ယေ​ဇ​ကျေ​လ 28:25 - မြန်​​​မာ့​​​စံ​​​မီ​​​သမ္မာ​​​ကျမ်း​​

²⁵ တစ်ဖန် ဘုရားရှင်​ထာဝရဘုရား​က ‘အစ္စရေး​လူမျိုး​တို့​ကို ကွဲလွင့်ရာ​အရပ်ရပ် လူမျိုး​တကာ​တို့​ထံမှ ပြန်လည်​စုဝေး​စေ​မည်​။ ငါ​သည် သန့်ရှင်း​သော​ဘုရား​ဖြစ်ကြောင်း​ကို လူမျိုးတကာ​တို့​အား သိ​စေ​မည်​။ ငါ့​အစေအပါး​ယာကုပ်​အား ငါ​ပေး​ခဲ့​သော​ပြည်​တွင် အစ္စရေး​လူမျိုး​တို့ နေထိုင်​ရ​ကြ​မည်​။

Common Language Bible

²⁵ အ​ရှင်​ထာ​ဝ​ရ​ဘု​ရား​က``ကွဲ​လွင့်​လျက် နေ​ရာ​နိုင်​ငံ​များ​မှ ဣ​သ​ရေ​လ​အ​မျိုး​သား တို့​အား​တစ်​ဖန်​ပြန်​၍​ငါ​စု​သိမ်း​မည်။ ငါ သည်​သန့်​ရှင်း​မြင့်​မြတ်​တော်​မူ​ကြောင်း​လူ မျိုး​တ​ကာ​တို့​သိ​ရှိ​ကြ​လိမ့်​မည်။ ဣ​သ ရေ​လ​အ​မျိုး​သား​တို့​သည်​မိ​မိ​တို့​ကိုယ် ပိုင်​ပြည်၊ ငါ​၏​အ​စေ​ခံ​ယာ​ကုပ်​အား​ငါ ပေး​အပ်​သည့်​ပြည်​၌​နေ​ရ​ကြ​လိမ့်​မည်။-

Garrad Bible

²⁵ ငါ အ ရှင် ထာ ဝ ရ ဘု ရား က လည်း၊ ငါ သည် ကွဲ လွင့် လျက် နေ ရာ လူ အ မျိုး မျိုး မှ၊ ဣ သ ရေ လ အ မျိုး သား တို့ ကို စု သိမ်း သ ဖြင့်၊ လူ မျိုး ခြား တို့ ရှေ့ သီး သန့် ရာ ရောက် သည့် ကာ လ၊ ငါ့ ကျွန် ယာ ကုပ် အား သ နား ခဲ့ သော ပြည် ရင်း တွင်၊ လုံ ခြုံ စွာ နေ ထိုင် ခွင့် ပေး မည့် အ လျောက်၊

Judson Bible

²⁵ တစ်​ဖန် အ​ရှင်​ထာ​ဝ​ရ​ဘု​ရား မိန့်​တော်​မူ​သည်​ကား၊ ဣ​သ​ရေ​လ​အ​မျိုး​သား​တို့​သည် ကွဲ​ပြား​လျက်​နေ​သော လူ​အ​မျိုး​မျိုး​ထဲ​က ငါ​ခေါ်၍​စု​ဝေး​သော​အ​ခါ၊ သူ​တို့​အား​ဖြင့် လူ​မျိုး​များ​ရှေ့၌ ရို​သေ​ခြင်း​ကို​ငါ​ခံ၍၊ ငါ့​ကျွန်​ယာ​ကုပ်​အား ငါ​အ​ရင်​ပေး​သော​ပြည်၌ သူ​တို့​သည် နေ​ကြ​လိမ့်​မည်။

ယေ​ဇ​ကျေ​လ 28:25 ပူးပေါင်းရင်းမြစ်များ

ဆာ​လံ 106:47

အကျွန်ုပ်​တို့​၏​ဘုရားသခင် ထာဝရဘုရား​၊ ကိုယ်တော်​၏​သန့်ရှင်း​သော​နာမ​တော်​ကို ချီးမွမ်း​၍ ကိုယ်တော်​၏​ဂုဏ်ကျေးဇူး​တော်​ကို ထောမနာပြု​နိုင်​မည့်​အကြောင်း အကျွန်ုပ်​တို့​ကို ကယ်တင်​တော်မူ​ပါ​။ အကျွန်ုပ်​တို့​ကို တိုင်းနိုင်ငံ​တို့​ထဲမှ ခေါ်ယူစုစည်း​တော်မူ​ပါ​။

