ယေ​ဇ​ကျေ​လ 12:6 - မြန်​​​မာ့​​​စံ​​​မီ​​​သမ္မာ​​​ကျမ်း​​

⁶ သူ​တို့​မျက်စိ​ရှေ့​တွင်ပင် အထုပ်​ကို သင့်​ပခုံး​ပေါ်တွင်​ထမ်း​၍ အမှောင်​ထဲသို့​ထွက်သွား​လော့​။ ဘာမျှ​မ​မြင်​ရ​အောင် မျက်နှာ​ကို​ဖုံး​ထား​လော့​။ ငါ​သည် သင့်​ကို အစ္စရေး​အမျိုးအနွယ်​တို့​အဖို့ နိမိတ်လက္ခဏာ​ဖြစ်​စေ​ပြီ​”​ဟု မိန့်ဆို​၏​။

Common Language Bible

⁶ ထို​အ​ထုပ်​အ​ပိုး​ကို​ပ​ခုံး​ပေါ်​သို့​တင်​သည် ကို​လည်း​ကောင်း၊ မိ​မိ​သွား​မည့်​လမ်း​ကို​မ​မြင် နိုင်​စေ​ရန်​မျက်​နှာ​ကို​ဖုံး​၍​မှောင်​ထဲ​တွင် သင် ထွက်​ခွာ​သည်​ကို​လည်း​ကောင်း​ထို​သူ​တို့​မြင် ကြ​ပါ​စေ။ သင်​ပြု​သော​အ​မှု​သည်​ဣ​သ​ရေ လ​အ​မျိုး​သား​တို့​အ​တွက် သ​တိ​ပေး​သည့် နိ​မိတ်​လက္ခ​ဏာ​ဖြစ်​လိမ့်​မည်'' ဟု​မိန့်​တော် မူ​၏။

Garrad Bible

⁶ ဣ သ ရေ လ အ မျိုး သား တို့ ရှေ့၊ သက် သေ လ က္ခ ဏာ အ ဖြစ်၊ သင့် ကို ငါ ခန့် ထား ပြီး ဖြစ် သော ကြောင့်၊ မြေ ကို မ မြင် အောင် မျက် နှာ ဖုံး လျက်၊ မှောင် ကျ မှ ထုတ် ပြီး လျှင်၊ ချင်း တို့ မျက် မှောက် တွင် ထမ်း သွား လော့ ဟု မိန့် မှာ တော် မူ သည့် အ တိုင်း၊

Judson Bible

⁶ ညဉ့်​ဦး​ယံ​အ​ချိန်၌ သူ​တို့​မျက်​မှောက်​တွင် ပ​ခုံး​ပေါ်​မှာ​ထမ်း၍ ထုတ်​ရ​မည်။ မြေ​ကို​မ​မြင်​ရ​အောင် မျက်​နှာ​ကို​ဖုံး​ရ​မည်။ အ​ကြောင်း​မူ​ကား၊ သင့်​ကို ဣ​သ​ရေ​လ​အ​မျိုး​အား နိ​မိတ်​လ​က္ခ​ဏာ​ဖြစ်​စေ​ခြင်း​ငှာ ငါ​ခန့်​ထား​ပြီ​ဟု မိန့်​တော်​မူ​သည်​အ​တိုင်း၊

ယေ​ဇ​ကျေ​လ 12:6 ပူးပေါင်းရင်းမြစ်များ

၂ ရာ 15:30

ဒါဝိဒ်​မင်းကြီး​သည် သံလွင်​တောင်​တက်လမ်း​အတိုင်း ငိုကြွေး​လျက်​၊ ဦးခေါင်း​ကို​လည်း​ခြုံ​လျက် ခြေနင်း​တော်​မ​ပါ​ဘဲ တက်သွား​၏​။ သူ​နှင့်​ပါလာ​သော​လူ​အပေါင်း​တို့​သည်​လည်း အသီးသီး​ဦးခေါင်း​ကို​ခြုံ​ထား​လျက်​၊ ငိုကြွေး​လျက် လိုက်တက်​သွား​ကြ​၏​။

၄ ရာ 7:5

သူ​တို့​သည် မှောင်ရီပျိုးစ​အချိန်​တွင် ထ​၍​ဆီးရီးယား​တပ်စခန်း​သို့ သွား​ကြ​၏​။ သူ​တို့​သည် ဆီးရီးယား​တပ်စခန်း​အစွန်​နား​ရောက်​သောအခါ လူ​တစ်ယောက်​မျှ​မ​ရှိ​သည်​ကို တွေ့​ရ​လေ​၏​။

ယောဘဝတ္တု။ 24:17

နံနက်အချိန်​သည် သူ​တို့​အဖို့ သေမင်း​အရိပ်​ကဲ့သို့​ဖြစ်​၏​။ သူ​တို့​သည် ထိတ်လန့်ဖွယ်​သော​သေမင်းအရိပ်​နှင့် အကျွမ်းဝင်​ကြ​၏​။

