ယေ​ဇ​ကျေ​လ 32:18 - မြန်​​​မာ့​​​စံ​​​မီ​​​သမ္မာ​​​ကျမ်း​​

¹⁸ “​အချင်း​လူသား​၊ အီဂျစ်​လူအုပ်ကြီး​အတွက် ငိုကြွေးမြည်တမ်း​လော့​။ အီဂျစ်​ပြည်​နှင့် အင်အားကြီး​သော​လူမျိုး​တို့​၏​သမီးပျို​တို့​ကို တွင်း​ထဲ​ကျသွား​သော​သူ​တို့​နှင့်အတူ မြေကြီး​အောက်​တွင်းနက်​ထဲသို့ ပစ်ချ​လျက်

Common Language Bible

¹⁸ ကိုယ်​တော်​က``အ​ချင်း​လူ​သား၊ အီ​ဂျစ်​ပြည်​မှ မြောက်​မြား​စွာ​သော​လူ​အ​ပေါင်း​တို့​အ​တွက် ငို​ကြွေး​မြည်​တမ်း​လော့။ သူ​မ​ကို​အ​ခြား​တန် ခိုး​ကြီး​သူ​လူ​မျိုး​များ​၏​သ​မီး​ပျို​များ နှင့်​အ​တူ မ​ရ​ဏာ​နိုင်​ငံ​သို့​ပို့​ဆောင်​လော့။

Garrad Bible

¹⁸ အ ချင်း လူ့ သား၊ အိ ဂျစ် ပြည် သူ ပြည် သား တို့ နှင့်၊ လူ မျိုး ကြီး လူ မျိုး မြတ် တို့၏ သ မီး များ ကို၊ သင်္ချိုင်း တွင်း ဆင်း ရ သူ တို့ နှင့် တ ကွ၊ မြေ ပ ထ ဝီ နက် ရှိုင်း ရာ သို့ ချ အပ် လျက်၊ မြည် တမ်း ချက် ဖွဲ့ ဆို ရ မည် မှာ၊

Judson Bible

¹⁸ အ​ချင်း​လူ​သား၊ အဲ​ဂု​တ္တု​ပြည်​သား​အ​လုံး​အ​ရင်း​အ​တွက် မြည်​တမ်း​ခြင်း​ကို ပြု​လော့။ မြေ​တွင်း​ထဲ​သို့ ဆင်း​သွား​သော သူ​တို့​နေ​ရာ မြေ​အောက်​အ​ရပ်​သို့ တိုင်​အောင်၊ ကျော်​စော​သော​လူ​မျိုး သ​တို့​သ​မီး​တို့​နှင့်​တ​ကွ နှိမ့်​ချ​လျက် မြွက်​ဆို​ရ​မည်​မှာ၊

ယေ​ဇ​ကျေ​လ 32:18 ပူးပေါင်းရင်းမြစ်များ

ဆာ​လံ 30:9

အကျွန်ုပ်​သေဆုံး​ခြင်း​အားဖြင့်​၊ သေတွင်း​သို့​အကျွန်ုပ်​ဆင်းသွား​ခြင်း​အားဖြင့် မည်သည့်​အကျိုး​ရှိ​ပါ​မည်နည်း​။ မြေမှုန့်​သည် ကိုယ်တော်​ကို​ချီးမွမ်း​ပါ​မည်လော​။ ကိုယ်တော်​၏​သမ္မာတရား​ကို ပြောကြား​ပါ​မည်လော​။

ဆာ​လံ 63:9

အကျွန်ုပ်​၏​အသက်​ကို​ပျက်စီးဆုံးပါး​စေရန် ရှာကြံ​သော​သူ​တို့​သည် မြေကြီး​၏​နက်သောအရပ်​သို့ ရောက်သွား​ကြ​လိမ့်မည်​။

ဟေ​ရှာ​ယ 14:15

သို့သော် သင်​သည် မရဏာနိုင်ငံ​၊ တွင်း​၏​အနက်ဆုံး​နေရာ​သို့ ကျသွား​လိမ့်မည်​။

ဟေ​ရှာ​ယ 16:9

ထို့ကြောင့် ယာဇာ​မြို့​အတွက် ငိုကြွေး​သကဲ့သို့ စိဗမာ​စပျစ်ပင်​အတွက်​လည်း ငါ​ငိုကြွေး​၏​။ အို ဟေရှဘုန်​မြို့​၊ အို ဧလာလေ​မြို့​၊ သင့်​ကို ငါ့​မျက်ရည်​ဖြင့် ရွှဲရွှဲစို​စေ​မည်​။ အကြောင်းမူကား သင်​၏​နွေရာသီသီးနှံ​အတွက်​၊ သင်​၏​သီးနှံရိတ်သိမ်း​ခြင်း​အတွက် ကြွေးကြော်​သံ ငြိမ်း​လေ​ပြီ​။

