ယေ​ဇ​ကျေ​လ 1:1 - မြန်​​​မာ့​​​စံ​​​မီ​​​သမ္မာ​​​ကျမ်း​​

¹ အနှစ်​သုံးဆယ်​ပြည့်​သော​နှစ်​၊ စတုတ္ထ​လ​၊ ငါး​ရက်​နေ့​တွင် ငါ​သည် ဖမ်းခေါ်​သွား​ခြင်း​ခံရ​သူ​တို့​နှင့်အတူ ခေဗာ​မြစ်​နား​၌​ရှိ​နေ​စဉ် ကောင်းကင်​ပွင့်​၍ ဘုရားသခင်​ဖွင့်ပြ​တော်မူ​သော​နိမိတ်အာရုံ​ကို ငါ​မြင်​ရ​၏​။

Common Language Bible

¹ သုံး​ဆယ်​နှစ်​မြောက် စ​တုတ္ထ​လ၊ လ​ဆန်း​ငါး​ရက်​နေ့​၌​ငါ​သည် ပြည်​နှင်​ဒဏ်​သင့်​သူ​ယု​ဒ​အ​မျိုး​သား​များ​နှင့်​အ​တူ​ဗာ​ဗု​လုန်​ပြည်၊ ခေ​ဗာ​မြစ်​အ​နီး​တွင်​နေ​ထိုင်​လျက်​ရှိ​စဉ် မိုး​ကောင်း​ကင်​ကွဲ​ဟ​၍​ဘုရား​သ​ခင်​ကို​ဗျာ​ဒိတ်​ရူ​ပါ​ရုံ​၌​မြင်​ရ​၏။-

Garrad Bible

¹ သုံး ဆယ် နှစ်၊ စ တု တ္ထ လ၊ ငါး ရက်၌၊ သိမ်း သွား ခံ ရ သူ တို့ နှင့် အ တူ၊ ခေ ဗာ မြစ် အ နီး ငါ ရှိ စဉ် အ ခါ၊ မိုး ကောင်း ကင် ပွင့် သ ဖြင့်၊ ဘု ရား သ ခင် ဆိုင် ရာ ရူ ပါ ရုံ များ ကို ထင် မြင် ရ သည့် အ တိုင်း၊

Judson Bible

¹ သ​က္က​ရာဇ်​သုံး​ဆယ်​ပြည့်၊ ယေ​ခေါ​နိ​မင်း​ကြီး​နန်း​ကျ ပ​ဥ္စ​မ​နှစ်၊ စ​တု​တ္ထ​လ​ငါး​ရက်​နေ့၌ ငါ​သည် သိမ်း​သွား​သော​သူ​တို့​တွင် ခေ​ဗာ​မြစ်​နား​မှာ​ရှိ​နေ​စဉ်၊

ယေ​ဇ​ကျေ​လ 1:1 ပူးပေါင်းရင်းမြစ်များ

ကမ္ဘာ​ဦး 15:1

ဤ​အရာ​များ​ဖြစ်​ပြီးသည့်နောက် ထာဝရဘုရား​၏​နှုတ်ကပတ်တော်​သည် စိတ်အာရုံ​အားဖြင့် အာဗြံ​ထံသို့​ရောက်လာ​၍ “​အာဗြံ​၊ မ​ကြောက်​နှင့်​။ ငါ​သည် သင်​၏​ဒိုင်းလွှား​ဖြစ်​၏​။ သင်​ရရှိ​မည့်​ဆုလာဘ်​သည် အလွန်​ကြီးမား​၏​”​ဟု မိန့်​တော်မူ​၏​။

ကမ္ဘာ​ဦး 46:2

ဘုရားသခင်​သည် ညအချိန်​၌ စိတ်အာရုံ​ဖြင့် အစ္စရေး​အား “​ယာကုပ်​၊ ယာကုပ်​”​ဟု ခေါ်​လျှင် ယာကုပ်​က “​အကျွန်ုပ်​ရှိ​ပါ​၏​”​ဟု ထူး​လေ​၏​။

ဆာ​လံ 137:1

ငါ​တို့​သည် ဘေဘီလုံ​မြစ်​တို့​အနား​တွင် ထိုင်​၍ ဇိအုန်​ကို​သတိရ​လျက် ငိုကြွေး​ကြ​၏​။

