ယော​ရှု 24:17 - မြန်​​​မာ့​​​စံ​​​မီ​​​သမ္မာ​​​ကျမ်း​​

¹⁷ အကြောင်းမူကား အကျွန်ုပ်​တို့​၏​ဘုရားသခင်​ထာဝရဘုရား​သည် အကျွန်ုပ်​တို့​နှင့်တကွ ဘိုးဘေး​တို့​ကို ကျွန်ခံရာ​အိမ်​အီဂျစ်​ပြည်​မှ ထုတ်ဆောင်​ပေး​ခဲ့​သော​အရှင်​၊ အကျွန်ုပ်​တို့ မျက်စိ​ရှေ့​တွင်​ပင် ကြီးမား​သော​နိမိတ်လက္ခဏာ​များ​ကို ပြ​တော်မူ​သော​အရှင်​၊ လူမျိုးခြား​တို့​အကြား ဖြတ်ကျော်​လာ​ရ​သော​လမ်းခရီး​တစ်လျှောက်လုံး​တွင် အကျွန်ုပ်​တို့​ကို စောင့်ရှောက်​တော်မူ​သော​အရှင် ဖြစ်​တော်မူ​၏​။

Common Language Bible

¹⁷ အ​ကျွန်ုပ်​တို့​၏​ဘု​ရား​သ​ခင်​ထာ​ဝ​ရ​ဘု​ရား သည် အ​ကျွန်ုပ်​တို့​၏​ဖ​ခင်​များ​နှင့်​အ​ကျွန်ုပ်​တို့ အား​ကျွန်​ခံ​ရာ​အီ​ဂျစ်​ပြည်​မှ​ကယ်​တင်​တော် မူ​ခဲ့​ပါ​ပြီ။ ကိုယ်​တော်​ပြု​တော်​မူ​သော​အံ့​သြ ဖွယ်​ရာ​အ​မှု​များ​ကို​အ​ကျွန်ုပ်​တို့​မြင်​ခဲ့​ရ ကြ​ပါ​ပြီ။ နိုင်​ငံ​အ​သီး​သီး​ကို​ဖြတ်​သန်း ရာ​ခ​ရီး​တစ်​လျှောက်​တွင်​ကိုယ်​တော်​သည် အ​ကျွန်ုပ်​တို့​အား​ကာ​ကွယ်​စောင့်​ရှောက် တော်​မူ​ခဲ့​ပါ​သည်။-

Garrad Bible

¹⁷ ထာ ဝ ရ ဘု ရား သည် ဘိုး ဘေး တို့ နှင့် ကျွန် တော် တို့ ကို အ စေ ခံ နေ ရာ အိ ဂျစ် ပြည် မှ ထုတ် ဆောင်၍ မျက် မှောက် ထင် ထင် မ ဟာ နိ မိတ် များ ကို ပြ လျက် လူ အ မျိုး မျိုး တို့ ပြည် နယ် တွင် ဖြတ် သွား ရာ လမ်း ခ ရီး တစ် လျှောက် စောင် မ တော် မူ သော ကျွန် တော် တို့ ဘု ရား ဖြစ် ပါ၏။

Judson Bible

¹⁷ ငါ​တို့​ဘု​ရား​သ​ခင် ထာ​ဝ​ရ​ဘု​ရား​သည်၊ ကျွန်​ခံ​နေ​ရာ အဲ​ဂု​တ္တု​ပြည်​မှ အ​ဘ​တို့​နှင့် ငါ​တို့​ကို​နုတ်​ဆောင်၍၊ ကြီး​စွာ​သော​နိ​မိတ်​လ​က္ခ​ဏာ​တို့​ကို ငါ​တို့​မျက်​မှောက်၌ ပြ​တော်​မူ​ပြီ။ ငါ​တို့​သွား​လေ​ရာ​ရာ​အ​ရပ်၊ လျှောက်​လေ​ရာ​ရာ​လူ​မျိုး​တို့​တွင် စောင့်​တော်​မူ​ပြီ။

ယော​ရှု 24:17 ပူးပေါင်းရင်းမြစ်များ

၂ ရာ​ချုပ် 13:10

ငါ​တို့​အဖို့​မူကား ထာဝရဘုရား​သည် ငါ​တို့​၏​ဘုရား ဖြစ်​၏​။ ငါ​တို့​သည် ဘုရားသခင်​ကို မ​စွန့်ပယ်​။ အာရုန်​၏​သား​များ​သည် ထာဝရဘုရား​၏​အမှု​တော်​ကို​ထမ်းဆောင်​သော​ယဇ်ပုရောဟိတ်​များ ဖြစ်​ကြ​၏​။ လေဝိ​အမျိုးသား​တို့​သည်​လည်း အမှု​တော်​ကို ထမ်းဆောင်​လျက်​ရှိ​ကြ​၏​။

ထွက်​မြောက် 13:14

နောင်ကာလ​၌ သင်​တို့​၏​သား​များ​က ‘​ဤ​အမှု​ကား မည်သို့​ဆိုလို​သနည်း​’​ဟု သင်​တို့​အား မေးမြန်း​ကြ​သောအခါ သင်​တို့​က​လည်း ‘​ထာဝရဘုရား​သည် အားကြီး​သော​လက်​တော်​ဖြင့် ငါ​တို့​ကို ကျွန်ခံရာ​အိမ်​အီဂျစ်​ပြည်​မှ ထုတ်ဆောင်​တော်မူ​ခဲ့​၏​။

