ယေ​ဇ​ကျေ​လ 29:12 - မြန်​​​မာ့​​​စံ​​​မီ​​​သမ္မာ​​​ကျမ်း​​

¹² ငါ​သည် အီဂျစ်​ပြည်​ကို လူသူကင်းမဲ့​သော​ပြည်​တကာ​ထက် လူသူအကင်းမဲ့ဆုံး​ပြည် ဖြစ်​စေ​မည်​။ ပြိုပျက်​ရာ​မြို့​များ​ကြား​တွင် အီဂျစ်​မြို့​များ​သည်​လည်း အနှစ်​လေးဆယ်​ပတ်လုံး ပြိုပျက်​နေ​လိမ့်မည်​။ ငါ​သည် အီဂျစ်​ပြည်သား​တို့​ကို လူမျိုးတကာ​တို့​အလယ်​သို့ ကွဲလွင့်​စေ​မည်​။ အတိုင်းတိုင်း​အပြည်ပြည်​သို့ တကွဲတပြား​ဖြစ်စေ​မည်’​ဟု မိန့်​တော်မူ​၏​။

Common Language Bible

¹² ငါ​သည်​အီ​ဂျစ်​ပြည်​ကို​ကမ္ဘာ​ပေါ်​တွင်​လူ​သူ အ​ဆိတ်​ငြိမ်​ဆုံး​အ​ရပ်​ဖြစ်​စေ​မည်။ အ​နှစ် လေး​ဆယ်​တိုင်​တိုင်​အီ​ဂျစ်​ပြည်​မှ​မြို့​များ သည်​အ​ခြား​အ​ဘယ်​မြို့​နှင့်​မျှ​မ​တူ​အောင် ပျက်​စီး​ယို​ယွင်း​၍​နေ​လိမ့်​မည်။ ငါ​သည် အီ​ဂျစ်​ပြည်​သား​တို့​အား​ဒုက္ခ​သည်​များ ဖြစ်​စေ​မည်။ သူ​တို့​သည်​အ​တိုင်း​တိုင်း အ​ပြည်​ပြည်​သို့​ထွက်​ပြေး​ကာ​လူ​မျိုး ခြား​တို့​ထံ​တွင်​နေ​ထိုင်​ရ​ကြ​လိမ့်​မည်'' ဟု​မိန့်​တော်​မူ​၏။

Garrad Bible

¹² ဆိတ် ညံ ရာ ရောက် သော တိုင်း နိုင် ငံ များ အ လယ် တွင်၊ အိ ဂျစ် ပြည် ကိုလည်း ကောင်း၊ ဖုန်း ဆိုး ကုန်း ဖြစ် သော မြို့ များ အ လယ် တွင်၊ မြို့ ရွာ များ ကိုလည်း ကောင်း၊ အ နှစ် လေး ဆယ် တိုင် တိုင် ဆိတ် ညံ ရာ ဖြစ် စေ မည့် ငါ သည်၊ အိ ဂျစ် ပြည် သူ ပြည် သား တို့ ကို၊ လူ အ မျိုး မျိုး အ ပြည် ပြည်၌၊ အ နှံ့ အ ပြား ကွဲ လွင့် စေ မည် ဟု မိန့် ဆို၏။

Judson Bible

¹² ပျက်​စီး​သော​ပြည်​တို့​တွင် အဲ​ဂု​တ္တု​ပြည်​ကို ငါ​ဖျက်​ဆီး​မည်။ လူ​ဆိတ်​ညံ​သော​မြို့​တို့​တွင် အ​နှစ်​လေး​ဆယ်​ပတ်​လုံး အဲ​ဂု​တ္တု​မြို့​တို့​သည် ပျက်​စီး​လျက်​ရှိ​ကြ​လိမ့်​မည်။ အဲ​ဂု​တ္တု​လူ​တို့​ကို အ​တိုင်း​တိုင်း အ​ပြည်​ပြည်​တို့​ကို ငါ​ကွဲ​ပြား ပျံ့​လွင့်​စေ​မည်။

ယေ​ဇ​ကျေ​လ 29:12 ပူးပေါင်းရင်းမြစ်များ

ယေ​ရ​မိ 46:19

အီဂျစ်​ပြည်​၌​နေထိုင်​သော​သမီးပျို​၊ အထုပ်အပိုး​ပြင်ဆင်​ထား​လော့​။ သင်​သည် ဖမ်းခေါ်​သွား​ခြင်း​ခံရ​တော့​မည်​။ မင်ဖစ်​မြို့​သည် ဖျက်ဆီး​ခံရ​၍ နေထိုင်​သူ​မ​ရှိ​၊ လူသူကင်းမဲ့​ရာ ဖြစ်​လိမ့်မည်​။

ယေ​ဇ​ကျေ​လ 30:23

အီဂျစ်​ပြည်သား​တို့​ကို လူမျိုးတကာ​တို့​အလယ် အတိုင်းတိုင်း​အပြည်ပြည်​သို့ ကွဲလွင့်​ပျံ့နှံ့​စေ​မည်​။

ယေ​ဇ​ကျေ​လ 30:26

အီဂျစ်​ပြည်သား​တို့​ကို လူမျိုးတကာ​တို့​အလယ် အတိုင်းတိုင်း​အပြည်ပြည်​သို့ ကွဲလွင့်​ပျံ့နှံ့​စေ​သောအခါ​မှ ငါ​သည် ထာဝရဘုရား​ဖြစ်ကြောင်း​ကို သူ​တို့​သိ​ကြ​လိမ့်မည်’​ဟူ၍ မိန့်​တော်မူ​သည်​”​ဟု မိန့်ဆို​၏​။

ယေ​ဇ​ကျေ​လ 30:7

ဘုရားရှင်​ထာဝရဘုရား​က ‘လူသူကင်းမဲ့​သော​ပြည်​များ​တွင် လူသူအကင်းမဲ့ဆုံး​ပြည် ဖြစ်​ရ​လိမ့်မည်​။ ခြောက်ကပ်​သော​မြို့​များ​တွင် အခြောက်ကပ်ဆုံး​မြို့ ဖြစ်​ရ​လိမ့်မည်​။

ယေ​ဇ​ကျေ​လ 32:15

‘ငါ​သည် အီဂျစ်​ပြည်​တစ်ပြည်လုံး​ကို သုတ်သင်ရှင်းလင်း​ပစ်​မည်​၊ လူသူကင်းမဲ့​ရာ​ဖြစ်​စေ​မည်​၊ သက်ရှိ​မှန်သမျှ​ကို ဒဏ်ခတ်​မည်​။ ထိုအခါမှ ငါ​သည် ထာဝရဘုရား​ဖြစ်ကြောင်း သူ​တို့​သိ​ကြ​လိမ့်မည်​။