ယေ​ဇ​ကျေ​လ 3:21 - မြန်​​​မာ့​​​စံ​​​မီ​​​သမ္မာ​​​ကျမ်း​​

²¹ အကယ်၍ ဖြောင့်မတ်​သော​သူ​အား အပြစ်​မ​ပြု​ရန် သင်​သတိပေး​သဖြင့် သူ​သည် အပြစ်​မ​ပြု​ဘဲ​နေ​လျှင် ထိုသို့​သတိပေး​သည်​ကို ခံယူ​သောကြောင့် သူ​သည် မုချ​အသက်ရှင်​မည်​။ သင်​သည်​လည်း အသက်ချမ်းသာ​ရာ​ရ​လိမ့်မည်​”​ဟု မိန့်ဆို​၏​။

Common Language Bible

²¹ သင်​သည်​ဖြောင့်​မတ်​သော​သူ​တစ်​စုံ​တစ်​ယောက် အား အ​ပြစ်​မ​ကူး​လွန်​စေ​ရန်​သ​တိ​ပေး​၍ သူ​သည်​လည်း​သင့်​စ​ကား​ကို​နား​ထောင်​ကာ အ​ပြစ်​မ​ကူး​လွန်​ဘဲ​နေ​ပါ​မူ​သူ​သည်​သေ ရ​လိမ့်​မည်​မ​ဟုတ်။ သင်​သည်​လည်း​အ​သက် ချမ်း​သာ​ရာ​ရ​လိမ့်​မည်'' ဟု​မိန့်​တော်​မူ​၏။

Garrad Bible

²¹ သူ တော် ကောင်း မ ပြစ် မှား ရ ဟု၊ သင် သ တိ ပေး သည့် အ တိုင်း၊ မ ပြစ် မှား ဘဲ နေ လျှင်၊ သ တိ မူ သည့် အ တွက် မု ချ အ သက် ချမ်း သာ ရ လိမ့် မည်။ သင် လည်း ကိုယ့် အ သက် ကို ကယ် လေ ပြီ ဟု မိန့် တော် မူ ၏။

Judson Bible

²¹ သို့​မ​ဟုတ်၊ ဖြောင့်​မတ်​သော​သူ​သည် ဒု​စ​ရိုက်​ကို မ​ပြု​မည်​အ​ကြောင်း၊ သင်​သည်​သ​တိ​ပေး၍ သူ​သည် ဒု​စ​ရိုက်​ကို မ​ပြု​ဘဲ​နေ​လျှင်၊ သ​တိ​ပေး​သော ကျေး​ဇူး​ကြောင့် စင်​စစ် အ​သက်​ချမ်း​သာ​လိမ့်​မည်။ သင်​သည်​လည်း၊ ကိုယ်​အ​သက်​ဝိ​ညာဉ်​ကို ကယ်​နုတ်​လေ​ပြီ​ဟု မိန့်​တော်​မူ၏။

ယေ​ဇ​ကျေ​လ 3:21 ပူးပေါင်းရင်းမြစ်များ

ဆာ​လံ 19:11

၎င်း​တို့​အားဖြင့် ကိုယ်တော်​၏​အစေအပါး​သည် သတိပေး​ခြင်း​ကို​ခံရ​ပါ​၏​။ ၎င်း​တို့​ကို​စောင့်ထိန်း​ခြင်း​အကျိုး​သည် ကြီးမား​လှ​ပါ​၏​။

သုတ္တံကျမ်း။ 17:10

အသိဉာဏ်​ရှိ​သော​သူ​ကို တစ်ကြိမ်​ဆုံးမ​ခြင်း​သည် မိုက်မဲ​သော​သူ​ကို အကြိမ်​တစ်ရာ​ရိုက်​ခြင်း​ထက် ပို၍​အရာ​ရောက်​၏​။

သုတ္တံကျမ်း။ 9:9

ပညာရှိ​သော​သူ​အား ပညာ​ကို​ပေး​လော့​။ သို့ပြုလျှင် သူ​သည် ပို၍​ပညာရှိ​လာ​လိမ့်မည်​။ ဖြောင့်မတ်​သော​သူ​ကို သွန်သင်​လော့​။ သို့ပြုလျှင် သူ​သည် ပညာ​တိုးပွား​လိမ့်မည်​။

ယေ​ဇ​ကျေ​လ 33:9

အကယ်၍ ဆိုးယုတ်​သော​သူ​အား ဆိုးယုတ်​သော​လမ်း​မှ​ပြန်လှည့်​စေရန် သင်​သတိပေး​သော်လည်း သူ​သည် ပြန်​မ​လှည့်​ဘဲ​နေ​လျှင် သူ့​အပြစ်​ကြောင့် သူ​သေ​ရ​မည်​။ သင်​မူကား အသက်ချမ်းသာ​ရာ​ရ​မည်​။

