ယေ​ဇ​ကျေ​လ 21:6 - မြန်​​​မာ့​​​စံ​​​မီ​​​သမ္မာ​​​ကျမ်း​​

⁶ သို့ဖြစ်၍ အချင်း​လူသား​၊ ညည်းတွား​လော့​။ သူ​တို့​ရှေ့​တွင် နှလုံးကြေကွဲ​စွာ​၊ ခါးသီး​စွာ ညည်းတွား​လော့​။

Common Language Bible

⁶ ``အ​ချင်း​လူ​သား၊ သင်​သည်​စိတ်​ပျက်​ဝမ်း​နည်း ကြေ​ကွဲ​လျက်​ရှိ​ဘိ​သ​ကဲ့​သို့​ညည်း​တွား​လော့။ လူ​မြင်​ကွင်း​တွင်​ပြင်း​ပြ​စွာ​ညည်း​တွား​လော့။-

Garrad Bible

⁶ သို့ ဖြစ်၍ အ ချင်း လူ့ သား၊ မြည် တမ်း လော့။ သူ တို့ ရှေ့ တွင်၊ ခါး ချိုး၍ နစ် နာ စွာ မြည် တမ်း ရ မည်။

Judson Bible

⁶ သို့​ဖြစ်၍၊ အ​ချင်း​လူ​သား၊ ညည်း​တွား​သံ​ကို ပြု​လော့။ ခါး​ကျိုး​လျက်၊ နှ​လုံး​ကြေ​ကွဲ​လျက်၊ သူ​တို့​ရှေ့​မှာ ညည်း​တွား​သံ​ကို ပြု​လော့။

ယေ​ဇ​ကျေ​လ 21:6 ပူးပေါင်းရင်းမြစ်များ

ဟေ​ရှာ​ယ 16:11

ထို့ကြောင့် ငါ့​စိတ်​သည် မောဘ​ပြည်​အတွက်​၊ ငါ့​အသည်းနှလုံး​သည် ကိရဟရက်​မြို့​အတွက် စောင်း​သံ​ကဲ့သို့ မြည်တမ်း​ရ​၏​။

ဟေ​ရှာ​ယ 21:3

ထို့ကြောင့် ငါ့​ခါး​သည် အလွန်​နာ​၏​။ ငါ​ခံရ​သော​ဝေဒနာ​သည် သားဖွားမိန်းမ​ခံရ​သော​ဝေဒနာ​ကဲ့သို့ ဖြစ်​၏​။ ငါ​ကြား​ရ​သော​အရာ​ကြောင့် စိတ်ရှုပ်ထွေး​၏​။ မြင်​ရ​သော​အရာ​ကြောင့် ထိတ်လန့်​၏​။

ဟေ​ရှာ​ယ 22:4

“​ငါ့​ကို​မကြည့်​ကြ​နှင့်​။ အားရပါးရ​ငိုကြွေး​ပါရစေ​။ ငါ့​လူမျိုး​သမီးပျို​တို့ ပျက်စီး​သည်​ဖြစ်၍ ငါ့​ကို​နှစ်သိမ့်​ဖို့ မ​ကြိုးစား​ကြ​နှင့်​”​ဟု ငါ​ဆို​၏​။

ယေ​ရ​မိ 19:10

သင်​နှင့်အတူ​လိုက်ပါ​သော​လူ​တို့​၏​ရှေ့​၌ မြေအိုး​ကို​ခွဲ​ပြီးလျှင်

ယေ​ရ​မိ 30:6

သင်​တို့ မေးမြန်း​ကြည့်​ကြ​လော့​။ ယောက်ျား​သည် သားဖွား​နိုင်​သလော​။ ယောက်ျား​အပေါင်း​တို့​သည် သားဖွား​သော​မိန်းမ​ကဲ့သို့ မိမိ​တို့​ခါး​ကို​နှိပ်​၍ မျက်နှာ​ဖြူဖပ်ဖြူရော်​ဖြစ်​နေ​ကြ​သည်​ကို အဘယ်ကြောင့် ငါ​မြင်​ရ​သနည်း​။

