ယေ​ဇ​ကျေ​လ 12:4 - မြန်​​​မာ့​​​စံ​​​မီ​​​သမ္မာ​​​ကျမ်း​​

⁴ သုံ့ပန်း​အထုပ်အပိုး​ကဲ့သို့ သင်​ပြင်ဆင်​ထား​သော​အထုပ်အပိုး​များ​ကို နေ့​အချိန်​၌ သူ​တို့​၏​မျက်စိ​ရှေ့​တွင်ပင် ထုတ်သွား​လော့​။ နေဝင်ချိန်​၌ သူ​တို့​၏​မျက်စိ​ရှေ့​တွင်ပင် သုံ့ပန်း​ပါသွား​သော​သူ​ကဲ့သို့ ထွက်သွား​လော့​။

Common Language Bible

⁴ သူ​တို့​မြင်​နိုင်​စေ​ရန်​နေ့​အ​ချိန်​၌ သင်​သည် အ​ရပ်​တစ်​ပါး​သို့​ပြောင်း​ရွှေ့​မည့်​အ​မူ​အ​ရာ ဖြင့်​အ​ထုပ်​အ​ပိုး​ပြင်​ဆင်​၍ ည​နေ​ချိန်​၌ သူ​တို့​၏​မျက်​မှောက်​တွင်​ဒုက္ခ​သည်​ကဲ့​သို့ ထွက်​ခွာ​သွား​လော့။-

Garrad Bible

⁴ သင် သည်၊ နေ့ အ ခါ၊ သူ တို့ မျက် မှောက် တွင်၊ သိမ်း ရာ ပါ ပ စ္စည်း ဖြစ် သ ကဲ့ သို့၊ သင့် ပ ရိ က္ခ ရာ ကို ထုတ် လျက်၊ သိမ်း သွား ခံ သူ တို့ ထွက် ရ သည့် နည်း တူ၊ ညဉ့် ဦး အ ချိန်၊ သူ တို့ မျက် မှောက် တွင် ထွက် ရ မည့် ပြင်၊

Judson Bible

⁴ နေ​ရာ​ပြောင်း​စ​ရာ​ဖို့ ပြင်​ဆင်​သော ဥ​စ္စာ​ပ​ရိ​ကံ​များ​ကဲ့​သို့၊ သင်​၏​ဥ​စ္စာ​ပ​ရိ​ကံ​များ​ကို နေ့​အ​ချိန်၌ သူ​တို့​မျက်​မှောက်​တွင် ထုတ်​ရ​မည်။ သိမ်း​သွား​ခြင်း​ကို ခံ​ရ​သော​သူ​ကဲ့​သို့၊ ည​အ​ချိန်၌ သူ​တို့​မျက်​မှောက်​တွင် ထွက်​သွား​ရ​မည်။

ယေ​ဇ​ကျေ​လ 12:4 ပူးပေါင်းရင်းမြစ်များ

၄ ရာ 25:4

နောက်ဆုံး​၌ မြို့ရိုး​ကျိုးပေါက်​သွား​ပြီး ခါလဒဲ​စစ်သည်​တို့​က မြို့​ကို​ဝိုင်းရံ​ထား​ကြ​သော်လည်း ရှင်ဘုရင်​နှင့်တကွ စစ်သူရဲ​အပေါင်း​တို့​သည် ညအချိန်​တွင် ဘုရင့်​ဥယျာဉ်​တော်​အနီး မြို့ရိုး​နှစ်​ခု​ကြား​ရှိ​တံခါး​မှ​ထွက်​၍ အရာဗ​လွင်ပြင်​သွား​ရာ​လမ်း​အတိုင်း ထွက်ပြေး​ကြ​၏​။

ယေ​ရ​မိ 39:4

ယုဒ​ဘုရင်​ဇေဒကိ​မင်းကြီး​နှင့် သူ​၏​စစ်သည်​အပေါင်း​တို့​သည် ထို​သူ​တို့​ကို​မြင်​သောအခါ ညအချိန်​တွင်​ပင် ဘုရင့်​ဥယျာဉ်​တော်​လမ်း​အတိုင်း​ပြေး​၍ မြို့ရိုး​နှစ်​ခု​ကြား​ရှိ​တံခါး​မှ မြို့ပြင်​သို့​ထွက်​ပြီး အရာဗ​လွင်ပြင်​သွား​ရာ​လမ်း​အတိုင်း ထွက်ပြေး​ကြ​၏​။

ယေ​ရ​မိ 52:7

နောက်ဆုံး​၌ မြို့ရိုး​ကျိုးပေါက်​သွား​သဖြင့် စစ်သူရဲ​အပေါင်း​တို့ ထွက်ပြေး​ကြ​၏​။ ခါလဒဲ​စစ်သည်​တို့​က မြို့​ကို​ဝိုင်းရံ​ထား​ကြ​သော်လည်း စစ်သူရဲ​တို့​သည် ညအချိန်​တွင် ဘုရင့်​ဥယျာဉ်​တော်​အနီး မြို့ရိုး​နှစ်​ခု​ကြား​ရှိ​တံခါး​မှ​ထွက်​၍ အရာဗ​လွင်ပြင်​သွား​ရာ​လမ်း​အတိုင်း ထွက်ပြေး​ကြ​၏​။

ယေ​ဇ​ကျေ​လ 12:12

သူ​တို့​ကို​အုပ်စိုး​သော​မင်း​သည် အထုပ်​ကို​ပခုံး​ပေါ်​တင်​၍ အမှောင်​ထဲသို့ ထွက်သွား​ရ​လိမ့်မည်​။ နံရံ​ကို​ဖောက်​၍ အထုပ်​သယ်သွား​ရ​လိမ့်မည်​။ မြေ​ကို​မ​မြင်​ရ​အောင် မျက်နှာ​ကို​ဖုံး​ထား​ရ​လိမ့်မည်​။

ယေ​ဇ​ကျေ​လ 12:5

သူ​တို့​မျက်စိ​ရှေ့​တွင်ပင် နံရံ​ကို​ဖောက်​ပြီး သင့်​အထုပ်​ကို ထုတ်သွား​လော့​။