ထွက်​မြောက် 24:10

အစ္စရေး​လူမျိုး​၏​ဘုရားသခင်​ကို ဖူးမြင်​ကြ​၏​။ ခြေ​တော်​အောက်​၌ ကောင်းကင်​ကဲ့သို့​ကြည်လင်​သော နီလာ​ကျောက် ခင်း​ထား​သကဲ့သို့​ဖြစ်​၏​။

ဟေ​ရှာ​ယ 1:1

ယုဒ​ဘုရင် ဩဇိ​မင်းကြီး​၊ ယောသံ​မင်းကြီး​၊ အာခတ်​မင်းကြီး​၊ ဟေဇကိ​မင်းကြီး လက်ထက်​၌ ယုဒ​ပြည်​၊ ဂျေရုဆလင်​မြို့​နှင့်​ပတ်သက်၍ အာမုတ်​၏​သား​ဟေရှာယ မြင်​ရ​သော​ဗျာဒိတ်နိမိတ်​။

ဟေ​ရှာ​ယ 6:1

ဩဇိ​မင်းကြီး​အနိစ္စရောက်​သော​နှစ်​၌ ဘုရားရှင်​သည် မြင့်မြတ်​ထည်ဝါ​သော​ပလ္လင်​ပေါ်တွင် ထိုင်​နေ​တော်မူ​သည်​ကို ငါ​မြင်​၏​။ ကိုယ်တော်​၏​ဝတ်ရုံ​တော်​အနားစွန်း​သည် ဗိမာန်တော်​အပြည့်​ဖုံး​နေ​၏​။

ယေ​ရ​မိ 29:15

သင်​တို့​က ထာဝရဘုရား​သည် ဘေဘီလုံ​မြို့​၌ ပရောဖက်​များ​ကို ပေါ်ထွန်း​စေ​တော်မူ​ပြီ​ဟု ဆို​တတ်​ကြ​၏​။

ယေ​ဇ​ကျေ​လ 1:3

ခါလဒဲ​ပြည်​၊ ခေဗာ​မြစ်​နား​တွင်​ရှိ​စဉ် ထာဝရဘုရား​၏​နှုတ်ကပတ်တော်​သည် ဗုဇိ​၏​သား​၊ ယဇ်ပုရောဟိတ် ယေဇကျေလ​ထံသို့ ရောက်လာ​၏​။ ထို​အရပ်​၌ ထာဝရဘုရား​သည် လက်​တော်​ကို သူ့​အပေါ်​တင်​လျက်​ရှိ​၏​။

ယေ​ဇ​ကျေ​လ 10:1

ထို့နောက် ငါ​ကြည့်​လိုက်​သော် ခေရုဗိမ်​တို့​၏​ဦးခေါင်း​အထက်​မိုးမျက်နှာကြက်​တွင် နီလာရောင်​အဆင်းသဏ္ဌာန်​ပလ္လင်​နှင့်​တူ​သော​အရာ​တစ်​ခု ပေါ်လာ​သည်​ကို တွေ့​ရ​၏​။

ယေ​ဇ​ကျေ​လ 10:10

ဘီး​လေး​ခု​တို့​မှာ တစ်ပုံစံတည်း​ဖြစ်၍ ဘီး​တစ်​ခု​တွင် နောက်​ဘီး​တစ်​ခု​ကို ကန့်လန့်ဖြတ်​ထည့်​ထား​သည့်​ပုံစံမျိုး​ဖြစ်​၏​။

ယေ​ဇ​ကျေ​လ 10:15

ခေရုဗိမ်​တို့ ကြွတက်​သွား​ကြ​၏​။ ထို​ခေရုဗိမ်​တို့​သည် ခေဗာ​မြစ်​နား​တွင် ငါ​တွေ့​ခဲ့​သော​သတ္တဝါ​များ​ပင် ဖြစ်​၏​။

ယေ​ဇ​ကျေ​လ 10:20

ဤသည်ကား ခေဗာ​မြစ်​နား​၊ အစ္စရေး​လူမျိုး​၏​ဘုရားသခင်​ဘုန်း​တော်​အောက်​တွင် ငါ​တွေ့​ရ​သော​သတ္တဝါ​များ​ဖြစ်​၏​။ သူ​တို့​သည် ခေရုဗိမ်​များ​ပင်​ဖြစ်​သည်​ကို ငါ​သိ​၏​။

