ယော​လ 1:2 - မြန်​​​မာ့​​​စံ​​​မီ​​​သမ္မာ​​​ကျမ်း​​

² သက်ကြီးဝါကြီး​တို့​၊ နားထောင်​ကြ​လော့​။ ပြည်သူပြည်သား​အပေါင်း​တို့​၊ အာရုံစိုက်​ကြ​လော့​။ သင်​တို့​ခေတ်​တွင် ဤသို့​ဖြစ်ပျက်​ဖူး​သလော​။ သင်​တို့​ဘိုးဘေး​တို့​ခေတ်​တွင် ဤသို့​ဖြစ်ပျက်​ဖူး​သလော​။

Common Language Bible

² အ​ချင်း​အ​သက်​ကြီး​သူ​တို့​ငါ​ပြော​သည်​ကို​အာ​ရုံ​စိုက်​ကြ​လော့။ ယု​ဒ​ပြည်​သူ​အ​ပေါင်း​တို့​နား​ထောင်​ကြ​လော့။ သင်​တို့​ခေတ်​၌​သော်​လည်း​ကောင်း​သင်​တို့​ဘိုး​ဘေး​များ​၏​ခေတ်​၌​သော်​လည်းကောင်း၊ ဤ​အ​မှု​အ​ရာ​မျိုး​ဖြစ်​ပျက်​ဖူး​သ​လော။

Garrad Bible

² အို အ သက် ကြီး သူ တို့၊ နာ ခံ၍၊ ပြည် သူ ပြည် သား တို့၊ နား စိုက် ကြ လော့။ သင် တို့ လက် ထက်၌ ဖြစ် စေ၊ ဘိုး ဘေး တို့ လက် ထက် ၌ ဖြစ် စေ၊ ဤ မျှ လောက် အ ဖြစ် အ ပျက် သင့် ရောက် ဘူး သ လော။

Judson Bible

² အ​သက်​ကြီး​သော​သူ​တို့၊ ကြား​ကြ​လော့။ ပြည်​သူ​ပြည်​သား အ​ပေါင်း​တို့၊ နား​ထောင်​ကြ​လော့။ ဤ​သို့​သော​အ​မှု​သည် သင်​တို့ လက်​ထက်၌ ဖြစ်​ဖူး​သ​လော။ ဘိုး​ဘေး​တို့​လက်​ထက်၌ ဖြစ်​ဖူး​သ​လော။

ယော​လ 1:2 ပူးပေါင်းရင်းမြစ်များ

ယောဘဝတ္တု။ 12:12

အသက်ကြီးရင့်​သော​သူ​တို့​သည် ဉာဏ်ပညာ​ရှိ​ပြီး အသက်ရှည်​သော​သူ​တို့​သည် ထိုးထွင်းဉာဏ်​ရှိ​ကြ​သည် မ​ဟုတ်​လော​။

ယောဘဝတ္တု။ 15:10

ငါ​တို့​တွင် ဆံပင်​လည်း​ဖြူ​၊ အသက်​လည်း​ကြီး​သော​သူ​တို့ ရှိ​ကြ​၏​။ သင့်​ဖခင်​ထက်ပင် အသက်ပိုကြီး​ကြ​သေး​၏​။

ယောဘဝတ္တု။ 21:7

အဘယ်ကြောင့် ဆိုးယုတ်​သော​သူ​တို့​သည် အိုမင်း​သည်​အထိ အသက်ရှင်​၍ သြဇာ​အာဏာကြီး​နေ​ရ​သနည်း​။

ယောဘဝတ္တု။ 8:8

ယခင်​မျိုးဆက်​တို့​ကို မေးမြန်း​ကြည့်​လော့​။ သူ​တို့​ဘိုးဘေး​တို့ စူးစမ်းလေ့လာ​ခဲ့​သော​အရာ​ကို ဆင်ခြင်​ကြည့်​လော့​။

ဆာ​လံ 49:1

လူမျိုး​အပေါင်း​တို့​၊ ဤ​အရာ​ကို​နားထောင်​ကြ​လော့​။ ကမ္ဘာလောက​၌​နေထိုင်​သူ​အပေါင်း​တို့​၊ စူးစိုက်​နားထောင်​ကြ​လော့​။

ဟေ​ရှာ​ယ 34:1

အို တိုင်းနိုင်ငံ​တို့​၊ ချဉ်းကပ်​၍ နားထောင်​ကြ​လော့​။ အို လူမျိုး​တို့​၊ အာရုံစိုက်​နားထောင်​ကြ​လော့​။ မြေကြီး​နှင့် မြေကြီး​ပေါ်​ရှိသမျှ​တို့ ကြား​ကြ​ပါစေ​။ ကမ္ဘာလောက​နှင့် ကမ္ဘာလောက​ထဲ၌ ရှိသမျှ​တို့​ကြား​ကြ​ပါစေ​။

