ယော​ရှု 9:17 - မြန်​​​မာ့​​​စံ​​​မီ​​​သမ္မာ​​​ကျမ်း​​

¹⁷ အစ္စရေး​အမျိုးသား​တို့ ခရီးပြု​ကြ​ရာ သုံး​ရက်​မြောက်​သော​နေ့​၌ ထို​သူ​တို့​နေထိုင်ရာ ဂိဗောင်​မြို့​၊ ခေဖိရ​မြို့​၊ ဗေရုတ်​မြို့​၊ ကိရယတ်ယာရိမ်​မြို့​သို့ ရောက်လာ​ကြ​၏​။

Common Language Bible

¹⁷ သို့​ဖြစ်​၍​ဣ​သ​ရေ​လ​အ​မျိုး​သား​တို့​သည် ထို​အ​ရပ်​မှ​ထွက်​ခွာ​ခဲ့​ကြ​ရာ​သုံး​ရက်​မြောက် သော​နေ့​၌ ထို​သူ​တို့​နေ​ထိုင်​ရာ​မြို့​များ​ဖြစ် သော​ဂိ​ဗောင်​မြို့၊ ခေ​ဖိ​ရာ​မြို့၊ ဗေ​ရုတ်​မြို့​နှင့် ကိ​ရ​ယတ်​ယာ​ရိမ်​မြို့​များ​သို့​ရောက်​ရှိ​ကြ လေ​သည်။-

Garrad Bible

¹⁷ သုံး ရက် ခ ရီး သွား၍၊ သူ တို့ နေ ထိုင် သော ဂိ ဗောင်၊ ခေ ဖိ ရ၊ ဗေ ရုတ်၊ ကိ ရ ယတ် ယာ ရိမ် မြို့ များ သို့ ရောက် ကြ ရာ၊

Judson Bible

¹⁷ ခ​ရီး​သွား၍ သုံး​ရက်​မြောက်​သော​နေ့၌ သူ​တို့​မြို့​ရွာ​သို့ ရောက်​ကြ၏။ သူ​တို့​မြို့​ကား ဂိ​ဗောင်​မြို့၊ ခေ​ဖိ​ရာ​မြို့၊ ဗေ​ရုတ်​မြို့၊ ကိ​ရ​ယတ်​ယာ​ရိမ်​မြို့​တည်း။

ယော​ရှု 9:17 ပူးပေါင်းရင်းမြစ်များ

၂ ရာ 4:2

ရှောလု​မင်းကြီး​၏​သား​တွင် စစ်သူရဲ​အကြီးအကဲ​နှစ်​ဦး​ရှိ​၏​။ သူ​တို့​သည် ဗင်္ယာမိန်​အမျိုးသား​၊ ဗေရောသိ​လူမျိုး​၊ ရိမ္မုန်​၏​သား​များ​ဖြစ်​ကြ​၏​။ တစ်ယောက်​၏​အမည်​မှာ ဗာနာ​ဖြစ်၍ နောက်တစ်ယောက်​၏​အမည်​မှာ ရေခပ်​ဖြစ်​၏​။ ဗေရုတ်​မြို့​အား ဗင်္ယာမိန်​အပိုင်​ဟု သတ်မှတ်​ထား​၏​။

၁ ရာ​ချုပ် 12:4

စစ်သူရဲ​အယောက်​သုံးဆယ်​တွင်​ပါဝင်​၍ ထို​စစ်သူရဲ​အယောက်​သုံးဆယ်​ကို အုပ်​ရ​သူ ဂိဗောင်​မြို့သား ဣရှမာယ​၊ ယေရမိ​၊ ယဟာဇေလ​၊ ယောဟနန်​၊ ဂေဒရ​မြို့သား ယောဇဗဒ်​၊

၁ ရာ​ချုပ် 2:50

ဤ​သူ​တို့​ကား ကာလက်​၏​သားမြေး​များ ဖြစ်​ကြ​၏​။ ဧဖရတ်​၏​သားဦး​ဟုရ​၏​သား​များ​ကား ကိရယတ်ယာရိမ်​၏​ဖခင်​ရှောဗလ​၊

၁ ရာ​ချုပ် 2:52

ကိရယတ်ယာရိမ်​၏​ဖခင်​ရှောဗလ​၏​သားမြေး​များ​မှာ ဟာရော​လူမျိုး​နှင့်​မနဟေသိ​လူမျိုး​တစ်ဝက်​ဖြစ်​၏​။

