ယေ​ဇ​ကျေ​လ 33:28 - မြန်​​​မာ့​​​စံ​​​မီ​​​သမ္မာ​​​ကျမ်း​​

²⁸ ထို​ပြည်​ကို လူသူကင်းမဲ့​ရာ​၊ ဆိတ်ညံ​ရာ ဖြစ်​စေ​မည်​။ သူ​ဂုဏ်ယူအားထား​ရာ သူ​၏​ခွန်အား​ကို​လည်း ကွယ်ပျောက်​စေ​မည်​။ အစ္စရေး​တောင်​တို့​သည် ဖြတ်သန်းသွားလာ​မည့်​သူ​မ​ရှိ​။ လူသူကင်းမဲ့​ရာ​ဖြစ်သွား​မည်​။

Common Language Bible

²⁸ ငါ​သည်​ထို​ပြည်​ကို​လူ​သူ​ဆိတ်​ငြိမ်​ရာ အ​ရပ်​ဖြစ်​စေ​မည်။ ပြည်​သူ​တို့​ဂုဏ်​ယူ​ဝါ ကြွား​ရာ​ဖြစ်​သည့်​တန်​ခိုး​အာ​ဏာ​သည် လည်း​ဆိတ်​သုဉ်း​သွား​လိမ့်​မည်။ မည်​သူ​မျှ ဖြတ်​သန်း​သွား​လာ​မှု​မ​ပြု​နိုင်​လောက်​အောင် ဣ​သ​ရေ​လ​တောင်​တို့​သည်​တော​ရိုင်း​ဖြစ် လိမ့်​မည်။-

Garrad Bible

²⁸ ပြည် တော် ကို ဆိတ် ညံ ရာ ဖုန်း ဆိုး ကုန်း ငါ ဖြစ် စေ မည့် အ လျောက်၊ မောက် မာ ရာ ခံ မြို့ ပ ပျောက် သည့် ပြင်၊ ဣ သ ရေ လ ခင် တန်း လည်း၊ ဖြတ် သန်း သူ ကင်း သော ဆိတ် ညံ ရာ ရောက် မည် ဖြစ်၍၊

Judson Bible

²⁸ တစ်​ပြည်​လုံး​ကို ငါ​သုတ်​သင်​ပယ်​ရှင်း​သ​ဖြင့်၊ သူ့​အ​စွမ်း​သ​တ္တိ၏​ဂုဏ်​အ​သ​ရေ​ကုန်၍၊ အ​ဘယ်​သူ​မျှ မ​လျှောက်​မ​သွား​ရ​အောင်၊ ဣ​သ​ရေ​လ​တောင်​တို့​သည် လူ​ဆိတ်​ညံ​လျက် ရှိ​ရ​ကြ​လိမ့်​မည်။

ယေ​ဇ​ကျေ​လ 33:28 ပူးပေါင်းရင်းမြစ်များ

၂ ရာ​ချုပ် 36:21

အစ္စရေး​မြေ​သည် မိမိ​၏​ဥပုသ်နေ့​များ​ကို​မွေ့လျော်​ရ​မည်​ဟူသော ယေရမိ​၏​နှုတ်​အားဖြင့် ထာဝရဘုရား​မိန့်​တော်မူ​သော​စကား အမှန်​ပြည့်စုံ​လာ​၍ လူသူကင်းမဲ့​သော​ကာလ​ပတ်လုံး အနှစ်​ခုနစ်ဆယ်​စေ့​သည်​အထိ ငြိမ်ဝပ်​စွာ​နေ​ရ​၏​။

ဟေ​ရှာ​ယ 41:15

ကြည့်ရှု​လော့​။ ငါ​သည် သင့်​ကို အသွား​ထက်​သည့် ကောက်နယ်​တန်ဆာပလာ​အသစ်​ဖြစ်စေ​မည်​။ သင်​သည် တောင်ကြီး​တို့​ကို နင်းနယ်​၍ ညက်ညက်ကြေ​စေ​မည်​။ တောင်ငယ်​တို့​ကို ဖွဲ​ကဲ့သို့​ဖြစ်စေ​မည်​။