ယေ​ဇ​ကျေ​လ 10:22

မျက်နှာ​ပုံသဏ္ဌာန်​မှာ​လည်း ခေဗာ​မြစ်​နား​၌​တွေ့​ခဲ့​သော မျက်နှာ​ပုံသဏ္ဌာန်​နှင့်​တူ​၏​။ မိမိ​တို့​မျက်နှာမူ​ရာ​တည့်တည့်​သို့​သာ​သွား​တတ်​ကြ​၏​။

ယေ​ဇ​ကျေ​လ 11:24

ဘုရားသခင်​၏​ဝိညာဉ်​တော်​အားဖြင့် ဖွင့်ပြ​တော်မူ​သော​ဗျာဒိတ်အာရုံ​ထဲမှာ ဝိညာဉ်​တော်​သည် ငါ့​ကို သုံ့ပန်း​တို့​ရှိ​ရာ ခါလဒဲ​ပြည်​သို့ ပြန်ချီဆောင်​လာ​၏​။ ထို့နောက် ငါ​မြင်​ရ​သော ဗျာဒိတ်အာရုံ​သည် ပျောက်ကွယ်​သွား​၏​။

ယေ​ဇ​ကျေ​လ 3:15

ငါ​သည် ခေဗာ​မြစ်​နား​၊ တေလဗိဗ​မြို့​ရှိ သုံ့ပန်း​တို့​ထံ​ပြန်​ရောက်လာ​၍ သူ​တို့​နေထိုင်​ရာ​မြို့​တွင် ငါ​ထိုင်​နေ​၏​။ ထို​နေရာ​တွင် ခုနစ်​ရက်​ပတ်လုံး ထိုင်​၍ မိန်းမောတွေဝေ​လျက်​နေ​လေ​၏​။

ယေ​ဇ​ကျေ​လ 3:23

ငါ​သည်​လည်း လွင်ပြင်​သို့ ထ​သွား​သောအခါ ထာဝရဘုရား​၏​ဘုန်းအသရေ​တော်​သည် ခေဗာ​မြစ်​နား​၌​မြင်​ခဲ့​ရ​သော ဘုန်းအသရေ​တော်​ကဲ့သို့ တည်​နေ​သည်​ကို တွေ့​ရ​သဖြင့် ငါ​ပျပ်ဝပ်​လေ​၏​။

ယေ​ဇ​ကျေ​လ 40:2

နိမိတ်အာရုံ​ထဲတွင် ဘုရားသခင်​က ငါ့​ကို အစ္စရေး​ပြည်​သို့​ဆောင်သွား​၍ အလွန်​မြင့်​သော​တောင်​ပေါ်တွင်​ချထား​၏​။ တောင်ဘက်​တွင် မြို့​နှင့်​တူ​သော​အဆောက်အအုံ​ကို တွေ့​ရ​၏​။

ယေ​ဇ​ကျေ​လ 43:3

ငါ​မြင်​ရ​သော​ဗျာဒိတ်အာရုံ​သည် ဘုရားသခင်​က မြို့​ကို​လာ​ဖျက်ဆီး​မည်​ဟု မိန့်ဆို​ခဲ့​စဉ်က မြင်​ခဲ့​ရ​သော ဗျာဒိတ်အာရုံ​နှင့်​တူ​၏​။ ထို​ဗျာဒိတ်အာရုံ​သည် ခေဗာ​မြစ်​နား​၌ ငါ​မြင်​ခဲ့​သော နိမိတ်အာရုံ​နှင့်​လည်း​တူ​၏​။ ထိုအခါ ငါ​ပျပ်ဝပ်​လေ​၏​။

ယေ​ဇ​ကျေ​လ 8:3

ထို​လူ​ထံမှ လက်​နှင့်တူသော​အရာ​တစ်​ခု ထွက်လာ​၍ ငါ့​ဦးခေါင်း​မှ​ဆံပင်​ကို လှမ်းဆွဲ​၏​။ ဘုရားသခင်​ဖွင့်ပြ​သော နိမိတ်အာရုံ​ထဲမှာ ဝိညာဉ်​တော်​သည် ငါ့​ကို မိုး​နှင့်​မြေ​အကြား​သို့​ချီမ​လိုက်​ပြီး မနာလိုဝန်တိုစိတ်​ကို​ဆွပေး​သော​ရုပ်တု စိုက်ထူ​ထား​ရာ ဂျေရုဆလင်​မြို့​မြောက်ဘက်​၊ အတွင်း​တံတိုင်း​တံခါးဝ​သို့ ဆောင်သွား​တော်မူ​၏​။

