ယေ​ဇ​ကျေ​လ 16:43 - မြန်​​​မာ့​​​စံ​​​မီ​​​သမ္မာ​​​ကျမ်း​​

⁴³ ဘုရားရှင်​ထာဝရဘုရား​က ‘သင်​၏​ငယ်ဘဝ​ကို မေ့​ထား​ပြီး ညစ်ညမ်း​သော​အမှု​၊ စက်ဆုပ်ရွံရှာဖွယ်​အမှု​ရှိသမျှ​တို့​ကို ပြု​ခြင်း​ဖြင့် ငါ့​ကို​ဒေါသထွက်​စေ​သောကြောင့် သင်​ပြု​ခဲ့​သမျှ​တို့​ကို သင့်​ခေါင်း​ပေါ် ပြန်ရောက်​စေ​မည်​။ ထို​အမှု​အပေါင်း​တို့​ကို သင်​မ​ပြု​တော့​နှင့်​။

Common Language Bible

⁴³ ငယ်​စဉ်​အ​ခါ​က​သင့်​အ​ကြောင်း​ကို သင်​သည် မေ့​ပျောက်​ကာ​ဆိုး​ညစ်​မှု​အ​ပေါင်း​ကို​ပြု​၍ ငါ ၏​အ​မျက်​ကို​နှိုး​ဆော်​ခဲ့​၏။ သို့​ဖြစ်​၍​ထို​အ​မှု အ​ရာ​များ​အ​တွက် ငါ​သည်​သင့်​ကို​ဒဏ်​ပေး ရ​၏။ သင်​သည်​အ​ကျင့်​ပျက်​ပြား​မှု​အ​ပြင် အ​ခြား​စက်​ဆုပ်​ဖွယ်​ကောင်း​သည့်​အ​မှု​များ ကို အ​ဘယ်​ကြောင့်​ထပ်​လောင်း​၍​ပြု​သ​နည်း'' ဟူ​၍​တည်း။ ဤ​ကား​အ​ရှင်​ထာ​ဝ​ရ​ဘု​ရား မိန့်​တော်​မူ​သော​စ​ကား​ဖြစ်​၏။

Garrad Bible

⁴³ ငယ် ရွယ် စဉ် ကာ လ ကို သင် သ တိ လစ် လျက်၊ ထို အ နည်း နည်း အား ဖြင့် စိတ် တော် ကို ဆွ လေ့ ရှိ သော ကြောင့်၊ အ လေ့ အ လာ ကို ငါ ဆပ် ပေး သ ဖြင့်၊ ရွံ ရှာ ဖွယ် အ မှု များ တွင် ကာ မ ဂုဏ် ကို သင် ပြု တော့ မည် မ ဟုတ် ဟု အ ရှင် ထာ ဝ ရ ဘု ရား မိန့် တော် မူ ကြောင်း၊

Judson Bible

⁴³ သင်​သည် အ​သက်​ငယ်​သော​ကာ​လ​ကို မ​အောက်​မေ့၊ အ​ရာ​ရာ၌ ငါ့​စိတ်​ကို နှောင့်​ယှက်​သော​ကြောင့်၊ သင့်​အ​ပြစ်​ကို သင့်​ခေါင်း​ပေါ်​သို့ ငါ​သက်​ရောက်​စေ​မည်။ စက်​ဆုပ်​ရွံ​ရှာ​ဖွယ်​သော အ​မှု​ရှိ​သ​မျှ​တို့​အ​ပေါ်​မှာ ဆိုး​ညစ်​သော​အ​ကြံ​ကို ထပ်၍ ထို​အ​ကြံ​အ​တိုင်း​မ​ပြု​ရ။

ယေ​ဇ​ကျေ​လ 16:43 ပူးပေါင်းရင်းမြစ်များ

ဆာ​လံ 106:13

သို့သော် သူ​တို့​သည် ကိုယ်တော်​ပြု​တော်မူ​သော​အမှု​တို့​ကို အလျင်အမြန်​မေ့လျော့​ကြ​၏​။ ကိုယ်တော်​၏​အကြံဉာဏ်​ကို​လည်း မ​စောင့်မျှော်​ဘဲ

ဆာ​လံ 78:40

သူ​တို့​သည် တောကန္တာရ​၌ ဘယ်နှကြိမ်​ဘယ်နှခါ​မျှ ကိုယ်တော်​ကို​ပုန်ကန်​ကြ​ပြီး ကန္တာရမြေ​၌ ကိုယ်တော်​ကို​စိတ်ထိခိုက်​စေ​ခဲ့​ကြ​သနည်း​။

ဆာ​လံ 78:42

သူ​တို့​သည် ကိုယ်တော်​၏ တန်ခိုး​တော်​ကို​လည်းကောင်း​၊ သူ​တို့​ကို​ရန်သူ​၏​လက်​မှ ရွေးနုတ်ကယ်တင်​တော်မူ​ရာ​နေ့ရက်​တည်းဟူသော