၁ ရာ​ချုပ် 2:53

ကိရယတ်ယာရိမ်​၏​မျိုးနွယ်စု​များ​မှာ ဣသရိ​လူမျိုး​၊ ဖုဟိ​လူမျိုး​၊ ရှုမသိ​လူမျိုး​၊ မိရှရိ​လူမျိုး တို့​ဖြစ်​ကြ​၏​။ ထို​မှတစ်ဆင့် ဇောရာသိ​လူမျိုး​၊ ဧရှတောလိ​လူမျိုး​တို့ ဆင်းသက်​လာ​၏​။

၁ ရာ​ချုပ် 21:29

ထိုစဉ်က တောကန္တာရ​တွင် မောရှေ​ဆောက်လုပ်​ခဲ့​သော ထာဝရဘုရား​၏​တဲ​တော်​နှင့်​မီးရှို့​ရာ​ယဇ်ပလ္လင်​တို့​သည် ဂိဗောင်​မြို့​ရှိ အထွတ်အမြတ်​ထား​ရာ​ကုန်းမြင့်​တွင် ရှိ​နေ​၏​။

ဧ​ဇ​ရ 2:25

ကိရယသာရိမ်​မြို့သား​၊ ခေဖိရ​မြို့သား​နှင့် ဗေရုတ်​မြို့သား စုစုပေါင်း ခုနစ်​ရာ​လေးဆယ့်​သုံး​ယောက်​၊

နေ​ဟ​မိ 7:29

ကိရယတ်ယာရိမ်​မြို့သား​၊ ခေဖိရ​မြို့သား​၊ ဗေရုတ်​မြို့သား​ပေါင်း ခုနစ်​ရာ​လေးဆယ့်​သုံး​ယောက်​၊

ယေ​ရ​မိ 26:20

ထာဝရဘုရား​၏​နာမ​တော်​ဖြင့် ပရောဖက်ပြု​သော​သူ​တစ်​ယောက် ရှိ​သေး​၏​။ ထို​သူ​ကား ကိရယတ်ယာရိမ်​မြို့​မှ ရှေမာယ​၏​သား ဥရိယ​ဖြစ်​၏​။ သူ​သည် ယေရမိ​ဟောပြော​သော​စကား​နှင့်​တစ်ထပ်တည်း ဤ​မြို့​ဤ​ပြည်​ကို​ဆန့်ကျင်​၍ ပရောဖက်ပြု​ဟောပြော​ခဲ့​၏​။

ယော​ရှု 10:2

အလွန်​ကြောက်​လေ​၏​။ အကြောင်းမူကား ဂိဗောင်​မြို့​သည် မင်းနေပြည်တော်​မြို့​ကဲ့သို့ ခမ်းနားကြီးကျယ်​သော​မြို့​ဖြစ်​၏​။ အာဣ​မြို့​ထက်​ကြီး​၍ ထို​မြို့​ရှိ​ယောက်ျား​အပေါင်း​တို့​သည်​လည်း စစ်သူရဲ​များ​ဖြစ်​ကြ​၏​။

ယော​ရှု 15:60

ကိရယတ်ဗာလ ခေါ် ကိရယတ်ယာရိမ်​မြို့​၊ ရဗ္ဗာ​မြို့ စသည့်​မြို့​နှစ်​မြို့​နှင့်​ရွာ​များ ပါ​၏​။

ယော​ရှု 15:9

တစ်ဖန် နယ်နိမိတ်​သည် ထို​တောင်​ထိပ်​မှ နေဖတော​စမ်းရေတွင်း​သို့ ကွေ့သွား​၍ ဧဖရုန်​တောင်​ရှိ မြို့​များ​သို့​ရောက်​၏​။ ထိုမှ နယ်နိမိတ်​သည် ကိရယတ်ယာရိမ် ခေါ် ဗာလာ​အရပ်​သို့ ကွေ့သွား​၏​။

ယော​ရှု 18:14

အနောက်ဘက်ခြမ်း​တွင် နယ်နိမိတ်​သည် အနောက်ဘက်​မှ တောင်ဘက်​သို့​ကွေ့သွား​၏​။ ထိုမှ တောင်ဘက်​ဗေသောရုန်​နှင့်​မျက်နှာချင်းဆိုင်​တောင်တန်း​သို့​ဆက်သွား​၍ ယုဒ​အမျိုးသား​တို့​ပိုင်​သော ကိရယတ်ဗာလ ခေါ် ကိရယတ်ယာရိမ်​မြို့​၌ ဆုံး​၏​။

