ယေ​ဇ​ကျေ​လ 23:18 - မြန်​​​မာ့​​​စံ​​​မီ​​​သမ္မာ​​​ကျမ်း​​

¹⁸ သူ​သည် ပေါ်ပေါ်ထင်ထင်​ဖောက်ပြန်မှားယွင်း​၏​။ အဝတ်အချည်းစည်း​နေ​၏​။ ထို့ကြောင့် ငါ​သည် သူ့​အစ်မ​ကို စွန့်ထား​ခဲ့​သကဲ့သို့ သူ့​ကို​လည်း စွန့်ထား​ခဲ့​ပြီ​။

Common Language Bible

¹⁸ သူ​သည်​အ​များ​ပြည်​သူ​တို့​ရှေ့​၌​အ​ဝတ် အ​ချည်း​စည်း​နှင့်​နေ​၍ လူ​တိုင်း​အား​မိ​မိ သည်​ပြည့်​တန်​ဆာ​ဖြစ်​ကြောင်း​ကို​သိ​စေ​၏။ ငါ​သည်​သူ​၏​အစ်​မ​ကို​စက်​ဆုပ်​သ​ကဲ့​သို့ သူ့​ကို​လည်း​စက်​ဆုပ်​၏။-

Garrad Bible

¹⁸ အစ် မ ကို ငါ မေ တ္တာ ကုန် သည့် နည်း တူ၊ ရှက် ဖွယ် ရာ ပြည့် တန် ဆာ မှု များ ကို ဖော် ပြ သ ဖြင့်၊ မေ တ္တာ ကုန် စေ သော ညီ မ သည်၊

Judson Bible

¹⁸ ထို​သို့ မ​တ​ရား​သော မေ​ထုန်​ကို​ပြု​ခြင်း၊ အ​ဝတ်​အ​ချည်း​စည်း​ရှိ​ခြင်း​ကို ထင်​ရှား​ဖော်​ပြ​သော​ကြောင့်၊ ငါ​သည် သူ​အစ်​မ​ကို ရွံ​ရှာ​သ​ကဲ့​သို့၊ သူ့​ကို​လည်း​ရွံ​ရှာ၏။

ယေ​ဇ​ကျေ​လ 23:18 ပူးပေါင်းရင်းမြစ်များ

ဆာ​လံ 106:40

ထို့ကြောင့် ထာဝရဘုရား​သည် မိမိ​၏​လူမျိုး​တော်​အပေါ်​အမျက်ထွက်​၍ မိမိ​၏​အမွေ​တော်​ကို စက်ဆုပ်ရွံရှာ​တော်မူ​၏​။

ဆာ​လံ 78:59

ဘုရားသခင်​သည် ကြားသိ​၍ အမျက်ထွက်​ကာ အစ္စရေး​အမျိုးသား​တို့​ကို လုံးလုံး​စွန့်ပယ်​တော်မူ​၏​။

ဟေ​ရှာ​ယ 3:9

သူ​တို့​၏​မျက်နှာထား​သည် သူ​တို့​ကို သက်သေခံ​နေ​၏​။ သူ​တို့​သည် မိမိ​တို့​အပြစ်​ကို​ထိမ်ဝှက်​မ​ထား​ဘဲ သောဒုံ​မြို့​ကဲ့သို့ ပြောကြား​ကြ​၏​။ မကောင်းမှု​ကို ကိုယ့်​အပေါ်​ကိုယ် ကျရောက်​စေ​ကြ​သောကြောင့် သူ​တို့​၏​စိတ်ဝိညာဉ်​သည် အမင်္ဂလာ​ရှိ​၏​။

ဟေ​ရှာ​ယ 57:8

သင်​၏​အမှတ်သင်္ကေတ​ကို တံခါး​၊ တံခါးတိုင်​နောက်၌ သင်​ထား​၏​။ အဝတ်အချည်းစည်း​ဖြင့် ငါ့​ထံ​မှ သင်​ထွက်သွား​၍ တောင်​ပေါ်သို့​တက်သွား​၏​။ သင့်​အိပ်ရာ​ကို​ကျယ်​စွာ​ဖြန့်​၍ အခြား​သူ​တို့​နှင့်​ပဋိညာဉ်ဖွဲ့​၏​။ သူ​တို့​၏​အိပ်ရာ​ကို သင်​နှစ်သက်​၍ သူ​တို့​အဝတ်မဝတ်​ဘဲ​နေ​သည်​ကို ငေးကြည့်​၏​။