ဟေ​ရှာ​ယ 6:11

ထိုအခါ ငါ​က “​အို ဘုရားရှင်​၊ မည်မျှ​ကြာ​ပါ​မည်နည်း​”​ဟု မေးလျှောက်​ရာ ကိုယ်တော်​က “​မြို့​တို့​သည်​ပျက်စီး​၍ နေထိုင်​သူ​မ​ရှိ​၊ အိမ်​တို့​တွင် လူ​မ​ရှိ​၊ တစ်ပြည်လုံး​သည် ပျက်စီး​၍ လူသူကင်းမဲ့​သည့်​တိုင်အောင်​၊

ယေ​ရ​မိ 16:16

ထာဝရဘုရား​က ‘ကြည့်ရှု​လော့​။ ငါ​သည် တံငါသည်​အမြောက်အမြား​စေလွှတ်​၍ သူ​တို့​ကို​မျှား​စေ​မည်​။ မုဆိုး​အမြောက်အမြား​တို့​ကို​လည်း စေလွှတ်​၍ တောင်ကြီး​တောင်ငယ်​၊ ကျောက်ကြိုကျောက်ကြား​မှ သူ​တို့​ကို လိုက်လံဖမ်းဆီး​စေ​မည်​။

ယေ​ရ​မိ 18:16

သူ​တို့​ပြည်​ကို လူသူကင်းမဲ့​ရာ​၊ အစဉ်​ကဲ့ရဲ့ပြစ်တင်စရာ ဖြစ်​စေ​သဖြင့် ထို​ပြည်​နား ဖြတ်သန်းသွားလာ​သူ​တိုင်း အံ့ဩ​လျက် ခေါင်း​ကို​ခါယမ်း​ကြ​လိမ့်မည်​။

ယေ​ရ​မိ 25:11

တိုင်းပြည်​တစ်ပြည်လုံး​သည် ပြိုပျက်​ရာ​၊ လူသူကင်းမဲ့​ရာ ဖြစ်​လိမ့်မည်​။ ဤ​ပြည်သူပြည်သား​တို့​သည် ဘေဘီလုံ​ဘုရင်​ကို အနှစ်​ခုနစ်ဆယ် အစေခံ​ရ​လိမ့်မည်​။

ယေ​ရ​မိ 44:2

“​အစ္စရေး​လူမျိုး​၏​ဘုရားသခင် ကောင်းကင်​ဗိုလ်ခြေ​အရှင်​ထာဝရဘုရား​က ‘​ဂျေရုဆလင်​မြို့​မှစ၍ ယုဒ​မြို့ရွာ​အားလုံး​အပေါ် ငါ​ကျရောက်​စေ​သည့် ဘေးအန္တရာယ်​အလုံးစုံ​ကို သင်​တို့​တွေ့မြင်​ခဲ့​ကြ​ပြီ​။ ယခု ထို​မြို့ရွာ​တို့​သည် ပြိုပျက်​ရာ​ဖြစ်​၍ နေထိုင်​သူ​ပင် မ​ရှိ​တော့​ပေ​။

ယေ​ရ​မိ 44:22

သင်​တို့​၏​ဆိုးညစ်​သော​လုပ်ရပ်​၊ သင်​တို့​ပြု​သော စက်ဆုပ်ရွံရှာဖွယ်​အမှု​များ​ကို ထာဝရဘုရား​သည် ဆက်​၍​သည်း​မ​ခံ​နိုင်​တော့​ပေ​။ ထို့ကြောင့် သင်​တို့​ပြည်​သည် ယခု​ကဲ့သို့ ပြိုပျက်​ရာ​၊ ထိတ်လန့်စရာ​၊ ကျိန်ဆဲစရာ​၊ လူသူကင်းမဲ့​ရာ ဖြစ်​လေ​ပြီ​။

ယေ​ရ​မိ 44:6

ထို့ကြောင့် ငါ့​အမျက်​ဒေါသ​မီး​ကို ငါ​သွန်ချ​သဖြင့် ယုဒ​မြို့ရွာ​များ​နှင့် ဂျေရုဆလင်​မြို့​လမ်း​တို့​ကို လောင်ကျွမ်း​လေ​ပြီ​။ ယခု​ကဲ့သို့ ပြိုပျက်​ရာ​အရပ်​၊ လူသူကင်းမဲ့​ရာ​အရပ် ဖြစ်​လေ​ပြီ’​ဟု မိန့်​တော်မူ​၏​။