ယော​ရှု 18:15

တောင်ဘက်​ခြမ်း​တွင် နယ်နိမိတ်​သည် ကိရယတ်ယာရိမ်​မြို့​စွန်​မှ အနောက်ဘက်​သို့​ဆက်သွား​ပြီး နေဖတော​စမ်းရေတွင်း​သို့ ရောက်​၏​။

ယော​ရှု 9:16

ထိုသို့ အစ္စရေး​လူမျိုး​တို့​သည် သူ​တို့​နှင့်​ကတိသစ္စာ​ပြု​ပြီး သုံး​ရက်​လွန်​သောအခါ ထို​သူ​တို့​သည် မိမိ​တို့​၏​အနီးအနား​၌​နေ​သော​အိမ်နီးချင်း​ပြည်သား​များ​ဖြစ်​နေ​သည်​ကို သိ​ရ​လေ​၏​။

ယော​ရှု 9:18

လူထု​ခေါင်းဆောင်​တို့​သည် အစ္စရေး​လူမျိုး​တို့​၏​ဘုရားသခင်​ထာဝရဘုရား​နှင့် ကျိန်ဆို​ထား​ပြီ​ဖြစ်၍ အစ္စရေး​အမျိုးသား​တို့​က သူ​တို့​ကို မ​တိုက်ခိုက်​ဘဲ​နေ​၏​။ သို့သော် အစ္စရေး​လူထု​တစ်ရပ်လုံး​က ခေါင်းဆောင်​တို့​ကို အပြစ်တင်​ကြ​၏​။

ယော​ရှု 9:3

ဂိဗောင်​မြို့သား​တို့​မူကား ဂျေရိခေါ​မြို့​နှင့်​အာဣ​မြို့​တို့​ကို ယောရှု​မည်သို့​တိုက်ခိုက်​ခဲ့​သည်​ကို ကြား​သောအခါ

ယော​ရှု 9:9

သူ​တို့​က​လည်း “​အကျွန်ုပ်​တို့​သည် သခင်​၏​ဘုရားသခင်​ထာဝရဘုရား​၏​နာမ​တော်​အကြောင်း​ကို​ကြား​၍ အလွန်​ဝေး​သော​ပြည်​မှ​လာ​သော သခင်​၏​ကျွန်​များ​ဖြစ်​ပါ​၏​။ အကျွန်ုပ်​တို့​သည် ထာဝရဘုရား​၏​ဂုဏ်​သတင်း​တော်​ကို​လည်းကောင်း​၊ အီဂျစ်​ပြည်​၌​ပြု​တော်မူ​ခဲ့​သမျှ​တို့​ကို​လည်းကောင်း​၊

သူ​ကြီး 18:12

သူ​တို့​သည် ယုဒ​ပြည်​၊ ကိရယတ်ယာရိမ်​မြို့​အနီး​သို့​ရောက်​သောအခါ စခန်းချ​ကြ​၏​။ ထို့ကြောင့် ထို​အရပ်​ကို မဟာနေဒန် ဟု​ယနေ့​တိုင်အောင် ခေါ်တွင်​၏​။ ထို​အရပ်​သည် ကိရယတ်ယာရိမ်​မြို့​၏​အနောက်ဘက်​တွင်​ရှိ​၏​။

၁ ရာ 6:21

ထို့နောက် သူ​တို့​သည် ကိရယတ်ယာရိမ်​မြို့သား​တို့​ထံသို့ တမန်​တို့​ကို​စေလွှတ်​၍ “​ဖိလိတ္တိ​လူမျိုး​တို့​သည် ထာဝရဘုရား​၏​သေတ္တာ​တော်​ကို ပြန်ပို့​လာ​ပြီ​။ သင်​တို့​လာ​၍ ယူဆောင်​သွား​ကြ​ပါ​လော့​”​ဟု မှာလိုက်​လေ​၏​။

၁ ရာ 7:1

ကိရယတ်ယာရိမ်​မြို့သား​တို့​သည်​လည်း ထာဝရဘုရား​၏​သေတ္တာ​တော်​ကို လာရောက်​ယူဆောင်​သွား​ကြ​ပြီး တောင်​ပေါ်​ရှိ​အဘိနဒပ်​အိမ်​၌ ထား​ကြ​၏​။ ထာဝရဘုရား​၏​သေတ္တာ​တော်​ကို​စောင့်ရှောက်​ရန် အဘိနဒပ်​၏​သား​ဧလာဇာ​အား သန့်ရှင်း​ခြင်း​ဝတ်​ကို​ပြု​ပေး​ကြ​၏​။