ယေ​ရ​မိ 4:19

ငါ့​အူ​ထဲ​၊ အသည်း​ထဲ​အထိ နာကျင်​နေ​၏​။ ငါ့​စိတ် မငြိမ်မသက်​ဖြစ်​နေ​၏​။ ငါ​သည် တိတ်ဆိတ်​စွာ​မ​နေ​နိုင်​။ တံပိုးမှုတ်သံ​၊ စစ်ပွဲ​ကြွေးကြော်သံ​ကို ငါ​ကြား​ရ​၏​။

ယေ​ဇ​ကျေ​လ 21:12

‘အချင်း​လူသား​၊ ငိုကြွေး​မြည်တမ်း​လော့​။ အကြောင်းမှာ ဓား​သည် ငါ့​လူမျိုး​တော်​ကို တိုက်ခိုက်​လေ​ပြီ​။ အစ္စရေး​ခေါင်းဆောင်​တို့​ကို တိုက်ခိုက်​လေ​ပြီ​။ သူ​တို့​သည် ငါ့​လူမျိုး​တော်​နှင့်အတူ ဓား​လက်​သို့​ကျရောက်​သည်​ဖြစ်၍ ရင်ဘတ်စည်တီး​လော့​။

ယေ​ဇ​ကျေ​လ 21:5

ထိုအခါမှ ငါ​ထာဝရဘုရား​သည် ဓားအိမ်​ထဲမှ ဓား​ကို​ဆွဲထုတ်​၍ နောက်တစ်ဖန် ပြန်​မ​သွင်း​ကြောင်း​ကို လူ​အပေါင်း​တို့​သိ​ရ​လိမ့်မည်​ဟူ၍ မိန့်​တော်မူ​၏’​ဟု ဆင့်ဆို​လော့​။

ယေ​ဇ​ကျေ​လ 21:7

သူ​တို့​က ‘​သင်​အဘယ်ကြောင့် ညည်းတွား​သနည်း​’​ဟု မေး​လျှင် သင်​က ‘​ကြား​ရ​သော​သတင်းစကား​ကြောင့်​ဖြစ်​၏​။ ကြား​ရ​သော​သတင်း​အတိုင်း ဖြစ်ပျက်​လာ​လျှင် လူ​တိုင်း စိတ်အားလျော့​မည်​၊ လက်ပန်းကျ​မည်​၊ စိတ်ဓာတ်ကျ​၍ ဒူး​များ​ပျော့ခွေ​သွား​လိမ့်မည်​’​ဟူ၍ ဘုရားရှင်​ထာဝရဘုရား​မိန့်​တော်မူ​သည်”​ဟု မိန့်ဆို​၏​။

ယေ​ဇ​ကျေ​လ 32:18

“​အချင်း​လူသား​၊ အီဂျစ်​လူအုပ်ကြီး​အတွက် ငိုကြွေးမြည်တမ်း​လော့​။ အီဂျစ်​ပြည်​နှင့် အင်အားကြီး​သော​လူမျိုး​တို့​၏​သမီးပျို​တို့​ကို တွင်း​ထဲ​ကျသွား​သော​သူ​တို့​နှင့်အတူ မြေကြီး​အောက်​တွင်းနက်​ထဲသို့ ပစ်ချ​လျက်

ယေ​ဇ​ကျေ​လ 37:20

စာရေး​ထား​သော​တုတ်ချောင်း​ကို သူ​တို့​ရှေ့​၌ သင့်​လက်​တွင်​ကိုင်​ထား​၍

ယေ​ဇ​ကျေ​လ 4:12

လူ​တို့​ရှေ့​တွင် လူ့​မစင်ခြောက်​ကို မီးဆိုက်​၍ မုယော​မုန့်ပြား​ဖုတ်​ပြီး စား​ရ​မည်​”​ဟု မိန့်ဆို​၏​။