ယေ​ရ​မိ 52:27

ဘေဘီလုံ​ဘုရင်​သည် ထို​သူ​တို့​ကို ဟာမတ်​ပြည်​၊ ရိဗလ​မြို့​တွင် ဒဏ်ခတ်​ကွပ်မျက်​လေ​၏​။ ဤသို့ဖြင့် ယုဒ​လူမျိုး​တို့​သည် နေရင်းပြည်​မှ ဖမ်းခေါ်​သွား​ခြင်း​ခံရ​လေ​၏​။

ယေ​ရ​မိ 9:10

ငါ​သည် တောင်​များ​အတွက် ငိုကြွေး​မြည်တမ်း​မည်​။ စားကျက်​တောကြီး​များ​အတွက် ကြေကွဲဝမ်းနည်း​မည်​။ အကြောင်းမူကား ထို​နေရာ​တို့​ကို မီးလောင်​သွား​ပြီ​။ ဖြတ်သန်းသွားလာ​သော​သူ​တစ်​ယောက်​မျှ​မ​ရှိ​။ သိုးနွား​တို့​၏​အသံ​ကို​မ​ကြား​ရ​။ ကောင်းကင်​ငှက်​များ​၊ တိရစ္ဆာန်​များ​သည်​လည်း အဝေး​သို့​ထွက်ပြေး​သွား​ကြ​ပြီ​။

ယေ​ရ​မိ 9:11

“ငါ​သည် ဂျေရုဆလင်​မြို့​ကို ကျောက်ပုံ​ဖြစ်​စေ​မည်​၊ ခွေးအ​တို့​ခိုအောင်း​ရာ ဖြစ်စေ​မည်​။ ယုဒ​မြို့​များ​ကို နေထိုင်​သူ​မ​ရှိ​၊ လူသူကင်းမဲ့​ရာ​အရပ် ဖြစ်​စေ​မည်​။”

ယေ​ဇ​ကျေ​လ 12:20

လူ​နေရာ​မြို့​တို့​သည် တိတ်ဆိတ်​သွား​လိမ့်မည်​။ ပြည်​သည် လူသူကင်းမဲ့​သွား​လိမ့်မည်​။ ထိုအခါ ငါ​သည် ထာဝရဘုရား​ဖြစ်ကြောင်း သင်​တို့​သိ​ကြ​မည်​ဟု မိန့်​တော်မူ​၏’​ဟူ၍ ဆင့်ဆို​လော့”​ဟု မိန့်ဆို​၏​။

ယေ​ဇ​ကျေ​လ 15:8

‘သူ​တို့​သည် ဖောက်ပြန်မှားယွင်း​သောကြောင့် သူ​တို့​ပြည်​ကို လူသူကင်းမဲ့​ရာ​ဖြစ်​စေ​မည်’​ဟူ၍ ဘုရားရှင်​ထာဝရဘုရား​မိန့်​တော်မူ​သည်”​ဟု မိန့်ဆို​၏​။

ယေ​ဇ​ကျေ​လ 24:21

‘အစ္စရေး​အမျိုးအနွယ်​အား ဘုရားရှင်​ထာဝရဘုရား​က ကြည့်ရှု​လော့​။ သင်​တို့​ဂုဏ်ယူ​အားထားရာ​၊ သင်​တို့​နှစ်သက်မြတ်နိုး​ရာ​၊ အလေးအမြတ်​ထား​ရာ ငါ​၏​သန့်ရှင်းရာဌာန​ကို ငါ​ညစ်ညူး​စေ​မည်​။ သင်​တို့​စွန့်ထား​ခဲ့​သော သင်​တို့​၏​သား​သမီး​တို့​သည် ဓား​ဖြင့်​သေ​ရ​မည်​။