ဟေ​ရှာ​ယ 5:16

ကောင်းကင်​ဗိုလ်ခြေ​အရှင်​ထာဝရဘုရား​မူကား တရားမျှတ​ခြင်း​ကြောင့် ချီးမြှောက်​ခြင်း​ခံရ​မည်​။ သန့်ရှင်း​သော​အရှင်​သည် မိမိ​သန့်ရှင်း​တော်မူ​ကြောင်း​ကို ဖြောင့်မတ်​ခြင်း​အားဖြင့် ထင်ရှား​စေ​တော်မူ​မည်​။

ယေ​ရ​မိ 12:14

ထာဝရဘုရား​က “​ငါ့​လူမျိုး​တော်​အစ္စရေး​တို့ အမွေဆက်ခံ​ရန် ငါ​ပေး​ထား​သော​အမွေ​ပြည်​ကို​ထိပါး​လာ​သော အိမ်နီးချင်း​ဆိုး​အပေါင်း​တို့​ကို သူ​တို့​ပြည်​မှ ထုတ်ပစ်​မည်​။ ယုဒ​အမျိုးအနွယ်​တို့​ကို​လည်း သူ​တို့​ထဲ​မှ ထုတ်ပစ်​မည်​။

ယေ​ရ​မိ 23:8

‘​မြောက်ဘက်​အရပ်​မှ​၊ ငါ​နှင်ထုတ်​၍ ရောက်လေရာ​အရပ်ရပ်​မှ အစ္စရေး​အမျိုးသား သားစဉ်မြေးဆက်​တို့​ကို ပြန်လည်​ခေါ်ဆောင်​လာ​သော​ထာဝရဘုရား အသက်ရှင်​တော်မူ​သည်​’​ဟု ပြောဆို​ရ​မည့်​အချိန် ရောက်လာ​မည်​။ သူ​တို့​သည် နေရင်းပြည်​၌ နေထိုင်​ရ​လိမ့်မည်​”​ဟု မိန့်​တော်မူ​၏​။

ယေ​ရ​မိ 27:11

သို့သော် ဘေဘီလုံ​ဘုရင်​၏​ထမ်းပိုး​ကို​ထမ်း​၍ ထို​ဘုရင်​ကို​အစေခံ​သော​လူမျိုး​ကို သူ​တို့​၏​နေရင်းပြည်​၌ ငါ​ထား​မည်​။ နေရင်းပြည်​၌ ထွန်ယက်​လုပ်ကိုင်​ရ​လိမ့်မည်​။ နေရင်းပြည်​၌ နေထိုင်​ရ​လိမ့်မည်​’​ဟူ၍ မိန့်​တော်မူ​ကြောင်း ဆင့်ဆို​စေ​လော့​”​ဟု ငါ့​အား မိန့်ဆို​၏​။

ယေ​ရ​မိ 30:18

ထာဝရဘုရား​က “​ကြည့်ရှု​လော့​။ ငါ​သည် ပျက်စီး​သွား​သော​ယာကုပ်​၏​တဲ​များ​ကို နဂိုအတိုင်း​ပြန်ဖြစ်​စေ​မည်​။ သူ​တို့​အိမ်သူအိမ်သား​များ​ကို ကရုဏာ​ထား​မည်​။ မြို့​ကို အပျက်အစီးပုံ​ပေါ်မှာ ပြန်တည်ဆောက်​စေ​မည်​။ နန်းတော်​သည်​လည်း မူလ​အတိုင်း တည်ရှိ​မည်​။

ယေ​ရ​မိ 32:37

‘ကြည့်ရှု​လော့​။ ငါ​သည် ပြင်းစွာ​သော​အမျက်ဒေါသ​ဖြင့် သူ​တို့​ကို​နှင်ထုတ်​ခဲ့​ရာ​အရပ်ရပ်​တို့​မှ ပြန်လည်​စုဝေး​စေ​ပြီး ဤ​အရပ်​သို့ ပြန်လာ​စေ​မည်​။ ဘေးကင်းလုံခြုံ​စွာ​နေထိုင်​စေ​မည်​။

ယေ​ဇ​ကျေ​လ 11:17

ထို့ကြောင့် ‘ဘုရားရှင်​ထာဝရဘုရား​က သင်​တို့​ကို လူမျိုးတကာ​တို့​မှ ပြန်လည်​စုစည်း​မည်​။ သင်​တို့​ကွဲလွင့်​ရာ​အရပ်ရပ်​တို့​မှ သင်​တို့​ကို ပြန်ခေါ်လာ​မည်​။ အစ္စရေး​ပြည်​ကို သင်​တို့​အား ပြန်ပေး​မည်​ဟူ၍ မိန့်​တော်မူ​သည်’​ဟု ပြောကြား​လော့​။