တမန်တော်ဝတ္ထု 20:31

ထို့ကြောင့် ငါ​သည် သင်​တို့​တစ်ဦးစီ​ကို သုံး​နှစ်​ပတ်လုံး နေ့​ည​မ​ပြတ် မျက်ရည်​ဖြင့် သတိပေး​ဆုံးမ​ခဲ့​သည်​ကို အောက်မေ့​လျက် သတိ​ဝီရိယ​ရှိ​ကြ​လော့။

၁ ကော 10:12

ထို့ကြောင့် ရပ်​နေ​သည်​ဟု​ထင်မှတ်​သော​သူ​သည် မ​လဲ​စေရန် သတိပြု​စေ။

၁ ကော 4:14

ဤ​အရာ​များ​ကို ငါ​ရေး​လိုက်​ခြင်း​မှာ သင်​တို့​အား အရှက်ရ​စေရန်​မ​ဟုတ်​ဘဲ ငါ​၏​ချစ်​သားသမီး​များ​အဖြစ် သတိပေး​ဆုံးမ​ရန်​သာ​ဖြစ်​၏။

ကော​လော​သဲ 1:28

ငါ​တို့​သည် လူ​တိုင်း​ကို ခရစ်တော်​၌​စုံလင်​ရင့်ကျက်​သော​သူ​အဖြစ် ဆက်သ​နိုင်​ရန် လူ​တိုင်း​ကို သတိပေး​ဆုံးမ​ကာ ဉာဏ်ပညာ​ရှိသမျှ​တို့​ဖြင့် လူ​တိုင်း​ကို သွန်သင်​လျက် ထို​သခင်​အကြောင်း​ကို ဟောပြော​ကြ​၏။

၁ သက် 5:14

ညီအစ်ကို​တို့၊ သင်​တို့​အား ငါ​တို့​တိုက်တွန်း​နှိုးဆော်​သည်​ကား စည်းမဲ့​ကမ်းမဲ့​နေ​သော​သူ​တို့​ကို သတိပေး​ဆုံးမ​ကြ​လော့။ စိတ်အားငယ်​သော​သူ​တို့​ကို နှစ်သိမ့်​ကြ​လော့။ အားနည်း​သော​သူ​တို့​ကို ထောက်မ​ကြ​လော့။ လူ​အပေါင်း​တို့​အပေါ် စိတ်ရှည်​သည်းခံ​ကြ​လော့။

၁ တိ 4:16

သင့်ကိုယ်သင်​သော်လည်းကောင်း၊ သင်​၏​သွန်သင်​ချက်​ကို​သော်လည်းကောင်း ဂရုစိုက်​၍ ထို​သွန်သင်ချက်​တို့​၌ အမြဲ​တည်​နေ​လော့။ အကြောင်းမူကား သင်​သည် ထိုသို့​ပြု​ခြင်း​ဖြင့် သင့်ကိုယ်သင်​နှင့် သင့်​ကို​နားထောင်​သော​သူ​တို့​ကို ကယ်တင်​လိမ့်မည်။

တိ​တု 2:15

သင်​သည် ဤ​အရာ​များ​ကို အမိန့်​အာဏာ​အပြည့်အဝ​ဖြင့်​ဟောပြော​လျက် တိုက်တွန်း​နှိုးဆော်​ကာ အပြစ်​ကို​ဖော်ပြ​လော့။ မည်သူမျှ သင့်​ကို မထီမဲ့မြင်​မ​ပြု​စေ​နှင့်။

ယာ​ကုပ် 5:20

အပြစ်သား​ကို သူ​၏​မှားယွင်း​သော​လမ်း​မှ ပြန်လည်​ခေါ်ဆောင်​လာ​သော​ထို​သူ​သည် လမ်းလွဲ​ခဲ့​သူ​၏​စိတ်ဝိညာဉ်​ကို သေ​ခြင်း​မှ​ကယ်တင်​၍ များစွာ​သော​အပြစ်​တို့​ကို​ဖုံးအုပ်​ပေး​မည်​ဖြစ်​ကြောင်း သိမှတ်​ပါစေ။

ဗျာ​ဒိတ် 3:19

ငါ​သည် ငါ​ချစ်​သမျှ​သော​သူ​တို့​၏​အပြစ်​ကို​ဖော်ပြ​၍ ဆုံးမ​ပဲ့ပြင်​တတ်​၏။ ထို့ကြောင့် စိတ်အားထက်သန်​ခြင်း​ရှိ​၍ နောင်တရ​လော့။