ယေ​ဇ​ကျေ​လ 33:29

သူ​တို့​ပြု​ခဲ့​သော​စက်ဆုပ်ရွံရှာဖွယ်​အမှု​များ​ကြောင့် ထို​ပြည်​ကို လူသူကင်းမဲ့​ရာ​၊ ဆိတ်ညံ​ရာ​ဖြစ်​စေ​သောအခါ​မှ ငါ​သည် ထာဝရဘုရား​ဖြစ်ကြောင်း သူ​တို့​သိ​ကြ​လိမ့်မည်​ဟူ၍ မိန့်​တော်မူ​၏’​ဟု ဆင့်ဆို​လော့​။

ယေ​ဇ​ကျေ​လ 36:4

အို အစ္စရေး​တောင်တန်း​၊ ဘုရားရှင်​ထာဝရဘုရား​၏​စကား​တော်​ကို နားထောင်​လော့​။ တောင်ကုန်း​တောင်တန်း​များ​၊ မြစ်ချောင်း​ချိုင့်ဝှမ်း​များ​၊ လူသူကင်းမဲ့​သော​မြို့ပျက်​များ​၊ ဝန်းကျင်​ရှိ အခြား​တိုင်းပြည်​တို့​၏​လုယူဖျက်ဆီး​ခြင်း​၊ အထင်အမြင်သေး​ခြင်း​ခံရ​သော​မြို့​များ​အား ဘုရားရှင်​ထာဝရဘုရား ဤသို့​မိန့်​တော်မူ​၏​။

ယေ​ဇ​ကျေ​လ 5:14

ငါ​သည် သင့်​ကို ပြိုပျက်​ရာ ဖြစ်​စေ​မည်​။ သင့်​ဝန်းကျင်​ရှိ လူမျိုးတကာ​တို့​အလယ်​၊ ဖြတ်သန်းသွားလာ​သူ​တို့​အမြင်​တွင် ကဲ့ရဲ့စရာ​ဖြစ်စေ​မည်​။

ယေ​ဇ​ကျေ​လ 6:14

ငါ့​လက်​ကို​ဆန့်​၍ သူ​တို့​ကို ဆန့်ကျင်​မည်​။ ဒိဗလတ်​ကန္တာရ​မှစ၍ သူ​တို့​နေလေရာ​အရပ်ရပ်​တို့​ကို လူသူကင်းမဲ့​ရာ​၊ ဆိတ်ညံ​ရာ ဖြစ်​စေ​သောအခါ ငါ​သည် ထာဝရဘုရား​ဖြစ်ကြောင်း​ကို သူ​တို့​သိ​ကြ​လိမ့်မည်’​ဟူ၍ မိန့်​တော်မူ​သည်”​ဟု မိန့်ဆို​၏​။

ယေ​ဇ​ကျေ​လ 7:24

ငါ​သည် ဆိုးညစ်​သော​လူမျိုး​တို့​ကို ခေါ်​ခဲ့​၍ သူ​တို့​နေထိုင်​ရာ​အိမ်​များ​ကို သိမ်းပိုက်​စေ​မည်​။ ခွန်အားကြီး​သော​သူ​တို့​၏​မာန​ကို ချိုး​ပစ်​မည်​။ သူ​တို့​၏​သန့်ရှင်းရာဌာန​ကို ညစ်ညူး​စေ​မည်​။

ဝတ်​ပြု 26:19

ငါ​သည် သင်​တို့​၏​မာန​တန်ခိုး​ကို​ချိုး​၍ သင်​တို့​၏​မိုးကောင်းကင်​ကို သံ​ကဲ့သို့​လည်းကောင်း​၊ သင်​တို့​၏​မြေ​ကို ကြေးဝါ​ကဲ့သို့​လည်းကောင်း ဖြစ်​စေ​မည်​။

မိက္ခာ 7:13

မြေကြီးသား​တို့​ပြု​သော​အမှု​၏​အကျိုးဆက်​ကြောင့် ကမ္ဘာမြေကြီး​သည် လူဆိတ်ညံ​ရာ​ဖြစ်​လိမ့်မည်​။

ဇေဖနိ 1:2

“ငါ​သည် မြေပြင်​ပေါ် ရှိသမျှ​တို့​ကို အကုန်အစင်​ဖျက်ဆီး​ပစ်​မည်”​ဟု ထာဝရဘုရား​မိန့်​တော်မူ​၏​။