ဟေ​ရှာ​ယ 8:18

ဇိအုန်​တောင်​၌​ကိန်းဝပ်​တော်မူ​သော ကောင်းကင်​ဗိုလ်ခြေ​အရှင်​ထာဝရဘုရား​က အစ္စရေး​လူမျိုး​တို့​အား ပေး​တော်မူ​သော အမှတ်လက္ခဏာ​၊ အံ့ဩဖွယ်အမှု​တို့​မှာ ငါ​နှင့် ထာဝရဘုရား​ငါ့​အား​ပေး​တော်မူ​သော သားသမီး​တို့​ပင်​ဖြစ်​၏​။

ယေ​ဇ​ကျေ​လ 12:13

ထို​မင်း​ကို ပိုက်ကွန်​နှင့်​အုပ်​သဖြင့် သူ​သည် ပိုက်ကွန်​၌​မိ​လိမ့်မည်​။ သူ့​ကို ခါလဒဲ​ပြည်​၊ ဘေဘီလုံ​မြို့​သို့ ခေါ်ဆောင်​သွား​မည်​ဖြစ်​သော်လည်း ထို​မြို့​ကို သူ​မြင်​ခွင့်​ရ​မည်​မ​ဟုတ်​။ ထို​မြို့​တွင်ပင် သူ​သေ​ရ​လိမ့်မည်​။

ယေ​ဇ​ကျေ​လ 12:5

သူ​တို့​မျက်စိ​ရှေ့​တွင်ပင် နံရံ​ကို​ဖောက်​ပြီး သင့်​အထုပ်​ကို ထုတ်သွား​လော့​။

ယေ​ဇ​ကျေ​လ 24:24

ယေဇကျေလ​၏​ဖြစ်ရပ်​သည် သင်​တို့​အတွက် နိမိတ်​ဖြစ်​၏​။ သူ​ပြု​သည့်​အတိုင်း သင်​တို့​ပြု​ရ​မည်​။ ထိုသို့​ဖြစ်ပျက်​သောအခါ​မှ ငါ​သည် ဘုရားရှင်​ထာဝရဘုရား​ဖြစ်ကြောင်း သင်​တို့​သိ​ကြ​လိမ့်မည်ဟူ၍ မိန့်​တော်မူ​သည်​ဟု ဆင့်ဆို​လော့​။

ယေ​ဇ​ကျေ​လ 4:3

ထို့နောက် သံပြား​တစ်​ချပ်​ကို​ယူ​၍ သင်​နှင့်​မြို့​ပုံ​အကြား​တွင် သံ​မြို့ရိုး​သဖွယ် ကာ​ထား​လော့​။ သင်​သည် မြို့​ဘက်​သို့ စိုက်ကြည့်​လော့​။ ထိုအခါ မြို့​သည် ဝိုင်း​ထား​ခြင်း​ခံရ​သကဲ့သို့ ဖြစ်​မည်​။ ဤသို့ မြို့​ကို​ဝိုင်းထား​ခြင်း​သည် အစ္စရေး​အမျိုးအနွယ်​တို့​အတွက် နိမိတ်လက္ခဏာ​ဖြစ်​၏​။

ဇာ​ခ​ရိ 3:8

အို ယဇ်ပုရောဟိတ်​မင်း​ယောရှု​၊ နားထောင်​လော့​။ သင်​နှင့်အတူ သင့်​ရှေ့​တွင်​ထိုင်​သော​သင့်​အပေါင်းပါ​တို့​လည်း နားထောင်​ကြ​လော့​။ အကြောင်းမူကား သူ​တို့​သည် နိမိတ်လက္ခဏာ​နှင့်ဆိုင်သော​လူ​များ ဖြစ်​ကြ​၏​။ ကြည့်ရှု​လော့​။ ငါ့​အစေအပါး​ဖြစ်​သည့် အတက်​ကို ငါ​ထွက်လာ​စေ​မည်​။

၁ ရာ 28:8

ရှောလု​မင်းကြီး​သည် ရုပ်ဖျက်​၍ တခြား​အဝတ်​ကို​ဝတ်​ပြီးလျှင် သူ့​နောက်လိုက်​နှစ်​ဦး​နှင့်အတူ သွား​ရာ ညအချိန်​တွင် ထို​မိန်းမ​ရှိ​ရာ​သို့ ရောက်လာ​၏​။ ရှောလု​မင်းကြီး​က သူ့​အား “​နတ်​ကို အမှီပြု​၍ ငါ​ပြော​သော​သူ​ကို ခေါ်ပေး​ပါ​လော့​”​ဟု ဆို​၏​။