ယေ​ဇ​ကျေ​လ 33:12 - မြန်​​​မာ့​​​စံ​​​မီ​​​သမ္မာ​​​ကျမ်း​​

¹² အချင်း​လူသား​၊ သင်​၏​အမျိုးသားချင်း​တို့​အား ‘ဖြောင့်မတ်​သော​သူ​သည် သူ​အပြစ်​ကျူးလွန်​မိ​သောအခါ သူ​၏​ဖြောင့်မတ်​ခြင်း​သည် သူ့​ကို ကယ်တင်​မည်​မ​ဟုတ်​။ ဆိုးယုတ်​သော​သူ​သည်​လည်း သူ​၏​ဆိုးယုတ်​ခြင်း​လမ်း​မှ ပြန်လှည့်​သောအခါ သူ​ပြု​ခဲ့​သော​ဆိုးယုတ်မှု​သည် သူ့​အား ပြိုလဲ​စေ​မည်​မ​ဟုတ်​။ ဖြောင့်မတ်​သော​သူ အပြစ်ပြု​သောအခါ အသက်ရှင်​ခွင့်​ရ​မည်​မ​ဟုတ်’​ဟု ပြောကြား​လော့​။

Common Language Bible

¹² ``အ​ချင်း​လူ​သား၊ သူ​တော်​ကောင်း​အ​ပြစ် ကူး​လွန်​သော​အ​ခါ​သူ​ပြု​ခဲ့​သော​ကောင်း မှု​များ​က​သူ့​ကို​ကယ်​လိမ့်​မည်​မ​ဟုတ် ကြောင်း ဣ​သ​ရေ​လ​အ​မျိုး​သား​တို့​အား ပြော​ကြား​လော့။ အ​ကယ်​၍​ဆိုး​ညစ်​သူ သည်​မိ​မိ​၏​ဆိုး​ညစ်​မှု​ကို​ရပ်​စဲ​လိုက်​ပါ မူ​သူ​သည်​အ​ပြစ်​ဒဏ်​ကို​ခံ​ရ​တော့​မည် မ​ဟုတ်။ သူ​တော်​ကောင်း​သည်​အ​ပြစ်​ကူး လွန်​သော​အ​ခါ​သူ​သည်​အ​သက်​ချမ်း သာ​ရာ​ရ​မည်​မ​ဟုတ်။-

Garrad Bible

¹² အ ချင်း လူ့ သား၊ အ မျိုး သား ချင်း တို့ အား ဆင့် ဆို ရ မည် မှာ၊ ဖြောင့် မတ် သူ သည်၊ လွန် ကျူး မိ သော ကာ လ၌၊ ယ ခင် ဖြောင့် မတ် ခြင်း ကြောင့် ဘေး လွတ် ခွင့်၊ ပြစ် မှား မိ သော ကာ လ၌ အ သက် ရှင် ခွင့် ရ တော့ မည် မ ဟုတ်။ လူ ဆိုး လည်း၊ ဆိုး သွမ်း ခြင်း မှ ကြဉ် ရှောင် သော ကာ လ၌၊ ယ ခင် ဆိုး သွမ်း ခြင်း ကြောင့် ပြို လဲ မည် မ ဟုတ်။

Judson Bible

¹² သို့​ဖြစ်၍၊ အ​ချင်း​လူ​သား၊ သင်၏​အ​မျိုး​သား​ချင်း​တို့​အား ဟော​ပြော​ရ​မည်​မှာ၊ ဖြောင့်​မတ်​သော​သူ​သည် ဖောက်​ပြန်​လျှင်၊ အ​ရင်​ဖြောင့်​မတ်​ခြင်း​အ​မှု​သည် သူ့​ကို ကယ်​တင်​ရ​မည်​မ​ဟုတ်။ ဆိုး​သော​သူ​သည် ဆိုး​သော​အ​မှု​ကို​ရှောင်​လျှင်၊ အ​ရင်​ဆိုး​သော​အ​မှု​ကြောင့် ပျက်​စီး​ခြင်း​သို့ ရောက်​ရ​မည်​မ​ဟုတ်။ ဖြောင့်​မတ်​သော​သူ​သည် ပြစ်​မှား​သော​နေ့၌ အ​သက်​ရှင်​ရ​သော​အ​ခွင့် မ​ရှိ​ရ။

ယေ​ဇ​ကျေ​လ 33:12 ပူးပေါင်းရင်းမြစ်များ

၂ ရာ​ချုပ် 7:14

ငါ့​နာမ​ဖြင့်​သမုတ်​သော​ငါ့​လူမျိုး​တော်​တို့​သည် မိမိ​တို့​၏​ဆိုးညစ်​သော​လမ်း​မှ​ပြန်လှည့်​ပြီး ကိုယ်​ကို​နှိမ့်ချ​လျက် ငါ့​မျက်နှာ​ကို​ရှာ​ပြီး ဆုတောင်း​လျှင် ကောင်းကင်ဘုံ​မှ ငါ​နားညောင်း​မည်​။ သူ​တို့​၏​အပြစ်​များ​ကို​လည်း ခွင့်လွှတ်​ပြီး သူ​တို့​ပြည်​ကို ချမ်းသာ​စေ​မည်​။