ယေ​ရ​မိ 1:10

လူမျိုးခြား​များ​နှင့် တိုင်းနိုင်ငံ​များ​ကို နုတ်ပယ်​ဖြိုချ​ရန်​၊ ဖျက်ဆီး​မှောက်လှန်​ရန်​၊ တည်ထောင်​ပြုစု​ရန် ယနေ့ သင့်​အား ငါ​ခန့်ထား​ပြီ​”​ဟု မိန့်​တော်မူ​၏​။

ယေ​ဇ​ကျေ​လ 26:20

ရှေး​လူ​တို့​ရောက်သွား​ရာ တွင်း​ထဲသို့ သင့်​ကို​ရောက်သွား​စေ​မည်​။ ရှေးကာလ​ကတည်းက​ပြိုပျက်​ရာ မြေကြီး​အောက်​တွင်းနက်​ထဲတွင် ထို​သူ​တို့​နှင့်အတူ သင့်​ကို​နေထိုင်​စေ​မည်​။ သင်​ပြန်လာ​ရ​မည်​မ​ဟုတ်​။ အသက်ရှင်​သူ​တို့​၏​ပြည်​၌​ကား ဂုဏ်သရေ​ရှိ​စေ​မည်’​ဟု မိန့်​တော်မူ​၏​။

ယေ​ဇ​ကျေ​လ 31:14

ထို့ကြောင့် ရေ​နား​မှာ​ရှိ​သော​အပင်​တို့​သည် မြင့်​နိုင်​တော့​မည်​မ​ဟုတ်​။ အပင်​ထိပ်ဖျား​သည် မိုးတိမ်​ထိ​အောင် မြင့်​နိုင်​တော့​မည်​မ​ဟုတ်​။ ရေ​အလုံအလောက်​ရ​သော​အပင်​အားလုံး​တို့​လည်း မြင့်​နိုင်​တော့​မည်​မ​ဟုတ်​။ အကြောင်းမူကား ထို​အပင်​ရှိသမျှ​တို့​ကို သေ​ခြင်း​လက်​သို့ ပေးအပ်​ထား​ပြီ​ဖြစ်​၍ လူသား​တို့​နှင့်အတူ မြေကြီး​အောက်​တွင်းနက်​ထဲသို့ ဆင်းသွား​ရ​မည်’​ဟု မိန့်​တော်မူ​၏​။

ယေ​ဇ​ကျေ​လ 31:16

တွင်း​ထဲ​ကျသွား​သူ​တို့​နှင့်အတူ သူ့​ကို​မရဏာနိုင်ငံ​ထဲသို့ ကျသွား​စေ​သောအခါ သူ​ကျသွား​သော​အသံ​ကြောင့် လူမျိုးတကာ​တို့​လည်း တုန်လှုပ်​ကြ​၏​။ ထိုအခါ ဧဒင်​ဥယျာဉ်​မှ အပင်​များ​၊ လက်ဘနွန်​တောင်​မှ အကောင်းတကာ့​အကောင်းဆုံး​အပင်​များ​၊ ရေ​ဝ​သော​အပင်​များ​လည်း မြေကြီး​အောက်​အရပ်​၌ စိတ်သက်သာ​ရာ​ရ​လိမ့်မည်​။

ယေ​ဇ​ကျေ​လ 32:12

သင်​၏​လူအလုံးအရင်း​ကို ခွန်အားကြီး​သော​စစ်သူရဲ​တို့​၏​ဓား​ဖြင့် ကျဆုံး​စေ​မည်​။ အကြမ်းကြုတ်ဆုံး​လူမျိုး​အပေါင်း​တို့​သည် အီဂျစ်​ပြည်​၏​မာန​ကို ချိုး​ပစ်​လိမ့်မည်​။ သူ​၏​လူအလုံးအရင်း​တို့​သည် ပျက်စီး​သွား​ရ​လိမ့်မည်’​ဟု မိန့်​တော်မူ​၏​။

ယေ​ဇ​ကျေ​လ 32:16

လူမျိုးတကာ​တို့​မှ ငိုချင်းသည်​မိန်းမ​တို့​က ငိုချင်းဆို​ကြ​လိမ့်မည်​။ အီဂျစ်​ပြည်​နှင့် သူ​၏​လူအလုံးအရင်း​တို့​ကြောင့် ငိုချင်းဆို​ကြ​လိမ့်မည်​။ ဤသည်ကား အီဂျစ်​ပြည်​အတွက် ငိုချင်း​ဖြစ်​၏’​ဟူ၍ ဘုရားရှင်​ထာဝရဘုရား မိန့်​တော်မူ​သည်”​ဟု မိန့်ဆို​၏​။