ယေ​ဇ​ကျေ​လ 6:11

ဘုရားရှင်​ထာဝရဘုရား​က ‘သင်​သည် လက်ခုပ်တီး​လျက်​၊ ခြေ​ကို​ဆောင့်​လျက် အလို​၊ အစ္စရေး​အမျိုးအနွယ်​တို့​ပြု​ခဲ့​သော စက်ဆုပ်ရွံရှာဖွယ်​မကောင်းမှု​များ​ကြောင့် ဓားဘေး​၊ ငတ်မွတ်ခေါင်းပါး​ခြင်း​ဘေး​၊ ကပ်ရောဂါ​ဘေး​တို့​ဖြင့် သေ​ကြ​ရ​တော့​မည်​ဟု ဆို​လော့​။

ယေ​ဇ​ကျေ​လ 9:4

ထိုအခါ ထာဝရဘုရား​က သူ့​အား “​ဂျေရုဆလင်​မြို့​လယ်ခေါင်​သို့ သွား​လော့​။ မြို့​လယ်ခေါင်​တွင် စက်ဆုပ်ရွံရှာဖွယ်​လုပ်ရပ်​များ​အတွက် ညည်းတွား​မြည်တမ်း​သူ​များ​၏​နဖူး​ကို အမှတ်အသား​ပြု​ထား​ခဲ့​လော့​”​ဟု မိန့်​တော်မူ​၏​။

ဒံ​ယေ​လ 5:6

ထိုအခါ ရှင်ဘုရင်​သည် မျက်စိ​မျက်နှာပျက်​၍ တွေးတော​ထိတ်လန့်​လေ​၏​။ ခါးဆစ်​များ ပြုတ်​လုမတတ်​ဖြစ်​၍ ဒူး​များ​လည်း တုန်ရီ​နေ​၏​။

ဒံ​ယေ​လ 8:27

ငါ​ဒံယေလ​သည် ရက်​အနည်းငယ်​မျှ နာမကျန်း​ဖြစ်​ခဲ့​ရ​၏​။ နေကောင်း​ပြန်​လျှင် ရှင်ဘုရင်​၏​အမှု​တော်​ကို ဆက်လက်​ထမ်းရွက်​၏​။ သို့သော် ဤ​ဗျာဒိတ်အာရုံ​ကြောင့် ငါ​သည် တုန်လှုပ်ချောက်ချား​ပြီး နား​မ​လည်​နိုင်​ဘဲ​ရှိ​နေ​၏​။

နာ​ဟုံ 2:10

မြို့​သည် ဘာမျှ​မ​ကျန်​အောင် ပျက်စီး​၍ ဟင်းလင်းပြင်​ဖြစ်​လေ​ပြီ​။ လူ​တို့​သည်​လည်း စိတ်ပျက်အားလျော့​လျက်​၊ ကြောက်ဒူးတုန်​လျက်​၊ ခါးချည့်​လျက် မျက်နှာ​ဖြူဖတ်ဖြူရော်​ဖြစ်​ကြ​လေ​ပြီ​။

ဟ​ဗက္ကုတ် 3:16

အကျွန်ုပ်​သည် အသံ​တော်​ကို​ကြား​ရ​သောအခါ ရင်တုန်​ရ​ပါ​၏​၊ အသံ​တော်​ကြောင့် နှုတ်ခမ်း​လည်း တုန်ခါ​ပါ​၏​။ အရိုး​များ​လည်း ဆွေးမြည့်​ပါ​၏​။ ခြေ​များ​လည်း မခိုင်​တော့​ပါ​။ အကြောင်းမူကား အကျွန်ုပ်​တို့​သည် ဆင်းရဲဒုက္ခ​ရောက်​၍ အကျွန်ုပ်​တို့​အား ကျူးကျော်တိုက်ခိုက်​သော​လူမျိုး​တို့​ရောက်လာ​သော​နေ့​တိုင်အောင် အကျွန်ုပ်​သည် နေရစ်​ရ​ပါ​မည်​။