ယေ​ဇ​ကျေ​လ 20:41

သင်​တို့​ကို လူမျိုး​တကာ​တို့​ထံမှ ထုတ်ဆောင်​လာ​၍ ကွဲလွင့်​ရာ​အရပ်ရပ်​မှ ပြန်လည်​စုစည်း​သောအခါ ငါ​သည် သင်​တို့​ကို မွှေးကြိုင်​သော​ရနံ့​အဖြစ် လက်ခံ​မည်​။ ငါ​သည် သန့်ရှင်း​သော​ဘုရား​ဖြစ်ကြောင်း​ကို လူမျိုးခြား​တို့​ရှေ့​တွင် ငါ​ထင်ရှား​ပြ​မည်​။

ယေ​ဇ​ကျေ​လ 28:22

ဘုရားရှင်​ထာဝရဘုရား​က ‘အို ဆီဒုန်​မြို့​၊ ကြည့်ရှု​လော့​။ သင့်​ကို​ငါ​ဆန့်ကျင်​၍ မြို့​ထဲ​တွင် ငါ့​ဘုန်း​ကို ငါ​ထင်ရှား​စေ​မည်​။ သင့်​ကို ငါ​ဒဏ်ခတ်​၍ ငါ​သန့်ရှင်း​ကြောင်း​ကို မြို့​ထဲတွင် ပြ​မည်​။ သို့မှ ငါ​သည် ထာဝရဘုရား​ဖြစ်ကြောင်း သူ​တို့​သိ​ကြ​လိမ့်မည်​။

ယေ​ဇ​ကျေ​လ 34:13

သူ​တို့​ကို လူမျိုး​တကာ​တို့​ထံမှ ထုတ်ဆောင်​လာ​မည်​။ အရပ်ရပ်​တို့​မှ ပြန်လည်​စုစည်း​၍ နေရင်းပြည်​သို့ ပြန်ပို့ဆောင်​မည်​။ အစ္စရေး​တောင်တန်း​များ​အပေါ်​၊ မြစ်ချောင်း​များ​အနား​မှစ၍ သူ​တို့​နေထိုင်​ရာ​အရပ်ရပ်​တို့​တွင် သူ​တို့​ကို ကျွေးမွေး​မည်​။

ယေ​ဇ​ကျေ​လ 34:14

ကောင်း​သော​စားကျက်မြေ​တွင် သူ​တို့​ကို ကျွေးမွေး​မည်​။ မြင့်မား​သော​အစ္စရေး​တောင်တန်း​များ​သည် သူ​တို့​ကျက်စား​ရာ​နေရာ​ဖြစ်​လိမ့်မည်​။ ကောင်း​သော​စားကျက်မြေ​တွင်​နေ​ရ​၍ စိမ်းလန်း​သော​ကျက်စား​ရာ အစ္စရေး​တောင်တန်း​များ​ပေါ်တွင် သူ​တို့​ကျက်စား​ရ​ကြ​လိမ့်မည်’​ဟု မိန့်​တော်မူ​၏​။

ယေ​ဇ​ကျေ​လ 34:27

တော​ထဲရှိ​အပင်​တို့​သည် အသီး​သီး​လိမ့်မည်​။ မြေကြီး​သည် အသီးအနှံ​ကို ဖြစ်ထွန်း​စေ​မည်​။ သူ​တို့​သည် နေရင်းပြည်​တွင် ဘေးကင်းလုံခြုံ​စွာ​နေ​ရ​လိမ့်မည်​။ သူ​တို့​ထမ်း​ထား​ရ​သော​ထမ်းပိုး​ကို​ချိုး​၍ သူ​တို့​အား​ကျွန်ပြု​သော​သူ​တို့​လက်​မှ သူ​တို့​ကို ကယ်နုတ်​သောအခါ ငါ​သည် ထာဝရဘုရား​ဖြစ်ကြောင်း သူ​တို့​သိ​ကြ​လိမ့်မည်​။

ယေ​ဇ​ကျေ​လ 36:28

သင်​တို့​၏​ဘိုးဘေး​တို့​အား ငါ​ပေး​ခဲ့​သော​ပြည်​၌ သင်​တို့​အသက်ရှင်​နေထိုင်​ကြ​ရ​မည်​။ သင်​တို့​သည် ငါ​၏​လူမျိုး​တော်​ဖြစ်​မည်​။ ငါ​သည်​လည်း သင်​တို့​၏​ဘုရားသခင်​ဖြစ်​မည်​။

