ယေ​ဇ​ကျေ​လ 11:16 - မြန်​​​မာ့​​​စံ​​​မီ​​​သမ္မာ​​​ကျမ်း​​

¹⁶ ထို့ကြောင့် ‘ဘုရားရှင်​ထာဝရဘုရား​က ငါ​သည် သူ​တို့​ကို လူမျိုးခြား​တို့​နေရာ ရပ်ဝေး​သို့​ပို့​၍ အရပ်ရပ်​သို့​ကွဲလွင့်​စေ​သော်လည်း သူ​တို့​ရောက်ရှိ​ရာ​အရပ်ရပ်​တွင် ငါ​သည် သူ​တို့​အဖို့ ယာယီ​သန့်ရှင်းရာဌာန​ဖြစ်​မည်​ဟူ၍ မိန့်​တော်မူ​သည်’​ဟု ပြောကြား​လော့​။

Common Language Bible

¹⁶ ထို့​ကြောင့်​ငါ​အ​ရှင်​ထာ​ဝ​ရ​ဘု​ရား​မိန့်​တော် မူ​သည်​ကား``သူ​တို့​အား​ရပ်​ဝေး​ရှိ​လူ​မျိုး​ခြား နှင့်​အ​တူ​နေ​ထိုင်​ရန်​စေ​လွှတ်​၍ တိုင်း​တစ်​ပါး တို့​တွင်​ပျံ့​လွင့်​စေ​ခဲ့​သော်​လည်း​အ​ခိုက်​အ​တန့် အား​ဖြင့် သူ​တို့​ရှိ​ရာ​အ​ရပ်​၌​သူ​တို့​နှင့် အ​တူ​ငါ​ရှိ​မည်။''

Garrad Bible

¹⁶ သို့ ဖြစ်၍၊ ငါ သည် သိမ်း သွား ခံ ရ သူ တို့ ကို၊ လူ မျိုး ခြား တို့ တွင် ဝေး ကွာ စေ လျက်၊ အ ပြည် ပြည် သို့ ကွဲ လွင့် စေ သော် လည်း၊ ဝင် ရောက် ခဲ့ ရာ ထို ပြည် များ တွင် ရှိ နေ ခိုက်၊ ခို လှုံ ရာ ဇင်္ဂ မ ဖြစ် မည် ဟု အ ရှင် ထာ ဝ ရ ဘု ရား မိန့် တော် မူ ကြောင်း၊

Judson Bible

¹⁶ ထို​ကြောင့်၊ အ​ရှင်​ထာ​ဝ​ရ​ဘု​ရား မိန့်​တော်​မူ​သည်​ကား၊ သင်၏​အ​မျိုး​သား​ချင်း​တို့​ကို တစ်​ပါး​အ​မျိုး​သား​တို့ နေ​ရာ​ဝေး​သော​အ​ရပ်​သို့ ငါ​ပြောင်း​စေ၍၊ အ​တိုင်း​တိုင်း​အ​ပြည်​ပြည်​တို့၌ ဖြန့်​ကြဲ​သော်​လည်း၊ သူ​တို့​ရောက်​သော​ပြည်​တို့၌ ငါ​သည်​သူ​တို့​အ​ဖို့ သန့်​ရှင်း​ရာ​ဌာ​န​ကဲ့​သို့ ခ​ဏ​ဖြစ်​လိမ့်​မည်။

ယေ​ဇ​ကျေ​လ 11:16 ပူးပေါင်းရင်းမြစ်များ

ဆာ​လံ 31:20

ကိုယ်တော်​သည် သူ​တို့​ကို လူ​တို့​၏​လျှို့ဝှက်ကြံစည်မှု​များ​မှ​ကင်းလွတ်​စေရန် ရှေ့​တော်​ရှိ​ကွယ်ကာ​ရာ​အရပ်​၌ ဖုံးကွယ်​ထား​တော်မူ​၏​။ ခိုက်ရန်ဖြစ်ပွား​တတ်​သော​လျှာ​များ​နှင့်​ကင်းဝေး​စေရန် သူ​တို့​ကို​ယာယီတဲ​၌​ဝှက်​ထား​တော်မူ​၏​။

ဆာ​လံ 44:11

ကိုယ်တော်​သည် သတ်စားစရာ​သိုး​များ​ကဲ့သို့ အကျွန်ုပ်​တို့​ကို​အပ်​လိုက်​၍ လူမျိုးခြား​တို့​အလယ်​တွင် အကျွန်ုပ်​တို့​ကို​ကွဲလွင့်​စေ​တော်မူ​၏​။

ဆာ​လံ 90:1

အို ဘုရားရှင်​၊ ကိုယ်တော်​သည် မျိုးဆက်​အစဉ်အဆက် အကျွန်ုပ်​တို့​၏​မှီခို​ရာ​ဖြစ်​တော်မူ​၏​။