ဟော​ရှေ 12:10

ပရောဖက်​တို့​ကို ငါ​မိန့်မှာ​ခဲ့​ပြီ​။ ဗျာဒိတ်နိမိတ်​ကို အမျိုးမျိုး​ဖွင့်ပြ​ပေး​ခဲ့​ပြီ​။ ပရောဖက်​များ​အားဖြင့် ပုံပမာ​ကို ပြ​ခဲ့​ပြီ​။”

ယော​လ 2:28

ထို့နောက်မှ လူ​အပေါင်း​တို့​အပေါ်​သို့ ငါ​၏​ဝိညာဉ်​တော်​ကို သွန်းလောင်း​မည်​။ သင်​တို့​၏​သား​သမီး​တို့​သည် ပရောဖက်ပြု​ဟောပြော​ကြ​လိမ့်မည်​။ သက်ကြီးဝါကြီး​တို့​သည် အိပ်မက်​ကို မြင်​ရ​လိမ့်မည်​။ လူပျို​တို့​သည်​လည်း စိတ်အာရုံ​ကို မြင်​ရ​ကြ​လိမ့်မည်​။

တော​လည် 12:6

ထိုအခါ ထာဝရဘုရား​က “​ငါ့​စကား​ကို နားထောင်​ကြ​လော့​။ သင်​တို့​တွင် ပရောဖက်​ရှိ​လျှင် ငါ​ထာဝရဘုရား​သည် ထို​ပရောဖက်​အား နိမိတ်အာရုံ​အားဖြင့် ကိုယ်ထင်ရှားပြ​မည်​။ အိပ်မက်​အားဖြင့် မိန့်မြွက်​မည်​။

တော​လည် 4:3

အသက်​သုံးဆယ်​အရွယ်​မှ အသက်​ငါးဆယ်​အရွယ်​အထိ တွေ့ဆုံစည်းဝေးရာ​တဲ​တော်​၌ အမှု​တော်​ထမ်းဆောင်​ရန်​လာ​သော​သူ​အပေါင်း​တို့​ကို သူ​တို့​၏​မျိုးနွယ်စု​အလိုက်​၊ ဘိုးဘေး​တို့​၏​အိမ်ထောင်စု​အလိုက် လူဦးရေ​စာရင်း​ကောက်ယူ​လော့​။

မဿဲ 17:9

ထို့နောက် တောင်​ပေါ်မှ သူ​တို့​ဆင်း​လာ​ကြ​စဉ် ယေရှု​က“လူ့သား​သည် သေ​သော​သူ​တို့​ထဲမှ မ​ထမြောက်​မီ ဤ​ရူပါရုံ​ကို မည်သူ့​ကို​မျှ​မ​ပြော​ကြ​နှင့်”​ဟု သူ​တို့​အား မိန့်မှာ​တော်မူ​၏။

မဿဲ 3:16

ယေရှု​သည် ဗတ္တိဇံ​ခံ​ပြီးနောက် ရေ​ထဲမှ​ထွက်​လာ​သည်နှင့် ကောင်းကင်​သည်​ပွင့်​၍ ဘုရားသခင်​၏​ဝိညာဉ်​တော်​သည် ချိုးငှက်​ကဲ့သို့​ဆင်းသက်​ကာ မိမိ​အပေါ်သို့ ကြွလာ​တော်မူ​သည်​ကို မြင်​တော်မူ​၏။

ရှင်မာကု 1:10

ထို့နောက် ရေ​ထဲမှ​ထွက်​လာ​သည်​နှင့် ကောင်းကင်​သည်​ပွင့်​၍ ဝိညာဉ်​တော်​သည် ချိုးငှက်​ကဲ့သို့ မိမိ​အပေါ်သို့​ဆင်းသက်​သည်​ကို​မြင်​တော်မူ​၏။

လုကာ 3:21

လူ​အပေါင်း​တို့​သည် ဗတ္တိဇံ​ခံ​ကြ​သောအခါ ယေရှု​သည်​လည်း ဗတ္တိဇံ​ခံ​တော်မူ​ပြီး ဆုတောင်း​လျက်​နေ​စဉ် ကောင်းကင်​သည်​ပွင့်​၍