ယေ​ဇ​ကျေ​လ 32:2

“​အချင်း​လူသား​၊ အီဂျစ်​ဘုရင်​ဖာရော​မင်းကြီး​အတွက် ငိုကြွေးမြည်တမ်း​လျက် ‘​သင်​သည် လူမျိုးတကာ​တို့​တွင် ခြင်္သေ့ပျို​နှင့်​တူ​၏​။ မြစ်ချောင်း​တို့​တွင် ကူးခတ်​သွားလာ​ပြီး ထို​မြစ်ချောင်း​တို့​ကို ခြေ​ဖြင့်​မွှေနှောက်​ကာ နောက်ကျိ​စေ​သော ပင်လယ်​မြွေနဂါး​နှင့်​တူ​၏’​ဟု သူ့​အား ဆင့်ဆို​လော့​။

ယေ​ဇ​ကျေ​လ 32:21

မရဏာနိုင်ငံ​သို့​ရောက်​နှင့်​နေ​သော အားကြီး​သော​သူရဲကောင်း​တို့​သည် အီဂျစ်​နှင့်​သူ​၏​မဟာမိတ်​တို့​အား ‘​သူ​တို့​သည် ဓား​ဖြင့်​အသတ်ခံရ​သော အရေဖျားလှီး​ခြင်း​မခံ​သူ​တို့​ရှိ​ရာ​သို့ ဆင်း​၍ သူ​တို့​နှင့်အတူ လဲလျောင်း​ရ​ပါ​ပြီ​’​ဟု ဆို​ကြ​လိမ့်မည်​။

ယေ​ဇ​ကျေ​လ 43:3

ငါ​မြင်​ရ​သော​ဗျာဒိတ်အာရုံ​သည် ဘုရားသခင်​က မြို့​ကို​လာ​ဖျက်ဆီး​မည်​ဟု မိန့်ဆို​ခဲ့​စဉ်က မြင်​ခဲ့​ရ​သော ဗျာဒိတ်အာရုံ​နှင့်​တူ​၏​။ ထို​ဗျာဒိတ်အာရုံ​သည် ခေဗာ​မြစ်​နား​၌ ငါ​မြင်​ခဲ့​သော နိမိတ်အာရုံ​နှင့်​လည်း​တူ​၏​။ ထိုအခါ ငါ​ပျပ်ဝပ်​လေ​၏​။

ဟော​ရှေ 6:5

ထို့ကြောင့် သူ​တို့​ကို ပရောဖက်​များ​အားဖြင့် ချိုင်​ပစ်​ပြီ​။ ငါ့​နှုတ်ထွက်​စကား​များ​အားဖြင့် ကွပ်မျက်​ပစ်​ပြီ​။ ငါ​၏​စီရင်ချက်​တို့​သည် နေ့​အလင်း​ကဲ့သို့ ထွန်းလင်း​တောက်ပ​၏​။

မိက္ခာ 1:8

ထို့အတွက်ကြောင့် အကျွန်ုပ်​ငိုကြွေး​မြည်တမ်း​မည်​။ ဖိနပ်မစီး​၊ အဝတ်မဝတ်​ဘဲ သွားလာ​မည်​။ ခွေးအ​ကဲ့သို့​အူ​ပြီး ငှက်ကုလားအုတ်​ကဲ့သို့ အော်မြည်​မည်​။

မဿဲ 11:23

ကပေရနောင်​မြို့၊ သင်​သည် ကောင်းကင်​အထိ ချီးမြှောက်​ခြင်း​ကို​ခံရ​ပါ​မည်​လော။ သင်​သည် မရဏာ​နိုင်ငံ​တိုင်အောင် ကျဆင်း​ရ​လိမ့်မည်။ အကြောင်းမူကား သင်​၌​ပြု​ခဲ့​သော​တန်ခိုး​လက္ခဏာ​များ​ကို သောဒုံ​မြို့​၌ ပြု​ခဲ့​လျှင် ထို​မြို့​သည် ယနေ့​တိုင်အောင် တည်ရှိ​ခဲ့​ပေ​လိမ့်မည်။

လုကာ 19:41

ထို့နောက် ကိုယ်တော်​သည် ဂျေရုဆလင်​မြို့​အနီး​သို့​ရောက်လာ​၍ ထို​မြို့​ကို​မြင်​တော်မူ​လျှင် ၎င်း​အတွက် ငိုကြွေး​လျက်

ရော​မ 12:15

ဝမ်းမြောက်​သော​သူ​တို့​နှင့်အတူ​ဝမ်းမြောက်​၍ ငိုကြွေး​သော​သူ​တို့​နှင့်အတူ​ငိုကြွေး​ကြ​လော့။