ယေ​ဇ​ကျေ​လ 20:43 - မြန်​​​မာ့​​​စံ​​​မီ​​​သမ္မာ​​​ကျမ်း​​

⁴³ ကိုယ့်ကိုယ်ကိုယ် ညစ်ညူး​စေ​ခဲ့​သော သင်​တို့​၏​အပြုအမူ​အကျင့်အကြံ​တို့​ကို ထို​ပြည်​တွင် ပြန်လည်​သတိရ​၍ သင်​တို့​ပြု​ခဲ့​သော​မကောင်းမှု​များ​ကြောင့် သင်​တို့​ကိုယ်​သင်​တို့ စက်ဆုပ်​ကြ​လိမ့်မည်​။

Common Language Bible

⁴³ ထို​အ​ခါ​သင်​တို့​သည်​မိ​မိ​တို့​ပြု​ခဲ့​သော စက်​ဆုပ်​ဖွယ်​ရာ​အ​မှု​များ​ကြောင့်​မိ​မိ​ကိုယ် ကို​ရွံ​ရှာ​၍ မိ​မိ​တို့​ကိုယ်​ကို​အ​ဘယ်​သို့ ညစ်​ညမ်း​စေ​ခဲ့​ကြ​ကြောင်း​တို့​ကို​ပြန်​လည် သ​တိ​ရ​ကြ​လိမ့်​မည်။ ထို​အ​ခါ​သင့်​ကိုယ် သင်​ရွံ​ရှာ​လိမ့်​မည်။-

Garrad Bible

⁴³ ကိုယ် ကို ညစ် ညူး စေ ရာ အ လေ့ အ လာ အ ပြု အ မူ ဟူ သ မျှ ကို သ တိ ရ လျက်၊ ပြု ကျင့် သ မျှ သော ဆိုး သွမ်း မှု အ တွက်၊ ကိုယ် ကို စက် ဆုပ် ရွံ ရှာ ရာ မှတ် ကြ လ တ္တံ့။

Judson Bible

⁴³ သင်​တို့ ညစ်​ညူး​သော ကျင့်​ကြံ​ပြု​မူ​ရာ​အ​မှု​ရှိ​သ​မျှ​တို့​ကို ထို​ပြည်၌ အောက်​မေ့၍၊ ပြု​မိ​သ​မျှ​သော ဒု​စ​ရိုက်​တို့​ကြောင့် ကိုယ်​ကို​ကိုယ် ရွံ​ရှာ​ကြ​လိမ့်​မည်။

ယေ​ဇ​ကျေ​လ 20:43 ပူးပေါင်းရင်းမြစ်များ

ယောဘဝတ္တု။ 42:6

ထို့ကြောင့် ကိုယ့်ကိုယ်ကို ရွံရှာ​မိ​ပါ​၏​။ နောင်တရ​လျက် မြေမှုန့်​ထဲ​၊ ပြာပုံ​ထဲမှာ ထိုင်​နေ​ရ​ပါ​၏”​ဟု လျှောက်​လေ​၏​။

ယေ​ရ​မိ 31:18

ဧဖရိမ်​က “​ကိုယ်တော်​သည် အကျွန်ုပ်​ကို​ပဲ့ပြင်​တော်မူ​ပြီ​။ အကျွန်ုပ်​သည် ရိုင်း​သော​နွားသငယ်​ကဲ့သို့ ပဲ့ပြင်​ခြင်း​ကို​ခံရ​ပါ​ပြီ​။ အကျွန်ုပ်​ကို ပြန်ခေါ်​ပါ​။ အကျွန်ုပ် ပြန်လာ​ပါရစေ​။ ကိုယ်တော်​သည် အကျွန်ုပ်​၏​ထာဝရအရှင်​ဘုရားသခင် ဖြစ်​တော်မူ​ပါ​၏​။

ယေ​ဇ​ကျေ​လ 36:31

ထိုအခါ သင်​တို့​၏​ဆိုးညစ်​သော​အပြုအမူ​၊ မကောင်း​သော​လုပ်ရပ်​များ​ကို ပြန်လည်​သတိရ​၍ ကိုယ်​ပြု​ခဲ့​သော​စက်ဆုပ်ရွံရှာဖွယ်​အပြစ်​တို့​ကြောင့် ကိုယ့်ကိုယ်ကို စက်ဆုပ်​ကြ​လိမ့်မည်​။