ဆာ​လံ 91:1

အမြင့်ဆုံး​သော​အရှင်​၏​ကွယ်ကာ​ရာ​အရပ်​၌ နေ​သော​သူ​သည် အနန္တတန်ခိုးရှင်​၏​အရိပ်​ကို ခို​ရ​လိမ့်မည်​။

သုတ္တံကျမ်း။ 18:10

ထာဝရဘုရား​၏​နာမ​တော်​သည် ခိုင်ခံ့​သော​ရဲတိုက်​ဖြစ်​၏​။ ဖြောင့်မတ်​သော​သူ​သည် ထို​ရဲတိုက်​သို့​ပြေးဝင်​၍ လုံခြုံ​စွာ​နေ​ရ​၏​။

ဟေ​ရှာ​ယ 4:5

ထာဝရဘုရား​သည် ဇိအုန်​တောင်​၏​ဓမ္မစည်းဝေး​ရာ​နေရာ​မှစ၍ ထို​တောင်​၏​နေရာ​အနှံ့​တွင် နေ့အချိန်​၌ မိုးတိမ်​နှင့်​မီးခိုး​ကို​လည်းကောင်း​၊ ညအချိန်​၌ တောက်ပ​သော​မီးလျှံ​ကို​လည်းကောင်း ဖြစ်ပေါ်​စေ​တော်မူ​မည်​။ အကယ်စင်စစ် ဘုန်းအသရေ​ရှိသမျှ​တို့​အပေါ်​၌ မျက်နှာကြက်​ရှိ​မည်​။

ဟေ​ရှာ​ယ 8:14

ကိုယ်တော်​သည် သန့်ရှင်းရာဌာန​ကဲ့သို့​ဖြစ်​တော်မူ​မည်​။ သို့သော် အစ္စရေး​အမျိုးအနွယ်​နှစ်မျိုးစလုံး​အတွက် ခလုတ်တိုက်စရာ​ကျောက်​၊ ထိမိ​၍​လဲစရာ​ကျောက်​ကဲ့သို့​ဖြစ်​တော်မူ​မည်​။ ဂျေရုဆလင်​မြို့သား​တို့​အတွက် ကျော့ကွင်း​၊ ထောင်ချောက်​ကဲ့သို့​ဖြစ်​တော်မူ​မည်​။

ယေ​ရ​မိ 26:11

ထိုအခါ ယဇ်ပုရောဟိတ်​နှင့် ပရောဖက်​တို့​က မှူးမတ်​များ​နှင့်​ပြည်သူပြည်သား​အပေါင်း​တို့​အား “​သင်​တို့​နား​နှင့်​ဆတ်ဆတ်​ကြား​ကြ​သည့်​အတိုင်း သူ​သည် ဤ​မြို့​ကို​ဆန့်ကျင်​၍ ပရောဖက်ပြု​ဟောပြော​သောကြောင့် သေဒဏ်​ခံထိုက်​သည်​”​ဟု ပြောဆို​ကြ​၏​။

ယေ​ရ​မိ 26:7

ယဇ်ပုရောဟိတ်​များ​၊ ပရောဖက်​များ​နှင့် ပြည်သူပြည်သား​အပေါင်း​တို့​သည် ထာဝရဘုရား​၏​အိမ်​တော်​ထဲ၌ ယေရမိ​ဆင့်ဆို​သော စကား​ကို ကြား​ကြ​၏​။

ယေ​ရ​မိ 29:11

အကြောင်းမူကား ငါ​ထာဝရဘုရား​သည် သင်​တို့​အတွက်​ကြံစည်​ထား​သော အကြံအစည်​များ​ကို ငါ​သာလျှင်​သိ​၏​။ သင်​တို့​ကို ဒုက္ခ​ရောက်​စေ​မည်​မ​ဟုတ်​၊ ကောင်းစား​စေ​မည့် အကြံအစည်​ဖြစ်​၏​။ သင်​တို့​မျှော်လင့်​သော​အနာဂတ်​ကို ပေး​ရန်​အတွက်​ဖြစ်​၏​။

ယေ​ရ​မိ 29:7

သင်​တို့​ကို ဖမ်းခေါ်​သွား​၍ သင်​တို့​ရောက်​သော​မြို့​၌ အေးအေးချမ်းချမ်း​နေထိုင်​လျက် ထို​မြို့​အတွက် ထာဝရဘုရား​ထံ ဆုတောင်း​ပေး​ကြ​လော့​။ အကြောင်းမူကား ထို​မြို့​အေးချမ်း​လျှင် သင်​တို့​လည်း အေးအေးချမ်းချမ်း​နေ​ရ​မည်​ဟူ၍ မိန့်​တော်မူ​၏​။