ဆာ​လံ 95:10

ငါ​သည် အနှစ်​လေးဆယ်​အတွင်း ထို​မျိုးဆက်​ကို​စက်ဆုပ်​၍ “​သူ​တို့​သည် စိတ်သဘော​မှားယွင်း​သော​လူမျိုး​ဖြစ်​ကြ​၏​။ ငါ​၏​လမ်း​တို့​ကို​လည်း မ​သိ​ကြ​”​ဟု ဆို​၏​။

ဟေ​ရှာ​ယ 63:10

သို့သော် သူ​တို့​သည်​ပုန်ကန်​ခြင်း​ဖြင့် သန့်ရှင်း​သော​ဝိညာဉ်​တော်​ကို ဝမ်းနည်း​စေ​ခဲ့​သောကြောင့် ကိုယ်တော်​သည် သူ​တို့​၏​ရန်သူ​ဖြစ်သွား​၍ သူ​တို့​ကို​တိုက်ခိုက်​တော်မူ​၏​။

ယေ​ရ​မိ 2:32

အပျိုကညာ​သည် မိမိ​အဆင်တန်ဆာ​ကို​လည်းကောင်း​၊ သတို့သမီး​သည် မိမိ​မင်္ဂလာဆောင်ဝတ်စုံ​ကို​လည်းကောင်း မေ့လျော့​နိုင်​မည်လော​။ သို့သော် ငါ​၏​လူ​တို့​သည် ကာလ​ကြာမြင့်​စွာ ငါ့​ကို​မေ့လျော့​ကြ​ပြီ​။

ယေ​ဇ​ကျေ​လ 11:21

သို့သော် စက်ဆုပ်​ရွံရှာဖွယ်​ရာ​များ​နောက်​သို့​လိုက်​လို​သော စိတ်ဆန္ဒ​ပြင်းပြ​သော​သူ​တို့​ကို​မူ သူ​တို့​ပြုကျင့်​သည့်​အတိုင်း သူ​တို့​ခေါင်း​ပေါ်သို့​ပြန်ရောက်​စေ​မည်’​ဟူ၍ မိန့်​တော်မူ​သည်”​ဟု မိန့်ဆို​လေ​၏​။

ယေ​ဇ​ကျေ​လ 16:22

သင်​သည် အလုံးစုံ​သော​စက်ဆုပ်ရွံရှာဖွယ်​ပြည့်တန်ဆာအမှု​ကို​ပြု​စဉ် ငယ်စဉ်​ဘဝ​က အဝတ်မပါ​အချည်းစည်း​ဖြစ်​ခဲ့​၍ သွေး​ထဲတွင်​လူး​နေ​ခဲ့​ရ​သည်​ကို သင်​မ​အောက်မေ့​ပါ​တကား​။

ယေ​ဇ​ကျေ​လ 16:58

သင်​ပြု​ခဲ့​သော ညစ်ညမ်းမှု​၊ စက်ဆုပ်ရွံရှာဖွယ်​အမှု​များ​ကြောင့် သင်​ပြန်​ခံရ​မည်’​ဟု ဘုရားရှင်​ထာဝရဘုရား မိန့်​တော်မူ​၏​။

ယေ​ဇ​ကျေ​လ 17:19

ထို့ကြောင့် ဘုရားရှင်​ထာဝရဘုရား​က ‘ငါ​အသက်ရှင်​သည်​နှင့်အညီ ငါ​နှင့်​ကျိန်ဆို​ခဲ့​သည်​ကို​မထီမဲ့မြင်ပြု​၍ ငါ​နှင့်​ဖွဲ့​သော​ပဋိညာဉ်​ကို​ချိုးဖောက်​သော​အပြစ်​အတွက် အမှန်ပင် သူ့​ခေါင်း​ပေါ်သို့​ရောက်​စေ​မည်​။

ယေ​ဇ​ကျေ​လ 22:31

ထို့ကြောင့် ငါ့​အမျက်​ဒေါသ​ကို သူ​တို့​အပေါ် သွန်ချ​မည်​။ ငါ့​အမျက်​မီး​ဖြင့် သူ​တို့​ကို လောင်ကျွမ်း​စေ​မည်​။ သူ​တို့​ပြုကျင့်​ခဲ့​သည့်​အတိုင်း သူ​တို့​ခေါင်း​ပေါ်သို့ ပြန်ရောက်​စေ​မည်​”​ဟု ဘုရားရှင်​ထာဝရဘုရား မိန့်ဆို​၏​။

