13

ဘုရားရှင်​က​လည်း “​ဤ​လူမျိုး​သည် နှုတ်​ဖြင့် ချဉ်းကပ်​၍ နှုတ်ခမ်း​ဖြင့် ငါ့​ကို​ဂုဏ်ပြုချီးမွမ်း​ကြ​၏​။ သူ​တို့​၏​စိတ်နှလုံး​မူကား ငါ​နှင့်​ဝေး​လှ​၏​။ သူ​တို့​သည် လူ​တို့​သွန်သင်​သော​ပညတ်ချက်​အရ ငါ့​ကို ကြောက်ရွံ့​ကြ​၏​။

ဟေ​ရှာ​ယ 58:2

သို့သော် ဖြောင့်မတ်​စွာ​ပြုကျင့်​၍ မိမိ​တို့​ဘုရားသခင်​၏​စီရင်ထုံးဖွဲ့ချက်​ကို မ​စွန့်ပယ်​သော​လူမျိုး​ကဲ့သို့ သူ​တို့​သည် နေ့တိုင်း ငါ့​ကို​ရှာ​၍ ငါ​၏​တရားလမ်း​တို့​ကို သိလို​ကြ​၏​။ ဖြောင့်မတ်​သော​စီရင်ထုံးဖွဲ့ချက်​ကို မေးမြန်း​ကြ​၏​။ ဘုရားသခင်​ထံ​တော်​သို့​ချဉ်းကပ်​ခြင်း​ကို နှစ်သက်​ကြ​၏​။

ယေ​ရ​မိ 18:18

လူ​တို့​က “​လာ​ကြ​၊ ယေရမိ​ကို လုပ်ကြံ​ကြ​စို့​။ အကြောင်းမူကား ယဇ်ပုရောဟိတ်​ထံမှ​လာ​သော တရားတော်​၊ ပညာရှိ​ထံမှ​လာ​သော အကြံဉာဏ်​၊ ပရောဖက်​ထံမှ​လာ​သော နှုတ်ကပတ်တော်​သည် ငါ​တို့​၌ ပျောက်ပျက်​မည်​မ​ဟုတ်​။ လာ​ကြ​၊ သူ့​ကို အပြစ်ရှာ​ကြ​စို့​။ သူ့​စကား​ကို နား​မ​ထောင်​ဘဲ​နေ​ကြ​စို့​”​ဟု ဆို​ကြ​၏​။

ယေ​ရ​မိ 23:35

‘​ထာဝရဘုရား မည်သို့​ပြန်ပြော​တော်မူ​သနည်း​။ ထာဝရဘုရား မည်သို့​မိန့်မြွက်​တော်မူ​သနည်း​’​ဟူ၍သာ အိမ်နီးချင်း​အချင်းချင်း​၊ ညီအစ်ကို​အချင်းချင်း မေးမြန်း​ရ​မည်​။

ယေ​ရ​မိ 42:20

သင်​တို့​က ‘​အကျွန်ုပ်​တို့​၏​ဘုရားသခင်​ထာဝရဘုရား​ထံ ဆုတောင်း​ပေး​ပါ​လော့​။ အကျွန်ုပ်​တို့​၏​ဘုရားသခင်​ထာဝရဘုရား မိန့်​တော်မူ​သမျှ​ကို ပြောပြ​ပါ​လော့​။ အကျွန်ုပ်​တို့ လိုက်နာ​ပါ​မည်​’​ဟု ငါ့​အား သင်​တို့​၏​ဘုရားသခင်​ထာဝရဘုရား​ထံ တောင်းလျှောက်​စေ​သည်​မှာ လိမ်လည်​ခြင်း​သာ​ဖြစ်​၏​။

ယေ​ဇ​ကျေ​လ 14:3

“​အချင်း​လူသား​၊ ဤ​လူ​တို့​သည် သူ​တို့​စိတ်​ထဲတွင် ရုပ်တု​များ​ကို နေရာပေး​လျက်​၊ သူ​တို့​ရှေ့​တွင် ဒုစရိုက်​ခလုတ်တံသင်း​ကို ချထား​လျက်​နှင့် ငါ့​အား​မေးလျှောက်​သည်​ကို ငါ​ခွင့်ပြု​ရ​မည်လော​။

ယေ​ဇ​ကျေ​လ 20:3

“​အချင်း​လူသား​၊ အစ္စရေး​သက်ကြီးဝါကြီး​တို့​အား ‘​ဘုရားရှင်​ထာဝရဘုရား​က ငါ့​ထံ​မေးလျှောက်​ရန် သင်​တို့​လာ​ကြ​သလော​။ စင်စစ် ငါ​အသက်ရှင်​သည်​နှင့်အညီ သင်​တို့​ကို မေးလျှောက်​ခွင့်​မ​ပြု​ဟူ၍ မိန့်​တော်မူ​သည်’​ဟု ဆင့်ဆို​လော့​။

ယေ​ဇ​ကျေ​လ 20:31

ဘုရားရှင်​ထာဝရဘုရား​က ‘အို အစ္စရေး​အမျိုးအနွယ်​တို့​၊ သင်​တို့​သည် ယနေ့​တိုင်အောင် ပူဇော်သက္ကာ​များ​အဖြစ် ကိုယ့်​သား​တို့​ကို မီးရှို့​ပူဇော်​လျက်​၊ ရုပ်တု​ရှိသမျှ​တို့​နောက်​သို့​လိုက်​၍ ကိုယ်ကို​ညစ်ညူး​စေ​လျက်​နှင့်​ပင် သင်​တို့​မေးလျှောက်​သည်​ကို ငါ​ခွင့်ပြု​ရ​မည်လော​။ စင်စစ် ငါ​အသက်ရှင်​သည်​နှင့်အညီ သင်​တို့​ကို ငါ့​ထံ​မေးလျှောက်​ခွင့်​မ​ပေး​။

ယေ​ဇ​ကျေ​လ 33:29

သူ​တို့​ပြု​ခဲ့​သော​စက်ဆုပ်ရွံရှာဖွယ်​အမှု​များ​ကြောင့် ထို​ပြည်​ကို လူသူကင်းမဲ့​ရာ​၊ ဆိတ်ညံ​ရာ​ဖြစ်​စေ​သောအခါ​မှ ငါ​သည် ထာဝရဘုရား​ဖြစ်ကြောင်း သူ​တို့​သိ​ကြ​လိမ့်မည်​ဟူ၍ မိန့်​တော်မူ​၏’​ဟု ဆင့်ဆို​လော့​။

မဿဲ 15:8

‘ဤ​လူ​တို့​သည် သူ​တို့​၏​နှုတ်​ဖြင့် ငါ့​ကို​ရိုသေ​ကြ​၏။ သို့သော် သူ​တို့​၏​စိတ်နှလုံး​သည် ငါ​နှင့်​ဝေး​လှ​၏။