ယေ​ရ​မိ 12:8

ငါ့​အမွေ​သည် တော​၌​ရှိ​သော​ခြင်္သေ့​ကဲ့သို့​ဖြစ်​၍ ငါ့​ကို ဟိန်းဟောက်​သောကြောင့် ငါ​မုန်း​၏​။

ယေ​ရ​မိ 15:1

တစ်ဖန် ထာဝရဘုရား​က ငါ့​အား “​မောရှေ​နှင့်​ရှမွေလ​သည် ငါ့​ရှေ့​၌​လာရပ်​လျှင်ပင် ဤ​လူမျိုး​ထံ ငါ့​စိတ်​ပြန်လည်​လာ​မည်​မ​ဟုတ်​။ သူ​တို့​ကို ငါ့​ရှေ့​မှ နှင်ထုတ်​လော့​။ ငါ့​ရှေ့​မှ ထွက်သွား​စေ​လော့​။

ယေ​ရ​မိ 6:8

အို ဂျေရုဆလင်​မြို့​၊ ဆုံးမပဲ့ပြင်​ခြင်း​ကို​ခံယူ​လော့​။ သို့မဟုတ်လျှင် သင့်​ကို ငါ​စွန့်ခွာ​သွား​မည်​။ သင့်​ကို နေထိုင်​သူ​မ​ရှိ​၊ လူသူကင်းမဲ့​ရာ​အရပ် ဖြစ်​စေ​မည်​”​ဟု မိန့်​တော်မူ​၏​။

ယေ​ရ​မိ 8:12

သူ​တို့​သည် မိမိ​တို့​ပြု​ခဲ့​သော​စက်ဆုပ်ရွံရှာဖွယ်​သော​အမှု​ကို​ပြု​သောအခါ ရှက်​ကြ​သလော​။ လုံးဝ​မ​ရှက်​ကြ​။ ရှက်ကြောက်​ရ​မည်​ကို မ​သိ​ကြ​။ ထို့ကြောင့် အခြား​သူ​တို့​လဲကျ​ရာ​သို့ သူ​တို့​လည်း လဲကျ​ကြ​လိမ့်မည်​။ ငါ​သည် သူ​တို့​ကို ဒဏ်ခတ်​သောအခါ ပြိုလဲ​သွား​ကြ​လိမ့်မည်​”​ဟု ထာဝရဘုရား​မိန့်​တော်မူ​၏​။

မြည်​တမ်း​စ​ကား 2:7

ဘုရားရှင်​သည် ယဇ်ပလ္လင်​ကို​စွန့်ပယ်​တော်မူ​ပြီ​။ သန့်ရှင်းရာဌာန​ကို စက်ဆုပ်​တော်မူ​ပြီ​။ နန်းတော်​တံတိုင်း​တို့​ကို​လည်း ရန်သူ့​လက်​သို့ အပ်လိုက်​တော်မူ​ပြီ​။ ရန်သူ​တို့​သည် ပွဲတော်​နေ့​ကဲ့သို့ပင် ထာဝရဘုရား​၏​အိမ်​တော်​၌ ကြွေးကြော်​ကြ​လေ​ပြီ​။

ယေ​ဇ​ကျေ​လ 16:36

ဘုရားရှင်​ထာဝရဘုရား​က ‘သင်​သည် တဏှာရာဂစိတ်​ပြင်းထန်​လျက်​၊ အဝတ်မပါ​အချည်းစည်း​ဖြစ်​လျက် သင်​ချစ်​သော​သူ​များ​နှင့်​ဖောက်ပြန်မှားယွင်း​သောကြောင့်​၊ သင့်​သားသမီး​တို့​ကို​သတ်​၍ သင်​၏​စက်ဆုပ်ရွံရှာဖွယ်​ရုပ်တု​တို့​အား ပေးလှူ​သောကြောင့်

ယေ​ဇ​ကျေ​လ 21:24

ထို့ကြောင့် ဘုရားရှင်​ထာဝရဘုရား​က ‘​ထိုသို့ သင်​တို့​၏​အပြစ်​များ​ကို​ပြန်​သတိရ​စေ​သောကြောင့် သင်​တို့​ပုန်ကန်​သော​အပြစ်​များ​လည်း ပေါ်လာ​၍ သင်​တို့​ကျူးလွန်​သော​အပြစ်​အားလုံး ထင်ရှား​လာ​မည်​။ သင်​တို့​၏​အပြစ်​များ​ကို​ပြန်​သတိရ​စေ​သောကြောင့် သင်​တို့​သည် ဖမ်းခေါ်​သွား​ခြင်း​ခံရ​မည်​။

