ယော​လ 3:19 - မြန်​​​မာ့​​​စံ​​​မီ​​​သမ္မာ​​​ကျမ်း​​

¹⁹ ယုဒ​လူမျိုး​တို့​ကို ညှဉ်းပန်းနှိပ်စက်​၍ သူ​တို့​၏​ပြည်​တွင် အပြစ်မဲ့​သော​သူ​တို့​ကို သတ်ဖြတ်​ကြ​သောကြောင့် အီဂျစ်​ပြည်​သည် လူသူကင်းမဲ့​ရာ​ဖြစ်​လိမ့်မည်​။ ဧဒုံ​ပြည်​သည် လူသူကင်းမဲ့​သော​တောကန္တာရ​ဖြစ်​လိမ့်မည်​။

Common Language Bible

¹⁹ ``အီ​ဂျစ်​ပြည်​သည်​သဲ​က​န္တာ​ရ​ဖြစ်​၍​ဧ​ဒုံ ပြည်​သည် ပျက်​စီး​ယို​ယွင်း​၍​လူ​သူ​ကင်း​မဲ့​သည့် နေ​ရာ​ဖြစ်​နေ​လိမ့်​မည်။ အ​ဘယ်​ကြောင့်​ဆို​သော်​ထို​ပြည်​တို့​သည် ယု​ဒ​ပြည်​ကို​တိုက်​ခိုက်​၍၊ အ​ပြစ်​မဲ့​သူ​တို့​အား​သတ်​ဖြတ်​ခဲ့​ကြ​သော ကြောင့်​ဖြစ်​၏။

Garrad Bible

¹⁹ ယု ဒ အ မျိုး သား တို့ အား အ ဓ မ္မ ပြု လျက် နေ ပြည် တွင် အ ပြစ် ကင်း သူ တို့ အ သွေး ကို သွန်း သည့် အ တွက်။ အိ ဂျစ် ပြည် ဖုန်း ဆိုး ကုန်း၊ ဧ ဒုံ ပြည် သည် ဆိတ် ညံ ရာ သဲ တော ဖြစ် ရ သော် လည်း။

Judson Bible

¹⁹ ယု​ဒ​ပြည်၌ အ​ပြစ်​မ​ရှိ​သော​သူ​တို့​ကို သတ်၍ ယု​ဒ​အ​မျိုး​သား​တို့​ကို ညှဉ်း​ဆဲ​သော​ကြောင့်၊ အဲ​ဂု​တ္တု​ပြည်​သည် လူ​ဆိတ်​ညံ​လျက် ရှိ​လိမ့်​မည်။ ဧ​ဒုံ​ပြည်​သည်​လည်း လူ​ဆိတ်​ညံ​သော တော​ဖြစ်​လိမ့်​မည်။

ယော​လ 3:19 ပူးပေါင်းရင်းမြစ်များ

ဆာ​လံ 137:7

အို ထာဝရဘုရား​၊ ဂျေရုဆလင်​မြို့​၏​နေ့ရက်​၌ “​ဖြိုဖျက်​ကြ​။ အောက်ခြေ​အထိ ဖြိုဖျက်​ကြ​”​ဟု ဆို​ကြ​သော ဧဒုံ​အမျိုးသား​တို့​ကို အောက်မေ့​တော်မူ​ပါ​။

ဟေ​ရှာ​ယ 11:14

သူ​တို့​သည် အနောက်​အရပ်​ရှိ​ဖိလိတ္တိ​လူမျိုး​တို့​ကို အနောက်​မှ​တိုက်ခိုက်​လိမ့်မည်​။ အရှေ့​ပြည်သား​တို့​ကို​လည်း အတူတကွ လုယူ​လိမ့်မည်​။ မိမိ​တို့​လက်​ကို ဧဒုံ​ပြည်​၊ မောဘ​ပြည်​ပေါ်သို့ ရောက်​စေ​လိမ့်မည်​။ အမ္မုန်​အမျိုးသား​တို့​သည် သူ​တို့​၏​လက်အောက်ခံ​ဖြစ်​ရ​လိမ့်မည်​။

ဟေ​ရှာ​ယ 11:15

ထာဝရဘုရား​သည် အီဂျစ်​ပင်လယ်​ကွေ့​ကို အကုန်အစင်​ဖျက်ဆီး​တော်မူ​မည်​။ ယူဖရေးတီး​မြစ်​အပေါ်​ကို​လည်း ပြင်းထန်​သော​လေ​နှင့်အတူ လက်​တော်​ကို​ဝှေ့ယမ်း​တော်မူ​၍ ထို​မြစ်​ကို ချောင်း​ခုနစ်​သွယ်​ဖြစ်​အောင်​ရိုက်​တော်မူ​သဖြင့် လူ​တို့​သည် ဖိနပ်​စီး​လျက် ဖြတ်သွား​ကြ​လိမ့်မည်​။