ယေ​ဇ​ကျေ​လ 37:21

သူ​တို့​အား ‘ဘုရားရှင်​ထာဝရဘုရား​က ကြည့်ရှု​လော့​။ ငါ​သည် အစ္စရေး​အမျိုးသား​တို့​ကို သူ​တို့​ရောက်​ရာ​လူမျိုးခြား​တို့​အလယ်​မှ ပြန်ခေါ်​လာ​မည်​။ သူ​တို့​ရောက်​ရာ​အရပ်ရပ်​မှ သူ​တို့​ကို​စုစည်း​ပြီး နေရင်းပြည်​သို့ ပြန်ပို့ဆောင်​မည်​။

ယေ​ဇ​ကျေ​လ 37:25

ငါ​၏​အစေအပါး​ယာကုပ်​အား ငါ​ပေး​၍ ဘိုးဘေး​တို့​နေထိုင်​ခဲ့​ဖူး​သော​ပြည်​၌ နေထိုင်​ကြ​ရ​လိမ့်မည်​။ သူ​တို့​နှင့် သူ​တို့​၏​သားသမီး​မြေးမြစ်​တို့​သည် ထို​ပြည်​တွင် အစဉ်အမြဲ​နေထိုင်​ကြ​ရ​၍ ငါ​၏​အစေအပါး​ဒါဝိဒ်​သည် သူ​တို့​ကို အစဉ်​အုပ်စိုး​မည်​။

ယေ​ဇ​ကျေ​လ 38:23

လူမျိုး​တကာ​တို့​ရှေ့​တွင် ငါ​သည် ကြီးမြတ်​သော​ဘုရား​၊ သန့်ရှင်း​သော​ဘုရား​ဖြစ်ကြောင်း ထင်ရှားပြ​သောအခါ​မှ ငါ​သည် ထာဝရဘုရား​ဖြစ်ကြောင်း သူ​တို့​သိ​ကြ​လိမ့်မည်’​ဟု မိန့်​တော်မူ​၏​။

ယေ​ဇ​ကျေ​လ 39:27

လူမျိုးတကာ​တို့​ထံမှ သူ​တို့​ကို ပြန်ခေါ်​လာ​မည်​။ ရန်သူ​တို့​နေရာ​မှ သူ​တို့​ကို ပြန်လည်​စုရုံး​မည်​။ သူ​တို့​အားဖြင့် လူမျိုး​တကာ​တို့​ရှေ့​တွင် ငါ​သန့်ရှင်း​ကြောင်း​ကို ထင်ရှား​ပြ​မည်​။

ဟော​ရှေ 1:11

ထိုအခါ ယုဒ​အမျိုးသား​နှင့် အစ္စရေး​အမျိုးသား​တို့​သည် အတူတကွ​စုရုံး​လျက် ခေါင်းဆောင်​တစ်ဦး​ကို ရွေးချယ်​တင်မြှောက်​ပြီး ထို​ပြည်​မှ​ထွက်လာ​ကြ​လိမ့်မည်​။ ထို​နေ့​သည် ယေဇရေလ​မြို့​အဖို့ နေ့ထူးနေ့မြတ် ဖြစ်​လိမ့်မည်​။

ဟော​ရှေ 11:11

သူ​တို့​သည် ကြောက်ရွံ့တုန်လှုပ်​လျက်​ငှက်​ကဲ့သို့ အီဂျစ်​ပြည်​မှ​လည်းကောင်း​၊ ချိုးငှက်​ကဲ့သို့ အဆီးရီးယား​ပြည်​မှ​လည်းကောင်း ထွက်လာ​ကြ​လိမ့်မည်​။ ငါ​သည် သူ​တို့​ကို နေရင်းပြည်​၌ နေရာချ​ထား​ပေး​မည်​”​ဟု ထာဝရဘုရား မိန့်​တော်မူ​၏​။

ဟော​ရှေ 2:15

ထို​အရပ်​တွင် သူ့​စပျစ်ခြံ​ကို ငါ​ပြန်ပေး​မည်​။ အာခေါ်​ချိုင့်ဝှမ်းလွင်ပြင်​ကို မျှော်လင့်ရာ​တံခါး ဖြစ်​စေ​မည်​။ သူ​သည် ငယ်ရွယ်​စဉ်က​ကဲ့သို့​၊ အီဂျစ်​ပြည်​မှ​ထွက်လာ​စဉ်က​ကဲ့သို့ ငါ့​ကို ပြန်​ဆက်ဆံ​လိမ့်မည်”​ဟု မိန့်​တော်မူ​၏​။

ယော​လ 3:7

သင်​တို့​ရောင်းစား​ရာ​အရပ်​မှ သူ​တို့​ကို လွတ်မြောက်​စေ​မည်​။ သင်​တို့​ပြု​သော​အမှု​ကို သင်​တို့​ခေါင်း​ပေါ် ပြန်ရောက်​စေ​မည်​။