လုကာ 3:23

ယေရှု​သည် အမှု​တော်​စတင်​ဆောင်ရွက်​သောအခါ သက်​တော်​သုံးဆယ်​ခန့်​ရှိ​တော်မူ​၏။ လူ​တို့​၏​ထင်မြင်​ချက်​အရ ကိုယ်တော်​သည် ယောသပ်​၏​သား​ဖြစ်​၏။ ယောသပ်​သည် ဧလိ​၏​သား၊

ရှင်ယောဟန် 1:51

“သင်​တို့​အား ငါ​အမှန်အကန်​ဆို​မည်။ ကောင်းကင်​သည်​ပွင့်​လျက် ဘုရားသခင်​၏​ကောင်းကင်တမန်​တို့​သည် လူ့သား​၏​အပေါ်တွင် တက်​လျက်​ဆင်း​လျက်​နေ​ကြ​သည်​ကို သင်​တို့​မြင်​ရ​ကြ​လိမ့်မည်”​ဟု မိန့်​တော်မူ​၏။

တမန်တော်ဝတ္ထု 10:11

ကောင်းကင်​သည်​ပွင့်​လျက် ထောင့်​လေး​ခု​မှ​ထိန်းထား​ပြီး မြေ​ပေါ်သို့​လျှောကျ​လာ​သည့် ရွက်ထည်စ​ကြီး​နှင့်တူ​သော​အရာ​တစ်​ခု နိမ့်ဆင်း​လာ​သည်​ကို တွေ့​ရ​၏။

တမန်တော်ဝတ္ထု 10:3

တစ်​နေ့​သောအခါ မွန်းလွဲ​သုံး​နာရီ​အချိန်​ခန့်​တွင် သူ​သည် မိမိ​ထံသို့​ဘုရားသခင်​၏​ကောင်းကင်တမန်​တစ်​ပါး​ဝင်လာ​၍ “ကော်နေလိ”​ဟု ခေါ်​သည်​ကို ရူပါရုံ​၌ ထင်ရှား​စွာ​မြင်​လေ​၏။

တမန်တော်ဝတ္ထု 7:56

“ကြည့်​ပါ။ ကောင်းကင်​သည်​ပွင့်​၍ လူ့သား​သည် ဘုရားသခင်​၏​လက်ယာ​တော်​ဘက်​၌ ရပ်​နေ​သည်​ကို ငါ​မြင်​၏”​ဟု ဆို​လေ​၏။

၂ ကော 12:1

ငါ​သည် ဝါကြွား​ရ​မည်​ဖြစ်၍ အကျိုး​မ​ရှိ​သော်လည်း သခင်​ဘုရား​ပေး​တော်မူ​သော ရူပါရုံ​နှင့်​ဗျာဒိတ်​တော်​အကြောင်း​များ​ကို ဆက်​၍​ပြော​ပါ​မည်။

ဗျာ​ဒိတ် 19:11

ထို့နောက် ငါ​ကြည့်​လိုက်​ရာ ကောင်းကင်​သည်​ပွင့်​လျက်​နေ​၍ မြင်း​ဖြူ​တစ်​ကောင်​ရှိ​၏။ ၎င်း​ပေါ်တွင်​ထိုင်​သော​သူ​ကား သစ္စာ​ရှိ​သော​သူ၊ ဖြောင့်မှန်​သော​သူ​ဟု ခေါ်ဝေါ်​ခြင်း​ခံရ​၏။ သူ​သည် ဖြောင့်မတ်​စွာ​တရား​စီရင်​၍ စစ်တိုက်​လေ​၏။

ဗျာ​ဒိတ် 4:1

ထို့နောက် ငါ​ကြည့်​လိုက်​ရာ ကောင်းကင်​၌​ဖွင့်​ထား​သည့်​တံခါး​တစ်​ခု​ရှိ​၏။ ထိုအခါ ပထမ​ဦးစွာ ငါ့​အား​မိန့်​တော်မူ​သည်​ကို ငါ​ကြား​ရ​သည့်​တံပိုးခရာသံ​ကဲ့သို့​သော​အသံ​က“ဤ​အရပ်​သို့​တက်​လာ​လော့။ ဤ​အဖြစ်အပျက်​များ​နောက်တွင် ဖြစ်ပျက်​ရ​မည့်​အရာ​တို့​ကို သင့်​အား ငါ​ပြ​မည်”​ဟု ဆို​၏။