ဟေ​ရှာ​ယ 7:17

ထာဝရဘုရား​သည် အဆီးရီးယား​ဘုရင်​ကို သင့်​ထံသို့​လည်းကောင်း​၊ သင့်​လူမျိုး​ထံသို့​လည်းကောင်း​၊ သင့်​ဖခင်​၏​အမျိုးအနွယ်​ထံသို့​လည်းကောင်း ခေါ်ဆောင်​လာ​တော်မူ​မည်​ဖြစ်၍ ယုဒ​အမျိုး​ထံမှ ဧဖရိမ်​အမျိုး​ထွက်သွား​သော​နေ့​မှစ၍ မ​ကြုံ​ဖူး​သော​နေ့ရက်​များ​ကို သင်​တို့​ကြုံ​ရ​လိမ့်မည်​။

ယေ​ရ​မိ 30:7

အမင်္ဂလာ​နေ့​ကြီး​ပါ​တကား​။ ဤ​နေ့​နှင့်​တူ​သော​နေ့​မ​ရှိ​။ ယာကုပ်​အမျိုး​တို့ ဒုက္ခ​ရောက်​သော​နေ့​ဖြစ်​၏​။ သို့သော် သူ​တို့​သည် ကယ်တင်​ခြင်း​ခံရ​လိမ့်မည်​”​ဟု မိန့်​တော်မူ​၏​။

ယေ​ရ​မိ 5:21

‘​မျက်စိ​ရှိ​သော်လည်း မ​မြင်​၊ နား​ရှိ​သော်လည်း မ​ကြား​၊ မိုက်မဲ​၍ အသိဉာဏ်​မ​ရှိ​သော​လူ​တို့​၊ ယခု ဤ​စကား​ကို​နားထောင်​ကြ​လော့​။

ဒံ​ယေ​လ 12:1

ထို​ကာလ​တွင် သင့်​လူမျိုး​ကို စောင့်ရှောက်​ပေး​သော အထွတ်အမြတ်မင်း​မိက္ခေလ ပေါ်လာ​လိမ့်မည်​။ လူမျိုး​တစ်မျိုး​ဖြစ်​ပေါ်လာ​ချိန်​မှစ၍ ထို​ကာလ​အထိ တစ်ခါမျှ​မ​ဖြစ်​ဖူး​သော​ဆင်းရဲဒုက္ခ​ကာလ​သည် ရောက်လာ​လိမ့်မည်​။ သို့သော် ထို​နေ့ရက်​တွင် စာစောင်​ထဲ၌ စာရင်းဝင်​သော သင့်​လူမျိုး​အားလုံး လွတ်မြောက်​ခွင့်​ရ​လိမ့်မည်​။

ဟော​ရှေ 4:1

အို အစ္စရေး​အမျိုးသား​တို့​၊ ထာဝရဘုရား​၏​စကား​တော်​ကို နားထောင်​ကြ​လော့​။ ထာဝရဘုရား​သည် ပြည်သူပြည်သား​တို့​ကို စွဲချက်တင်​လေ​ပြီ​။ “တိုင်းပြည်​တွင် သစ္စာတရား​မ​ရှိ​၊ မေတ္တာကရုဏာ​မ​ရှိ​၊ ဘုရားသခင်​ကို​သိကျွမ်း​ခြင်း​မ​ရှိ​။

ဟော​ရှေ 5:1

ယဇ်ပုရောဟိတ်​တို့​၊ နားထောင်​ကြ​။ အစ္စရေး​အမျိုးအနွယ်​တို့​၊ အာရုံစိုက်​ကြ​။ နန်းတွင်းသား​တို့​၊ စူးစိုက်​နားထောင်​ကြ​။ သင်​တို့​သည် တရားစီရင်​ခြင်း​ကို​ခံရ​ကြ​မည်​။ သင်​တို့​သည် မိဇပါ​မြို့​မှ ထောင်ချောက်​၊ တာဗော်​တောင်​ပေါ်မှ ဖြန့်​ထား​သော​ပိုက်ကွန် ဖြစ်​၏​။

ယော​လ 1:14

အစာရှောင်​ဖို့ အသင့်ပြင်​ကြ​လော့​။ ဓမ္မစည်းဝေးပွဲ​ကို ဆင့်ခေါ်​ကြ​လော့​။ သက်ကြီးဝါကြီး​များ​၊ ပြည်သူပြည်သား​များ​အားလုံး သင်​တို့​ဘုရားသခင်​ထာဝရဘုရား​၏​အိမ်​တော်​၌ စုရုံး​၍ ထာဝရဘုရား​ထံ အော်ဟစ်​ကြ​လော့​။

