ယေ​ဇ​ကျေ​လ 20:9 - မြန်​​​မာ့​​​စံ​​​မီ​​​သမ္မာ​​​ကျမ်း​​

⁹ သို့သော် သူ​တို့​နေထိုင်​ရာ​လူမျိုးခြား​တို့​အလယ်​တွင် ငါ့​နာမ​ရှုတ်ချ​မ​ခံရ​ရန်​အတွက် ငါ​ပြု​ခဲ့​၏​။ သူ​တို့​ကို အီဂျစ်​ပြည်​မှ​ထုတ်ဆောင်​လာ​သောအခါ ငါ​သည် ထာဝရဘုရား​ဖြစ်ကြောင်း​ကို လူမျိုးခြား​တို့​အား သိ​စေ​ခဲ့​၏​။

Common Language Bible

⁹ သို့​ရာ​တွင်​ငါ​၏​နာ​မ​တော်​ကို သူ​တို့​အ​တူ တ​ကွ​နေ​ထိုင်​လျက်​ရှိ​သော​နိုင်​ငံ​များ​ရှေ့​တွင် အ​သ​ရေ​မ​ပျက်​စေ​ခြင်း​ငှာ​ယင်း​သို့​မ​ပြု ခဲ့။ အ​ဘယ်​ကြောင့်​ဆို​သော်​ဣ​သ​ရေ​လ အ​မျိုး​သား​တို့​အား အီ​ဂျစ်​ပြည်​မှ​ထုတ် ဆောင်​တော်​မူ​ခြင်း​ဖြင့် သူ​တို့​နှင့်​အ​တူ​နေ ထိုင်​ကြ​သော​လူ​မျိုး​ခြား​တို့​၏​ရှေ့​တွင် ငါ သည်​ထင်​ရှား​တော်​မူ​ခဲ့​ပြီ​ဖြစ်​သော​ကြောင့် တည်း။

Garrad Bible

⁹ သို့ ရာ တွင်၊ အိ ဂျစ် ပြည် မှ ထုတ် ဆောင် ခြင်း အား ဖြင့် ကိုယ် ကို ထင် ရှား စေ သည် ကို၊ သိ မြင် သော ရော ပြွမ်း သူ လူ မျိုး ခြား တို့ ရှေ့၊ နာ မ တော် ရှုတ် ချ မ ခံ ရ စေ ခြင်း ငှာ၊ ပြု စု သည် နှင့် အ ညီ၊

Judson Bible

⁹ သို့​ရာ​တွင်၊ သူ​တို့​နေ​သော တစ်​ပါး​အ​မျိုး​သား​တို့​ရှေ့​မှာ၊ ငါ၏​နာ​မ​အ​သ​ရေ​ကို မ​ပျက်​စေ​ခြင်း​ငှာ၊ ငါ​သည် နာ​မ​တော်​အ​တွက် စီ​ရင်၍၊ တစ်​ပါး​အ​မျိုး​သား​တို့​ရှေ့​မှာ ထင်​ရှား​လျက်၊ သူ​တို့​ကို အဲ​ဂု​တ္တု​ပြည်​မှ နုတ်​ဆောင်​လေ၏။

ယေ​ဇ​ကျေ​လ 20:9 ပူးပေါင်းရင်းမြစ်များ

ဆာ​လံ 106:8

သို့သော် ကိုယ်တော်​သည် မိမိ​၏​အစွမ်းတန်ခိုး​တော်​ထင်ရှား​စေရန် မိမိ​၏​နာမ​တော်​ကို​ထောက်၍ သူ​တို့​ကို​ကယ်တင်​တော်မူ​၏​။

ထွက်​မြောက် 32:11

ထိုအခါ မောရှေ​က မိမိ​၏​ဘုရားသခင် ထာဝရဘုရား​အား “​အို ထာဝရဘုရား​၊ ကိုယ်တော်​သည် ကြီးမား​သော​တန်ခိုး​၊ အားကြီး​သော​လက်​တော်​ဖြင့် အီဂျစ်​ပြည်​မှ​ထုတ်ဆောင်​တော်မူ​ခဲ့​သော ကိုယ်တော်​၏​လူမျိုး​တော်​ကို အဘယ်ကြောင့် အမျက်ထွက်​တော်မူ​ပါ​သနည်း​။

ထွက်​မြောက် 32:12

အီဂျစ်​လူမျိုး​တို့​က ‘​ကိုယ်တော်​သည် တော​တောင်​များ​ထဲ၌ အစ္စရေး​လူမျိုး​တို့​ကို​ကွပ်မျက်​၍ မြေကြီး​ပေါ်​မှ​သုတ်သင်​ရန်​အတွက် မကောင်း​သော​ရည်ရွယ်ချက်​ဖြင့် ထုတ်ဆောင်​တော်မူ​ခဲ့​သည်​’​ဟု အဘယ်ကြောင့်​ပြောဆို​ကြ​ရ​မည်နည်း​။ ကိုယ်တော်​၏​ပြင်းထန်​သော​အမျက်​တော်​ပြေ​၍ ကိုယ်တော်​၏​လူမျိုး​တော်​အပေါ်​ကျရောက်​စေ​မည့်​ဘေးအန္တရာယ်​မှ စိတ်ပြောင်းလဲ​တော်မူ​ပါ​။