ယေ​ဇ​ကျေ​လ 23:10

သူ​တို့​က သူ့​ကို အဝတ်အချည်းစည်း​ဖြစ်​စေ​ကြ​၏​။ သူ​၏​သား​သမီး​တို့​ကို ဖမ်းခေါ်​သွား​၍ သူ့​ကို​ဓား​နှင့်​ကွပ်မျက်​ကြ​၏​။ ထိုသို့ အပြစ်ဒဏ်​စီရင်​ခံရ​၍ သူ​သည် မိန်းမ​တကာ​တို့​တွင် နာမည်ပျက်​သော​မိန်းမ​ဖြစ်​လေ​၏​။

ယေ​ဇ​ကျေ​လ 23:19

သို့သော် သူ​သည် အပျိုဖြန်းဘဝ​က အီဂျစ်​ပြည်​၌ ပြည့်တန်ဆာပြု​ခဲ့​သည်​ကို သတိရ​လျက် အထပ်ထပ်​ဖောက်ပြန်မှားယွင်း​၏​။

ယေ​ဇ​ကျေ​လ 23:9

ထို့ကြောင့် သူ​ချစ်​သော​သူ​တို့​လက်​သို့​၊ သူ​တပ်မက်​သော အဆီးရီးယား​လူ​တို့​လက်​သို့ သူ့​ကို​ငါ​အပ်​လိုက်​ပြီ​။

ဟော​ရှေ 2:2

“သင်​တို့​၏​မိခင်​ကို အပြစ်တင်​ကြ​။ သူ​သည် ငါ့​မယား​မ​ဟုတ်​။ ငါ​သည်​လည်း သူ့​ခင်ပွန်း​မ​ဟုတ်​ကြောင်း ပြောပြ​ကြ​လော့​။ ပြည့်တန်ဆာ​လုပ်ရပ်​တို့​ကို ဖယ်ရှား​၍ သူ့​သားမြတ်​နှင့် မှားယွင်းမှုပြု​ခြင်း​ကို ရပ်တန့်​စေ​လော့​။

ဟော​ရှေ 7:1

ငါ​သည် အစ္စရေး​ကို ကုသ​ပေး​သောအခါ ဧဖရိမ်​၏​အပြစ်​နှင့် ရှမာရိ​၏​မကောင်းမှု​တို့ ပေါ်လာ​ပြန်​၏​။ အကယ်စင်စစ် သူ​တို့​သည် လိမ်လည်လှည့်စား​ခြင်း​အမှု​ကို ပြု​ကြ​၏​။ မြို့တွင်း​၌ သူခိုး​များ ဖောက်ထွင်း​ကြ​၏​။ မြို့ပြင်​၌ ဓားပြ​များ လုယက်တိုက်ခိုက်​ကြ​၏​။

အာ​မုတ် 5:21

“သင်​တို့​ကျင်းပ​သော​ပွဲ​များ​ကို ငါ​မုန်း​၏​။ ငါ​ရွံရှာ​၏​။ သင်​တို့​ပြု​သော​ဓမ္မစည်းဝေးပွဲ​များ​ကို​လည်း ငါ​မ​နှစ်သက်​။

အာ​မုတ် 6:8

ဘုရားရှင်​ထာဝရဘုရား​သည် မိမိကိုယ်ကို​တိုင်တည်ကျိန်ဆို​တော်မူ​ပြီ​။ ကောင်းကင်​ဗိုလ်ခြေ​အရှင် ဘုရားသခင်​ထာဝရဘုရား​က “ယာကုပ်​၏​မာန​ကို ငါ​ရွံရှာ​၏​။ သူ​၏​ခံတပ်​များ​ကို​လည်း ငါ​မုန်း​၏​။ ထို့ကြောင့် မြို့​နှင့်တကွ မြို့​ထဲ​ရှိသမျှ​တို့​ကို ရန်သူ​လက်​သို့​အပ်ပစ်​မည်”​ဟု မိန့်​တော်မူ​၏​။

ဇာ​ခ​ရိ 11:8

တစ်​လ​တည်း​တွင် သိုးထိန်း​သုံး​ဦး​ကို ငါ​ဖယ်ရှား​ပစ်​၏​။ ငါ​သည် သူ​တို့​ကို သည်းမခံ​နိုင်​။ သူ​တို့​သည်​လည်း ငါ့​ကို မုန်း​ကြ​၏​။

တ​ရား​ဟော 32:19

ထာဝရဘုရား မြင်​တော်မူ​လျှင် မိမိ​သား​သမီး​တို့​ကို အမျက်ထွက်​၍ ပစ်ပယ်​တော်မူ​၏​။