ယော​လ 2:2

ထို​နေ့​သည် အမှောင်​တကာ့​အမှောင်​နေ့​၊ မိုးအုံ့​၍​အမှောင်​ကျ​သော​နေ့ ဖြစ်​၏​။ တောင်​ပေါ်တွင် အရုဏ်ဦး​အလင်း​ဖြာကျ​သကဲ့သို့ အင်အားကြီး​သော​လူမျိုး​ကြီး​တစ်​မျိုး ပေါ်လာ​မည်​။ ဤ​အဖြစ်မျိုး​သည် ရှေး​က​လည်း မ​ဖြစ်​ဖူး​။ နောင်ကာလ​မျိုးဆက်​အစဉ်အဆက်​တွင်​လည်း ဖြစ်​လိမ့်မည်​မ​ဟုတ်​။

အာ​မုတ် 3:1

အစ္စရေး​အမျိုးသား​တို့​၊ သင်​တို့​နှင့် သင်​တို့​မျိုးနွယ်စု​အပေါင်း​တို့​ကို အီဂျစ်​ပြည်​မှ​ထုတ်ဆောင်​လာ​ခဲ့​သော​ထာဝရဘုရား​က သင်​တို့​အား ဆန့်ကျင်​၍ မိန့်​တော်မူ​သော​စကား​ကို နားထောင်​ကြ​လော့​။

အာ​မုတ် 4:1

ဆင်းရဲသား​တို့​ကို​နှိပ်စက်​ပြီး နွမ်းပါး​သူ​တို့​ကို​ညှဉ်းဆဲ​ကာ မိမိ​သခင်​တို့​ကို​ပင် “ငါ​တို့​အတွက် သောက်စရာ​ယူ​ခဲ့​ပါ”​ဟု ဆို​တတ်​သော ရှမာရိ​တောင်​ပေါ်မှ ဗာရှန်​နွားမ​တို့​၊ ဤ​စကား​ကို နားထောင်​ကြ​လော့​။

အာ​မုတ် 5:1

အို အစ္စရေး​အမျိုးအနွယ်​တို့​၊ သင်​တို့​အကြောင်း​ကို ငါ​ငိုချင်းဖွဲ့​သီဆို​မည်​။ ဤ​အကြောင်း​ကို သင်​တို့ နားထောင်​ကြ​လော့​။

မိက္ခာ 1:2

အို လူမျိုး​အပေါင်း​တို့​၊ နားထောင်​ကြ​လော့​။ အို မြေကြီး​နှင့် မြေကြီးသား​အပေါင်း​တို့​၊ အာရုံစိုက်​ကြ​လော့​။ သန့်ရှင်း​ရာ​ဗိမာန်တော်​၌​စံ​တော်မူ​သော​အရှင်​၊ ဘုရားရှင်​ထာဝရဘုရား​သည် သင်​တို့​ကို ဆန့်ကျင်​၍ သက်သေခံ​တော်မူ​လိမ့်မည်​။

မိက္ခာ 3:1

အကျွန်ုပ်​က “​အို ယာကုပ်​အမျိုး​ခေါင်းဆောင်​တို့​နှင့် အစ္စရေး​အမျိုး​အကြီးအမှူး​တို့​၊ နားထောင်​ကြ​လော့​။ တရားမျှတမှု​ကို သင်​တို့​သိ​သင့်​သည်​မ​ဟုတ်​လော​။

မိက္ခာ 3:9

အို ယာကုပ်​အကြီးအမှူး​တို့​နှင့် အစ္စရေး​အုပ်ချုပ်သူ​တို့​၊ နားထောင်​ကြ​လော့​။ သင်​တို့​သည် တရားမျှတမှု​ကို​စက်ဆုပ်ရွံရှာ​၍ ဖြောင့်မှန်​သော​အမှု​ရှိသမျှ​ကို ကွေ့ကောက်​စေ​ကြ​၏​။

မဿဲ 13:9

နား​ရှိ​သော​သူ​သည် ကြား​ပါစေ”​ဟု မိန့်​တော်မူ​၏။

မဿဲ 24:21

အကြောင်းမူကား ကမ္ဘာ​ဦး​မှစ၍ ယခု​တိုင်အောင် မ​ဖြစ်​စဖူး၊ နောင်တွင်​လည်း လုံးဝ​ဖြစ်​မည်​မ​ဟုတ်​သော ကြီးမား​သည့် ဆင်းရဲ​ဒုက္ခ​မျိုး​သည် ထို​ကာလ​၌ ကျရောက်​လိမ့်မည်။

ဗျာ​ဒိတ် 2:7

ဝိညာဉ်​တော်​က အသင်းတော်​များ​အား မိန့်​တော်မူ​သော​အရာ​ကို နား​ရှိ​သော​သူ​သည် ကြား​ပါစေ။ အောင်မြင်​သော​သူ​အား ဘုရားသခင်​၏​ပရဒိသု​ဘုံ​၌​ရှိ​သော အသက်​ပင်​၏​အသီး​ကို ငါ​စား​ခွင့်​ပေး​မည်။