ယေ​ရ​မိ 18:10

ငါ​မိန့်ဆို​သော​စကား​ကို​နား​မ​ထောင်​ဘဲ ငါ့​မျက်မှောက်​၌ မကောင်းမှု​ကို​ပြု​လျှင် ကောင်းစား​စေ​မည်​ဟု​ငါ​မိန့်ဆို​ခဲ့​သည်​မှ စိတ်ပြောင်းလဲ​မည်​”​ဟု မိန့်​တော်မူ​၏​။

ယေ​ရ​မိ 18:8

သတိပေး​ခံရ​သော​လူမျိုး​သည် မိမိ​ပြု​သော​မကောင်းမှု​မှ နောင်တရ​လျှင် သူ​တို့​အပေါ် ဘေးအန္တရာယ်​ကျရောက်​စေ​မည်​ဟူသော​အကြံအစည်​မှ စိတ်ပြောင်းလဲ​မည်​။

ယေ​ဇ​ကျေ​လ 18:21

သို့သော် ဆိုးယုတ်​သော​သူ​သည် မိမိ​ပြု​ခဲ့​သော​အပြစ်​ရှိသမျှ​တို့​ကို စွန့်လွှတ်​လျှင်​၊ ငါ​၏​ပြဋ္ဌာန်းချက်​ရှိသမျှ​တို့​ကို စောင့်ထိန်း​လျှင်​၊ တရားမျှတ​၍ ဖြောင့်မတ်​သော​အမှု​တို့​ကို​ပြု​လျှင် သူ​သည် အမှန်ပင် အသက်ချမ်းသာ​ရာ​ရ​လိမ့်မည်​၊ သေ​ရ​မည်​မ​ဟုတ်​။

ယေ​ဇ​ကျေ​လ 3:18

ဆိုးယုတ်​သော​သူ​အား ‘​သင်​မုချ​သေ​ရ​မည်​’​ဟု ငါ​ဆို​လျက်​နှင့် သူ​၏​ဆိုးယုတ်​ခြင်း​လမ်း​မှ ပြန်လှည့်​၍ အသက်ချမ်းသာ​ရ​ရန် သင်​သည် သူ့​ကို သတိ​မ​ပေး​၊ မ​ပြောပြ​ဘဲ​နေ​လျှင် ထို​ဆိုးယုတ်​သော​သူ​သည် သူ့​အပြစ်​ကြောင့် သေ​ရ​မည်​။ သို့သော် သူ့​အသက်​ကို သင့်​ထံမှ ပြန်တောင်း​မည်​။

ယေ​ဇ​ကျေ​လ 33:2

“​အချင်း​လူသား​၊ သင့်​အမျိုးသား​တို့​အား ဤသို့​ဆင့်ဆို​လော့​။ ထာဝရဘုရား​က ‘​ငါ​သည် ပြည်​ပေါ်သို့ ဓားဘေး​ကျရောက်​စေ​သောအခါ ပြည်သား​တို့​သည် သူ​တို့​ထဲ​မှ​ယောက်ျား​တစ်​ယောက်​ကို ကင်းစောင့်​အဖြစ် ရွေးချယ်​ခန့်ထား​၏​။

ယေ​ဇ​ကျေ​လ 33:20

သင်​တို့​က ‘​ထာဝရဘုရား​၏​နည်းလမ်း​တော်​သည် မတရား​’​ဟု ဆို​တတ်​ကြ​ပါ​သည်​တကား​။ အို အစ္စရေး​အမျိုးအနွယ်​တို့​၊ သင်​တို့​လျှောက်​သည့်​လမ်း​များ​အတိုင်း သင်​တို့​အသီးသီး​ကို ငါ​စီရင်​မည်”​ဟု မိန့်ဆို​၏​။

ရော​မ 3:25

ဘုရားသခင်​သည် မိမိ​၏​ဖြောင့်မတ်​ခြင်း​ကို​ထင်ရှား​စေရန် ခရစ်တော်​ကို​ခန့်ထား​၍ ယုံကြည်​ခြင်း​အတွက် ခရစ်တော်​၏​သွေး​တော်​ကို အသနားခံ​ခြင်း​ပူဇော်သက္ကာ​ဖြစ်​စေ​တော်မူ​၏။ တစ်နည်းဆိုသော် ဘုရားသခင်​သည် သည်းခံ​တော်မူ​ခြင်း​အားဖြင့် လွန်ခဲ့​ပြီး​သော​အပြစ်​များ​အတွက် အပြစ်​မ​ယူ​ဘဲ​နေ​တော်မူ​၏။

၁ ယော 2:1

ငါ့​သားသမီး​တို့၊ သင်​တို့​သည် အပြစ်​မ​ပြု​ကြ​စေရန် ဤ​အရာ​များ​ကို သင်​တို့​ထံ ငါ​ရေး​လိုက်​၏။ တစ်စုံတစ်ယောက်​သည် အပြစ်​ပြု​မိ​ခဲ့​လျှင် ခမည်းတော်​ထံ၌ ကူညီ​ဖြေရှင်း​ပေး​သူ​တည်းဟူသော ဖြောင့်မတ်​သည့်​အရှင်​ယေရှု​ခရစ်တော်​သည် ငါ​တို့​အတွက်​ရှိ​၏။