ယေ​ဇ​ကျေ​လ 6:9

ထိုသို့ ဖမ်းသွား​ခြင်း​ခံရ​၍ လူမျိုးခြား​တို့​အလယ်​ရောက်ရှိ​နေ​သော ကြွင်းကျန်သူ​တို့​သည် စိတ်နှလုံး​ဖောက်ပြန်​၍ ငါ့​ထံမှ​လမ်းလွဲ​သွား​သောကြောင့်​၊ မျက်စိ​ဖောက်ပြန်​၍ ရုပ်တု​များ​နောက်သို့ လိုက်သွား​ခဲ့​သောကြောင့် ငါ​မည်မျှ​ရင်ကျိုး​ခဲ့​ရ​သည်​ကို သူ​တို့​သိနားလည်​လာ​ကြ​လိမ့်မည်​။ သူ​တို့​ပြု​ခဲ့​သော စက်ဆုပ်ရွံရှာဖွယ်​မကောင်းမှု​များ​ကြောင့် သူ​တို့​ကိုယ်​သူ​တို့ စက်ဆုပ်ရွံရှာ​ကြ​လိမ့်မည်​။

ယေ​ဇ​ကျေ​လ 9:10

ထို့ကြောင့် ငါ​သည် သူ​တို့​ကို သနား​ညှာတာ​မည်​မ​ဟုတ်​။ သူ​တို့​ပြုမူကျင့်ကြံ​ခဲ့​သည်​တို့​ကို သူ​တို့​ခေါင်း​ပေါ်​ပြန်ရောက်​စေ​မည်​”​ဟု မိန့်​တော်မူ​၏​။

ဒံ​ယေ​လ 9:13

ပညတ္တိကျမ်း​တွင် မောရှေ​ရေး​ထား​သည့် ဘေးဆိုး​အလုံးစုံ​တို့​သည် အကျွန်ုပ်​တို့​အပေါ် သင့်ရောက်​ပါ​၏​။ ထိုသို့​ဖြစ်​သည့်​တိုင် အကျွန်ုပ်​တို့​သည် အကျွန်ုပ်​တို့​၏​ဘုရားသခင်​ထာဝရဘုရား​၏​မျက်နှာ​တော်​ကို မ​ရှာ​၊ အပြစ်လမ်း​မှ ပြန်​မ​လှည့်​၊ သမ္မာတရား​ကို အလေး​မ​ထား​ခဲ့​ကြ​ပါ​။

ဒံ​ယေ​လ 9:14

ထာဝရဘုရား​သည် စောင့်ကြည့်​လျက် အကျွန်ုပ်​တို့​ကို ဘေးဆိုး​သင့်​စေ​ပြီ​။ စင်စစ် အကျွန်ုပ်​တို့​၏​ဘုရားသခင်​ထာဝရဘုရား ပြု​တော်မူ​သော​အမှု​အလုံးစုံ​တို့​သည် ဖြောင့်မှန်​ပါ​၏​။ အကျွန်ုပ်​တို့​သည် ကိုယ်တော်​၏​စကား​တော်​ကို နား​မ​ထောင်​ဘဲ နေ​မိ​ခဲ့​ကြ​ပါ​၏​။

အာ​မုတ် 2:13

ကြည့်ရှု​လော့​။ လှည်း​သည် ကောက်လှိုင်း​အပြည့်​နှင့် အဖိ​ခံရ​သကဲ့သို့ သင်​တို့​ကို ငါ​ဖိချ​မည်​။

တမန်တော်ဝတ္ထု 7:51

ခေါင်းမာ​၍ နား​နှင့်​စိတ်နှလုံး​တို့​၌ အရေဖျား​လှီး​ခြင်း​မ​ရှိ​သော​သူ​တို့၊ သင်​တို့​သည်​လည်း သင်​တို့​၏​ဘိုးဘေး​များ​နည်းတူ သန့်ရှင်း​သော​ဝိညာဉ်​တော်​ကို အစဉ်​ဆန့်ကျင်ဘက်​ပြု​ကြ​၏။

ဧ​ဖက် 4:30

ဘုရားသခင်​၏​သန့်ရှင်း​သော​ဝိညာဉ်​တော်​ကို ဝမ်း​မ​နည်း​စေ​ကြ​နှင့်။ သင်​တို့​သည် ရွေးနုတ်​ခြင်း​နေ့ရက်​အတွက် ထို​ဝိညာဉ်​တော်​ဖြင့် တံဆိပ်​ခတ်နှိပ်​ခြင်း​ကို​ခံရ​ကြ​၏။

တ​ရား​ဟော 32:21

သူ​တို့​သည် ဘုရား​မ​ဟုတ်​သော​အရာ​များ​ဖြင့် ငါ့​ကို သဝန်တို​စေ​ကြ​ပြီ​။ အချည်းနှီး​သော​အရာ​များ​ဖြင့် ငါ့​ကို အမျက်ထွက်​စေ​ကြ​ပြီ​။ သို့ဖြစ်၍ ငါ​သည် မ​ပြောပလောက်​သော​လူမျိုး​ဖြင့် သူ​တို့​ကို သဝန်တို​စေ​မည်​။ မိုက်မဲ​သော​လူမျိုး​ဖြင့် သူ​တို့​ကို အမျက်ထွက်​စေ​မည်​။