ယေ​ရ​မိ 30:11

ထာဝရဘုရား​က “​ငါ​သည် သင်​နှင့်အတူ​ရှိ​မည်​။ သင့်​ကို​ကယ်တင်​မည်​။ သင့်​ကို ငါ​ကွဲလွင့်​စေ​ရာ​အရပ်ရပ်​ရှိ လူမျိုး​အားလုံး​ကို သုတ်သင်ဖျက်ဆီး​မည်​။ သင့်​ကို ငါ​သုတ်သင်ဖျက်ဆီး​မည်​မ​ဟုတ်​သော်လည်း အပြစ်​မ​ပေး​ဘဲ​မ​နေ​။ သင့်​ကို တရားမျှတ​စွာ​ဆုံးမ​မည်​”​ဟု မိန့်​တော်မူ​၏​။

ယေ​ရ​မိ 31:10

အို လူမျိုး​အပေါင်း​တို့​၊ ထာဝရဘုရား​၏​စကား​တော်​ကို နားထောင်​ကြ​လော့​။ ဝေး​သော​အရပ်​ရှိ ကမ်းရိုးတန်းဒေသ​တို့​တွင် ကြွေးကြော်​ကြ​လော့​။ “​အစ္စရေး​လူမျိုး​ကို ကွဲလွင့်​စေ​သော​အရှင်​သည် အစ္စရေး​လူမျိုး​ကို ပြန်စုသိမ်း​မည်​။ သိုးထိန်း​သည် မိမိ​၏​သိုးစု​ကို​စောင့်ထိန်း​သကဲ့သို့ သူ​တို့​ကို စောင့်ထိန်း​တော်မူ​မည်​”​ဟု ပြောကြား​ကြ​လော့​။

ယေ​ရ​မိ 42:11

ထာဝရဘုရား​က ‘​သင်​တို့​ကြောက်​ရ​သော ဘေဘီလုံ​ဘုရင်​ကို သင်​တို့​မ​ကြောက်​ကြ​နှင့်​။ သင်​တို့​နှင့်အတူ ငါ​ရှိ​သည်​ဖြစ်၍ ထို​ဘုရင်​လက်​မှ သင်​တို့​ကို ငါ​ရွေးနုတ်​ကယ်တင်​မည်​။ သူ့​ကို သင်​တို့​မ​ကြောက်​ကြ​နှင့်​။

ယေ​ဇ​ကျေ​လ 20:23

ထို့ပြင် ငါ​သည် သူ​တို့​ကို လူမျိုးတကာ​တို့​အလယ်​၊ အရပ်ရပ်​သို့ ကွဲလွင့်​ပျံ့နှံ့​စေ​မည်​ဟု တောကန္တာရ​၌ သူ​တို့​အား ကျိန်ဆို​ခဲ့​၏​။

ဝတ်​ပြု 26:44

ဤသို့​ဖြစ်၍ ရန်သူ​တို့​၏​ပြည်​၌ သူ​တို့​နေ​ကြ​ရ​သော်လည်း ငါ​သည် သူ​တို့​ကို​ဖျက်ဆီး​သည်​အထိ​၊ သူ​တို့​နှင့်​ဖွဲ့​ခဲ့​သော​ငါ​၏​ပဋိညာဉ်​ကို ချိုးဖောက်​ရ​သည်​အထိ သူ​တို့​ကို ငါ​ငြင်းပယ်​မည်​မ​ဟုတ်​၊ ရွံရှာ​မည်​မ​ဟုတ်​။ အကြောင်းမူကား ငါ​သည် သူ​တို့​၏​ဘုရားသခင်​ထာဝရဘုရား​ဖြစ်​၏​။

ဇာ​ခ​ရိ 2:6

ထာဝရဘုရား​က “​ထွက်ပြေး​ကြ​၊ ထွက်ပြေး​ကြ​၊ မြောက်​အရပ်​မှ ထွက်ပြေး​ကြ​။ မိုးကောင်းကင် လေး​မျက်နှာ​သို့ သင်​တို့​ကို ငါ​ကွဲလွင့်​စေ​ပြီ”​ဟု မိန့်​တော်မူ​၏​။

တ​ရား​ဟော 4:27

ထာဝရဘုရား​သည် သင်​တို့​ကို လူမျိုး​တကာ​တို့​အလယ်​သို့ ကွဲလွင့်​စေ​တော်မူ​မည်​။ ထိုသို့ သင်​တို့​ကို ထာဝရဘုရား​နှင်ထုတ်​တော်မူ​သော​အရပ်​၊ လူမျိုးခြား​တို့​ကြား​၌ သင်​တို့​သည် လူဦးရေ​အနည်းငယ်​သာ​ကျန်​လိမ့်မည်​။