ထွက်​မြောက် 13:3

ထို့နောက် မောရှေ​က အစ္စရေး​လူမျိုး​တို့​အား “​ကျွန်ခံရာ​အိမ်​အီဂျစ်​ပြည်​မှ သင်​တို့​ထွက်လာ​သော ဤ​နေ့ရက်​ကို အောက်မေ့​လော့​။ အကြောင်းမူကား ထာဝရဘုရား​သည် အားကြီး​သော​လက်​တော်​ဖြင့် သင်​တို့​ကို ဤ​အရပ်​မှ ထုတ်ဆောင်​တော်မူ​ခဲ့​၏​။ တဆေးပါသောမုန့်​ကို​မ​စား​ရ​။

ထွက်​မြောက် 19:4

‘​ငါ​သည် အီဂျစ်​လူမျိုး​တို့​ကို စီရင်​ခဲ့​ပုံ​၊ သင်​တို့​ကို လင်းယုန်​၏​တောင်ပံ​များ​ပေါ်​တင်​၍ ငါ့​ထံသို့ ခေါ်ဆောင်​လာ​ခဲ့​ပုံ​တို့​ကို သင်​တို့​ကိုယ်တိုင်​သိမြင်​ခဲ့​ကြ​၏​။

ဟေ​ရှာ​ယ 46:4

ငါ​သည် သင်​တို့​အိုမင်း​သည့်​တိုင်အောင် ထိုသို့​ပြု​ပေး​မည့်​အရှင်​ဖြစ်​၏​။ သင်​တို့​ဆံပင်ဖြူ​သည့်​တိုင်အောင် သင်​တို့​ကို ချီပိုး​ထား​မည်​။ သင်​တို့​ကို ငါ​ဖန်ဆင်း​ခဲ့​ပြီ​။ သင်​တို့​ကို ငါ​ချီမ​ထား​မည်​။ ငါ​သည် သင်​တို့​ကို ထမ်းထား​မည်​။ ကယ်မ​မည်​။

တ​ရား​ဟော 29:2

မောရှေ​သည် အစ္စရေး​လူမျိုး​အပေါင်း​တို့​ကို​ခေါ်​၍ သူ​တို့​အား “​ထာဝရဘုရား​သည် အီဂျစ်​ပြည်​၌ ဖာရော​မင်းကြီး​မှစ၍ သူ​၏​အမှုထမ်း​အပေါင်း​တို့​နှင့်တကွ သူ​၏​ပြည်​တစ်ပြည်လုံး​ကို သင်​တို့​ရှေ့မှောက်​တွင် မည်သို့​ပြု​တော်မူ​ခဲ့​သည်​ကို သင်​တို့​တွေ့မြင်​ခဲ့​ပြီ​။

တ​ရား​ဟော 32:9

ထာဝရဘုရား​၏​ဝေစု​ကား မိမိ​လူမျိုး​တော်​ဖြစ်​၏​။ ကိုယ်တော်​၏​အမွေ​ဝေစု​ကား ယာကုပ်​ဖြစ်​၏​။

တ​ရား​ဟော 7:19

သင်ကိုယ်တိုင်​တွေ့မြင်​ခဲ့​ရ​သည့် ပြင်းထန်​သော​စုံစမ်းမှု​များ​ကို​လည်းကောင်း​၊ နိမိတ်လက္ခဏာ​များ​နှင့် အံ့ဩဖွယ်အမှု​များ​ကို​လည်းကောင်း​၊ အားကြီး​သော​လက်​နှင့် လက်ရုံး​တော်​ကို ဆန့်​လျက် သင့်​အား သင်​၏​ဘုရားသခင်​ထာဝရဘုရား​ထုတ်ဆောင်​တော်မူ​ခဲ့​သည်​ကို​လည်းကောင်း အထူး​အောက်မေ့​ရ​မည်​။ သင်​ကြောက်ရွံ့​ရ​သည့်​လူမျိုး​အပေါင်း​တို့​ကို​လည်း သင်​၏​ဘုရားသခင်​ထာဝရဘုရား​သည် ထိုနည်းတူ​ပြု​တော်မူ​မည်​။

ယော​ရှု 24:16

ထိုအခါ လူ​တို့​က “​ထာဝရဘုရား​ကို စွန့်​၍ အခြား​ဘုရား​များ​ကို ဝတ်ပြု​ခြင်း​အမှု​သည် အကျွန်ုပ်​တို့​နှင့် ဝေး​ပါစေ​။

ယော​ရှု 24:18

ထာဝရဘုရား​သည် ဤ​ပြည်​၌​နေထိုင်​သော​အာမောရိ​လူမျိုး​အပါအဝင် လူမျိုးခြား​အပေါင်း​တို့​ကို အကျွန်ုပ်​တို့​ရှေ့​မှ နှင်ထုတ်​ပေး​တော်မူ​၏​။ ထာဝရဘုရား​သည် အကျွန်ုပ်​တို့​၏​ဘုရားသခင်​ဖြစ်​တော်မူ​သောကြောင့် ထာဝရဘုရား​ကို​သာ ဝတ်ပြု​မည်​”​ဟု ပြန်ဖြေ​ကြ​၏​။