ဟေ​ရှာ​ယ 48:11

ငါ့​အတွက်​၊ ငါ့​အတွက်​သာလျှင် ငါ​ပြု​၏​။ ငါ့​နာမ​သည် မည်သည့်​အတွက်ကြောင့် အရှုတ်ချ​ခံ​မည်နည်း​။ ငါ​၏​ဘုန်းအသရေ​ကို အခြား​သူ​အား ငါ​မ​ပေး​။

ယေ​ဇ​ကျေ​လ 20:14

သို့သော် သူ​တို့​အား ထုတ်ဆောင်​လာ​ခဲ့​သည်​ကို မြင်တွေ့​သော​လူမျိုးခြား​တို့​ရှေ့​တွင် ငါ့​နာမ​ရှုတ်ချ​မ​ခံရ​ရန်​အတွက် ငါ​ပြု​ခဲ့​၏​။

ယေ​ဇ​ကျေ​လ 20:22

သို့သော် သူ​တို့​အား ထုတ်ဆောင်​လာ​ခဲ့​သည်​ကို မြင်တွေ့​သော လူမျိုးခြား​တို့​ရှေ့​တွင် ငါ့​နာမ​ရှုတ်ချ​မ​ခံရ​ရန်​အတွက် ငါ​ပြု​ခဲ့​၏​။ သူ​တို့​ကို ငါ​မ​ဆုံးမ​ခဲ့​။

ယေ​ဇ​ကျေ​လ 39:7

ငါ့​နာမ​သန့်ရှင်း​ကြောင်း​ကို ငါ့​လူမျိုး​တော်​အစ္စရေး​တို့​အား သိ​စေ​မည်​။ သန့်ရှင်း​သော​ငါ့​နာမ​ကို ရှုတ်ချခွင့်​ပြု​တော့​မည်​မ​ဟုတ်​။ ငါ​သည် အစ္စရေး​လူမျိုး​တွင် သန့်ရှင်း​သော​အရှင် ထာဝရဘုရား​ဖြစ်ကြောင်း လူမျိုးတကာ​တို့​သိ​ရ​လိမ့်မည်​။

တ​ရား​ဟော 9:28

သို့မဟုတ်လျှင် အကျွန်ုပ်​တို့​ကို ကိုယ်တော်​ထုတ်ဆောင်​လာ​ခဲ့​သည့်​ပြည်​မှ လူ​တို့​က “ထာဝရဘုရား​သည် သူ​တို့​အား ကတိထား​သည့်​ပြည်​သို့ ပို့ဆောင်​ရန်​မ​တတ်နိုင်​သောကြောင့်​၊ သူ​တို့​ကို​မုန်းတီး​သောကြောင့် တောကန္တာရ​ထဲ၌ သူ​တို့​ကို​ကွပ်မျက်​ရန် ထုတ်ဆောင်​တော်မူ​ခဲ့​၏”​ဟု ဆို​ကြ​ပါ​လိမ့်မည်​။

ယော​ရှု 2:10

အီဂျစ်​ပြည်​မှ သင်​တို့​ထွက်လာ​သောအခါ သင်​တို့​ရှေ့​၌​ခံ​နေ​သော​ပင်လယ်နီ​ကို ထာဝရဘုရား မည်သို့​ခန်းခြောက်​စေ​တော်မူ​ခဲ့​ကြောင်း​၊ ဂျော်ဒန်​မြစ်​တစ်ဖက်​ရှိ အာမောရိ​လူမျိုး​တို့​၏​ရှင်ဘုရင်​နှစ်​ပါး​ဖြစ်​သော ရှိဟုန်​နှင့်​ဩဃ​တို့​ကို သင်​တို့​မည်သို့​ချေမှုန်း​ခဲ့​ကြောင်း ကျွန်မ​တို့ ကြားသိ​ရ​ပါ​ပြီ​။

ယော​ရှု 7:9

ခါနာန်​လူမျိုး​နှင့် ခါနာန်​ပြည်သား​အပေါင်း​တို့​ကြား​လျှင် သူ​တို့​သည် အကျွန်ုပ်​တို့​ကို​ဝိုင်းရံ​ထား​ပြီး အကျွန်ုပ်​တို့​၏​အမည်​ကို မြေကြီး​ပေါ်မှ​ပယ်ဖျက်​ကြ​ပါ​လိမ့်မည်​။ ကိုယ်တော်​၏​ကြီးမြတ်​သော​နာမ​တော်​အဖို့ မည်သို့​ပြု​တော်မူ​မည်နည်း​”​ဟု လျှောက်ဆို​လေ​၏​။

၁ ရာ 12:22

ထာဝရဘုရား​သည် ကြီးမြတ်​သော​နာမ​တော်​ကို ထောက်​၍ မိမိ​၏​လူမျိုး​တော်​ကို စွန့်ပစ်​မည်​မ​ဟုတ်​။ အကြောင်းမူကား ထာဝရဘုရား​သည် သင်​တို့​ကို မိမိ​လူမျိုး​တော်​ဖြစ်​စေဖို့ အလိုရှိ​တော်မူ​၏​။

၁ ရာ 4:8

ငါ​တို့​၌ အမင်္ဂလာ ဖြစ်​လေ​ပြီ​။ ဤ​တန်ခိုးကြီး​သော​ဘုရား​၏​လက်​မှ ငါ​တို့​ကို မည်သူ​ကယ်တင်​မည်နည်း​။ ဤ​ဘုရား​ကား တောကန္တာရ​၌ အီဂျစ်​လူမျိုး​တို့​ကို ကပ်ရောဂါ​အမျိုးမျိုး​ဖြင့် ဒဏ်ခတ်​တော်မူ​သော​ဘုရား​ဖြစ်​၏​။