ယေ​ဇ​ကျေ​လ 39:26

သူ​တို့​၏​နေရင်းပြည်​တွင် ခြိမ်းခြောက်​မည့်​သူ​မ​ရှိ ဘေးကင်းလုံခြုံ​စွာ​နေ​ရ​သောအခါ သူ​တို့​အရှက်ကွဲ​ခဲ့​ရ​သည်​ကို​လည်းကောင်း​၊ ငါ့​အပေါ်​သစ္စာမဲ့​၍ ဖောက်ပြန်မှားယွင်း​ခဲ့​ကြ​သည်​ကို​လည်းကောင်း မေ့လျော့​ကြ​လိမ့်မည်​။

ယေ​ဇ​ကျေ​လ 6:9

ထိုသို့ ဖမ်းသွား​ခြင်း​ခံရ​၍ လူမျိုးခြား​တို့​အလယ်​ရောက်ရှိ​နေ​သော ကြွင်းကျန်သူ​တို့​သည် စိတ်နှလုံး​ဖောက်ပြန်​၍ ငါ့​ထံမှ​လမ်းလွဲ​သွား​သောကြောင့်​၊ မျက်စိ​ဖောက်ပြန်​၍ ရုပ်တု​များ​နောက်သို့ လိုက်သွား​ခဲ့​သောကြောင့် ငါ​မည်မျှ​ရင်ကျိုး​ခဲ့​ရ​သည်​ကို သူ​တို့​သိနားလည်​လာ​ကြ​လိမ့်မည်​။ သူ​တို့​ပြု​ခဲ့​သော စက်ဆုပ်ရွံရှာဖွယ်​မကောင်းမှု​များ​ကြောင့် သူ​တို့​ကိုယ်​သူ​တို့ စက်ဆုပ်ရွံရှာ​ကြ​လိမ့်မည်​။

ဟော​ရှေ 5:15

သူ​တို့​သည် ကိုယ့်​အပြစ်​ကို​မ​ဝန်ခံ​မ​ချင်း​၊ ငါ့​မျက်နှာ​ကို​မ​ရှာ​မ​ချင်း စံမြန်း​ရာ​သို့ ငါ​ပြန်သွား​နေ​မည်​။ သူ​တို့​သည် ဆင်းရဲဒုက္ခ​ရောက်​သောအခါ ငါ့​ကို ကြိုးစားရှာ​ကြ​လိမ့်မည်​။”

လုကာ 18:13

အခွန်​ကောက်ခံ​သူ​မူကား အဝေး​၌​ရပ်​လျက် ကောင်းကင်​သို့​ပင်​မော်​မ​ကြည့်​ဝံ့​ဘဲ ရင်ဘတ်စည်တီး​လျက် ‘အို ဘုရားသခင်၊ အပြစ်​များ​သော​အကျွန်ုပ်​ကို သနား​တော်မူ​ပါ’​ဟု ဆုတောင်း​၏။

၂ ကော 7:11

ကြည့်​ကြ​လော့။ ဘုရားသခင်​၏​အလို​တော်​နှင့်​ညီ​သော ဤ​ဝမ်းနည်း​ခြင်း​သည် သင်​တို့​အထဲတွင် မည်သို့​သော ကြိုးစား​အားထုတ်​ခြင်း၊ ဖြေရှင်း​ချက်​ပေး​ခြင်း၊ မခံမရပ်​နိုင်​ဖြစ်​ခြင်း၊ ကြောက်ရွံ့​ခြင်း၊ အလွန်​တောင့်တ​ခြင်း၊ စိတ်အား​ထက်သန်​ခြင်း​နှင့် တရား​သဖြင့်​စီရင်​ခြင်း​တို့​ကို ဖြစ်ပေါ်​စေ​ခဲ့​သနည်း။ သင်​တို့​သည် ဤ​အမှု​၌​အပြစ်​ကင်းစင်​ကြောင်း သင်​တို့​ကိုယ်တိုင် အရာရာ​၌​ထင်ရှား​စေ​ကြ​ပြီ။