ယေ​ရ​မိ 49:17

ထာဝရဘုရား​က “​ဧဒုံ​ပြည်​သည် ထိတ်လန့်စရာ​ဖြစ်​မည်​။ ဤ​ပြည်​ခံရ​သော​ဘေးဒဏ်​များ​ကြောင့် ဤ​ပြည်​နား ဖြတ်သန်းသွား​သော​သူ​တိုင်း အံ့ဩ​ကြ​လိမ့်မည်​၊ ကဲ့ရဲ့​ကြ​လိမ့်မည်​။

ယေ​ရ​မိ 51:35

ငါ့​ကိုယ်​၊ ငါ့​အသား ခံရ​သော​ရက်စက်ကြမ်းကြုတ်မှု​သည် ဘေဘီလုံ​ပြည်​အပေါ် ကျရောက်​ပါစေ​”​ဟု ဇိအုန်​မြို့သား​တို့ ဆို​လိမ့်မည်​။ “​ငါ​တို့​သွန်း​ခဲ့​ရ​သော​သွေး​သည် ခါလဒဲ​ပြည်သား​တို့​အပေါ် ကျရောက်​ပါစေ​”​ဟု ဂျေရုဆလင်​မြို့သား​တို့ ဆို​လိမ့်မည်​။

မြည်​တမ်း​စ​ကား 4:21

ဥဇ​ပြည်​၌​နေထိုင်​သော ဧဒုံ​သမီးပျို​၊ ရွှင်မြူး​ထား​နှင့်​လော့​။ ဝမ်းမြောက်​ထား​နှင့်​လော့​။ ဖလား​တော်​သည် သင့်​ထံ​ကူးလာ​မည်​ဖြစ်၍ သင်​သည်​သောက်​၍ ယစ်မူး​သဖြင့် အဝတ်​အချည်းစည်း​ဖြစ်​ရ​လိမ့်မည်​။

သြ​ဗ​ဒိ 1:1

ဩဗဒိ​မြင်​ရ​သော​ဗျာဒိတ်နိမိတ်​ကား ဤသို့​တည်း​။ ဧဒုံ​ပြည်​နှင့်​ပတ်သက်၍ ဘုရားရှင်​ထာဝရဘုရား ဤသို့​မိန့်​တော်မူ​၏​။ ထာဝရဘုရား​သည် လူမျိုးခြား​တို့​ထံသို့ သံတမန်​ကို စေလွှတ်​၍ “​ထ​ကြ​၊ ဧဒုံ​ပြည်​ကို သွားတိုက်​ကြ​စို့​”​ဟု ဆင့်ဆို​စေ​သော​သတင်းစကား​ကို ငါ​တို့​ကြား​ရ​ပြီ​။

ဟ​ဗက္ကုတ် 2:17

လက်ဘနွန်​တောင်​ကို သင်​နှိပ်စက်​ခဲ့​သည့်​အတိုင်း သင်​ပြန်​ခံရ​မည်​။ တိရစ္ဆာန်​များ​ကို သင်​ညှဉ်းဆဲ​ခဲ့​သည့်​အတိုင်း သင်​ပြန်​၍​ကြောက်လန့်​နေ​ရ​မည်​။ သင်​သည် လူ​ကို​သတ်ဖြတ်​၍ ကမ္ဘာမြေ​ရှိ​မြို့​များ​နှင့် မြို့သူမြို့သား​အပေါင်း​တို့​အပေါ် ရက်စက်ကြမ်းကြုတ်မှု​ကို​ပြု​လေ​ပြီ​။

ဇာ​ခ​ရိ 10:10

ငါ​သည် သူ​တို့​ကို အီဂျစ်​ပြည်​မှ ပြန်ခေါ်​လာ​မည်​။ အဆီးရီးယား​ပြည်​မှ ပြန်လည်​စုသိမ်း​မည်​။ ဂိလဒ်​ပြည်​၊ လက်ဘနွန်​တောင်​သို့ ခေါ်ဆောင်​လာ​မည်​။ သူ​တို့​နေစရာ​အဖို့ နေရာလပ်​မ​ကျန်​အောင် ဖြစ်​လိမ့်မည်​။

၂ သက် 1:6

သခင်​ယေရှု​သည် မီးလျှံ​ထဲ၌ မိမိ​၏​တန်ခိုး​ကြီး​သော​ကောင်းကင်​တမန်​များ​နှင့်အတူ မိုး​ကောင်းကင်​မှ​ပေါ်ထွန်း​တော်မူ​သောအခါ သင်​တို့​ကို ဆင်းရဲ​ဒုက္ခ​ရောက်​စေ​သော​သူ​တို့​အား ဆင်းရဲ​ဒုက္ခ​ကို​လည်းကောင်း၊